فطيرة بالمهلبية من مطبخى شخصيا ولأول مرة (بالصور)

[buenachica]

السلام عليكم ورحمة الله وبركاته

أخباركم إيه يا بنات .. وحشتونى

إمبارح بالليل طقت فى دماغى أعمل حاجة حلوة وبعدين وانا لسة هبدأ طقت فى دماغى أصور الخطوات علشان تشوفوها وقولت لو طلعت كويسة هنزلها على المنتدى ولو مطلعتش هخفى على الخبر مجور ولا كأن حاجة حصلت

بس الحمد لله ربنا ستر وطلعت كويسة

إتفضلوا بقى شوفوها

نقول بسم الله

أولا .. نعمل المهلبية .. وطريقة عمل المهلبية بتاعتى كالآتى

نحط مقدار كوبايتين لبن كبار على النار وبعدين ندوب معلقتين نشا كبار فى نص كوباية ماية .. وبعد ما اللبن يغلى نشيله من على النار ونبدأ نضيف النشا واحدة واحدة مع التقليب المستمر وبعد ما نقلب كويس لحد ما تبقى ناعمة خالص نحطها عل النار تانى ونقلب برده لحد ما تتقل شوية وتبقى سميكة زى المهلبية المعتادة بتاعتنا دى كانت المهلبية بتاعتى



http://www.up2up.com/0906/825d05bedc.jpg



بعد كدة نسيبها تبرد شوية صغيرين مش كتير خالص .. وبعد كدة نجيب كيس نايلون ونغطى وشها كدة زى مانتوا شايفين فى الصورة علشان لما تبرد ما تعملش وش تخين فوق وتفضل كلها زى بعضها وبعدين نحطها فى التلاجة ونبقى نرجعلها بعدين



http://www.up2up.com/0906/fac29fe77d.jpg



بعد كدة نبدأ فى تحضير عجين الفطيرة .. المقدار إللى أنا عملته 3 كوبايات دقيق وزودت عليهم ماية للعجن خدت منى كوبايتين مية وذرة ملح ... بس إنتوا مترتبطوش بنفس مقدار الماية بتاعى المهم العجينة تبقى كويسة وخلاص

أنا بحب أنخل الدقيق قبل إستعماله دى حسب الرغبة



http://www.up2up.com/0906/b20fb265f0.jpg


خلطت الدقيق مع الماية والملح وحطيتهم فى العجان بس كل شوية أشوف إن كانت العجينة محتاجة ماية أو دقيق تانى علشان تتظبت والمهم فى الآخر ظبتها بحيث إنها تكون مطاطية ومتلزقش فى الإيد



http://www.up2up.com/0906/7b2a282f98.jpg


وبعد كدة طلعتها من العجان وبدأت أعجن فيها بإيدى جامد علشان تندمج مع بعضها لحد ما بقت بالشكل ده


http://www.up2up.com/0906/a65327bdd5.jpg



وبعد كدة قسمتها لتلت كور بعدد الفطير إللى أنا هعمله .. وسيبتهم شوية علشان العجين يرتاح شوية .. حوالى ربع ساعة عملت فيهم شوية حاجات تانية فى المطبخ


http://www.up2up.com/0906/54e21564d5.jpg




وبعد كدة روحت جيبت المهلبية من التلاجة وجبت سمنة علشان أدهن بيها الفطير وجبت مكسرات أى مكسرات موجودة عندك فى البيت تنفع طبعا


http://www.up2up.com/0906/ba4d0d6d62.jpg


وبدأت أفرد العجينة


http://www.up2up.com/0906/c681f1a331.jpg


إفردى على أد ما تقدرى كل ما تتفرد أكتر كل ما كان أحسن حتى لو إتقطعت من مكان مش مشكلة .. أنا فردتها زى مانتوا شايفين كدة


