الله يوفقكن يا اخوات افضل روضة تحفيظ للبنات في جدة

[سيدة]

السلام عليكن ورحمة الله وبركاته
اخواتي لدي اخت عزيزة جدا تبحث عن مدرسة لتحفيظ الأطفال وتكون من النوع المتطور
اخواتي الله يجزاكن خيرا باللي تعرفنه اذكرنه

[البشرى]

عليكم السلام ورحمة الله

حبيت افيدك لكن ماعندي اي فكرة ياسيدة
ان شاء الله بنات جدة يفيدونك

[سيدة]

جزاك الله خيرا يا البشرى ما تقصري يا عسل
هيا يا بنات

[**غزلان**]

وعليكم السلام ورحمة الله وبركاته
ياهلا بسيدة ..كيف حالك
عندك في جدة مدارس التحفيظ كتيرة وانشطتهم حلوة مرة وعندهم دوامين صباح ومساء (عصر)
المهم هي موقعها في جدة فين لان المواصلات مهمة الا لوكانت هي حتتحمل المشوار لاجل كفاءة المدرسة
في مدرسة دار الهدى معروفة مررررررررررة ..وعندهم طريقة حلة لو كانت الطفلة من 3 سنوات يحفظوها القران كامل خلال كم سنة بس ..هم شداد نوعا ما اقصد يعني ماعندهم لعب دراسة يعني دراسة وموقعهم في العزيزية
وعندك فيض القران برضو حلوة وممتازين في القاعدة النورانية جنب الباروم
واسمع عن مدرسة الريان انه الطفل يتخرج من التمهيدي وهو حافظ جزء عم وتبارك
ماادري اذا صاحبتك في الشمال لانه في مدارس كتيرة في الشمال برضو بس ما عندي فكرة كبيرة عنها
كان عندي لستة بارقام التحافيظ في جدة اذا حبيتي ادورلك عليها
ان شاء الله اكون افدتك واي طلب انا حاضرة :)

[سيدة]

تابندة الله يجزيك خير ويجعله في ذريتك الأخت في البوادي عند سوق البوادي انا ماادري فين شرق جدة من غربها مع اني من سكانها ههههه
راح ابلغها عن هذه المدارس واذا تعرفي اكثر ياليت تفيدي الأخوات مع انه هذا راح يضيع علينا فرص التسجييل ههه

[سيدة]

وعلى فكرة كيكة بالدخن مفيدة ولذيذة تسلمي عليها

[**غزلان**]

اهلين بسيدة..
زي ما قلتلك كانت عندي لستة بارقام المدارس وان شاء الله ادور عليها وكتب اساميها
وحياك الله
اقول ياسيدة شكلك عارفه كيكة الدخن من اول والا لا ؟ اذا ماكنت جربيتيها من قبل انصحك تجربيها تراها لذيذة مرة
و تسلمي عالمرور ياقلبي