ابغى اسم دكتورة نسائيه في الرياض امانه يابنات ساعدوتي

[الهوى سلطان]

يا بنات توني متزوجه جديد وابغلى دكتوره شاطره اتعالج عندها باقي عمري واعتمد عليها لاني اعاني من التهابات الله يخليكم لا تبخلو علي في الردود وشكرا

[بطه السعودية]

شوفي حبيبتي بالنسبه لي انا فيه دكتوره جيهان ودكتوره ناديه في مستشفى دله اخلاقهم مره حلوه واهم شي انهم ما يخوفونك يعني يحسسونك ان حالتك تمر عليهم كثير وفيه بعد دكتوره اختي كانت تراجع عندها والصراحه كان علاجها تمام بعد اذان الله طبعا اسمها سهيله في المشاري يس مشكلتها ان مواعيدها دايما ملخبطه يعني ممكن تكنسلك في اي لحظه وتروح بس جربي وان شاء الله ما تشوفين الا العافيه

[الهوى سلطان]

مشكووووووره اختي على ردك والله يعطيكي الف عافيه يارب

[وردة صفراء]

أنا لما كنت بالرياض كنت أروح عند( زهية كمكم دكتورة جزائرية)في مركز الدكتور سليمان الحبيب
كانت ممتازة وكتير ودودة مابعرف إذا إلى الأن موجودة ولا لأ هاد الكلام من ثلاث سنين.

[الهوى سلطان]

والله يا حبيبتي انا جربت الليزر من سنه والحمدالله مرتاحه والله لا يعور وانا سألت اكتر من دكتور اذا كان فيه اثار جانبيه وقالي مافي اي مشكله باليزر اما عن التشقير انا ما احبه ما ادري ليه يمكن من ريحته بس لو تحبي اسألي اكثر من دكتور على موضوع الليزر والله يوفقك

[الهوى سلطان]

معليش اسفه هذا رد المفروض في موضوع ثاتي ولكن اعذروني على الغلط واتمنى انت تفيدوني اكثر بأسم دكتوره نسائيه في الرياض وشكرا

[ريحانة العود]

عندك اختي دكتوره ليلى المسعود في مستوصف حي السلام ماشاءالله تبارك الله عليها ممتازه وكل الي راحو لها ماذموها واعرف ثنتين ونا الثالثه جربيها وماراح تخصرين ابد ابد هي موجوده هناك وعليها زحمه من القصيم يجونها والله
جربيها انصحك وماتندمين وردي علي ولاتنسيني من صالح دعائك

[الثقل صنعه]

ههههههههههههههههههههههههههههههههههة <باقي عمري> حلوة الله يطول بعمرك حبيبتي وانشاء العمر كله بصراحه ظحكت على كلمتك هاذي اللي يسمعك يقول عجوز وانتي توك متزوجه تقولين خلينا با الموضوع ترى امزح عليك لا تزعلين علي دمي ثقيل صح ههههههههههههههههههههههة انا اعرف دكتوره استشاريه في مستوصف في الروضه لا كن والله ممتازه اسم المستوصف الضوي والدكتوره زبيده انشاء الله ما تشوفين شر بااااااااي

[الهوى سلطان]

شكرا لك ولا والله انا كل قصدي اني ما ابغى كل شوي اروح لدكتوره ابغى اروح عند وحده مجربينها ومضمونه وشاطره لاني مره ما احب الدكاتره بس الدكتوره النسائيه لابد منها انتي عارفه والله يسلمك يارب

[عاسـ الخيل ـفة]

عزيزتي في الدكتوره ماجده بمستوصف البدري بشارع الامام محمد بن سعود بحي المصيف ممتازه وخالاتي يروحون لها وكل وحده لها مشكله مختلفه وماشاء الله وصفاتها ممتازه
وبالرغم اني الان برى الرياض الا اني الى الان مخليتها مستشارتي وأخر مره كلمتها أمس (وووروعه)

[الهوى سلطان]

طيب حبيبتي ممكن ترسليني رقمها على الخاص لو سمحتي