يافا .... علمينا مما علمك الله ....

[أفنـ أم عمر ـان]

يافا ,
فهمت من كلامك إنك فناااااااااااانة بصنع الخبز , وبتعمليه أشكااال ألواااان ...

ممكن لو سمحتِ تكتبيلنا بهالموضوع أنواع الخبز اللي بتعرفيها كل يوم أو يومين نوع , ما بنثقل عليكِ(لا والله مش طالبه كتيير <<< اسم الله عليكِ !q) )

يافااااااا , حبيبة ألبي إنتِ ...علمينا :rolleyes:

شو رأيكم يا صبايا !!! ما بدكم تعلمنا , ترى يافا بتصحى كل يوم من الساعة 6 تعجن وتخبز وبتعمل الخبز أشكال ألوان ! يعني ما فينا نذوق خبزاتها خليها تعلمنا ...شو رأيكم ؟؟؟؟؟

[إيمان علي]

وأنا بأيدك مليون بالمية يا قطر الندى. أنا كمان طلبت منها طلب وقالت رح تحاول. طلبي كان (بدي تأييد)، بما انها فنانة بدي أتعلم تزيين الطاولة بالأكل، يعني التقديم presentation. تشكيل الأكل، وترتيبه والأكل الخفيف السريع مثل المعجنات البسيطة، والساندويشات اللذيذة. بشوف بالتلفزيون منظر الطاولة بيشهي أكثر من طعم الأكل.... يالله يافا، خلص صحيتي زمان، ردي علينا.

[جنة الخلد]

صراحه انا كمان اشتقت من كلامكم خواتى ياالله يا يافا احنا بنتظارك على احر من الجمر ..

[yafa]

يا جماعة الخير الكوميبوتر عندي بودع الله يعلم شو فيه طيب يا تلميذاتي الشاطرات انا رح اعلمكم الخبز المجدل اليوم اول درس ولا يهمكم وبعدين بنصير في الطاوله حبه حبه علي
المقادير

[yafa]

2 ملعقه كبيره خميره
6 ملاعق كبيره سكر 6 كوب طحين
نص ملعقه صغيره ملح
2 كوب ماء فاتره
3 بيضات ربع كوب زيت كانولا او مازولا ولا زعلكوا هذه خليليه زعلكوا
اشوي زعفران ونص ملغقه صغيره مستكه

[um samer]

شو يا يافا كمبيوترك ودع خلاص ،،يا ريته يكون ما ودع لحتى نتعلم الشغلات الطيبة ..وأنا مع الأخوات

[yafa]

اولا جيبي الطحين واعملي حفره فيه ومن حفره حفره لاخيه وقع فيها :) سخيفه والله بعدين
اخلطي البيض مع الماء وقبلها ذوبي الخميره بشوية ماء وديري كله بالحفره الله ما يوقع
حدا بحفره بعد ذالك بتدقي المستكه في امدقة التومه وبتضعي فيها سكر علشان اتذوب بسرعه
وبعدها بتكوني ناقعه الزعفران قبل 5 ساعات او ساعتين وبعد ذالك بتخلطي كل شي مع بعضه وبصير عندك عجينه امرتبه ومحترمه وهذه الوصفه ما بنفع فيها حليب لانه انا ما بحب الفلسفه
بالطبخ وبعد ذالك بعد ما تعجني كل شئ بتتركي العجينه تخمر ساعتين انا بصراحه بنصح
انه تعمليها قبل بيوم وتضعيها في كيس نايلون الله ما يخنق حدا حتي اتريحيها لانه اذا ريحتيها
بتريحك وبتمشي علي العجين ما بتلخبطه وبعد ذالك بترقيها علي لوح العجين

[yafa]

يا سينو صار الكوميوتر يمشي علي العجين ما يلخبطه بس عرف انه ايمان موجوده خايف منها والله وانا كمان خايفه اتوسطي لي عندها يا سينو ماهيي صاحبتك

[um samer]

بتصدقي يا يافا إنه بعد ما كتبت الرد الأول ودع كمبيوتري بس هلأ رجع ،،الله يخليلي إياه وما يحرمني منه (شفتي من كثرة ما هو غالي علي ) وبالنسبة لطريقتك ممتازة الله يسلم إيديكي ،،وبشو بدك إياني أتوسطلك عند إيمان !!!!!!!!

[yafa]

لما اترقيها بتعملي 3 حبال وبتلزقيهم من فوق اشوي وبتعملي جدوله يا خساره يا ليت عندي بنت
حلوه كان عملت لها جدوله وبعد ذالك بتجيبي صينيه بتمسحيها بالسمنه وبتحطي فوقها ورق شمع
او ورق فرن شو بعرفني اللي هو وبتتركي الجدوله وبتجيبي كيس نايلون علشان وبتحطي الصينيه
فيه وبعد ذالك بتتركيها تخمر من ساعه الي ساعه ونص وبعدها بتمسحي الجدوله في خلطة البيض

[أفنـ أم عمر ـان]

يا سلام عليكِ يا يافا , روحي يا يافا الله ينولك اللي في بالك دنيا وآخرة ...

