لكل مصرية تريد الجمال [الأرشيف]

yomizo

03-08-2006, 10:03 PM

السلام عليكم ورحمة الله وبركاته

انا يا حلوين جيت النهاردة ومعايا فكرة يمكن تكون مكررة بس اكيد هتساعنا كتير في اختيار ومعرفة حاجات كتير ممكن نكون بندور عليا
ومن الاخر من غير لف ولا دوران
كل اللى طالباه من المصريات القمرات ان اى واحدة جربت نوع ميكاب حلو وسعر ه احلى تقولنا جايباه منين والمعلومات هتبقى عن كل مايخص الجمال من طأطأ ل سلاموا عليكم
يعنى مش بالضرورة عن الميكاب بس
لا ممكن الشعر والكوافيرات والماكيرات والظوافر وتركيب الاكريلك نايلز والجل نيلز كمان واسعارها
وعمايل السويت والدلكات بانواعها والحواجب وانواع صابون وخلطات جايبنها من حتت معروفه
انا مش عايزة الملف يكون عبارة عن وصفات
لا انا كل اللى عايزاه انه يكون عن عنواين وارقام تليفونات لناس ممكن يكونوا مهمين في حياة كل واحده مننا
وياريت تكون الصورة وصلت

اسألي والباقي يرد
all 4 one & one 4 all

بسكوته المصريه

04-08-2006, 12:53 AM

فكره حلوه يوميز
وان شاء الله نفيد بعض

asalah 2

04-08-2006, 01:50 AM

فكرة حلوة

الحب الحقيقى

04-08-2006, 03:04 PM

ممكن تبدئى انتى علشان الفكره توضح اكتر

hassnaag

04-08-2006, 07:13 PM

انا ابدا معاكى حبيبتى
بالنسبه للمكياج بصراحه انا من زمان استعمل افون واوريفليم واسعارهم مناسبه اكيد
ولما اقول اوريفليم يعنى بقول كل مشاكل البشره هى بتحلها
التفتيح البقع الاسمرار البرونز الجمال
العطورات البودرات احدث صيحات المكياج
بالنسبه للسويت والدلكات انا احب البيت لان حرام الكشف على الاجانب
الكوافيرات اكيد هتختلف من بلد للاخرى وصدقينى من زماااااااااااااااان مش بروح لكوافيرات بكتفى بلمسات صديقتى الحبيبه لى
ايه تانى يا عسل اقدر افيدك
على فكره اللى حابب يسال عن اى شىء يخص البشره والمكياج انا ان شاء الله اقدر افيده
ياله اسالوا وفعلوا الموضوع
الموضوع كويس

Sanae

04-08-2006, 07:57 PM

فكره حلوه أتمنى ان الاستفاده تعم هنا

للأسف انا مش مصريه يعني مش من حقي أدلي بتاجاربي هنا

بس الحمد لله كلنا اخوان وزي مبيقولو المغرب جوز مصر

وان شاء الله دايما أحباب واخوان

yomizo

05-08-2006, 05:10 AM

ميرسي لكل الحلوين اللى ردوا عليا

عايزة اعرف واحده تعمل شعر كويس وتقص وتعمل حواجب حلوة في الهرم او فيصل
لانى من ساعه ماسكنت هناك من سنه ونص مش عارفه اروح كوافيرات لانى خايفه اجرب حد
ولما اروح لماما في مصر الجديده بروح هناك فياريت لو حد عارف حد كويس يقولي وياريت تطلع كوافيره عشان حرام مع الحجاب

history

05-08-2006, 05:55 AM

انا مصرية واهلا بفيصل واللى منها انا كمان كنت عايشة فى فيصل ومازال بتنا هناك بس انا مقيمة فى السعودية وبنزل كل سنة ان شاء الله تستفيدي ببعض المعلومات بالنسبة للماكياج فى حجات حلوة فى ماركات مش حلوة فى ماركة تانية بالنسبة لكريم الاساس شانيل خطير وبالنسبة للبودر ماركة اسمها كلينك وبالنسبة للبلاشربرجوا حلوقوى والوانة مميزة وبالنسبة للماسكارا لانكوم رائعة وبالنسبة للكحل الاسود برجوا خطير وعامل زى الفحم ان شاء الله جربي الانواع دي وهتدعيلي ياجميل( ام رغدة )

cute snowy

05-08-2006, 08:30 AM

hassnaag

05-08-2006, 06:58 PM

hassnaag

05-08-2006, 07:01 PM

انا بستعمل كريم اساس من لانكوم وهو للبشرة الدهنيه والبودر بشتريه بشس مش ماركه بس ايدي بتقع على حاجات لقطة الحمد ل الله والماسكرا من ايفون ومزيل العرق من ايفون والجلوس من ايفون واورفليم وساعات من اي محل تجميل والمانيكير برضه من اورفليم او من محل عادي بس انا نفسي اعرف في لوس باودر مات مالوش لمعه يعني لاني عندي اللي بيلمع وطبعا ده لزوم السهر والتصوير
حبيبتى فى لوس بودر من اورفليم مات مضغوط
وكمان لوس بودر مفكك من اوريفليم
كمان البودره الشفافه من فيجنز جميله جدا وتناسب جميع البشرات
ولو عايزه حاجه ارقى يبقى بودره جوردانى المضغوطه
كمان انا جربت بودر اماندا كويس
ارجوا انى اكون افادتك

yomizo

05-08-2006, 07:37 PM

ميرسي على التفاعل والردود

وفي كمان بودر من سيبيل وفعلا ماسكرا لانكوم حلوة جدا وتبين طول الرموش وكمان ماسكرا ايف سان لوران وحاجات برجوا كلها حلوة كتير

وفي روج ماكس فاكتور اللونج لاستج حلو جدا بالليب جلوس بتاعه

بسكوته المصريه

05-08-2006, 08:12 PM

انا كمان استعمل اغلب المكياج من افون
بالنسبه لطلبك يوميزو ان شاء الله اسئلك واحده قريبتى عيشه فى فيصل وان شاء الله تدلنى وادلك

yasmine_ 2006

05-08-2006, 10:06 PM

انا قولتلك قبل كدة بس هقول تانى
موضوعاتك جميلة وافكارك اجمل

yomizo

05-08-2006, 10:47 PM

انتى الاجمل بس شاركي معانا بجد وتفاعلي خليى الموضوع ينجح ياسمين

lovely_maro

06-08-2006, 12:01 AM

الموضوع بجد رااااااااااائع

true_angel

06-08-2006, 02:00 AM

ازيكو يا بنات على فكره ماركه اماندا كويسه اوى واهم ما فيها الماسكرا فعلا جميله جدا وتخلى الرموش طويله وسودا انا بستعملها بس كريم الاساس ماكس فاكتور نوع كويس اوى
بس بليز يا جماعه عاوزه اسال على بودره اماندا رقم 3 هى لونها كويس جدا على بشرتى بس كنت عاوزه اعفر بودره لونها بالظبط اللى هى اماندا 3 بس تكون ماركه احسن كمان
الاى شادو اللى بيعجبنى شاو
يا رب اكون افدتكم ومستنيه ردودكو

