بنتي أم سنتين مجننتني

[لسه الدنيا بخير]

كيفكم يأخواتي إن شاء الله مبسوطين ومرتاحين

أدخل في الموضوع:
بنتي عمرها سنتين و8 شهور بس هي طفله خديجه :(*):



"مولوده في الأسبوع 24 ووزنها كان 550 غرام يعني أقل من كيلو" بصراحه أعتبرها آيه من آيات الله على قدرته
يارب لك الحمد والشكر <<<<<------------------ قولوا ماشاء الله تبارك الله وسبحان الله

مشكلتي معاها إنها دائما تضرب لأي سبب كان (مبسوطه، متضايقه، تلعب) وممكن بايدها أو بأي شي في يدها وشوفوا ساعتها لو كان حديده، كاس، جوال....................

وبصراحه ضربها مررررره يألم حتى لو كان بايدها "طبعا هي ما تفرق بين أبوها أمها اختها أو أي أحد ثاني حتى لو كان نايم"

والمشكله ماني عارفه أتفاهم معاها لأنها إلى الآن ماتتكلم صحيح السمع عندها سليم وتسمع بس أحيانا أحسها تفهم علي وأحيانا لأ

عاقبت
ابتسمت
ضربت "على خفيف"
بكيت "وأحينا يكون صدق وليس تمثيل"
سويت كل شي بس مافاد والمشكله إن الأمر جالس يزييييد وماني عارفه كيف أتصرف

فلو سمحتوا ساعدونييييييييييييييييييييييييييييي

هي الطفله الثانيه وليست الأولى

[لسه الدنيا بخير]

لأ يا أمهات أرجوكم الموضوع لا يروح للصفحه الثانيه

الموضوع مو سهل والله لايوريه لكم في واحد من عيالكم

على الأقل أرجوا الدعاء:)

[عطرالليالي]

الله يهديها ويصلحها وانا ما اشوف ولادتها المبكرة سبب في اللي تسويه

لكن حاولي تفهمينها بحزم انه الظرب ممنوع واذا اختها ما تظرب قوليلها شوفي اختك شاطرة ماتظرب ماما وشوي شوي تتعلم ...وعمرها الان مو صغير يعني تفهم وش تقولين حتى لو ماردت عليك

واذا رجعت تظرب بعد ماتنبهينها ...عاقبيها بانك تخلينها وقت ماتكلمينها او ماتلعبين معاها والله الاطفال ما يحبوا التطنيش ابد

والله يصلحها ويخليها

[ام لومي]

السلام عليكم ورحمة الله وبركاته
الله يخليها واختها لك ويجعلهم ذرية صالحة وبارة ومعافاة اللهم آمين جميعا ان شاء الله
شوفي حبيبتي
الأطفال وما ادراك ما الأطفال
اكثري من الاستغفار والصلاة على النبي عليه الصلاة وازكى السلام
ادعي في صلاتك
اقرئي عليهم
وهذي الأشياء داومي
يمكن بتقولين هذي ايش تقول شو دخل هذا في هذا
انت بس توكلي على الله وابدئي
والله يهدي سرك يا رب

[easlam22]

أن شاء الله ماعليها وديها على دكتور نفساني وحده من معارفي مثل بنتك الله أعلم من زمان ماشفته عمرها ست سنوات كأنها طاقة زايده في الجسم عطاها علاج وكأنها أحسن على كلام قرايبها

[أم رشوودي]