http://www.up2up.com/0906/4f8a00497d.jpg


http://www.up2up.com/0906/51a143ea9c.jpg


http://www.up2up.com/0906/ca2d8218d8.jpg


بعد ما أخلص الفرد خالص أدهن العجينة بالسمنة



http://www.up2up.com/0906/bc7f9843fe.jpg


وبعدين أتنيها من الجنبين زى مانتوا شايفين وكل جنب بعد ما بتنيه بدهنه بالسمنة


http://www.up2up.com/0906/c70c4f388c.jpg


http://www.up2up.com/0906/59021c1e9d.jpg


وبعدين أفرد تانى العجينة علشان تعرض شوية


http://www.up2up.com/0906/b6fc19d13a.jpg


وبعدين أضيف المهلبية وعليها المكسرات


http://www.up2up.com/0906/ad15939ea9.jpg


بعد كدة أقفل عليها العجين زى مانتوا شايفين كدة


http://www.up2up.com/0906/e6045d5171.jpg


http://www.up2up.com/0906/d60204a213.jpg


http://www.up2up.com/0906/8da5d71691.jpg


بعد لما خلصت التلت فطيرات بنفس الطريقة حطيتهم فى الفرن ووطيت الفرن خالص



http://www.up2up.com/0906/cc869abc66.jpg


كل لما أحس إن الفطيرة إحمرت شوية من تحت أقلبها على الوش التانى وأرجع بعد شوية أقلبها تانى وفضلت أقلب كدة تقريبا ساعة علشان تستوى براحتها لحد ما تبقى تقريبا بالشكل ده


http://www.up2up.com/0906/2ca41c263c.jpg


وبعد كدة قطعتها ورشيت عليها سكر بودرة


http://www.up2up.com/0906/16237908cc.jpg


دى صورة من قريب شوية


http://www.up2up.com/0906/4ff2b001de.jpg


وبالهنا والشفا

[شذىالعطور]

ماشاء الله جميلة وشكلها لذيذ http://www.lakii.com/vb/images/icons/13.gif

الصور واضحة المعالم والشرح وافى تماماً http://www.lakii.com/vb/images/icons/16.gif

تعرفى ان العجينة تنفع تكون فطير مشلتت .... طريقة فردها وثنيها وطريقة وضع السمن عليها

بس فى الفطير المشلتت لاتفرديها مرة اخرى ولفيها مثل الاسطوانة ثم افرديها بيدك بطريقة دائرية

جزاكِ الله خيرا على فكرتكِ http://www.lakii.com/vb/images/icons/icon20.gif

[عبير القدس]

تسلم هالديات يا رب
و يعطيكي الف عافية على هالطبق اللزيزززززززز و الفكرة الالززززززززززززززززززززززززز

[عذبة لحساس]

هلا اختي الغالية

ماااااااااشااااااااااااء الله روعة الله يعطيج العافية
تســـــــــــــــــــــــلـــــــــــــــــــ ـم يدكــــــــــــــ عيوني

[omroro-4]

فطيره رائعه جدا ومتميزه تسلم ايديك

[buenachica]

جزاكم الله كل خيييييييييييير على التشجيع الجميل ده بارك الله فيكم

[Hamsat Eshog]

تسسلم ايدج أختي:)
شكلها يشهي:)

[*زهرة السلام*]

وعليكم السلام ورحمة الله وبركاته
ما شاء الله شكلها شهى كتير

[أم فئ]

مشكورررره


يعطيك العافيه وتسلم ايدك


دمتي بخير:D

[الورد فى الاكمام]

مشكوره اختى buenachica..الله يعطيك العافيه

[buenachica]

جزاكم الله كل خير وبارك الله فيكم

[home2004]

ايه الافكار الحلوه ديه شكرا علئ الطبق الحلو وهل ممكن نستبدل المحلبيه بشي اخر؟؟؟؟؟؟
وهل تؤكل بارده او سخنه؟؟؟

[buenachica]

السلام عليكم ورحمة الله وبركاته
جزاكى الله كل خير
أكيد تقدرى تستبدلى المهلبية بأاى حاجة تانية .... أنا كمان بفكر إنى أستبدلها بشاورمة أو سجق أو أى خلطات تنفع للسندوتشات كوجبة غداء أو عشاء
أنا عن نفسى أكلتها سخنة وباردة بس أكيد بتكون أحسن وهى سخنة

[نجمة الصباح.]

تسلم ايدك صحيح بتجنن ان شاء الله اعملها على رمضان.

[buenachica]

جزاك الله كل خير ربنا يكرمك

[الـ طبعي ـود]

تسلم ايديك

خساره الصور مو طالعه عندي

[soso22]

مشكوووووووره :)

بس الصور مش واضحين عندي:K) :K) :K) :K) :K)

[أم احمد4]

الصور مو طالعة ياريت تنزليهم مرة تانية جزاك الله خير

والف شكرلك

[-سمر-]

الله يعطيك العافيه

[manalo]

تسلم ايدك ويعطيك العافية