الإعلان عن دورة لتصميم المواقع .. التفاصيل بالداخل

[سـها]

سلام عليكم


يا جماعة اللى عايزين يتعلموا تصميم المواقع ان شاء الله نبدأ مع بعضو ربنا يباركلنا جمعنا ان شاء الله

الموضوع ببساطة انى انا من المهتميم بالمجال دا و عايزة احترفه مش مجرد اتعلمه

و الحقيقة دخلت فى دورات الهتمل html و كانت مفيدة جدا و هى بداية طريقك لتصميم المواقع

و لو عايزين أبدأ معاكم انقلكم الدروس دى و تتعلموا و نتعلم كلنا مع بعض انا تحت امركم



الحقيقة االخ اللى ادان دورة الهتمل html شرحه رااااااااااااااااااااااااااااااااااااااااااااااااا ااائع و سهل جدا

و انتوا مع الوقت هتتأكدوا من كدا

فى الاول هتتخيلوا ان الموضوع صعب لكن مع الوقت هتحسوا بسهولة الامر جدا


و الاخ دا جزاه الله كل خير هو بنفسه اللى طلب مننا اننا ننقل دروسه دى على مواقع و منتديات تانية نكون مشتركين فيها

يعنى هو اللى اوحالى بالفكرة دى و لفت نظرى

فلو تحبوا ابدأ معكوا

أنــــــــــــــــــــــــــــا تحــــــــــــــــــــــــــــــــــت امــــــــــــــــــــــــــــــــــــــركــــــــ ـــــــــــــم


و فى انتظار ردودكم لو تحبوا نبدأ


ميعاد البدء بمشيئة الله يوم السبت الموافق : 12 / 8 / 2006

و تم بدء هذه الدورة و رابط الدورة هنا

http://www.lakii.com/vb/showthread.php?t=212703

سلام عليكم

[قمر المزيونة]

شكراً يا سها وياليت تبدأي لاني بصراحة ابغى اتعلم واصمم موقع خاص

[The Matrix]

الأخت الفاضلة : سها

و عليكم السلام ورحمة الله و بركاته

جزاكي الله خيرا علي الموضوع مقدما

و بارك الله فيكي

[eleman]

ياريت يا أختى انا شخصيا نفسى ابتدأ من الاول وجزاكى اللة خير:-r

[غربه زمن]

وأنا معاكم
بس من الصفر
أوكي:)

[سـها]

من الصفر يا غربة الزمن

ما تقلقيش


تحبوا نبدأ و لا نستنى شوية علشان لو فى حد تانى يحب يشارك ؟؟

[The Matrix]

الأخت الفاضلة : سها

أنا اري ان ننتظر كام يوم

حتي يكون الكثير متابع معنا

و اسمحيلي سأقوم بتغير إسم الموضوع

:)

[ملكة الأبتسامة]

الأخت الحبيبة / سـها

حببتي طبعا احب اشارك في الدوره دي ......

بس اذا امكن تكون براحه يعني مش مكثفه بمعنى انها متتراكمشي على بعضها ... واكون لكي مشكوره

وربنا يديكي الصحه ويبارك فيكي يارب :)

[سـها]

الاخ الفاضل مشرف ركن الكمبيوتر جزاك الله خيرا و متشكرة على التعديل الحقيقة عنوان حضرتك اللى اخترته للموضوع افضل من عنوانى بكتير


الاخت ملكة الابتسامة و الله يا اختى الدورة سهلة جدا


انا جايبالك شرح اخ فاضل الحقيقة شرحه رااااااااااااااائع بجد

فىالاول يمكن تحسى ان الموضوع هيخرج من ايدك لكن بعدين اللى ما كونتيش فاهماه هتلاقى نفسك فهمتيه


كل حاجة فى اولها كدا


و الله سهلة جدا متخافيش


و اهلا بيكى يا قمر معانا فى الدورة

[alnoor1]

شكراً يا سها وجزاك الله خير على هذا الفعل الطيب ونحن بالانتظار ... http://www.lakii.com/vb/smile/6_27.gif

[The Matrix]

الأخوات الفاضلات

لا تقلقوا من شئ بأذن الله

فإذا سمحت لي الأخت : سها

أن أرد علي أسئلتكم و إستفساراتكم

فيسعدني أن أكون معكم

[ام_منال]

بارك الله فيكي

وان شاء الله نستفيد

[سـها]

الاخ الفاضل Matrix

انا يسعدنى يا فندم ان حضرتك تكون معانا طبعا

ومتشكرة لمشاركة حضرتك معانا فى الموضوع


جزاك الله خيرا

[itreza]

ياريت يا أختى ابتدأ من الاول وجزاكى اللة خير

[سـها]

و الله يا بنات الدورة من الصفر


و الله من الصفر خالص و يمكن من تحت الصفر كمان

و هتشوفوا بكرة و هتتأكدوا من كلامى

[موكا]

وانا كمان معاكو

[قلبي الحنون]

يسعدك ربي ياسها

والله من بداية الصيف ودي أتعلم...

لأني أحتاجه كثيييير...

وبإذن الله راح أنضم لهاذي القافلة...

