اختي ايمان علي ممكن تساعديني.... بلييييييز

[**غزلان**]

الاخت الغالية ..ايمان علي
السلام عليكم ورحمة الله وبركاته
سامحيني داخلة كدا عرض ...انا مادري لاحظتي وجودي في المنتدى والا لا ؟...بس انا كتير متابعة مواضيعك ودايما بادخل على سبيسك وانقيلي موضوع اتسلى بقراءته وقبل التسلية استفيد ..حقيقي تعجبني ارائك كتير وارجو ان يتسع صدرك لما عندي ..
انا بنتي الكبيرة في صف سادس ابتدائي يعني عمرها 11 ونص ومن السنة اللي فاتت التيرم التاني وهي كتير بتتعب بعد رجعتها من المدرسة وتبغى تنام الظهر وبعدين تقوم تحل واجباتها المدرسية وتشتكي من راسها ..وانا مااحب اولادي ينامو في الظهر ابدا ...نجلس جلسة واحدة لحد صلاة العشاء وبعدين يناموكلهم ..لكن الكبيرة تقول تبغى تنام الظهر واحيانا تبكي وتقولي راسي يوجعني كيف اذاكر بدي انام بل لاحظت انها صارت تشتكي من راسها اكتر من اول ......والله امس جلست ابكي ... مابدي اتعبها وفي نفس الوقت انا احب دا النظام تبعي ..واغلبية صاحباتها ينامو الظهر ..وانا مابدي كمان اخوانها يتاثرو ويقلدوها في نومها دا ..ايش رايك فكرت اجلس معاها واحاورها واشوف يمكن اطلع بنتيجة بس قلت استشيرك واشوف انت ايش رايك
وسامحيني على دي الغلاسة بس منكم نستفيد ...والمعذرة منك

[ام سهيل]

توتة وراك وراك

تعرفي نفس مشكلة سهيل من العام الماضي
من وقت يرجع من المدرسة بس صداع
وهذه السنة لانه المواد زادت وصارت الحصص سبع حصص يرجع مهلوك بس انه مع الصداع مايقدر ينام
ونفس الشي في الليل طوال الاجازة وهو يشتكي من الصداع وقلة النوم عادة يسهر من الالم .


ابونا مو فاضي نروح نكشف عليه اقول الولد من صغره يشتكي من عيونه مافي فايدة
طوال الاجازة وهو يوعدنا نعمل مواعيد للعيون برضه ماصار شيء .



توتة امكن بنتك بترهق وهذه فترة نمو يعني جسمها يحتاج غذاء كويس اختي كانت مثل بنتك وفي نفس السن قالوا فترة نمو الله اعلم امكن امونة عندها حل .

[**غزلان**]

الله يسعدك ياام سهيل ...ايش الطلة الحلوة دي .. سلامات على ابنك سهيل انا بنتي بالفعل نظرها ضعف السنة الماضية اكتشفت الامر ووديتها للطبيب وعملنالها نظارة بس برضو بتشتكي من الصداع و مش عارفة انومها في الظهر والا لا لانها بالفعل تكون تعبانة ومن ناحية اكلها فهو قليل بالفعل وماتحب تاكل اي شي
..الله يعين ان شاء الله ...على فكرة مرة فرحت انه سهيل قد ولدي مصعب عشان لما نروح المدينة يتعرفو على بعض ان شاء الله...تسلمي على مرورك ياقمر

[amurra]

يمكن محتاجه تعير النضاره

[**غزلان**]

اختي امورة جزيت خيرا على المرور بس نظارتها جديدة والله

[زرقاءاليمامه]

انا بقول خليها تنام بدرى وهى بتكون فايقه يعنى تاخد كفايتها من لنوم واعطيها عسل ابيض قبل خروجها للمدرسه بينشطها وخليها تسترخى بدون نوم مع كوب حليب دافئ بعد العوده وان شاءالله بتكون تمااااااااااااااااااااااااااااااام الله يحفظهالك ياتوتا

[حمرة الورد]

وعليكم السلام ورحمة الله وبركاته ..

شوفي يا أسماء .. لما كنا صغار طول عمرنا ماننام بعد المدرسة أبداً .. لكن لما وصلنا المتوسط فعلاً كنت أرجع من المدرسة مافي طاقة أرفع يدي من مكانها وكنت آخد دش وأتغدى وأنام ومرات والله نفسي أنام للمغرب ..

وكانت أختي ماتنام وأخاصمها وأقولها قيلي فإن الشياطين لاتقيل ..

ترى الحر والعباية وجو المدرسة القاتل يهد الحيل ..

أما الصداع مافي زي بعد ما جبت معاذ إلى اليوم .. لو تشوفي شكلي بس .. الحمد لله على كل حال ..

المهم : خليها تجرب مرة والا مرتين تنام بعد ماترجع من المدرسة وشوفوا كيف الوضع إذا مشي الحال وعلى الساعة 9:00 كانت في سريرها .. خليها تنام في الظهر ..

إذا تلككت وتأخرت قولي لها خلاص مافي نوم في الظهر ..

[إيمان علي]

أهلاً بك تابندة، وأشكرك على كلماتك الطيبة واعذريني لتأخري في الرد ولكن البارحة كان يوماً حافلاً بالمشاغل.
وعذراً للأخوات إن كنت سأكرر شيئاً مما قلنه ولكني لم أتمكن من قراءة ردودهن بعد.

