PDA

View Full Version : '';,...,;'' الفلافــــل من مطبخ دندوون بالصـــور '';,...,;''

Dandoon
09-09-2006, 03:00 PM
السلام عليكم و رحمة الله وبركاته

انتظروا .. فلافل دندون الشهية...
تابعوني
omroro-4
09-09-2006, 03:41 PM
تسلمي بس للاسف ما ظهرت عندي الصور
Dandoon
09-09-2006, 04:23 PM
بتعرفو شو عملت :)
شكلي مسحت الصور من مركز التحميل بعد ما خلصت الموضوع !! معلش لا تواخذوني هلا بحاول ازبطها
Dandoon
09-09-2006, 04:50 PM
السلام عليكم و رحمة الله وبركاته

بما اني صايرة اموووت بالفلافل و زوجي مش ملحق علي ، قلت خليني اخفف عليه شوي و اعمله بالبيت ( مع انه يا ريت كل شي رخيص متل الفلافل ) بس لانه فلافل المطاعم مرات بوصلني بارد ، و مرات بكون مش معمول مزبوط فبصيبني مغص .. اليوم الصبح عملت شوي و قلت لازم حبايبي في لك يشاركوني هالعجقة .. هي مو كتير عجقة يعني ما تخافو

بسم الله نبلش بالمقادير و الطريقة مع بعض
اول شي كاستين فول و نص كاسة حمص ، بننقعهم بالمي 12 ساعة او اكتر ..

http://www.lakii.com/img/all/Sep06/uOPQ8r09090732.jpg

تاني يوم او بعد ال 12 ساعة بنحضر بقية المقادير:

نصف ضمة كزبرة
ملعقتين بقدونس مفروم
ربع كوب خبز يابس مكسر
3 رؤوش ثوم ( رؤوس مش فصوص )
3 بصلات ( مو كتير كبار وسط)

و البهارات::
ملعقتين كبار ملح
ملعقة صغيرة فلفل اسود
ملعقة صغيرة بهار
ملعقة صغيرة كزبرة مطحونة
نصف ملعقة صغيرة كمون
نصف ملعقة صغيرة قرفة
ملعقة صغيرة كربونات الصودا
ملعقة صغيرة بيكنج باودر
http://www.lakii.com/img/all/Sep06/CeGk8W09090732.jpg

بنصفي الفول و الحمص من المي منيح

http://www.lakii.com/img/all/Sep06/fSZAPz09090733.jpg

بعدين بنطحن الفول و الحمص بمفرمة اللحمة يفضل عالناعم

http://www.lakii.com/img/all/Sep06/Y6UwTh09090734.jpg

بنضيف الثوم و البصل اثناء الطحن

http://www.lakii.com/img/all/Sep06/EMSU9o09090735.jpg

بعدين بنضيف الخبز اليابس، كمان اثناء الطحن

http://www.lakii.com/img/all/Sep06/874bq909090735.jpg

بنفرم البقدونس و الكزبرة و بنضيفها عالخليط المطحون

http://www.lakii.com/img/all/Sep06/c1GuhJ09090736.jpg

بنخلطهم و بنفرم مرة تانية عالماكنة مرتين ورا بعض

http://www.lakii.com/img/all/Sep06/OhfQAY09090737.jpg

بعدين بنضيف عالخليط البهارات و الملح و البيكنج باودر

http://www.lakii.com/img/all/Sep06/pOPthd09090749.jpg

بنعجن مزبوووط و بنغطي الخليط و بنخليه ساعة و نص لساعتين يتخمر
ممكن تشموا الريحة كلها بصل و توم بالاول .. بس بعد شوي بتخف الريحة و بتروح بعد اكتمال مدة التخمير
Dandoon
09-09-2006, 04:53 PM
بعد ما تتخمر الخلطة ، اعجنيها مرة تانية شوي
جهزي المعلقة الخاصة بالفلافل ، و بيجي معها معلقة مسطحة عشان تسوية الفلافل

http://www.lakii.com/img/all/Sep06/rDAkds09090744.jpg

و كمان جهزي صحن صغير في ماء بارد عشان بين كل حبة و حبة تغمسي المعلقة فيها حتى ما تلزق