yomizo

06-08-2006, 02:26 AM

شكرا لكم انتوا والموضوع اخلى بمشاركتكم ليا

في شادو بتاع ميكاب فور ايفر كمان وبتاع ماك حلوين اوى بس اسعارهم هى اللى مش حلوة هههههههههههه

yomizo

06-08-2006, 02:29 AM

وجربت كريم اساس اماندا كمان قبل كده وكان حلو بس مش فاكرة كان رقم كام

رحاب نظمى

06-08-2006, 12:54 PM

أنا مصرية و يا ريت تشركوني معاكوا
أنا بالنسبة لي إستعملت كريمات أساس كتيرة و تقريبا كل الأنواع و لا واحد إرتحتله
و فى الآخر جبت أويل من أولاي المبيض و حطيته زي كريم الأساس و عليه بودرة حلوة و طلع وشي تحفة
و بالنسبة للبلاشر ساندي حلوة و ألوانها هادية و رخيصة
و بالنسبة للروج تشاو جميلة
و الشادو أنا جبت علبة من السراج مول و فيها 32 لون بصراحة رائعة مريحاني على الآخر
و الكحل دوف و تحديد الشفايف برضوا دوف
و عموما أنا كل فترة بأغير على حسب الحالة النفسية لبشرتي
و بأستعمل كريم مرطب لوكس بالخيار و بأغسل بشرتي بصابونة دوف
لكن نفسي أجيب غسول حلو للبشرة بس خايفة بشرتي تلتهب ياريت تقولولي على نوع كويس

cute snowy

06-08-2006, 02:42 PM

يابنات نصيحه مني جربوا تغسلوا وشكم وشعركم بصابونه نابولسي شاهين بالامانه حلوة ومخليه جلدي طري مش ناشف ولا بيقشر وكمان شعري حلو منها وبلاش الشامبو اللي بيأذي اكتر من انه يفيد لانه في مادة مسرطنه اسمها لوريثات الصوديمو واختصارها sdsوفي موضوع اخت منزلاه عن الماده دي في المنتدى دوروا واقروه

yomizo

06-08-2006, 06:34 PM

يمكن يكون الصابون كويس فعلا بس لشعور وشعور لا
انا مثلا لو جه بالغلط رغوة صابون واحده على شعري بيجف جدااااا

الاحلى ان انتى تجربي تغسلي شعرك بشامبو جونسون للاطفال
اكيد محدش هيخترع شامبو للاطفال ويكون وحش او مضر !! ولا ايه

راندا صالح

06-08-2006, 10:05 PM

موضوع هايل يا بنات وفعلا هيفيد كل البنات المصريات في المنتدي
وياريت نتواصل فيه عشان نفيد بعض
انا كنت بستعمل كريم اساس ايف سان لورا هو تحفه بس غالي وبعد كده غيرت وبستعمل اولاي هو كريم بس بردو بستعمله كريم اساس بجد ممتاز
بس من فتره اتجهت للا اعشاب والطب البديل خصوصا بعد ما عرفت حراز العطار عنده حاجات تجنن ولكل حاجه انا اخدت من عنده شامبو وبلسم وحمام كريم للشعر وبجد تحفه شعري بقي طري وناعم وتحسي بالفرق من اول استخدام
واكتشفت انو كمان عندو كريم اساس وناويه استعمله
تخيلوا عرفت موضوع كريم الاساس من المنتديات لان الخليجيات بيشتروا حاجات حراز وبيبعوها عن طريق المنتديات في قسم التجاره واحنا عندنا حراز و مش بنستفيد منه

راندا صالح

06-08-2006, 10:07 PM

اخواتي لو سمحتوا
ولو واحده تعرف كوافير بيقص الشعر بس يكون ممتاز في المعادي او مصر الجديده وياريت واحد كمان في اسكندريه ويكون عنده قصات حلوه للشعر القصير
وشكرا ليكو

yomizo

06-08-2006, 10:13 PM

بخصوص الكوافيرات تفرق معاكي اذا كان راجل او ست ؟؟
انا هاسالكم معارفي في المعادي وارد عليكي لانى شخصيا كنت بروح لمحمد الصغير في مريديان المطار او المهندسين والزمالك
واسالك كمان في اسكندرية ايه الاخبار

راندا صالح

07-08-2006, 12:37 AM

أختي يمنع طلب ارقام هواتف لصالونات رجال!
هدانا الله وإياكم

yomizo

07-08-2006, 01:06 AM

العفو على ايه مش لمال اقولك الاول تبقي تشكريني

دينا عادل

07-08-2006, 01:16 AM

دايما متميزة يا يوميزو

بصى انا جربت حاجات كتير اوى بس اللى عجبنى منها ماسكرا لانكوم تحفة جدا وهى ليها فرشتين واحدة بيضاء وواحدة سودا هى من الكويت مش عارفة موجوده فى مصر ولا لا

البودر كنت بستعمل اماندا هى حلوة وناعمة اوى وكنت بستخدم درجة 7

ودلوقتى قولت اجرب البودر المائية علشان بشرتى دهنية جدا وهى كويسة بس كريم الاساس والبودر مع بعض بيدارى اكتر الشوايب لكن للاسف بيطلع بثور

وسمعت عن منتجات ديرماكول ممتازة لكن مش عارفة موجودة فى مصر ولا لا واسعارها ايه؟

نفسى اعرف عنها اى معلومات يا نستفيد من بعض

راندا صالح

07-08-2006, 02:22 AM

انا كمان زي دينا نفسي اعرف منتجات ديرماكول موجوده في مصر ولا لا

cute snowy

07-08-2006, 02:55 AM

الى اختي رانيا صالح ياريت تقوليلي فين مكان حراز العطار بالضبط لاني محتاجاه ضروري

المتر شيماء

07-08-2006, 05:23 AM

يم كل دا وانا مش موجوده طب بصى يا ستى النسبه للماسكرا انا كنت بستعمل دوف بس دلوقتى جبت حته ماسكرا تحفه من جادور اللى على فيصل ب15 جنيه بس والله تحقه فرشتها كده هبله قصيره على طويله متمكنه يعنى

اما الكحل دوف طبعا3 جنيه وبدور على سكيب مش لقياه خالص ودا كان ب18 جنيه (احسن انى مش لقياه دلوقتى)

