أنا دخلت على شي واحد >> جامعة الإمام محمد بن سعود<< والظلم الطالبات

[المنقهر]

السلام عليكم ورحمة الله وبركاته


والله أنا منقهر ولا كان ماكتبت هذا الكلمات وأعذروني أبغى أتكلم يمكن أحد يسمع لظروف الطالبات المساكين ..


والله ياأخواني

عايشين الطالبات في ظلم مايعلمه إلا الله

أسمعوا

في المستوى الي فات


وحده من خواتي دموع على عيونها

وسئلتها وش جاك ؟؟

تقول حرموني من مادتين

وسبب هذا الحرمان الي جاء لختي علشان عذر طبي مزور

(ومن متى إنـا نجيب أعذار مزوره)

وكيف أكتشفوا ؟؟؟؟

مــا شاالله عليهم

من العمر أكتشفوه؟؟

هي عمرها 21 سنه وفي العذر مكتوب 17 سنه

باله هذا سبب ؟؟؟

البنت النحرمة من مـادتين ياخوان مادتيييييييين !!

والقسم حاسب ؟؟؟

ومتى درة بعد المذاكرة وطلع النتائج ماعلموها بالحرمان من الأول

شف النذاله

تدرون ليش ؟؟

يوم راحت تسئلهم كان قلتولي قبل ما لا أدخل الإختبار ؟؟

وش الجواب

نبغا نحرمك من الماده الي أنتي ناجحه فيها


البنت أنحاست على شان عذر متهم بتزوير ؟؟؟

هذا شي

والأدهى من كذا

هذي وحده من الطالبات

مرسبيها في مادتين من مستوى أول وماده من مستوى ثاني

البنت وضعها باقيه في مستوى ثاني

وجى وقت الإختبارات الحاملات المواد ؛ طبعاً الله يجزاهم خير ماقصرو ونشكر لهم هذا المجهود الطيب ؟؟؟ ينزلون الأسماء الي بيختبرون قبل بسبوعين

والبنت تدور أسمها من ضمن مجموعة أسماء

مالقت أسمها ؟؟؟

راحت تسئل عن عدم سبب نزول أسمها ؟؟


لقوها ناجحه

تخيلو مستوى كامل تحسب نفسها راسبه طلعت ناجحه ؟؟

هذي راحة عليها مستوى إلا راح عليها جهدها وحظورها اليومي والمذاكره في الإختبار الشهري


وش الحل الي عطوها إياه

قالوا: أحظري الإختبار وأكتبي أسمك ؟؟؟ وأنا بنجحك ؟؟

يعني لعب في التصحيح ينجحون الي يبغون ويرسبون الي يبغون


وهذي وحده من الطالبات
غيابها كثير بدون أعذار بسبب ظروف أهلها
ميخالف هذي معذور
لكن؟؟
راسبه بالمستوى الأول مادتين والثاني كله رسوب ولا ماده ناجحه فيها

معدلها 2 وكسر

كيف جابت هذا المعدل؟؟
..و المعدل بعد بسبب ظروف أهلها ؟؟؟

تلعبون على مين ؟؟

وش رايكم أنتم .. والله مهب شي يقهر؟؟


وترى هذي أشيــاء بسيطه وفيه أشيــاء كثيره تحصل بس الصبر يارب

وأنا أنتظر ردودكم ؟؟

[شمالية غربية]

وعليكم السلام ورحمة الله وبركاته


ينقل للملتقى العلمي

[مبرقعه حولا]

مانقول الا حسبنا الله ونعم الوكيل على هذه الأفعال

[مرارة البحر]

وعليكم السلام ورحمة الله وبركاته..

ارفعوا الأمر لإدارة الجامعة... الا يوجد مجالس طلابية؟ ألا توجد عميدة؟ لمَ السكوت؟؟؟؟

إذا لم تسمع لهم العميدة فهناك الإدارة.. وإن لم تسمع الإدارة فهناك وزارة التعليم العالي!

ماضاع حق وارءه مطالب.

[حبيبة ريم]

ياخي عـايدي ماشفت شي!!!
هذا ويقالك أن أعضاء هيئة التدريس والإدارة كلهم خريجين سعـــــــود يعني هم قبلنا متعقدين من الظلم المفروض يتلافونه !!
بس يله هذي الدنيا
إذا ضاقت بنا ضيقة نقول < يارب كانه إ بتـلاء من عندك فلك الحمد والشكر وان كانه بذنب سويناه فإنا نستغفرك ونتوب اليك

[أسيرة الغربة]

بالفعل هناك تجاوزات كثيره وبعض الظلم سواء في الامام أو الكليات الاخر خاصة قسم الانتساب
...وما أخذ منا في الدنيا لن يضيع في الأخرة .

[سمرا حليوة]

حسب الله ونعم الوكيل فيهم

[نظام جامعي فاشل]

بسم الله الرحمن الرحيم


قهررررررررررر والله قهررررررررررر

لا اداره ولاهم يحزنوووون

وش نسوي

حسبنا الله ونعم الوكيل

اللهم اظلم من ظلمنا وانتقم لنا منه

[راجيةالجنة]

أختي الغالية
اللهم اظلم من ظلمنا وانتقم لنا منه
هذه المقولة لاتجوز فالله سبحانه وتعالى منزه عن الظلم ......وهو عزيزاً ذو إنتقام

أسأل الله ان يفرج همكم ويرفع عنكم ماأصابكم من ظلم

[* عذبة الإحساس *]

الجامعة مافيها نظاااااااااااااااااااااااااااااام

حسبي لله ونعم الوكيل

[~ أم المقداد ~]

بسم الله الرحمن الرحيم


اللهم اظلم من ظلمنا وانتقم لنا منه

هذة من المناهي الشرعية فالله عادل لا يظلم ومن عدلة أن يأخذ الحق من الظالم ولا يظلمة سبحانة

لك حبي يا غالية

[دكتوره عسولة]

لا حول ولا قوة إلا بالله،،
ظلم زي كذا ماشفت وأنا من جامعة الملك سعود صح انو فيه أشياء تقهر بس ماتوصل لهذي الدرجه،،
و الله يرفع عن كل مظلوم...

