يرجى دخول بنات ام الدنيا " مصر"

[rodena]

اهلا بكل قمرات مصر كنت حابه اخد رايكم فى حاجه وهى مزيل العرق اللى بالبليه الدواره فى ناس قلتلى ان البليه دى بتسبب الاسمرار تحت الابط فياريت لو حد عنده فكره يفيدنى وكمان كنت عايزه اعرف ايه احسن كريم اساس وبودر متوفر بمصر للبشره الدهنيه معلش يابنات طولت عليكم لكن اعذرونى اختكم جديده لسه بامور الماكياج وياريت ياريت كل اخواتى المصريات اللى يقرو الموضوع يتركو رد لانى بازعل جدا لما الاقى قراءات كتير والرد قليل وهاكون سعيده جدا بردكم عليه
مستنياكم:)

[uqady]

اهلا بيكي انتي يا قمر اوعي تزعلي من عدم الرد ابدا
بالنسبه لمزيل العرق ممكن تستعملي ( فا ) حلو اوي وبستعمله دائما ولو عايزه وصفه طبيعيه في حاجه عند العطار اسمها شبه بيقولوا انها ممتازه وممكن كمان تجربي بعد الشاور نصف لمونه وتدلكي بها تحت الابط ممتاز
بالنسبه لكريم الاساس ممكن تستعملي بودر سمر كيك حلو اوي وممكن كمان تستعملي كريم جرداني تحفه ويارب حاجه تنفعك منهم

[totafinearts]

فى ناس قلتلى ان البليه دى بتسبب الاسمرار

ايوا فعلا بتسود وانا بعاني منها الى الان بالرغم اني تركتها من عدة سنوات
شكرا

[سندريلا 2000]

حبيبتى ارجوكى متزعليش واهلا بيكى بالنسبة للرول اون او حتى الاسبراى فانة من الافضل عدم رشة على الجلد مباشرة لانة فى احيان كثيرة يؤدى الى اسمرار البشرة وكذلك التهابات وكما قالت الاخت فان فا ممتاز وكذلك اريكسونا فانا احب الاثنين اما كريم الاساس فانا لا استطيع افادتك جيدا ولكن ماكس فكتور اعتقد انة جيد

[سكره منوره]

اهلا بيكى يا قمر

بصى البليه دى غير انها بتسبب الاسمرار منصحكيش بيها لان اى سبراى او ديدورى و عموما اى مزيل للعرق مضر

و عن تجربه انا شفتها بنت صاحبتى من استعمالها مباشره على البشره اصيبت بالتهاب فى الغده و تورم فى تللك

المنطقه
بعد الشر عليكى طبعا و علينا كلنا

عشان كده منصحكيش ابدا باستخدام مزيلات العرق على البشره ممكن تستخدمى الشبه زى ما الاخت قالت او كمان فبيكس مزيل العرق كويس اوى

و بالنسبه لافضل كريم اساس

طبعا ماكس فاكتور او ايفون

بس جربى البودره المائيه رووووووووووووووعه احسن بكتير من الكريم الاساس و مظهرها كتير طبيعى و جميل

اتمنى انى اكون افدتك

[mandy_181]

hi ya 3mar de awl msharka lea w habet ard 3leky ana basta3mel fa dayman w bgd da hayel w kman raksona

[المتر شيماء]

اهلا بيك ردينه انا معلوماتى ان الرول اون بتسمر فيا ريت الاسبراى احسن بس يكون من فوق هدوم اما كريم الاساس ماكس فاكتور طبعا او ممكن لانكوم اما البودره المائى انا بكرها لانها بتبان اوى وتجير مع الوقت وبتسمر يعنى مصيبه خالص وكمان بتخلى وشك زى عروسه المولد ودى كلمه اخويا لما جربتها

[rodena]