سخني الزيت و حطي كمية من الخلطة في الملعقة و سويها بالملعقة المسطحة

http://www.lakii.com/img/all/Sep06/756LyR09090744.jpg

نزلي الحبة بالزيت و اغمسي الملعقة بالمي بعدين كرري العملية لحد ما تعبي المقلاية ( انا ما لحقت اعبيها اول مرة لانه كان الزيت سخن خفت ينحرقو ) , وديييروا بالكم ما تكون المعلقة فيها مي حتى ما يطرطش زيت

http://www.lakii.com/img/all/Sep06/GWjtMr09090745.jpg

قلبي الحبات حتى يتحمرو منيح ( ممكن يكون الزيت اصلا كتير و يغمر الحبات فما تحتاجي انك تقلبيه )

http://www.lakii.com/img/all/Sep06/srBoQd09090745.jpg

و هاد هو الشكل النهائي ( معلش كان عنا صحابنا و يااااا دوب خليت شوي اصورهم )

http://www.lakii.com/img/all/Sep06/6Wb4B709090746.jpg

و بيتقدم مع سلطة الفلافل ( الطحينية ) و اللي طبعا ما لحقت اصورها بس اللي بتحب تعرف طريقتها من عيوووني

و صحتين و هنا
و سامحونا على شكل الصور اول مرة بنزل موضوع مصور
omroro-4
09-09-2006, 07:38 PM
رااااااااااااااائع تسلم ايديك صور واضحه وحلوه تعبناك الله يعطيك العافيه
الـ طبعي ـود
09-09-2006, 07:52 PM
تسلم ايديك ماشاء الله فلافل اممممممممم

الله يعطيك العافيه

انتبهي مره ثانيه تمسحي شي :S:

:D
Dandoon
09-09-2006, 08:15 PM
ام رورو و الود طبعي :) الله يعافيكم ويسلمكم ،، و ان شالله المشرفة تحذف الردود اللي في الاول اللي ما فيها صور
شكرا لمروركم
وعود الخير
09-09-2006, 09:34 PM
واخيرا
ظهرت فلافل دندون الشهيرة
تسلمي يا قمر
هنلي
09-09-2006, 09:39 PM
شفت نفسي راحه اتصل بزوجي اطلب يجيب معاه هههههه والا باجي عندك
سلم هالايدين يا اختي
Dandoon
10-09-2006, 12:25 PM
وعود الخير تسلمي على انقاذ الموقف :D
هنووول تفضلي بعمللك شوية سخنين :) تسلمي لمرورك يا عسولة
the-kind-queen
10-09-2006, 01:08 PM
تسلم ايديك

كان نفسي اشوف طريقة الطعمية او الفلافل خطوة خطوة وبالصور

من زمان شكراً
عبير القدس
10-09-2006, 04:13 PM
تسلم هالديات دندوووووووون
شكلهم بيشهوا كنتيييييييييييييييييييييييييييييييييير
عذبة لحساس
11-09-2006, 11:45 AM
ماشاء الله تبارك الرحمن روووووووووعة

تسلم يدك انشاء الله نويت اشتري الفراومة واجرب طريقتك باذن الله
#جاردينيا#
11-09-2006, 12:09 PM
مشكورة دندوووووووووووووووووووون على الفلافل الطيبة
Dandoon
11-09-2006, 12:50 PM
تسلموولي يا حلوين و اللي بتجرب يا ريت تخبرنا شو صار معها :)
تورتاية بالكريز
11-09-2006, 05:40 PM
تسلم ايديكي والله ع الطريقة والتعب بس النتيجة ممتازة ماشاء الله والف شكر على مجهودك وتعبك الله يعطيكي العافية اختي العزيزة.
Dandoon
11-09-2006, 08:13 PM
تورتاية بالكريز شووو هالاسم اللي بشهي :) الله يعافيك و تسلمي يا رب
بوشتية
11-09-2006, 11:19 PM
السلام عليكم

كان منى عيني اشوف فلافل او شفتها عاى اديك اختي الفاضلة

لكن عندي طلب ارجوك طريقة الطحينية

مشششششششششكورة اختي شهية جددددددددددددددددددددا
ام حكم
12-09-2006, 11:33 AM
يا سلالالالالالالالام ريحة الفلافل واصلة لعندي بجد شكلها بشهي

