أستفسار عن جامعة الملك عبد العزيز بجده .... الله يجزاكم خير

[حلى قهوه]

السلام عليكم ورحمة الله وبركاته

كيفكم بنات

ابغى اسال عن جامعة الملك عبدالعزيز

أنا بدخل قسم آداب إن شاءالله

ونسبتي الحمدلله زينه ( بالتسعين )

ولكن بدخل انتساب لاني مو من سكان جده

وش رايكم أدخل انتساب عادي ولا مدفوع وأيش الفرق بينهم ؟؟؟

والله يجزاكم خير يارب

[شعنونة المنتدى]

هلا بأحلى حلى ..

والله ما بعرف و ما بقدر أفيدك إلا بهادول :
إذا بدك رقم تليفون الجامعة و عندك استفسار بعطيك إياه ..

و هادا موقعهم .. حوسي فيه .. بس انتبهي .. ادخلي شطر الطالبات أول .. بعدين حوسي .. يعني لا تحوسي في قسم العيال .. عيب !!!! :)

http://www.kaau.edu.sa/

[مرارة البحر]

وعليكم السلام ورحمة الله وبركاته:)..

ياهلا بالحلى:)

عزيزتي ماعاد في انتساب عادي.. الانتساب الآن مدفوع..

ماتقدري تقعدي بالسكن؟؟ سكن البنات راقي جدًا ومستواه عالي..

لأنه بصراحة خسارة نسبتك ممتازة وتدخلي انتساب..

الانتساب المدفوع أعتقد 3000 بالتيرم.. واللي يجيب معدل طيب يحول انتظام بعد سنة لو يبغى..

فكري بموضوع السكن.. الدراسة المنتظمة أفضل بكثير..

ربنا ييسر لك:)

[شعنونة المنتدى]

و أنا أشجع مرمر ..

السكن ممتاز و آمن ..

فكري و شوفي إذا يناسبك :)

[حلى قهوه]

هلا بأحلى حلى ..

والله ما بعرف و ما بقدر أفيدك إلا بهادول :
إذا بدك رقم تليفون الجامعة و عندك استفسار بعطيك إياه ..

و هادا موقعهم .. حوسي فيه .. بس انتبهي .. ادخلي شطر الطالبات أول .. بعدين حوسي .. يعني لا تحوسي في قسم العيال .. عيب !!!! :)

http://www.kaau.edu.sa/

هلا والله وغلا بشعنووووووونه

دخلت الرابط اللي عطيتيني

حست فيه حوووووسه :D


يسلمووووووو حبيبتي :)

[حلى قهوه]

وعليكم السلام ورحمة الله وبركاته:)..

ياهلا بالحلى:)

عزيزتي ماعاد في انتساب عادي.. الانتساب الآن مدفوع..

ماتقدري تقعدي بالسكن؟؟ سكن البنات راقي جدًا ومستواه عالي..

لأنه بصراحة خسارة نسبتك ممتازة وتدخلي انتساب..

الانتساب المدفوع أعتقد 3000 بالتيرم.. واللي يجيب معدل طيب يحول انتظام بعد سنة لو يبغى..

فكري بموضوع السكن.. الدراسة المنتظمة أفضل بكثير..

ربنا ييسر لك:)

هلا والله وغلا بمراااره

والله ياحبيبتي الأهل مايرضون لي أقعد بالسكن

ومن جد مقهووووره على نسبتي اني ادخل انتساب


ومشكووووره حبيبتي على الافاده

لاني دوبي اعرف انه مافي انتساب عادي

والسكن مستحيييل افكر فيه :(


لان اهلي مستحيل يرضون


صح اني مستصعبه الانتساب مرررررره :(


بس وش اسوي يا انتساب او جلسه بالبيت :D

وبنات عمي ان شاءالله بيدخلون نفس قسمي انتظام


يعني بيساعدوني باذن الله


يسلموووو حبيبتي على مرووورك :)

[GalB o5taha]

الله ييسرلك الخير يارب :)

[مرارة البحر]

يارب ييسر لك اللي فيه خير ياحلى:)

لو أهلك يزوروا السكن راح يغيروا رأيهم..

لا تشيلي هم.. اللي فيه خير هو اللي راح يتيسر لك بإذن الله..:)

على فكرة في بنات عندنا يداموا انتظام من خارج جدة..

ناس من مكة.. وناس من القرى.. بعضهم ياخذ المشوار ساعتين..

يعني يخرجوا من الفجر عشان يوصلوا 8..

وماشين ماشاء الله.. :)..

[شعنونة المنتدى]

الله ييسرلك اللي فيه الخير يا حلى ..

و أهم شيء انك تدعي رب العالمين يكتبلك الخير .. و أنا حدعيلك معي .. :)


مرمر ..بس أيد حيكون تعب على حلى انها تيجي كل يوم هادا المشوار ...

حلى ..
انت من فين ( إذا فيها إحراج لا تجاوبي !!!! ).