اما الروج فحسب اللون اللى يعجبنى ويليق عليا ويكون من اى ماركه وانا مبحطش تحديد خالص

والبورده يا ستى طبعا مش المائيه علشان بتجيران مبحطش بودره خالص بكتفى بالكونسيلر تحت العين من ماركه اكس اكس ال وعليه اى شادو ابيض ودمتم

اما الروجاجو يعنى من كل ماركه شويه

بالنسبه للكوفرات اللى عايزين فى اسكندريه يركزو معايا شويه عندكم اتنين فى شارع لوران محطه ترام الفراعنه سابقا واحد فمول الوطنيه وواحد امام المول بس اسعارهم ربنا يقدركم عليها ومتتطلئوش لكن فى واحد تانى حلو فى محطه ترام ثروت تانى شارع عاليمين اسمه لافايت دا كنت على طول بتعامل معاه لانى كنت ساكنه فالشارع دا قبل ما اسيب اسكندريه

وانتى يم يم لو عايزه كوافيره 100فال100 انا اوديكى وعلى ضمنتى ولو حد عايز حاجه انا فالخدمه دايما

المتر شيماء

07-08-2006, 05:26 AM

يا بنات يا اسكندرنيه لو جربتم الكوفرات دى ابقى ادعولى هنا امام الكل علشان يتاكدو انى 100% اوك

yomizo

07-08-2006, 03:00 PM

اوك حبيبتى واتى قولي على الكوافيرات اسمهم ايه عشان الكل يستفيييييد يا قطة

noralkamar

07-08-2006, 04:01 PM

انا اقولك يا yomizo
على الاسماء واحد اسمة كارفن والتانى اسمة وليد جيجى دة اللى فى الوطنية مول
انا عن نفسى عملت الخطوبة بتاعتى عند وليد جيجى انا كنت بالحجاب والحمد لله
وست اللى عملت لى لف للطرحة ومكياج بس انا حسيت انة كان تقيل شوية والحمد لله الخطوبة عدت على خيرر
من سنة ونصف انا بفكر بقى فى الجججججوواااززز ومش عارفة اروح عند مين

noralkamar

07-08-2006, 04:23 PM

وفى سؤال تانى يا بنوتات يا ريت تشاركونى انا سألت عند اشهر محلين انا اعرفهم فى الاسكندرية ولقيت
ان العروسة بتتكلف 500 جنية خدوا بالكم بقى بيعملوا ليها اية :
- مانيكير و باديكير .
-سشوار
-مكياج
-لف الطرحة
وبس
وبعدين ما فيش اهتمام بالبشرة كلة بالفلوووسس يعنى ماسك ب100 جنية واى حاجة عيزاها ب100 جنية
انا بصراحة ما حستش انى عروسة وفى اهتمام بية انا ( دة علشان الاقبال الرهيب من العرايس يعنى كان فى 6 عرايس غيرى واكتر كمان )

دلوقتى بقى سالت فى محل فى مول عندنا فى الاسكندرية اسمة الديب مول على محل اسمة بون سوار وقالى ان العروسة ب 250 جنية!!!!!!!!!
والصبغة ب 100 جنية بس!!!!!
وانا اول مرة حسبغ شعرى علشان عروسة بقى !!!!
وخايفة اوى يا بنات انتم قولولى رايكم كلكم الاسكندرية وكل مصرية
اروح للغالى ولا الرخيص
مع العلم ان الموضوع موضوع البنت اللى بتعملك مش المحل والاسم التجارى
اررررجوووووكممم افيدونى

الحب الحقيقى

07-08-2006, 04:26 PM

hassnaag ممكن اعرف الحاجات الى فى ارفليم الى بتفتح وتزيل البقع وهى بتجيب نتيجه وله ايه واسعارها

معلش تعبتك

yomizo

07-08-2006, 07:57 PM

مشكورين يا حلوين على التفاعل

بس ممكن حد يقولي عن كوافير او كوافيرة كويسة فى فيصل

ولو تردى عليا يا متر شيماء يا سلالالالالالالالالالام يبقى شكراا اوى وللبنات الحلوين كمان

راندا صالح

08-08-2006, 05:40 AM

حبيبتي شيماء شكرا بس انا عايزه كوافير في اسكندريه يكون قريب من سموحه عشان انا معرفش اسكندريه كويس لاني من القاهره اصلا بس اتجوزت وعايشه في اسكندريه سموحه
بس انا عايزه كوافير بيعمل قصات تحفه فاهماني
انا دايما بقص شعري ومحبوش طويل عشان كده عايزه كوافير بيعمل قصات حلوه

راندا صالح

08-08-2006, 05:42 AM

يا بنات اللي علي وشك الجواز وعايزه حاجات من امريكا ومش موجوده في مصر تدخل تشوف
http://www.lakii.com/vb/showthread.php?t=210817

ولاء2000

08-08-2006, 12:13 PM

إزيكم يا بنات يا حلوين أنا من المعادى بس كلها 3 شهور و أتجوز إن شاء الله و هسكن فى فيصل
بانسبة لماركات المكياج انا سمعت أمينة شلباية بتشكر فى منتجات اسمها coverderm و قالت انها فخورة ان المنتجات دى موجودة فى مصر بس انا بصراحة مجربتهاش ياريت لو حد جربها يقولى رأيه إيه .
و انا حاليا بشترى منتجات أوريفليم بس فى واحدة صحبتى خوفتنى و قالتلى ان المنتجات الموجود عليها عروض فى أوريفيليم ممكن تكون صلاحيتها انتهت او قربت تتنتهى . رايكم ايه

noralkamar

08-08-2006, 02:03 PM

متر شيماء انتى الوحيدة اللى حترد علية لانى انا زعلانة من بقية البنوتات
ماحدش شاركنى براية
انا اسكندرانية وعارفة الكوافيرات اللى قولتى عليها بس انا روحت عنداللى فى المول الوطنية (وليد جيجى )وعايزة اغير فى الفرح ان شاء الله
بم انك من اسكندرية اصلا قولى لى لو حد من صحابك او انت شخصيا روحتى عند مين فى الفرح عملتى المكياج ولفة الطرحة عند مين ومايهمش الفلوس المهم النتيجة قولى لى عن تجربة شخصية اهم حاجة تكونى شفتى النتيجة بعنيكى الحلوين

noralkamar

08-08-2006, 02:12 PM

راندا حبيبتى انا اعرف وليد جيجى فى سموحة دة كوافير وفى واحد قريب منك فى مصطفى كامل

على شارع ابو قير اسمة طارق الصغير اسألى علية اتصلى بالدليل 140 واعرفى النمرة بتاعتة ونمرة وليد جيجى وبعدين اسألى على المكان بتاع المحل بالتفصيل و اعرفى بكام وشوفى لو يناسبك او لا بس معروف انة تحفة طارق الصغير. ارجو انى اكون افدتك يا راندا .