معااااااااكـــــــــــــــــ...

[khat2000]

مبادرة طيبة منك بارك الله فيك

[سـها]

يا نااااااااااااااااااااااااااااااااااااااااااااااااا ااااااااااااااااااااااااااااااااااااااااات


هنبدأ يوم السبت ان شاء الله

انا حبيت اعمل تعديل للمشاركة الالصلية و اكتب فيها معاد بدايبة الدروة لكن مالقتش زرالتعديل

معرفش راح فين

[ملكة الأبتسامة]

الأخت الحبيبة / سـها

احنا في انتظار يوم السبت ان شاء الله بفارغ الصبر يا قمرايه :)

وبنسبه للتعديل مش ينفع الا اول متحطي الموضوع ومسمحلك 10 دقائق بعد كده
المشرفين & المشرفات فقط :[]L ............. اسفه للتدخل :-M

اختك في الله / ملكة الأبتسامة

[sindbad reload]

أتقدم بطلب رسمى للانضمام الى الدورة

و شكرا أختى الكريمة

[هيا 99]

بالتوفيق اخييييي

[سـها]

سلام عليكم


دى مقدمة بسيطة لابد منها قبل الدخول فى العملى و الجد


لو حسيتوا انكم فى الاول مستصعبين الموضوع .............معلش اصبروا و ركزوا بس و افهموا اللى بتقروه


و لو قريتوه اكتر من مرة و مفهمتوش حاجة معيينة اقروها تانى و لو برده لسة صعبة عليكو استنوا شوية و انتوا هتفهموها اكتر مع الوقت و التدريب


ماشى

المسألة سهلة جدا و الله .....ابسط مما تتخيلوا ......انا فى الاول كنت زيكم كدا حاسة ان الموضوع صعب و مش هقدر عليه لكن بجد شرح الاخ دا هدية بعتهوللنا ربنا علشان يفهمنى كل حاجة ببساطة


و انا للامانة بأكد عليكم تانى ان الدروس دى مش شرحى انا دا شرح اخ فاضل جزاه الله كل خير على منتدى تانى

و انا لاقيته شرح متميز و حبيت انقلكم دروسه هنا علشان الفايدة تعم



و دلوقتى اسيبكم مع المقدمة

------------------------------------------------------------




بسم الله الرحمن الرحيم....

قبل ان نبدا في الحديث عن هذه اللغة هناك بعض المعلومات والمفاهيم التي لابد ان نفهمها جيدا قبل ان نفهم ما هي لغة الhtml..
ارجو ممن يقرا هذه المعلومات اذا كانت اول مرة يسمع عنا ان يقراها مرتين لكي تتضح له الصورة جيدا

يجب ان يعلم كل متعمق في هذا الموضوع اولا ما معني كلمة server وكلمة browser...
دعوني ابدا من الوراء قليلا للتوضيح
ما هو مفهوم شبكة الانترنت بالمعني العلمي؟؟؟

في البداية كان الانترنت عبارة عن شبكة بسيطة تربط بين اجهزة بعض الطلبة في احدي الجامعات الامريكية بحيث يمكن لاحدهم رؤية ما علي جهاز الاخر وتصفحه بسهولة..
وكانت تقابلهم مشكلة...ماذا لو ان احدهم اراد تصفح جهاز صديقه ولكن كان جهاز صديقه مغلق في هذا الوقت؟؟
كان لا يستطيع لانه لابد لتبادل المعلومات في الاشبكات ان يتم التبادل بين جهازين مفتوحين..
..فما هو الحل في هذه المشكلة وما هو معني الانترنت الان؟؟
للتغلب علي هذه المشكلة وبعد ان تطور استخدام الانترنت واتسع نطاقه بشكل كبير....

لو انا عندي معلومات علي الجهاز بتاعي عايز غيري يقدر يتصفحها ممكن احطها علي جهازي وفي حالة ماذا كان جهازي مفتوح علطول يبقي أي جهاز متصل بجهازي يقدر يشوف لمعلومات دي ...
ولكن ايضا ماذا لو وصل عدد متصفحين هذه المعلومة في نفس اللحظة الي 10000 مثلا او أي رقم كبير ...هل يتحمل جهازي البسيط بامكاناته المتواضعة كل هذا العدد من المتصفحين في نفس الوقت؟؟؟؟