بالنسبة لابنتك فأرى أن لا تتجاهلي مسألة آلام الرأس، فالصداع المتكرر ربما له معنى لا ندركه، هل تشعر بالراحة بعد نوم الظهيرة؟ هل تشعر بأن الألم زال بعد أن تأخذ حبوب تخفيف الألم؟ هل أخذتِها على الطبيب للتأكد؟

ابنتك بعمر ابنتي وإن كانت أي شيء مثل ابنتي فهي تنام متأخرة بعض الشيء عن الموعد المحدد.. ممكن أنك ترسلي أولادك كلهم للنوم فتجلس هي وتقرأ أو أنها لا تنام بسرعة فتتأخر، وهذا يسبب لها صداعاً بسبب صحوها المبكر، ولهذا تطلب النوم وقت الظهيرة.
حسب نصيحة طبيب صديق للعائلة، فقد أشار علي أن أعطي ابنتي كوباً من القهوة في الصباح حتى يساعدها على التركيز والنشاط وعدم الشعور بالصداع. طبعاً اعترضت على هذه الفكرة إلا أنه أصر أنه بدأ يعطي ابنه القهوة منذ سن السابعة.. وهذا أيضاً لم يعجبني، إلا أني أعطيت ابنتي كل صباح كوباً من الحليب الساخن مذاب فيه ملعقة نسكافيه. وهذا فعلاً ساعدها خلال النهار على الصحو والتركيز والتنبه. جربي النسكافيه صباحاً قبل الذهاب للمدرسة. وأرسليها للنوم مبكرة وأصري أن عليها النوم وعدم القراءة وإن شاءت القراءة بإمكانها أن تقرأ أبكر من موعد نومها. وإن قالت أنها لا تتمكن من النوم بلا سبب، فأشيري عليها بأخذ حمام دافئ قبل النوم مع التأكد من جفاف الشعر قبل نومها وأن تأخذ كوباً صغيراً من الحليب الدافئ لأنه يرخي الأعصاب. لا تدعيها تأكل أو تشرب أي شيء منبه قبل النوم بثلاثة ساعات، مثل عصير البرتقال أو أكل السكريات لأنها كلها منبهة. كذلك أنصحها بعمل رياضة خفيفة مثل اليوجا قبل النوم.


بالطبع نومها نهاراً سيجعلها تنام متأخرة ليلاً، هذا طبيعي، ولهذا فلتحاول بمساعدتك أن لا تنام في النهار ليوم حتى تجرب إن كانت تشعر بالنعاس ليلاً أم لا.

[حمرة الورد]

أهلين أيمان :)

تصدقس فكرت في فكرة القهوة وقلت أعطيهم كمية بسيطة جداً .. لكن جوزي رافض ..

كمان مدرة للبول ورح يضطروا يستعملوا حمام المدرسة ..

أرجع أفكر في الموضوع ..

[ام سهيل]

توتة انا للي فرحت بمعرفتك هيا في انتظارك في المدينة
وربنا يسلمك


لكن ممكن تخليها تنام لو نص ساعة الى ساعة الا ربع
وربنا يعينك.

تعرفي ممكن النظارة هي السبب انا لما اغير النظارة بعد الفحص اجلس فترة ماسكني الصداع

بس لما اتركها واريح عيني فترة ترتاح .

[**غزلان**]

جزاكم الله الخير كلكم ..مرة اسعدني تجاوبكم وردكم ..حسيت انه احد معايا في دي المعمعة اللي مالها نهاية
زرقاء اليمامة ذكرتيني بالعسل الله يذكرك الشهادة ..انا كنت كل يوم اعطيهم ملعقةعسل قبل خروجهم بس الاجازة ولخبطتها نستنا دا الشئ ...ان شاء الله ارجع للعسل تاني
اما بالنسبة للاسترخاء فمرة صعب لانها لو استرخت شوية حتنام فورا من التعب ..الحليب برضو مهم ..بس انا اللي عندي يحبوه بالشوكليت ..
يعطيك العافية على مرورك وردك ياقلبي

حمورة ياحبيبة فرحتيني بردك ..انت عارفة كيف الجسم يكون بعد الرجعة من المدرسة علشان كدا انا قلت حرام اظلمها معاي بلكن جسمها يحتاج راحة اكتر ..يعني مو كل واحدة زي التانية
راح اجرب انومها بس ساعة عشان ماتتاخر في الليل .....والله يعين ..شكرا لك ياجميل

اهلين امونة اخيرا ظهر القمر ..:ss:
انا عارفة ان بنتك بعمر بنتي من خلال مواضيعك ..عشان كدا قلت اكيد عارفة الوضع
المهم اننا اخذناها للطبيب وعملها نظارة ومالها ستة اشهر لسة يعني لسة ماتحتاج تغيير
وبالفعل هي دايما اخر واحدة في النوم ..لكني حاصر على النوم المبكر ..والله يعيننا
وراح اجرب فكرة النسكافيه ..ومن ناحية الاكل انا ما باعطيهم شئ غالبا بعد تناول العشاء
جزاك الله خير على ردك وافكارك ياعسل ..على فكرة ايش اسمها بنتك انا بنتي اسمها ايلاف :)

ام سهيل ياهلا فيك ..والله انا اللي مبسوطة مرة ونفسي اشوف نسيبة بس واقلها اتعرفت على صاحبتك ((K))
ان شاء الله بس نطلع عالمدينة راح اديكي خبر ..بس مااعتقد يكون قريب عشان ظروف المدرسة لاننا لما نروح المدينة نحب نجلس كم يوم
بالنسبة للنظارة راح اشوف واوديها للدكتور تاني لاني ابغى اتاكد من نظر اخوها كمان .. شايفة الحوسة :K) ..الله يسهل
شكرا لك ياغالية تسلميلي :)