وانا ممكن اسالك صحابى كتتير ساكنين فى سموحة وانا كمان بس انا مابحبش اقص شعرى سيباة طويل لحد الفرح
بأذن الله وانا فى الخدمة

dodyslh2005

08-08-2006, 03:51 PM

جلوه اوى الفكرة دى و على فكره يا يوميزو فى كوافير فى فيصل اسمه عادل المصرى بس مش عارفه اذا كان بيعمل للعرايس بس ولا لاى حد لان صاحبتى كانت عامله الميكب و شعرها عنده فى فرحها بس كان روعه و كان ب 250 بس من غير الصبغه

dodyslh2005

08-08-2006, 03:52 PM

نسيت اقول لك مكانه فى شارع العشرين

أم بيجاد

08-08-2006, 04:08 PM

بصراااحه وليد جيجى ده أسم على الفاضى بنت خالى أتخطبت مرتين مره راحت عند طارق الصغير اللى فى شارع ابو قير كانت تحفه والله مكياج لبنانى رائع كانت جميله قوى والمره الثانيه كانت عند وليد وكانت سيئه جدا غالى قوى على الفاضى مافيش أى أهتمام بالعروسه غير بقى المدام اللى بتحط المكياج بتكلم كده بطريقه مش كويسه ولو سالتيها عن حاجه تقولك انا عارفه شغلى والله قالت لها لو ماسكتيش هسيبك ومش همكيجك.طارق الصغير رائع جاء فى الفندق وعمل لها المكياج .وعلى فكره صديقتى جابت من عنده كريم للشعر ب90جنيه رائع خلى شعرها زى الحرير .يارب كل البنات يطلعوا زى القمر فى فرحهم.

أم بيجاد

08-08-2006, 04:18 PM

على فكره يابنات الاسكندريه فى وحده عملت عندها رسم حنه ممتازه بتيجى فى البيت عملت رسمه على كتفى وعلى يدى زوجى قالى جميله قوى .وصديقتى عملت حزام كامل على بطنها بالحنه طبعا لزوم البديهات القصيره وكان جميل قوى وصديقتى الاخرى رسمت خلخال وطلعت الرسم لغايه الركبه وكان رائع لزوم المينى جيب على فكره انا منتقبه يعنى بعمل كل حاجه فى بيتى ولزوجى فقط. وهى بتعمل الدلكه ب20 جنيه وبتعمل ليله حنه جميله وبتلبسك اللبس النوبى وكمان بتعمل الحمام المغربى فى منزلك وبتعمل حمام يجعل جسمك لونه وردى وأى حاجه انا فى الخدمه.

noralkamar

08-08-2006, 04:56 PM

الحقينى يا ام بيجاد انتى جتيلى من السماء
انا عايزة اعرف بكام كل حاجة انتى ذكرتيها
وانتى متاكدة من طارق الصغير انا اصلى عملت الخطوبة عند وليد وماكنتش مبسوطة
ما فيش اهتمام زى ما قولتى
ونفسى ابقى قمر فى فرحى ان شاء الله
ارجوكى قوليلى الاقيها فين الست دى
و اية هى الدلكة !! زى الحمام المغربى ولا اية
قولى لى انا مستنية .

noralkamar

08-08-2006, 05:03 PM

انا عايزة اسال على حاجة يا ام بيجاد
فى رسم بيكون بالفضى على الجسم انا شفتة
زى شيرين وجدى كانت عملاة فى اغنية روميووجوليت على اديها
انا ننفسسى موت فى بس مش عارفة مين بيعملة ولا بيتعمل من اية
شكلة رائع لانة بيلمع
انا بصراحة سمعت على رسمة حنة واتبهرت بيها اوى واحدة صاحبيتى قالت لى ان بنت خالها عملت رسمة من اصبع الرجل لغاية فوق بعد الركبة بشبر علشان قميص النوم بتاع الدخلة كان طويل وبفتحة بالظبط زى الرسمة
اكيييد كان رائع ربنا يهنيها ويهننى كل البنات ويسعدهم قوولوو اااميين

أم بيجاد

08-08-2006, 06:56 PM

السلام عليكم نور القمر منوره والله

ان شاء الله هتكونى زى القمر طارق الصغير والله ممتاز بنت خالى زفافها يوم 31-8 وهى حجزت عنده والله كويس جدا حتى البنات اللى هناك كويسين وان شاء الله هيخليكى عروسه استايل على فكره انا كنت مع ابنت خالى فى الخطوبه واحنا فى الفندق اتصلت به احدى الممثلات وكانت فى المنتزه وكانت عايزاه يعملها الميكب .

بالنسبه للحنه الفضى روعه جدا لكن لا اعلم بتتعمل فين .

انا رسمت يدى من الكف للكوع ب10جنيه وعلى كتفى ب10جنيه ايضا اما الرجل من الكعب الى فوق تقريبا 20جنيه وممكن ترسملك من وراء الاذن حتى الصدر بيبقى روعه.

وهذه السيده لاتأتى الى البيت فى اقل من50جنيه يعنى من تجيبى أحد من أصدقائك معك.

اما الدلكه فهى تخرج لك من الجسم كل الجلد الميت وتجعله ناعم جدا وده وحده نوبيه هى اللى بتعمله واسعارها حلوه وقالت لى فى التليفون ان رسم العروسه لاديها ورجليها والصدر وغيره بيكلف حوالى من50 ال70 جنيه ولو حبتى ان شاء الله اى حد فيهم اكتب لك رقم تليفونهم وانت اتفقى معهم وفاصلى كويس واى حاجه تعوزيها انا معاك ان شاء الله على النت.