[حلى قهوه]

الله ييسرلك الخير يارب :)

امين يارب

مرورك أسعدني حبيبتي :)

[حلى قهوه]

يارب ييسر لك اللي فيه خير ياحلى:)

لو أهلك يزوروا السكن راح يغيروا رأيهم..

لا تشيلي هم.. اللي فيه خير هو اللي راح يتيسر لك بإذن الله..:)

على فكرة في بنات عندنا يداموا انتظام من خارج جدة..

ناس من مكة.. وناس من القرى.. بعضهم ياخذ المشوار ساعتين..

يعني يخرجوا من الفجر عشان يوصلوا 8..

وماشين ماشاء الله.. :)..

اللهم امين يارب

بس صعبه مره اني اجي من ينبع كل يوم :confused:


وان شاءالله بنات عمي مايقصرون :)


وانا بستخير ان شاءالله

والخيره فيما يختارها الله


مرورك اسعدني حبيبتي مراااره :)

[حلى قهوه]

الله ييسرلك اللي فيه الخير يا حلى ..

و أهم شيء انك تدعي رب العالمين يكتبلك الخير .. و أنا حدعيلك معي .. :)


مرمر ..بس أيد حيكون تعب على حلى انها تيجي كل يوم هادا المشوار ...

حلى ..
انت من فين ( إذا فيها إحراج لا تجاوبي !!!! ).


اللهم آآآمييييين

وييسرلك يارب

يسلموووو حبيبيتي

حبيبتي انا من سكان ينبع


مشوااار بين ينبع وجده :(


ايوه صح

ممكن بتلقف شوي :D

ايش ناويه تدخلين ؟؟؟

[المتميزة 1]

الله يوفقك ويسعدك يا قلبي دنيا وآخره

دعواتي لك بالتوفيق

"ودمتم على طاعة الله"

[أخت البيلسان]

وعليكم السلام ورحمة الله وبركاتة
والله ماعرف شي عنة
بس بما أني ملقوفة سلامات
ليش غيرتي رايك مو كنتي تبين
تدخلين علم نفس

[حلى قهوه]

الله يوفقك ويسعدك يا قلبي دنيا وآخره

دعواتي لك بالتوفيق

"ودمتم على طاعة الله"

هلا والله وغلا بفسفس

مشكوووووره ياقلبي


تواجدك اسعدني حبيبتي :)

[حلى قهوه]

وعليكم السلام ورحمة الله وبركاتة
والله ماعرف شي عنة
بس بما أني ملقوفة سلامات
ليش غيرتي رايك مو كنتي تبين
تدخلين علم نفس
هلا والله وغلا بسبس

وين النااااااااااااس


ياقلبي لازم اول سنه ادخل اداب


بعدين اتخصص

وغيرت رايي للعربي :D


مشكووووووره ياقلبي على المرور :)

[مرارة البحر]

أهاااااا انتي في ينبع.. ما كنت أعرف:)..

ربنا معكِ:).. عندي كثير زميلات من ينبع موجودين في السكن:)

الله ييسر لك..:)

[شعنونة المنتدى]

عادي حبيبتي تلقفي براحتك :)

الموضوع موضوعك !!!


أنا يا ستي و للأسف ما بقدر أحدد التخصص اللي بدي إياه ..

فقط علي أختار المكان ( في جدة طبعا ) .. و بعد ذلك حسب التخصصات الموجودة أختار ..

أنا كان حلم حياتي الصحافة و الإعلام ..
و للأسف ما لقيت و لا جامعة ولا كلية هنا بتدرسه ..

قدمت أوراقي لكلية دار الحكمة .. طبعا هي أسعارها نار .. بس بيعطو منحة كلية أو جزئية للمتفوقات و اللي يعدوا امتحانات التوفل و المقابلة الشخصية ..
قدمت أول امتحان ( التوفل ) و باقي المقابلة بكرة ..
إذا طلعلي في دار الحكمة و الله كتبلي فيها بإذن الله أختار (تعليم خاص) اللي هو تبع الأطفال الموهوبين و الأطفال ذوي الاحتياجات الخاصة..


و حقدم كمان لكلية عفت .. برضو نفس النظام في منحة .. و أشوف اللي عندهم و لسا ما قررت إيش أختار من عندهم .. عندهم رياض أطفال و انجليزي و إدارة أعمال و علوم حاسب و إدارة نظم معلومات .. و هندسة حاسب و تصميم معماري ..


و بفكر أقدم أوراقي لجامعة الملك عبد العزيز .. و يمكن أنقبل أو لأ ( لأني غير سعودية .. و غير السعوديات بيقدموا أوراقهم و لو متفوقات بياخدوهم .. و أنا الحمد لله نسبتي 97% .. نقول يا رب ) بس ما بعرف لو طلعلي فيها إيش أدرس ؟! :(


شو رأيك يا مرمر بأحياء دقيقة :)

و هادي قصة حياتي للآن ..)


انصحوني كمان وين أقدر أقدم و أدرس حاجة محترمة ؟؟؟

أكيد طبعا ندمتي على لقافتك يا حلى لأني حكيتلك قصة حياتي !! حتحرمي لقافة بعد هيك !!!:)


سلملم

[مرارة البحر]

بعد إذن حلى:)..