أختي العزيزه أول شيء الله يبارك لج فيهم ويهديهم ويصلحهم ثانيا أنا مع اختي أم لومي بالإكثار من الدعاء وقراءة القرآن عليهم لأنه القرآن الكريم أحسن دواء لتهدئة النفس ، ثالثا انا ولدي عمره سنتين الله يحفظه ويهديه ويصلحه من يوم كان عمره سنه وهو يطق ومثل ماقلتي بأشياء حاده احيانا وتعور ومن ضمنها المراضيع الزجاج الأمر اللي خلاني أحول للبلاستيك على طول:(*): عشان الضربه تكون اهون شوي ((K)) المهم بدايه كنت أكلمه وأهديه وأفهمه صج كان عمره صغير بس ماعليج يفهمون كل شيء الله يحفظهم ، والكلام طبعا ماجاب نتيجه وتتطورت عنده الحاله للعض لدرجة إنه عض ولد أختي اللي أصغر منه في عيونه والله أنا قلت يعني شلوون العين غايصه شلون قبضها وعضها والولد مسكين جاته حراره q) وكان لازم ياخذ مضاد حيوي للعضه لأنه طلع من عينه دم ( اكيد بتقولين وحش هذا مو ولد :(*): ) المهم صرت أضربه مو ضرب مبرح لكن يتألم منه على ايده طبعا ونفع شووي لكن مو وايد انتقلت للخطة الألماسيه وهي كرسي العقاب :ss: الصراحه فناان الكرسي مووو ولدي ، كان عندي كرسي حطيته بزاويه منعزله بالغرفه ومحد يستخدمه فقط للعقاب فكان كل مايطق ويصارخ أو يبكي بدون سبب أو أطلب منه شيء ومايسمع أو اقوله قول آسف يحقرني ومايرد أصرخ عليه بكلام حازم وأودي وأقعده على الكرسي وملامح وجهي تتغير يعني يبين علي إني جاده وحازمه في الأمر، طبعا لأن الطفل ينتبه حق كل شيء ، كان مايتحرك من مكانه بس أول أسبوعين ماجاب نتيجه بس بعدها صرت من أقول الكلمه يقول لي إن شاء الله ومن أقوله قول آسف يعتذر بدون مقدمات يسكت شويه ولما يشوفني مسكت ايده بوديه الكرسي يقول لي آسف وعلمته بعد مايتأسف يبوسني على راسي ، أدري عورت راسج بالقصه بس والله ماشاء الله عليه الله يحفظه ويثبته على حسن الخلق والسلوك إنه صاير مؤدب صج له حركات لأنه مازال طفل يعني بس أخف بنسبة 90% والفضل بعد الله لكرسي العقاب جربي وإن شاء الله يجيب لج نتيجه .


ملاحظه : أول مابديت اعاقبه وأجلسه على الكرسي كان يصارخ ويزلزل البيت ويقول لي بقوم أنا قلبي كان يعورني لأنه كان يبكي ويشهق بس دست على قلبي واستحملت ومااستسلمت كله عشان مصلحته عشان باقي اليهال مايكرهونه يعني يمكن يطول معاج الموضوع بس استحملي وخلج حازمه ولا تتنازلين عن طلبج :[]L لو مهما يصير وإن شاء الله الله يهديها لج ويصلحها .



أختج أم رشوووودي

[لسه الدنيا بخير]

أشكر لكم يا أخواتي
والله أنا دايم أقرأ عليها ودائما أدعوا لها والله المستعان

وأنا من أمس بديت لها بكرسي الأدب وإن شاء الله أستفيد

وجزاكم الله خير

[ام سهيل]

فكرتيني ببنتي بنتي كمان مولودة مثل بنتك بس في الاسبوع الثلاثين

بنتي ماتضرب لكن تحب تضم الاطفال وتبوسهم لكن الاطفال على طول يضربوا فالمسكينة صارت تمد يدها على الاطفال

لكن انا صرت اعمل معها هذا الشي
لما نشوف اطفال نمسح على راسهم ونبوسهم واقول لها حبو النونو حبيبي
حتى على نفسي وعلى اخوانها
والحمد لله نفع معها
وهي الان تفهم عليك بس يستهبلوا علينا

بنتي تلف وتدور معايا هي الان كملت سنتين وماشاء الله عليها تسوي مشاكل ومصايب لكن لما اسالها مين عمل هيك تقول على طول ربى .
تعترف يعني انها تفهم انه غلط.