راندا صالح

08-08-2006, 08:50 PM

حبيبتي نور القمر شكرا انا فعلا ناويه اجرب طارق الصغير واضح انو كويس وربنا يوفقك وتكوني في الفرح زي القمر
الاخت ام بيجاد ياريت نمره الست بتاعت الحنه والدلكه وميرسي بجد انتي فيدتينا كتير
وشكرا يوميزو انك فتحتي الموضوع الجميل اللي زيك ده
لانه جعل كتير اوي يستفيدوا

راندا صالح

08-08-2006, 08:54 PM

حبيبتي ولاء 2000
ميرسي اوي يا سكر بس ياريت تعرفيلي فين في شارع 7 لانه شارع طويل اوي من الحدايق لحد الثكنات
وشكرا يا قمر

المتر شيماء

09-08-2006, 12:15 AM

اوه مش معقول عادل المصرى ب250 جنيه بصى يا يم يم عادل دا بعيد عنك جدا وانا عن نفسى بروح لكوافير فيه بنت اسمها سيماء اديها خفيفه اوى وبتطلع الشغل كويس المحل اسمه محمد حمدى فى طريق المنشيه فيصل يا يم يم اكيد عارفاه وبالنسبه للاسكندرنيه انا عن نفسى جربت كوافير فى محطه ترام ثروت تانى شارع عاليمين وكان ممتاز اسمه لافايت ولو معرفتيش توصليله قولياى انا فالخدمه دايما

المتر شيماء

09-08-2006, 12:16 AM

ولو حد عايز اى حاجه انا تحت امركم وفالخدمه دايما وشكرا للكل

المتر شيماء

09-08-2006, 12:25 AM

اه يا يم يم عادل دا فى اخر العشرين عند البنزينه اللى فالملكه دى
لو سمحت الاخت دودى صلاح2005 ممكن بس لو تعرفى اسعار عادل دا فالقص والسيشوار كام لانى كنت فاكراه بياخد 60 عالتنين

sehamee

09-08-2006, 12:34 AM

نرمى التماسى تحت الشماسى على اهلى وناسى بحرى=المراسى وسيدى بشر الراسى.:-D :-D :-D
سلام عليكن ورحمه الله وبركاتهW: W: W: ......يا جماعة نفسى اشترى عبايات او طقمه مقاسات كبيرة بناتى وبسعر معقول
لو حد يعرف مكان كويس فى الاسكندرية ياريت حد يقولى:III: :III::-A :-A ؟

المتر شيماء

09-08-2006, 01:17 AM

انتى اسكندرنيه وبتسالى عن اماكن بيع لبس يا دهوتى يا بنتى عندك وسط البلد وعندك شارع الاجتيه فالابراهيميه وعندك سموحه كلها وعندك محل عبايات تحفه فجرين بلازا وعندك شارع لورن ايه تانى

المتر شيماء

09-08-2006, 01:18 AM

دنا من ساعه منزلت القاهره مش عارفه اشترى لبس وبتقولى فين فاسكندريه يا لهوتى يا خرابى

hassnaag

09-08-2006, 04:45 AM

دنا من ساعه منزلت القاهره مش عارفه اشترى لبس وبتقولى فين فاسكندريه يا لهوتى يا خرابى
حبيبتى انا دايما انزل بالاجازات اسكندريه او مره بالشتاء
عايزه مكان محدد واسعار معقوله للملابس والشنط والاحذيه
لان فى المواسم احس انهم بيغلوا اوى وطبعا عارفين الاغراب من ولاد البلد

المتر شيماء

09-08-2006, 06:09 AM

ههههااااااا حلو اوى موضوع عارفين الاغراب من ولاد البلد بصى انزلى شارع الاجتيه فالابراهيميه وكل الاماكن اللى قلتها

yomizo

09-08-2006, 06:54 AM

انا مبسوطة اوى انى فيي ناس كتير مستفادة من الموضوع ده واولهم انا ويارب دايما مفيدين ومستفيدين

انا تقريبا ااعرف المصري ده لكن بالشبه بس من بره وماجربتوش ومتهيالي كده انه فاتح جديد مش اوى يعنى من سنة تقريبا ولا مش هو ده اللى انتوا قصدكوا عليه

اما عن طارق الصغير فانا اسمع عنه كل خير ليا اصحاب وقرايب كتير عملوا عنده فى افراحهم والحمد لله سيطه مسمع فى البلد كلها وعلى فكرة انا كمان ليا عرق اسكندرانى بس للاسف عايشة فى مصر وبمووووووووووووووووووت فى حاجه اسمها اسكندرية وبحبها اكتر فى االشتاء بتبقى هادية وحلوة ورايقة واجمل ماهى كمان

المتر شيماء

09-08-2006, 07:13 AM

اه انتى صح المصرى الجديد

yomizo

09-08-2006, 07:34 AM

ياختى عليا وانا لماحه من يومي

بس برده مردتيش عليا نزلتى من alex لييييييييييييييييييييييييييييييييييييييييييييييييي ييييه

راندا صالح

09-08-2006, 07:58 AM

بقي يا يوميزو بتعجبك اسكندريه في الشتا
يا شيخه حرام عليكي دي بتبقي ممله جدا وتيجي الساعه تسعه متلقيش حاجه في البلد ولا ايام النوه بهدله
خلاص لو عاجباكي اوي كده تعالي نبادل
ههههههههههههههههههههههههههه

yomizo

09-08-2006, 08:02 AM

ياريييييييييييييييييييييييييييييت
بس ماتهونش عليا برده اسيب مصر والحلوين اللى فى مصر كفاية انى اول ماشفت وفتحت عينيا على ينتى كان هنا

ربنا يديكي ولو معاكي يديكي تانى وتات وعاشر

yomizo

09-08-2006, 08:03 AM

مش احسن من زحمة الصيف وتلزيقه برطوبته

راندا صالح

09-08-2006, 08:07 AM

حرام عليكي متقولليش عيال تاني انا عندي ولد وبنت الفرق بينهم سنه بالظبط
تخيلي سنه واحده يعني زي التوأم
وخلاص قربت اتجنن منهم
يعني خلاص عقدوني من العيال وسيرتهم ربنا يديكي انت خمسه ولا سته ياختي انا الحمد لله كفايه عليا كده
هههههههههههههههههههههه

ولاء2000

09-08-2006, 10:43 AM

انا بصراحة يا راندا مش عارفة رقم المكان كام بالضبط لكن على العموم هو مش بعيد قوى عن محطة المعادى و كمان هو مشهور يعنى لو سألتى علية هتلاقيه بسهولة