كل هذه المشاكل كان لابد لها من حل....
من هنا ظهرت كلمة ال server كحل لكل هذه المشاكل....فما معناها؟؟
المعني الحرفي لكلمة server يعني خادم...."خادم الانترنت"
فهو عبارة عن اجهزة بامكانيات جبارة تحتمل عدد كبير جدا من المتصفحين في نفس الوقت وتتحمل ان تظل تعمل دائما بلا انقطاع...
فانا لو عندي معلومات اقوم بوضعها علي هذا السيرفر بدلا من تركها علي جهازي فتحل كل المشاكل لسابق ذكرها بالاضافة الي ان هذا السيرفر متصل بكل الاجهزة في منظقته فتصبح كل هذه الاجهزة متصلة ببعضها البعض عن طريقة...
ففي كل منطقة يوجد سيرفر خاص بها يربط اجهزتها ببعض ويكون شبكة بينها .....ولكن ماذا اذا اردت تحميل معلومات من علي سيرفر اخر؟؟
ولذلك فان كل السيرفرات متصلة ببعضها البعض في شبكة كبيرة تعرف بشبكة الشبكات وهذا هو الانترنت
"شبكة الشبكات"
..
كيف نطلب معلومات من السيرفر او نستقبل منه معلومات؟؟؟
يوجد بكل جهاز برنامج متصفح للانترنت "browser” اشهرها وافضلها الانترنت اكسبلورر...فهو عبارة عن برنامج مجهز لارسال واستقبال بياانت من السيرفر.....
وهذا ما سندخل اليه انفا ان شاء الله لمعرفة المزيد عنه....
ارجو ان اكون قد افدتكم...



--------------------------------------------------------------------------------



المرة الجاية ان شاء الله هنبدأ فى تعريف لغة الهتمل .........html و اللى هى هنبدأ بيها و هى بدايتنا مع تصميم المواقع ان شاء الله

[المحبة للرسول]

أنا معاكم إن شاء الله

[The Matrix]

الأخت الفاضلة : سها

و عليكم السلام ورحمة الله و بركاته

جزاكي الله خيرا علي البداية الموفقة

و ياريت تبدئي الدورة في موضوع مستقل حتي يستفاد منه الكل

و جزاكي الله خيرا مقدماً

[ملكة الأبتسامة]

يااااااااه كأني بذاكر كتاب الحاسب الألى ....

شكرا ليكي يا قمر ....

وان شاء الله دايما معاكي

[سـها]

الأخت الفاضلة : سها

و عليكم السلام ورحمة الله و بركاته

جزاكي الله خيرا علي البداية الموفقة

و ياريت تبدئي الدورة في موضوع مستقل حتي يستفاد منه الكل

و جزاكي الله خيرا مقدماً



الاخ الفاضل ....جزاك الله خيرا على مشاركتك و اقتراحك


انا شايفة انه عنوان الموضوع هنا مناسب علشان نكمل فيه الدورة


و عموما ممكن اعملها فى موضوع تانى مستقل ما فيش مشكلة ...و دا افضل طبعا


لكن فى مشكلة صغيرة......... انا مش قادرة اعمل تعديل فىاول مشاركة علشان احط فيها رابط يوصل الاعضاء للصفحةالخاصة بالدورة علشان يقدروا يوصلولها



طيب حضرتك لو تقدر تقولى ازاى اعمل التعديل دا فى اول مشاركة انا هنقلها فورا فى صفحة مستقلة ان شاء الله


لكن ضرورى التعديل يكون فى اول مشاركة علشان كل الاعضاء حتى الاعضاء الجدد اول ما يدخلوا يعرفوا ان الدورة علىصفحة تانية يدخلوا عن طريق الرابط علطول


حضرتك فهمت قصدى؟


فى انتظار الرد


و عموما انا مكن افردها فى صفحة مستقلة و حضرتك بنفسك تعمل التعديل فى اول مشاركة و تحط فيه رابط الصفحة الجديدة للدورة فى اول مشاركة


ايه رأيك؟


مستنية الرد

[The Matrix]

الأخت الفاضلة : سها

يمكنك يا اختي أن تكتبي المقدمة و الدروس الجديدة في موضوع جديد

و عند كتابة الموضوع الجديد تكتبي أنه تم الإعلان مسبقا عن الدورة و تضعي رابط هذا الموضوع

و لاكن أنا من رأئي أن عنوان هذا الموضوع غير مناسب لأنه إعلان

و هذا يرجع لكي أولا و أخيرا ,,

و بالنسبة للتعديلات ,, فالمنتدي يمنحك 15 دقيقة للتعديل بعد إضافة الرد ,, و بعد ذلك التعديل يكون للمشرف في أي وقت تطلبي منه التعديل

و بأذن الله أول ما تضعي الموضوع ساقوم بوضع الرابط الجديد للدورة في هذا الموضوع

تمنياتي لكي بالتوفيق ,,

[*الجوهرة المصونة*]

جزاك الله خيرا

[سـها]

يا جماعة الدورة اتنقلت على الرابط دا

http://www.lakii.com/vb/showthread.php?p=2196935&posted=1#post2196935

و المشرف ان شاء الله هيحط التعديل و يحط الرابط فىالمشاركة الالصلية ان شاء الله

[عاشقة الحلويات]

بارك الله بك

بالفعل hyper text markup language هي لغة

على الجميع تعلمها لما فيها من استفادة كبيرة لمتصفحي الانترنت

بارك الله بك على الدورة وجعله في ميزان حسناتك

[سـها]

بارك الله بك

بالفعل hyper text markup language هي لغة

على الجميع تعلمها لما فيها من استفادة كبيرة لمتصفحي الانترنت

بارك الله بك على الدورة وجعله في ميزان حسناتك


متشكرة اوى حبيبة قلبى على مرورك و كلامك الطيب

و متنسنيش دايما من دعاكى