[yafa]

لما اترقيها بتعملي 3 حبال وبتلزقيهم من فوق اشوي وبتعملي جدوله يا خساره يا ليت عندي بنت
حلوه كان عملت لها جدوله وبعد ذالك بتجيبي صينيه بتمسحيها بالسمنه وبتحطي فوقها ورق شمع
او ورق فرن شو بعرفني اللي هو وبتتركي الجدوله وبتجيبي كيس نايلون علشان وبتحطي الصينيه
فيه وبعد ذالك بتتركيها تخمر من ساعه الي ساعه ونص وبعدها بتمسحي الجدوله في خلطة البيض
وخلطة البيض عباره عن فانيليا مع صفار البيض وبس وبتدخليها الفرن
وملاحظه هذه هي عجينة الباريوش الفرنسيه وممكن تعملي منها اشكال والوان يعني بتعملي لفائف
وبتضعي فيها مربي او بتعملي شكلها مثل الدونات وبتحطي فيها تمر مع ينسون او بتذكرون
او محلب وبتقصقصصي اطرافها بطريقه فنيه وبتصير معك متل خبز التمر اللي بشهي اللي بشتروه
من مخبز الجميل بالكويت

[yafa]

اسمعي الفرن لازم يكون علي نار يعني 300 او 350 مو اكتر احسن بتحرق وبعدين جمليه من فوق مثلا باللوز
المقشر او البوبي سييد او بالسمسم وعلي فكره هذا اطيب خبز انا بحبه واللي علمتني طريقته اسمها
ام ابراهيم الله يرحمها ماتت من 16 سنه وعلمتني اياها وانا عمري 9 سنين وهي حجه كبيره بالعمر وماتت عمرها 95
وهي من بلد اسمها بيت صفافا والله يرحمها كنت اكثير احبها ومعجبه فيها وكانت تلبس توب فلاحي وبتعرفوا انه انا
عندي هواية تجميع لبس وخاصه اللبسه الرسميه من كل وما عندي توب فلسطيني يعني اللبس الرسمي لبلدي
ما عندي منه مع العلم عندي كل اللبس التاني بس مو مشكله الان صاروا يعملوا منه باستراليا
ولكم مني اجمل تحيه

[yafa]

تسلمي يا سينو علي الدعوه انت سكر معقود الله يسعدكم يا رب وينولكم الجنه بس عن جد اعملوها في

اسرع وقت وردوا علي اذا ما عندكم زعفران مو مشكله بلا منه حطوا عصفر واذا ما فيه عصفر مو مشكله

بتوسط لكم عند الخبز ولكم مني اجمل تحيه وايمان هلا دورك بالنسبه يا روحي للطاوله انا بصراحه ما بحب

احكي عن شئ الا لما ابعث معه صور لانه الصور لها توضيح ولكن علشان عين ايمان تكرم مرج عيون وبلا منها

الصور لازم قبل الطاوله يكون عندك فن وذوق في اختيار الالوان يعني احلي مفارش انا لقيتها هي الستان

ولكن يجب ان تحضري الستان اللي بيلبق علي لون عفشك الكنابايات والبرادي وبالمناسبه انا المصممه

البرادي وامخيطاهم في بيتي وانا لي ذوق رهيب في اختيار الالوان يعني لما حدي بده يعمل ديكور انا

اللي بصمم وبنفذ لكل الناس هون بس بشتغل فيها كنت يعني مو ببلاش لانه بتاخذ جهد وقت وتعب وبعدين

هلا فرشنا الطاوله لازم المفارش اتكون مقدمه بطريقه حلوه يعني مثلا تمسكي المنديل وتطويه مثل الاكورديون

وهذا بصير بالكوي يعني بستعملي المكواي وبعدين بتجيبي شبره حلوه وبتربطيها من النص وبعدين وبتوصلي الاكراف مع بعض

وبتصير عندك مثل الدائره وبتضعيها في الصحن وفيه عندي اشكال ثانيه لكن انتظروا انزل المواقع الخاصه لي قريبا خليها

مفاجاه يا جماعه وبعدين بالنسبه للصحون اي صحون حلوه عليها ورد جميل واهم شئ ما يكون مرسوم عليها حيوانات ولا خطوط ذهبي لانه

حرام بالاسلام وبعدها في مقاعد ذهبيبه او فضيه بتكون تحت الصحن بتحطيها عليه ولازم اتجملي الطاوله