ولاء2000

09-08-2006, 11:05 AM

و ربنا يخليلك أولادك و يفضلوا مجنينيك على طول أصل انا نفسى يكون عندى اولاد كتير

noralkamar

09-08-2006, 12:42 PM

يارب يقويكى على العيال وابوهم ياراندا
وبعدين متر شيماء انا حاسة انى اعرفك كويس مش عارفة لان ردى حيكون زى ردك بالظبط فى موضوع محلات الملابس وطرقتك تحفة ضحكتينى يا شيخة على الصبح انا كمان بقول يالهوى ويا خرابى فى الكلام وماما دايما تنتقدنى بس طالعة منك زى العسل . انتى منين اصلا

noralkamar

09-08-2006, 12:53 PM

اما سهام وhassnaag
بصى يا ستى بالنسبة للملابس الاسعار معقولة فى الاجيتية ومحطة الرمل جداجدا وحتلاقى محلات بالهبل فى محطة الرمل والملابس كوام كوام اصلا وانصحك لو حتشترى اشترى الصبح معلش حر بس احسن من الزحمة واللزقة
واشترى من محلات وياستى مش حيعرفوا انك مش من البلد لان كل حاجة عليها سعرها اصلا وبعدين اللى يقعد عندنا اسبوع يبقى مننا ولا اية يا متر شيماء وراندا وام بيجاد وعموما كل البنات اللى من برة اسكندرية انتم نورتوا البلد وبقاتم مننا خلاص اسكندرنية واهلا بيكم واسمع سلام اسكندرانى لاحلى بنات معانا فى الموضوع التحفة دةوبشكرك ااالللللف الف الف شكر يايوميزو على الموضوع الجميل دة
واى سؤال انا فى الخدمة

dodyslh2005

09-08-2006, 01:15 PM

يا متر شيماء ال250 جنيه دول للعروسه لكن قص الشعر بس و الحاجات دى بصراحه معرفش لانى ساكنه فى المنيل و هو بعيد عنى لكن بيعمل ميكب حلو جدا للعرايس

noralkamar

09-08-2006, 01:17 PM

ام بيجاد انا عايزة نمرة الست بتاعة الحمام المغربى بس بشرط تيييجىالبيت علشان انا مش حقولك احتمال البس عباية بكم وانا بعمل الحمام المغربى دة اما بتكسف من خيالى اساسا ومن ماما تصورو المهم علشان الورد نستحمل وربنا يستر ((K)) :K) :K) .((K))
وبعدين ام بيجاد فى حاجة تانية دلوقتى بنت خالك اسمها اية الاول علشان انا كمان عندى فرح فى نفس اليوم 31/8
فرح اخو خطيبى ان شاء الله ربنا يسعدهم ويسعد بنت خالك اااممميين ممكن تكون هى بنت خالك ونبقى قرايب :-D
بصى يا ستى فى شوية استفسارات معلش استحملينى
اولا انت قولتى واحدة قربتك اشترت كريم تحفة من عند طارق الصغير ب90 جنية اسمة اية الكريم دة معلش
تانيا هو طارق راح الفندق وعمل المكياج والشعر ولا اية هو بنفسة ولا فى بنت هى اللى عملت المكياج ولو بنت هى اللى عملت( اسمها اية ودة مهم جدا) وكانت شاطرة ولا لاوبعدين عملت لها اية تانى غير المكياج انتى عارفة انا متعقدة :K) ( مافيش بروفة للمكياج):K) :K) .
ثالثا ان ان شاء الله عايزة اصبغ شعرى تنصحينى اروح لطارق الصغير ولا حد تانى لانى عمرى ما صبغت وخايفة اوى اول الجواز:(*): :(*): :(*): :eek: الاقى جوزى كدة وهو نفسة يشوف شعرى وبيحلم باليوم اللى حيشوفة فية (عموماانا قاعدة معاكم شوية لسة مش حتجوز دلوقت قدامى يعنى 8 شهووربس بحب اسال علشان استفيد من خبرات غيرى ربنا يخليكى لينا ولبيجاد دة اسم حلو اوى )
رابعا :انا سمعت عن واحدة اسمها شوشيت فى جرين بلازا مش عارفة اية نظامها لو تعرفى عنها حاجة قوليلى واسالى كدة ممكن حد يعرف عنهاحاجة :[MM .

متشكرة قوى يا عسل وانا اسفة للاطالة والبواخة والخنقة والرخامة معلش استحملينى منكم نستفيد والبنات كلها تستفيد .:-s

noralkamar

09-08-2006, 01:37 PM

اما بالنسبة للاسكندرية فهى حلوة فى الشتاء والصيف والربيع والخريف (اسكندرانية متحيزة) وكل وقت
وعموما انا بحس ان المصيفين اللى جييين من برة البلد بيستمتعوا اكترمننا الاسكندرنية فى الصيف بالذات
وهو دة اللى بيسبب الزحام طبعا
وعموما انا برحب بكل البنوتات اللى من الاسكندرية واللى من برة الاسكندرية
وتانى اسمع سلام اسكندرانى (تحيز حيقلب لتعصب) لكل بنات المنتدى وللمصريات وللخليجيات وطبعا بات الموضوع بتعنا الجميل دة
بحبكم فى الله

راندا صالح

09-08-2006, 01:57 PM

نور القمر انتي يا قمر المنتدي وربنا يديكي عيال زي عيالي عشان تحرمي تقولي عايزه عيال
المهم يا سكره لو انتي عليزه تصبغي شعرك انصحك بلاش جربي الحنه اذا الوانها تليق عليكي لان الصبغه بتوقع الشعر وتنشفه
وانا عن نفسي جربت الحنه بدم الغزال بس ايه واووووووووو لون طلع تحفه واجمل من لون الصبغه اللي انا كنت عاملها عشان انا بيليق عليا الاحمرات ومفكرتش اجرب الوان الاصفرات
ولو شعرك غامق والحنه مش بتبان فيه ابقي اعمليه كل شهر مره يقوم يفتح واللون يبان فيه ويبقي حلو

noralkamar

09-08-2006, 02:18 PM

طيب يا راندا ربنا يخلهم لك وتفرحى بيهم عندك عريس وعروسة
ممكن تسلفينى واحد (طبعا مش حتقدرى تستغنى عنهم )
عموما انا ححاول اجيب لك عروسة (خطيبى عايز بنوتة بمشيئة الله )
بس استنينى شوية معلش قولى للعريس الصغير يستنا يعنى سنتين... تلاتة.. اربعة ...(بمشيئة الله اذا الله اراد ) ولا هو مستعجل.
اما بالنسبة لللصبغة انا عايزة اغير من شكلى يعنى نيولوك(مرة فى العمر من نفسى )
انا اصلا شعرى بنى كنت عايزة افتحة شوية واعمل علية هاى ليت
يعنى شوية حركات
اما بالنسبة للحنة انا يا ستى بشتغل وكل يوم مافيش اجازة وبتنفخ بسرعة دة انا عايزة اعمل ماسك ما فيش خلق احط حاجة على وشى اصلا
انا عملت زمان الحنة دى وانا فى الجامعة بصى زمان دة من 5 سنين تقريبا وكنت عايزة اصلى وطبعا مش عارفة اتوضأ ولا اصلى ححط الطرحة ازاى المهم انى بهدلت الدنيا والحمام والهدوم واى حد يقابلى بحمرة بالحنة
وقعدت اغسل فيها ساعة من شعرى ماشاءالله لاقوة الا بالله شعرى طويل نسبيا
وطبعا عارفة انى حدفع مبلغ محترم فى الصبغة دى (فتلاقيبنى بحوش من دلوقتى )هههههههه
شكرا يا راندا يا عسولة على النصيحة
وقوليلى عملت شعرك ولا لسة عند طارق ،انا سمعت عن واحدةاسمها شوشيت بيشكروا فيها اوى وانا سالت البنوتات الاسكندرنية يا رب حد يعرفها ويقول لنا عليها هى فى جرين بلازا فى سموحة