ميرسى اوى ليكم كلكم وانا سعيده جدا بمروركم .
بالنسبه لمزيل العرق انا عارفه ان فا وريكسونا وفيبكس كويسين جدا لكن للاسف هما بالبليه الدواره ودى زى مقلتوا بتسبب اسمرار وتهيج بالبشره فكنت عايزه اعرف مزيل لكن من غير البليه الدواره وبالنسبه للشبه انا اول مره اسمع عنها انها بتزيل العرق فياريت تقلولى ازاى بنستخدمها .
بالنسبه للاساس والبودر انا جربت سمر كيك بدرجه اسمها راشيل وكانت فاتحه جدا فجبت درجه تانيه اسمها russet ودى كانت غامقه اوى وغمقتنى جدا وانا لونى الطبيعى بين القمحى والابيض يعنى افتح من القمحى ياريت تقلولى اى درجه تناسبنى لانى بجد محتاره اما ماكس فاكتور وايفون انا لسه مجربتش منها حاجه وكمان كريم جردانى انا اول مره اسمع عنه ياريت تقلولى اسعارها ايه
وبجد اشكركم للمره التانيه انكم اهتميتو بموضوعى وهستنى ردكم عليه

[rodena]

اهلا ياشوشو نورتى الموضوع بس على فكره لما بنحط الاسبرى على الجلد بيثبت اكتر من اللى على الهدوم انا نفسى الاقى حاجه تنحط على الجلد ومن غير متسبب اى حاجه للجلد لا اسمرار ولا تهيج ياريت لو تعرفى تقليلى
اما كريم الاساس ماكس فاكتور ده كريمى ولا بودر مائى لان فى الاثنين انتى تقصدى انهى وبعدين هو هينفعنى ياترى لانى دهنيه جدا وخايفه يسيح فى الجامعه وكدا ومعلش انا عارفه انى طولت بس معلش استحميلينى انا بس عايزه اعرف سعر الكريم ايه ماكس فاكتور وميرسى يا قمر على مرورك

[rodena]

ايه يا بنات نسيتونى ولا ايه

[lovely_maro]

حبيبتي شبة مطحونة مع مسك مطحون و إستعمليها مرة في الأسبوع و متزوديش عن كدة علشان الشبة هتضرك لو أكثرتي إستعمالها أستعمليها كبودر للعرق
يا رب أكون أفدتك

[سكره منوره]

بصى يا ردينه انا بستعمل البودره المائيه ماركه سمر كيك درجه شيرى

و هى كويسه معايا جدا و انا لونى بردو فاتح اميل لبياض اكتر

و كنت بستعمل كريم اساس و البودره لكن كانوا مش حلوين ابدا على غير انه بيسيحوا من الحر و الشمس و

العرق

لكن البودره المائيه احسن كتير بس انتى اختارى الدرجه المناسبه و انصحك بشيرى و ممكن تتحكمى فىها بأنك

متزوديش الكميه الى هاتحطيها على وشك يعنى مجرد لمسات بسيطه هاتتطلع كانها طبيعيه جدااااا

وياريت اكون افدتك

[cute snowy]

هلا. انا بقى من يومي وانا باستخدم مزيل العرق بالبلية الدوراة والحمد الله انا مش عندي سواد نهائي ولا حاجه
اما بالنسبه لموضوع البليه الدوارة هي اللي بتسبب السواد فده غلط اكيد عشان العيب في السواد هو تركيبه المزيل نفسه لان ممكن يكون بيغلق المسام وبيعمل حبوب تحت الجلد عشان كده لازم تستخدمي مزيل مضمون وكويس عندك ريكسونا رائع وكمان نيفيا ودوف وكمان مزيلات عرق بتاعت منتجات ايفون انا على طول بستعمل الانواع دي وبغير فيها من وقت للتاني ومفيش مشاكل لكن مع مراعاة انها للاستعمل الشخصي فقط يعني انا وبس مش حد تاني يحط منها ولا حتى اختي فهمتي
وفي حاجه تانيه في انواع بشرة بيطلعها حبوب تحت الجلد من كلايم فيبيكس اكيد سمعتي عنه وانا كنت منهم ولما بطلتو راحت الحبوب .دي نصيحتي ليكي

[cute snowy]

بالنسبه لكريم الاساس انا بشرتي دهينه وبستعمل كريم اساس لانكوم للبشرة الدهنيه لانه في نوع مخصوص للبشرة الدهنيه خالي من الزيوت وهو لون وشي ولما احطه بيكون طبيعي جدا ومريح

[rodena]

اشكركم على ردودكم بس عندى سؤال لدندونه الاموره وهو ان انا فعلا باستعمل سمر كيك بس مش عارف ايه درجه الشيرى فى درجه اسمها راشيل بس فاتحه اوى ياترى هى دى الشيرى ولا قصدك ايه ياريت توضحيلى النقطه دى ميرسى اوى لاهتمامك