احقونى يا بنات بسرررررررررررررررعه

[rose_flower]

الحقونى يا بنات عندى حفله زفاف الاسبوع ده وعايزه الف الطرحه بطريقه مبتكره وجديده وشيك
لو حد فيكم عنده صور لطريقه لف الطرح يا ريت يفيدنى لانى مش عارفه اعمل ايه
بس ياريت الردود بسرعه عشان اقدر استفيد منها ومرسى ليكم
ويارب الى ترد عليه نفرح بخطوبتها قريب وان كانت مخطوبه يبقى تفرحنا يزواجها وان كانت متزوجه يارب تشوف بناتها كده عرايس زى القمر وتفرح بيهم
منتظره ردودكم على احر من الجمر

[rose_flower]

على فكره انا من الضيوف يعنى مش انا العروسه يعنى عايزه لفه للسهره يلا بقى قلولى اعمل ايه

[كتكوتة مصرية]

فيه فى المنتدى هنا لفات طرح اللى كانت عملاها نانيس سليم وفى لفات طرح تانية كتير بس انا عن نفسى كنت فى فرح قريب ولفتها لنفسى وكانت جميلة ممكن اشرحهالك كده لان مش عندى صور وعندى صور نانيس لو عايزاها ابعتهالك بس والله اسمعى كلامى اشرحلك اللفة اللى انا عملتها هى بسيطة وحلوة ((K))
او اخلى حد يصورنى واوريهالك هههههههههههه

[rose_flower]

شكرا يا حبيبى ياريت لو ممكن تشرحيلى الطريقه بتاعتك الى لفتيها بيها
او لو عندك لفات حلوه تشرحيهالى

[rose_flower]

شكرا يا حبيبى ياريت لو ممكن تشرحيلى الطريقه بتاعتك الى لفتيها بيها
او لو عندك لفات حلوه تشرحيهالى

[كتكوتة مصرية]

بصى يا قمر::JH::
الاول اقسمى شعرك من الجنب او النص ذى ما انتى عايزه علشان شد الشعر لورا غلط جدا وانتى لابسة الطرحة وبينحله:-M تمام يا باشا وباقى شعرك اعمليه كحكة بسكر ورا
هاتى بندانا ستان على حسب لون الطقم اللى هتلبسيه والبسيها الاول بتدى شكل حلو لو مش عايزاها خلاص ما علينا منها
تجيبى اول طرحة هتلبسيها اتنيها الاول عشان يبقى عرضها على قد الراس بالظبط وتربطيها لورا اسبانيش جامد بحيث يبقى طرف قصير اوى وطرف طويل
بعدين تاخدى الطرف الطويل وتبرميه جامد وتلفيه حولين الكحكة بسكر وطول ما انتى بتلفى دخلى دبابيس فى اتجاه الكحكة بسكر وثبتيها نفسها بانك تيجى عند طرف الجزء المبروم وتخدى حته منه وتثبتيها فى الطرحة نفسها
هاتى الطرحة التانية واتنيها برضه وحطيها بعد الطرحة التانية يعنى يا دوب يبان من الطرحة الاولى حاجة بسيطة واربطيها لورا برضه وطرف قصير وطرف طويل يعنى نفس القصة الفاشلة دى((K)) وثبتيها من قدام بدبابيس بس تكون الوانها ماشية مع الطرحة والطقم بحيث تدخليهم على مسافات متساوية وبالتبادل هيدولك منظر حلو اووووووووى :-M
هتجيبى الطرف الطويل وتعملى فيه نفس القصة يعنى ابرميه ولفيه بس المرة دى خدى الطرف القصير معاكى ملوش لازمة:[]L ولفيها لغاية ما يفضل جزء يعنى متلفيهوش للاخر خلى منه حته
معايا ولا ايييييييييييييييييهq) :[MM
الجزء اللى فى الاول القصيراللى فضل من الطرحة الاولى هاتيه وثبتيه على اول الطرحة التانية من تحت بشكل كويس
طبعا اديها دبابيس طول ما انتى ماشية
والجزء اللى فضل من الطرحة التانية
عارفة المروحة الورق اللى كنا بنعملها واحنا صغيرين #R#R اعملى فى الطرحة كدا جزء يبقى سايب لبرا وحطى دبوس على الطرحة نفسها واعملى جزء تانى هتلاقى عملك تمويجة حلوة دى هتبقى على الجنب لغاية ما توصلى لتحت
انا حسه انك تهتى:(*): عموما انا معاكى جربى ولو عايزة طريقة تانية برضه انا معاكى وقوليلى عملتى ايه؟؟ سلاااااااااااااااااااااااام يا عسل:-D

[soso2007]

اكيد انتي حلوة حتى بدون طرحة امشي واعملي طرحتك زي بتعمليها كل مرة اكيد حتكون حلوة زيك

[كتكوتة مصرية]

فين ردكq) مش تقوليلى عرفتى تعمليها ولا لا:[MM
شكلك اصلا مقريتيش
يا خسارة الشرح الطووووووووووويل :K) :mad:

[eman_for_allah]

إيه الطريقة الجميلة دى؟؟ اسمحى لى أنا بقى اللى أعملها يا كتكوتة

[كتكوتة مصرية]

تريقة ولا بجد :[MM
يعنى حقيقى فهمتى الطريقة:) :) :) :confused:
جربيها وانا تحت امرك ولو عايزة طريقة تانى انا معاكى يا عسل