بتحف صغيره بس مو حيوانات انا كنت احط تحف صينيه اكثير فخمه يعني التحفه ثمنها اغلي من الاكل بعدين لما اكتشفت انه حرام اهديتهم

لناس مسيحيه والله يسمحني علي عملتي فصرت اجيب تحف من الاحجار الكريمه بشكل خضار وفواكه وورود

[yafa]

بعدين لما اقدم الاكل لازم اكون طابعه قائمة الاكل لضيوفي لانه انا لما اعزم شخصين بعمل لهم فوق

35 صنف وانا عامله عزايم لاكثر من 100 شخص مره وبعدين بكتب اسم كل واحد من ضيوفي علي كرت من الكروت الفخمه وبصعها في الصحن

وكنوع من انواع الترحيب والكرم وبرقق معه هديه متواضعه حتي لما يطلع الاشخاص من عندي يتذكروني بالخير وبالمناسبه انا اكلو علي

مائدتي المتواضعه رؤساء دول وبعدين بضع في كل صحن ورد من الانواع التي تؤكل وايضا في وسط الطاوله بضع وردطبيعي وبعدين بيتي بكون عامله

فيه بخار ورد بعدين بقولكم كيف بعمله وهلا مع السلامه

[أفنـ أم عمر ـان]

يافا , لو سمحتِ بدي أسألك , كم يكون سمك العجينة لما نرقها ؟؟؟؟؟؟
وهاده الحبال بتكون يعني مرقوقة مو اسطوانية الشكل وكم عرضها ؟؟؟يعني بعرض الأصبع مثلا أو اكبر او أصغر ؟؟؟؟؟

والمستكه شو دورها ؟؟وبصير يكون الخبز من غيرها ؟؟؟لإني ما عندي !!!!
خبريني لإني بدي أعملها بأقرب وقت ....

وبانتظار الوصفة التانية من الخبز , بس أعطينا يومين نطبق هالنوع ...

وتسلمي يا ملكه يافا (كمان حقوق الطبع والتوزيع محفوظة ليافا) :) ....

[أفنـ أم عمر ـان]

واو!! 35 صنف!! 100 مدعو!! رؤساء دول!!!
مع مين إحنا بالزبط بنحكي يا جماعة !؟!؟!؟؟!؟!؟!؟!؟!؟!؟!؟!؟!؟!؟!؟!؟!؟!؟!؟!

[um samer]

والله صدقتي يا قطر الندى ،،رؤساء دول !!!!!!!!!!!!!،،،ماشاء الله ،،بس صراحه طريقة الخبز رهيبه ،،الله يسلم إيديكي يا ست يافا ،،أنا بعمل الفطاير المجدلة المحشية جبنة

[yafa]

اسمعوا المنتدي كان امسكر ما عم بشتغل وانا حاولت ادخل ما اقدرت كذا مره وبصراحه عن جد
صرت ابكي وصرت اقول وينك يا اسيره رجعي النا المنتدي علي كل حال الف الحمدلله علي

السلامه يا منتدانا العزبز والله ما يحرمنا منك يا رب ومن هالناس الطيبه عزيزتي قطر انا طلبت
منك ان تسالي ايمان عن ايميلي واضفيني عندك وهلا اعرفت انك من بيت دجن ليكون كمان من
عائلة الدجاني او الريماوي علي كل حال اهلا وسهلا فيك بالنسبه للخبز لا مو مرقوق بتشتغلي
فيه بيديك بدون شوبك وبعدين عرض الاصبع او نص اصبع وبعدها والطول لازم يكون تقريبا
30 سم وبعدين عزيزتي المستكه مهمه ياليت بعرف عنوانك كان بعثت لك واذا بدك اعطيني عنوانك وببعث لك مستكه عن جد بحكي والله العظيم لانه البييض زنخ بعمل زنخه ولازم
علشان اتروحي الزنخه اتحطي مستكه وبالنسبه للرؤساء اصله زوجي ابن الرئيس الحكومه
نفسها ولك مني اجمل تحيه

[estrellas]

يسلموا ايديك يافا هذا انت منك سهلة

بلش يطلع كل المخبى

[إيمان علي]

الله يسلمك يا يافا، كلك ذوق والله. شكل الطاولة من غير ما أشوفها، من خلال الشرح، باين انها تحفة فنية. بس أنا حابة كمان، ترتيب الأكل، يعني مثلاً بشوف العوامة مصفوفة فوق بعضها مثل الهرم. الفواكه مصفوفة ومشكلة ومزينة كأنها مزهرية. المعجنات مصفوفة بطريقة جميلة، هذا كثير حابة أتعلمه. لكن يبدو رح أستنى لحد ما تخلص المواقع تبعتك. والله يعطيك ألف عافية، غلبناكِ اليوم، بس الواحد بيضل عشمه كبير من اللي بحبهم.