راندا صالح

09-08-2006, 02:43 PM

يلا انا هخلي الولد مستني المهم تجيبلنا بنتوه دمها سكر زيك
عموما الحنه انا عمري ما افكر اعملها في البيت دايما عشان ميحصليش زيك ههههههههههههه
انا بعملها عند الكوافير بس انا لما قلتلك بلاش الصبغه كانت نصيحه لوجه الله واللي يقدم شيء بيداه التقاه
لا بجد انا لما صبغت شعري شعري تعب جدا وقصف ووقع انا مش بعقدك بس بقولك عن تجربتي بالامانه
المهم ربنا يوفقك وتعملي لون حلو ويعجب خطيبك
بالنسبه لشوشيت هي قريبه مني جدا عشان انا في سموحه يادوب اعدي الكوبري الاقيها وسمعت انها مش اوي وقفلت المركز لفتره بسب مشاكل مع الزباين والله اعلم انا سمعت كده بس معرفش الحقيقه ايه

أم بيجاد

09-08-2006, 02:44 PM

السلام عليكم ورحمة الله وبركاته

اهلا بأهل مصر عموما والاسكندرانيه خصوصا انا اعشق الاسكندريه ومقدرش ابدا اعيش خارجها انا بحب أسكندريه فى الشتاء أكتر من الصيف ومن الاماكن التى اعشقها كوبرى أستانلى ذكريات جميله
اولا رقم اللى عملت لى الحنه
الاسم نورهان 5766481 موبايل 0128941519

التانيه اسعاره أرخص

الاسم مدام زيزى 3243213 أما طارق هو اللى 8عمل االمكياج وهو راح لها علشان نظام الفندق العروسه لها غرفه والعريس كمان غرفه والكوافير والحلاق هما اللى بيجو لهم

بس الحمد لله ربنا هداها على الاخر وهتلبس حجاب لان احنا شفنا عرايس بلفات طرح اكثر من رائعه وهى برده من عند طارق الصغير والله احلى من الشعر بكتير وكمان علشان نبتدى حياه صح وميكونش فيها معاصى من اولها .

ولا أيه؟

ربنا يخليك يا نور القمر وان شاء الله ربنا يرزقك بالذريه الصالحه وعلى فكره انا لم أختار أسم بيجاد لقد رأيته فى منامى 3مرات ومع ذلك زوجى كان رافض تماما هذا الاسم وأقسم أنه لن يسميه بيجاد وحدث مالم يتوقع يوم وقفة عرفات راى فى منامه فى واحد بيقوله أنت جايلك ولد سميه بيجاد ثم تلى عليه (قل أأنتم أعلم أم الله) وطبعا حكى لوالده اللى حصل وغصبا عنه سماه بيجاد.

راندا صالح

09-08-2006, 02:44 PM

انتي فين يا ام بجاد وفين الست بتاعت الدلكه دي
ولا انتي زعلانه مننا

راندا صالح

09-08-2006, 02:49 PM

ام بيجاد بتاعت الدلكه نورهان ولا زيزي من فضلك

أم بيجاد

09-08-2006, 02:58 PM

صحيح نسيت الصبغه فى وحده كويسه جدا فى سيدى بشر جمال عبد الناصر عملت لوحده قريبتى صبغه وهاى لايت وقص وسيشوار ب120 فقط وطلع جميل وانا ديما بتعامل مع البنت ده أخلاق جدا .

راندا منوره وربينا يعينك ويعنى انا بقى عندى ولدين واحد هادى وواحد مجننى.

المتر شيماء يالا بقى تعالى علشان تنورى اسكندريه.

نور القمر لو عايزه أى حاجه تعرفى مكانها (اللى بيعمل الستائر _اى حاجه تحتاجها العروسه انا معاك ان شاء الله)

اما أماكن اللبس العبايات (نانى موود فى سيدى بشر عبد الناصر _لازورد عند الاكاديميه عبد الناصر _الخليجى رشدى شارع ابو قير _المحتشمه رشدى أبو قير _بريونى جادور شارع سوريا_بنت العرب المندره قرب المنتزه جمال عبد الناصر_فى محلات كتيره فى الديب مول رشدى_وفى محل عنده عباييات جميله وغريبه أول شارع يمين بعد السوبر جيت)

أم بيجاد

09-08-2006, 03:00 PM

ربنا ما يجيب زعل ابدا بتاعت الدلكه زيزى وهى كمان بتعمل حنه لكن مش بتعمل حمام مغربى.

dodyslh2005

09-08-2006, 03:30 PM

أهلا بكل الاسكندرانيه انا بمووووووووووت فى اسكندريه و على فكره انا رايحه اسكندريه ان شاء الله يوم السبت لانى متعوده انا و اهلى نصيف فيها كل سنه لانها اجمل المدن و سلام مربع لكل الاسكندرانيه

أم بيجاد

09-08-2006, 03:53 PM

مرحبا بك يا دودى هتشرفينا بزيارتكويارب تقضى أحلى الاوقات وأوعى تنسى تكلى ايس كريم من عند (جيلاتى عزه فى بحرى)

المتر شيماء

09-08-2006, 04:07 PM

شكرا جدا ام بيجاد واسكندريه منوره باهلها طبعا

noralkamar

09-08-2006, 05:04 PM

noralkamar

09-08-2006, 05:14 PM

[QUOTE=أم بيجاد]السلام عليكم ورحمة الله وبركاته

الاسم نورهان 5766481 موبايل 0128941519

التانيه اسعاره أرخص

الاسم مدام زيزى 3243213

يا جميل من الارخص من مين !!! غباء بعيد عنك
ومين الاحسسسن ودة الاهم انتى مجربة او عندك معرفة

أما طارق هو اللى 8عمل االمكياج وهو راح لها علشان نظام الفندق العروسه لها غرفه والعريس كمان غرفه والكوافير والحلاق هما اللى بيجو لهم

بس الحمد لله ربنا هداها على الاخر وهتلبس حجاب لان احنا شفنا عرايس بلفات طرح اكثر من رائعه وهى برده من عند طارق الصغير والله احلى من الشعر بكتير وكمان علشان نبتدى حياه صح وميكونش فيها معاصى من اولها .