شعنن.. مو شو رأيي أنا.. إذا طلعلك بجامعة الملك عبد العزيز وقتها الخيارات كلها مفتوحة قدامك وإنتي تختاري..

التعليم الخاص في دار الحكمة أنا شايفته طيب ومحتاجينه في بلدنا.. لأن الموهوبين مظلومين:(..

لكن المهم إنتي يعجبك..

سمعت إنه قسم الإعلام بكلية الآداب بالملك عبد العزيز راح يفتح للبنات.. لكن ما أدري متى!

عفت ودار الحكمة مافيهم إعلام؟؟

طيب الجامعة المفتوحة؟ ماسألتي؟

[حلى قهوه]

أهاااااا انتي في ينبع.. ما كنت أعرف:)..

ربنا معكِ:).. عندي كثير زميلات من ينبع موجودين في السكن:)

الله ييسر لك..:)

اللهم امين

ايوه بينبع مره صعبه :(

:)

[حلى قهوه]

عادي حبيبتي تلقفي براحتك :)

الموضوع موضوعك !!!


أنا يا ستي و للأسف ما بقدر أحدد التخصص اللي بدي إياه ..

فقط علي أختار المكان ( في جدة طبعا ) .. و بعد ذلك حسب التخصصات الموجودة أختار ..

أنا كان حلم حياتي الصحافة و الإعلام ..
و للأسف ما لقيت و لا جامعة ولا كلية هنا بتدرسه ..

قدمت أوراقي لكلية دار الحكمة .. طبعا هي أسعارها نار .. بس بيعطو منحة كلية أو جزئية للمتفوقات و اللي يعدوا امتحانات التوفل و المقابلة الشخصية ..
قدمت أول امتحان ( التوفل ) و باقي المقابلة بكرة ..
إذا طلعلي في دار الحكمة و الله كتبلي فيها بإذن الله أختار (تعليم خاص) اللي هو تبع الأطفال الموهوبين و الأطفال ذوي الاحتياجات الخاصة..


و حقدم كمان لكلية عفت .. برضو نفس النظام في منحة .. و أشوف اللي عندهم و لسا ما قررت إيش أختار من عندهم .. عندهم رياض أطفال و انجليزي و إدارة أعمال و علوم حاسب و إدارة نظم معلومات .. و هندسة حاسب و تصميم معماري ..


و بفكر أقدم أوراقي لجامعة الملك عبد العزيز .. و يمكن أنقبل أو لأ ( لأني غير سعودية .. و غير السعوديات بيقدموا أوراقهم و لو متفوقات بياخدوهم .. و أنا الحمد لله نسبتي 97% .. نقول يا رب ) بس ما بعرف لو طلعلي فيها إيش أدرس ؟! :(


شو رأيك يا مرمر بأحياء دقيقة :)

و هادي قصة حياتي للآن ..)


انصحوني كمان وين أقدر أقدم و أدرس حاجة محترمة ؟؟؟

أكيد طبعا ندمتي على لقافتك يا حلى لأني حكيتلك قصة حياتي !! حتحرمي لقافة بعد هيك !!!:)


سلملم

اهاااااااا

الله يحقق اللي في بالك يارب

وابد ياحبيبتي


خوذي راحتك

الموضوع موضوعك ياقلبي

بالعكس فرختوني بردودكم انتي ومرمر


الله يسعدكم يارب :)

[حلى قهوه]

بعد إذن حلى:)..

شعنن.. مو شو رأيي أنا.. إذا طلعلك بجامعة الملك عبد العزيز وقتها الخيارات كلها مفتوحة قدامك وإنتي تختاري..

التعليم الخاص في دار الحكمة أنا شايفته طيب ومحتاجينه في بلدنا.. لأن الموهوبين مظلومين:(..

لكن المهم إنتي يعجبك..

سمعت إنه قسم الإعلام بكلية الآداب بالملك عبد العزيز راح يفتح للبنات.. لكن ما أدري متى!

عفت ودار الحكمة مافيهم إعلام؟؟

طيب الجامعة المفتوحة؟ ماسألتي؟

هلا مرمر

خوذ ي راحتك ياقلبي

الموضوع موضوعك :)

[شعنونة المنتدى]

يا ريت والله يا مرمر يفتح فيها إعلام ..

غز الله لأنام عندكم بالجامعة :)..

أنا زي ما قلتلكم قدمت أوراقي لكل من عفت و دار الحكمة ..

و للأسف ما عندهم صحافة و إعلام .. دوّرت كثير و سألك كثير للأسف ما في ..

بس اليوم في المقابلة الشخصية ( كانت في ورق و النترفيو نفسه يوم الأحد ان شالله ) كتبت إنو كان رغبتي إعلام !! و دوشت راسهم فيه !! كأنه في فايدة !!! يللا يمكن إذا انقبلت عندهم يساعدوني من خلال نشاطات الكلية :)


حلى..
الله يسعدك يا شيخة و الله انك صادقة يوم ما سميتي نفسك حلى :)

شو صار معك ؟؟ خبريني عنك :)