يا خسارة راحت علي مش كنت تعزميني وانا عندكم بالاردن يالا خيرها بغيرها

يسلموووووووووو دندووون على طريقة الفلافل
Dandoon
12-09-2006, 04:16 PM
بوشتية اهلا و سهلا فيكي ، ،سلطة الطحينية سهلة كتييير : بتفرمي بندورة و بصل ( لا تكتري بصل ) يعني مثلا بصلة صغيرة مع حبتين بندورة كبار ، و بتحطي عليهم ملعقتين كبار طحينية ، و ملعقتين كبار لبن زبادي و بتعصري نص ليمونة مع رشة ملح ، و بتخلطي منييييييح لحد ما تصير الصلصة كثيفة و متجانسة ، و ممكن تضيفي نتفة مي اذا حبيتي تكون مرقة و تتاكل بالملعقة لكن هاي ممكن بالساندويشات

ام حكم بسييطة المرة الجاي ان شالله بتشرفينا و الك احلى فلافل :D
طيـــف
13-09-2006, 11:37 AM
اششششششششش اششششششششششششش

هم الحلوين لما يصيرو ماما بتطلع منهم هيك تفانين

والله رائعه جد شهتيني الكلحه:)
Dandoon
13-09-2006, 07:48 PM
اهلا طيوفة نور الموضوع والله
لا حبيبتي انا هلا مشروع ماما لما اصير ماما ان شالله ما رح افضى و لا رح تشوفو خلقتي :D
ام البنين1977
13-09-2006, 08:28 PM
أنا شكلي رح أجرب الفلافل على طريقتك يا دندون , يسلمووووووا هالإيدين
أحب زايد
14-09-2006, 04:54 PM
تسلمين على الطبق الرائع والصور الأروع , الصراحة ما صدقنا تظبط معانا طريقة الفلافل وإن شاء الله نجرب طريقتط..
-سمر-
16-09-2006, 03:08 AM
الله يعطيك العافيه
fantasy
16-09-2006, 07:51 AM
يعطيكي العافية ):K
الفول الي انتي حاطيتة بلصورة ما لقيت منة بلمحلات العربية عندنا
فيي استخدم الفول العريض هو شكلا بشبهة بس رايح بلعرض وبحاول انزلك صورتة
بكرة بتوقيتنا شجعتبني اجربة مع الفول سلام:-D
Dandoon
16-09-2006, 10:52 AM
ام البنين
احب زايد
ام داليا
مشكورين لمروركم و اللي بتجرب تحكيلنا شو صار معها :)

فاتنازي :) حبيبتي متهيألي بصير العريض مش مهم و يا ريت نشوف نتائج تطبيقك
صحتين و هنا
fantasy
16-09-2006, 10:05 PM
مراحب
هذا هو النوع الي لقيتة
الحبة اكبر وأعرض وقشرتة قاسية وتخينة انا بعرف شو حكيتي بس بدي اتاكد مية بلمية http://www.up4world.com/images/store06/38ef8d948f.jpg (http://www.up4world.com/images/)
Dandoon
17-09-2006, 03:34 PM
فانتازي
اعتقد حبيبتي هاد النوع لما تنقعيه بينفصل قشره يعني بيتقشر
انت جربي و اذا ما تقشر انقعيه اكتر من 13 ساعة لحد ماينطحن معك بسهولة
طيـــف
18-09-2006, 12:08 PM
الله يقومك بالسلامه يارب حبيبتي

ويكرمك بالذريه الصالحه

بوسي لي دندووووش وزيود وجنون
ام انسام
18-09-2006, 12:55 PM
والله شي رائع انا بصراحة ما بعرف كتير في المطبخ بس اعجبتني الطريقة وناويه اساويها تسلم ايدينك
بنت طيبة الطيبة
18-09-2006, 10:24 PM
مشكورة حبيبتي دندووووون ويسلموا ايديكي ان شاء الله على الفلافل الرهيبة وان شاء الله باسويها.
%صمتي كلام%
20-09-2006, 08:54 AM
يعطيك الف الف عافيه على الفلافل اللي بتفتح النفس ياسلام على سندوتشات الفلافل بالطحينه والمخلل بس انا مشكلتي بالفلافل انه لما انقع الحمص من الليل واجي اليوم الثاني عشان اجهزها تكون فيه ريحه مره قويييييييييييييه مو حلوه وتسد النفس حتى زوجي صار يعلق عليه يقول بتساوين فلافل وريحتها عدمت البيت .ايش السبب وايش افضل نوع حمص ياليت اللي بالسعوديه يقولوا لي افضل نوع وبالاسم......اناوراها وراها لحدما تزبط معي (تححححدي )