انقذونى بجد قربت اموت من الحسره

[عبيرالبحر]

ازيكم حبايبى انا كنت عضوه جديده لكن حصلى عذاب من قبل ما اشارك فى اى موضوع عندى
بجد كنت حموت بسب:confused: سكوت شعرى من كتر الاستشوار انا شعرى كان كل اللى يشوفه يقول تقيييييييييييييييل كل ده شعر وسواده رهيب حتى الكوافير كان يقول لى حخليكى اخر وحده اعمل لها لانى بتعب من تقل وكتر شعرك بجد مش هزار لكن انا دلوقتى بكى ليل نهار بجد من كتر وقوع شعرى وبقى حبه صغيره جدا زى ديل الفار مش عارفه اعمل ايه فى المصيبه دى بجد ساعدونى انا جربت كل شى البصل ولوسيونات لسقوط الشعر وفيتامينات لكن بجد انا حالتى النفسيه وحشه




يارب وحده تساعدنى رنا يسعدها ويبارك لها

[ريم74]

حبيبتي أنا بسمع انه زيت الخروع جيد لتساقط الشعر ..ومع الاستمرار عليه ستلاحظين نمو الشعر من جديد و اتمنى لك التوفيق

[ayoor]

حبيبتي اشعر بألمك لكن هوني عليك فالحالة النفسية السيئة تزيد من تساقط الشعر أتمنى أن تفيدك أخوات لك وتدعمك كذلك نفسيا ..
انا ليس عندي بما أفيدك سوى بهذه النصائح الشائعة: غيري الشامبو واستعملي الطبيعي مثلا ( 2صفار بيض+ملعقة زيت الزيتون +ملعقة خل التفاح يخفق بخلاط البيض ويغسل به مرتين الشعر المبلل )
استرخي وابتعدي عن التوثر
تناولي الآكل الصحي الطبيعي من الألياف والخضر والفواكه وتجنبي كل ما هو جاهز واصطناعي من مشروبات وحلويات ...
في الختام حاولي أن تراجعي نظامك الغذائي وان كنت قد مررت قبل هذه المشكلة بمرض ما مستعملة ادوية ما قد يكون هو السبب ..

[fiddle]

يا اخت عبير تقدري تستخدم زيت الحشيشة وصدقيني هو مضمون لاني انا بنفسي جربتة وكان رااااااااائع

[#جاردينيا#]

اختي العزيزة .. اول شي ممكن حد صابك عين او ما صلى على النبي وهو يشوف شعرك.. ونصيحتي تستخدمي زيت الخروع .. او تعملي حمامات زيت مرتين بالاسبوع ممكن تشتري منعم في المحلات على الفواكه.. او ممكن تستخدمي من صنسيلك بكثف الشعر..او ممكن تعملي في البيت ماسكات من البيض والمايونيز او فواكة

[سلمى المصرى]

حببتى انت زعلت كتيييير علشانك وفضلت ادور فى كل الموضوعات وجميع المنتدبات الخاصه بالموضوع ده وكلهم اجمعو على شئ واحد بس(الصبار)
كلهم جربوا الوصفه دى وقالوا ان مفعولها سريع وجميل
واليك حبيبتى الوصفه
تجيبى ورقه صبار وتفتحيها وتاخذى السائل الابيض الشفاف الموجود بالداخل وتدلكى بيه فروه شعرك الصبح وبليل لمده الا انت تحبيها وراح تلاحظى الفرق
معاك قلبى والله حبيبتى

[خواطر الرماح]

اول شيء ارقي نفسك بالايات القرانية كل يوم مع الاذكار من السنة

بعد كذا استخدمي الوصفات اللي قالو عليها الاخوات بس كمان اقرأي عليها

والله يحفظك ويشفيك

[راندا صالح]

الاخت عبير عندي ليكي وصفه ممتازه ونتايجها مضمونه جدا بس لو انتي متجوزه هتبقي صعب تعمليها عشان ريحتها وحشه جدا
ثوم + جرجير وتعصريهم في الخلاط وتعملي منهم حمام لشعرك
كمان ممكن تجيبي زيت جرجير مع زيت ثوم وتعملي حمام يوميا
انل مش بقدر اعمل الوصفه دي عشان زوجي بس انا جيبت حمام كريم بخلاصه الثوم من عند حراز اللي في باب الخلق وكمان شامبو ممتاز لسقوط الشعر وتغذيته بجد ممتاز اعتقد ان انك من مصر عشان كده قلتلك عليه بس الثوم والجرجير بيتقل الشعر وممتاز ممتاز وكريم حراز جاب معايا نتيجه ممتازه وبيخلي الشعر ناعم وطري جدا
ربنا يوفقك بس بلاش السيشوار كتير

[عبيرالبحر]

مش عارفه اقول لكم ايه بجد انا متشكره اوى اوى خالص ربنا يسعدكم ويستركم دنيا واخره

[روح الدلع]

وانا بعد اضم صوتي للاخوات وانصحج بزيت الخروووووووووع لانه رهيب بهالحالات