[yafa]

تسلمي يا سوسو عزيزتي بس انا بخاف يكون حدا كاتب قبلي علشان هيك ما بحب اكتب وبعدين
ما بعرف شو بيعجبكم الناس اذواق وكل واحد بيختلف عن الثاني علي حسب الذوق وبالنسبه للعوامه يا ايمان عزيزتي انا ما بعملها اكثير لانه ما بحبها بس ولا يهمك تذوقيها بصير بتجيبي
العوامه وبتضعيها في الصحن وبتعملي طبقه علي شكل دائره وفوق هذه الطبقه وبتضعي طبقه
ثانيه وتالته حتي يتكون عندك شكل الهرم بحيث انه كل مره بتحطي طبقه بتضيقيها اكثر من اللي قبل وبالنسبه للفواكه انا بقدم الفواكه مع بوظه بطريقه فنيه اكثير حلوه يعني بدور علي كل الفواكه
الغريبه مثل النجمه والقشطه والصير والباشن فروت والللايشيز واشياء مو متذكراها

[yafa]

,وبقدمها في صحن التقديم بضع في كل صحن الفواكه علي الحواف وبعدها بضع كورات بوظه
وبضع عليهم شوكلاته سايحه ومكسرات واما الفواكه اللي بدك اياها فهي بتجيبي مثلا عنب تفاح
خوخ مشمش وبرقوق وغيروا وانجاص وبعد ذالك بتجبيي صحن التقديم وبتضعي فيه اورق
شجر كندا او الاوراق القديمه اللي مثلا بجمعها من الخريف وبعدها اذا كنا في الصيف بتحطي اي
ورق شجر حلو المهم انه بتنظفيه وبتجفيفه وبتستعمليه وبعدين بتجيبي الفواكه وبتدهنيها في بياض
البيض وبتغطسيها في السكر وبعدها بتحطيها في صحن التجميل بطريقه مرتبه وبتضعي بينها ورد الاوركيد والجوري والورد الجميل اللي بناكل وانا بفضل اورجيكي اياهم لما اعمل لهم اسكانر
علشان ما بعرف اشرح لك امنيح وبالنسبه

[yafa]

علي فكره انا كتبت لكم اشياء حلوه بس لما حدا يطلب مني ما قراتوا مواضيعي قبل انا دايما
كنت اعمل اشياء حلوه بس ما حدا بنتبه لانه بكتب تحت اسم حدا بكون طالبها حتي البقلاوه
ما حدا شافها وهذا شئ زعلني لانه احلي ما عملت من حلو

[أفنـ أم عمر ـان]

طيب بتصدقي يا يافا إني قسم المأكولات ما دخلته إلا من بعد ما شفت اسمك هون , طبعا ما شاء الله اكتشفت إنه في فنانات كتير معنا بالمنتدى وأنا مو دارية , بس فعلا اسمك اللي جر رجلي لهون ,
وما بخفيكِ مبارح جيت أعمل بحث لكل مشاركاتك في قسم المأكولات لكن للأسف نظام البحث في المنتدى ما ساعدني .....

لكن راح احاول وأحاول , لإنك ثروة يا يافا بكل معنى الكلمة وعرفتك مكسب كبير ما شاء الله عليكِ , ربنا يجعل محبتنا في سبيله .....

[أفنـ أم عمر ـان]

إيميلك باخده من إيمان إن شاء الله بس أنا ما حكيت معها على الماسينجر اليومين اللي فاتوا ...انا متشوقه للحكي معك كتير ...

[yafa]

تسلمي يا قطر الندي استعجلي بسرعه لانه في كلمة راس بدي احكيها لك لاني سوف انشغل هاليومين فخذي ايملي من ايمان لانه ما راح اقدر اطلع علي لك فتره ططططططططططططويله
وسوف اكون غلي الماسنجر ورجاء بسرعه رح اقول لايمان تبعث لك ايميلي ولك مني الف تحيه
بالنسبه لمواضيعي اذا بدك تتعلمي اي شئ مني روحي علي مواضيع يافا كلها واقريها علي
راحتك وعلي اقل من مهلك لا تستعجلي لانه في التقني السلامه وفي العجله الندامه ولك مني الف
تحيه لك وللكل الموجودين ومع السلامه

[أفنـ أم عمر ـان]

أخدت الإيميل .... نراكم ....

[rose-MS]

شكرا يافا على هاالخبز بيجنن....
وما خبرتينا عن بخار الورد
وكمان نبغى طبخات من ايدك الحلوه.
معليش كثرت عليك بالطلبات.