ولا أيه؟

يييييا جمييل انا سألتك على الطرحة والمكياج انا الحمد لله محجبة من مدة وما قلعتش الحجاب نهائيا بفضل الله

ولا فى الخطوبة ولا فى الجواز ان شاء الله انا بسأل علشان انا اعرف ان الكوافير الراجل(يعنى زى وليد جيجى هو متخصص فى التصفيف والستات اللى عندة هما اللى بيعملوا المكياج للعروسة) علشان كدة سألت لو فى بنت بتعمل المكياج معاة واسمها اية .
بالمناسبة انتى قولتى ان فى واحدة زعقت لعروسة من عند وليد اسمها اية منال ولا ايناس انا اللى عملت لى كانت ايناس واتخانقت مع منال .
وما قولتيش على اسم الكريم بتاع الشعر اللى ب90 جنية اسمة اية ؟؟؟؟

noralkamar

09-08-2006, 05:19 PM

مرحب بدوددى انت اسم الدلع بتا ع على اسم خطيبى (اوعى تزعلى)
انت حتنورى شط الاسكندرية كلة
انا عندى ليكى واحد احسن من (جيلاتى عزة)
الشيخ وفيق ررررررهههههييببببب دة فى راس التين فى بحرى برضة كلى منة وادعيلى
زى صابر بالظبط واطلبى جيلاتى بالارز باللبن بالمكسرات وووواااااااووو رررررههههههييبببب
وما تنسيش تسبيلى حتةهههه

yomizo

09-08-2006, 06:58 PM

وانا عندى الاحلى منهم كلهم في بحري برضه بعد عزة اسمه النظامى واخد ناصيه كده وسيطه مسمع وعلى فكرة عزى احلى من صابر
والاحلى من ايس كريم عزة اللى على الكونيش بقى عربية دندرمة عزة الاصليه اللى ورا المحل بشارعين
هتلاقي صاحبها العجوز واقف عليها بليل بس بيبيع فانيليا وشيكولاتة ومانجه تقريبا بس
وطعم الفانيلا بتاعة خطييييييييييييييير واى خدمة ياحلوين
واللى عايزة تتفلحس بقىوتسيب كل ده ممكن تروح المالكى وتقصر وتريح نفسها وتريحنا من كل وجع الدماغ ده وسلام مدور عشان الحسد

أم بيجاد

09-08-2006, 08:02 PM

نور

زيزى هى الارخص ومش عارفه انه الاحسن فى الدلكه والحاجات ده انا جربت نورهان فى الحنه والتانيه صديقه نوبيه اعطتنى رقمها وقالت لى عنها انها كويسه.

اما طارق الصغير فان شاء الله بعد الفرح31_8هتاكد لك من اسم البنت .واسم الكريم انا مش عارفه هبقى اسألك صديقتى.

اللى قالت لها كده ايناس وطبعا ده ناهيك عن السجائر اللى مش بتنطفى من ايديها.

النحلة العاشقة

09-08-2006, 08:34 PM

فكره حلوة لكن ما عندي اضافه

noralkamar

10-08-2006, 12:27 PM

نور

زيزى هى الارخص ومش عارفه انه الاحسن فى الدلكه والحاجات ده انا جربت نورهان فى الحنه والتانيه صديقه نوبيه اعطتنى رقمها وقالت لى عنها انها كويسه.

اللى قالت لها كده ايناس وطبعا ده ناهيك عن السجائر اللى مش بتنطفى من ايديها.

ربنا يسهل انا اخت النمرة منكم نستفيد وحتصل بيهم بأذن الله

ايوة ايناس دى مالها رايقة هى ومنال السجاير على طول انا طلعت من عندهم الساعة 9:10
بالليل بس بصراحة هى شاطرة وما عملتش معايا حاجة وانا قولت ليها عايزة لون بنى ونحاسى وهى سمعت كلامى
بس الكحل ككان رهههههههيب سائل وتقيل المهم انا مش متعودة على المكياج التقيل فئتخضيت من شكلى اصلا :(*): :(*): بس الحمد لله كل الاراء كانت جميلة وكلهم قالو لى حلو قوى . وقالو المكياج لازم يكون كدة علشان
التصوير يطلع حلو وفعلا التصوير كان تحفة .
وشكرا ياام بيجاد على النصايح الغالية ربنا يخليكى لابنك ويخليهولك يا رب انا اتأثرت جدا جدا من اللى قولتية عن الولد ربنا يحمية ويحفظة يا رب (ما شاء الله ) انا خطيبى برضة نفس الموقف والدة هو اللى شا ف منام بأسمة من قبل ما يتولد (مامتة كانت حامل فية)القصص دى مؤثرة قوى ربنا يحفظ لينا احبائنا اجمعين امين يارب العالمين .

noralkamar

10-08-2006, 02:22 PM

اهلا بيكى يا نحلة وشقية كمان
اضيفى اى حاجة من خبرتك الشخصية فى اى حاجة فى الجمال فى الشعر كدة يعنى
وعموما دخولك الموضوع اضافة

yasmine_ 2006

10-08-2006, 04:25 PM

اهلا بكل البنات العسولات معانا
الموضوع بقى جميل جدا بيكم

أم بودي

10-08-2006, 06:35 PM

ايه الموضوع التحفه ده

بجد تحفه يا يوميزو

انا عايزه اقول لك علي كوافير في شارع الهرم بجد لو جربتيه ها تدعي لي كتير اوي
اسمه نينا و بنتا في محطه اسباتس قريب من شارع العريش بس علي الصف التاني المقابل لشارع العريش

أم بيجاد

10-08-2006, 07:58 PM

السلام عليكم ورحمة الله وبركاته

ربنا يخليكى يانور ويبارك لك فى خطيبك ويتمم لك فرحك على خير ويرزقك الله السعاده فىالدنيا والاخره .اللهم أمين

راندا صالح

10-08-2006, 08:05 PM

ميرسي ام بيجاد علي التعاون وانا اخدت النمر بس كنت عايزه اعرف هي بتعمل الدلكه ازاي وبتحسي بفرق ولا ايه
عشان انا بصراحه مجربتش الدلكه في اسكندريه بس كنت علي طول اعملها في مصر في مراكز التجميل ومجربتهاش في البيت وياريت لو تعرفي واحده عشان الحمام المغربي
يوميزو انتي يا عسل موضوعك بجد جنان بس علي فكره انا مع نور القمر في رأيها في الشيخ وفيق وعزه خصوصا فرع عزه الجديد اللي عند القلعه عليه ام علي بس تجنن انما المالكي مش اد كده بصراحه بالنسبه للاسكندرانيه ونظامي بردو ممتاز
ان جيتو للحق مفيش زي الاسكندرانيه في الحاجات دي وكلهم كويسسين