[نـورا]

وعليكم السلام ورحمة الله ..

لا أقول سوى أعانكم الله ..

وكما قالت مرارة ،، ما ضاع حق وراؤه مطالب .. عليكم الدخول للمسؤولين والحديث معهم بغض النظر عن النتيجة المتوقعة .. المهم صوتكم يوصل ،،

[القلم الوردي]

.
+
.

السلام عليكم ورحمة الله وبركاته

وعليكمـ السلامــ ورحمة الله وبركــاتهـ ..

أعانكمـ اللهـ

وأنـــا رأيي من رأي مرارة البحــر ..

ارفعوا الأمر لإدارة الجامعة... الا يوجد مجالس طلابية؟ ألا توجد عميدة؟ لمَ السكوت؟؟؟؟

.
+
.

[اكابر الدمعه]

والله يابنات اكتب والدموع بعيوني من جامعة الامام محمد بن سعود ..
انا احدى طالبات الجامعه قسم حاسب والله ثم والله ظلم وتسلط <حسبنا الله ونعم الوكيل عليهم>
بصراحه من الظلم والقهر اللي اشوفه ماقدرت اكمل فيها وانسحبت .. حسبنا الله..:K)

[الأبلة نونو]

يالله لهالدرجــة !!!!!!!!!!!!!!

وين نروووووووح طيب؟؟؟؟؟؟؟؟؟؟؟

انا ماقدر ادخل جامعة الملك سعود؟؟؟؟؟؟؟؟؟لانها بعيدة عني

ومابيدي الا جامعــة الامااااااااااااااام محمد؟؟!!
يالله حتى الاقسام الاخرى فيها.؟ شسالفة لية منتشر هالشي وانتم ساكتييييييييييييييييييين؟؟؟؟؟؟؟؟؟؟؟ غريبة والله ..

اذا كان هالشي منتشــر فعلا وكثير يعانون لية ساكتين؟؟

[الهوى سلطان]

والله والحق يقال انا طالبه في جامعة الامام محمد بن سعود ولي سنه متخرجه قسم حاسبويشهد الله على كلامي اني ماشفت هذه الاشياء من وقت ما دخلت لين ما تخرجت عاد الدنيا حظوظ انا اكتب عن تجربه زي وزي غيري وشكرا لكم

[المنقهر]

مراره

بس يا إختي إنا ماقصرا بالشكاوي حتى بالجرايد ماقصرو الطالبات مدري وش القصه معهم


أختي الهوى سلطان

( والله والحق يقال انا طالبه في جامعة الامام محمد بن سعود ولي سنه متخرجه قسم حاسبويشهد الله )

أختي وش هذا الكلام قسم الحاسب توه جديد وإلى الأن موصلين للمستوى السابع يعني الطالبات آخر مستوى وصلو له هو مستوى سابع محد حتى وصل للمستوى الثامن

محد تخرج من قسم الحاسب

كيف إنتي تخرجتي !!لا وبعد من سنه ؟؟ ماشالله



بعدين يا أختي لا تشهدين على شي أنتي ماشفتيه أحد غيرك معاني جداً ولا كان مانزلت الموضوع هنا وعينه كبيره من الطالبات معانيات

[الهوى سلطان]

اول شي يا حبيبتي انا اجنبيه وغيو مسموح اني اكمل انا اخذت دبلوم وطلع لو اني سعوديه كان كملت هذا اولا وثانيا انا ما اشهد على شي كذب حبيبتي لاني شفت ودرست واظن الاداره وحده دبلوم او غيره وبعدين تكلمت عن شي انا شفته يمكن انتي شفتي هذه المشكله انا ما اقول لا بس هذه مجرد مشاركه لا اقل ولا اكثر

[الهوى سلطان]

وين الرد يا اختي بستناكي

[حنين الروح]

بصراااحه هذه الجاامعه 000ظاااالمه

[الهوى سلطان]

يمكن تكون ظالمة بس كل وحده يكتب الي شافه وجربه والله يعطيكم العافيه

[لاملاكـ ولابشر]

السلام عليكم ورحمة الله وبركاته,,,

هذا اول مشاركه لي في المنتدى اتمنى انكم تفيدوني,,

مشكووووووووووووووووووورين حبايبي على الموضوع...

بس خوفتوني شوي من الجامعه,,,:(

انا توني متخرجه من الثانوي هالسنه ونسبتي90وجامعة الملك سعود رفضتني:K)

ومره أبغى ادخل حاسب لاني احبه وهذا طموحي,,,

فحاطه في بالي الامام لو الترم الثاني لان مالي الا هي ,,,

تكفوووووووووون ساعدوني اذا كان القسم صعب قولوا لي؟؟ وش تنصحوني ادخل؟؟,,,

مع العلم ان مستواي اعلى من نسبتي بس لاني تعبت نفسيا,,,

والحمد لله على كل حال,,,,,,لاتبخلون علي بالنصايح:[]L

[صدى الجرووووح]

صحيح كلام حبيبه ريم هذا ظلم متعقدين منه قبلنا والمفروض يتلافونه بس الا بيطلعون حرتهم بناس مالهم ذنب والله ياخوي القهر صدق عند عمي قبل لايتخرج من الجامعه كان في الملك سعود وامتياز حيل وناجح بكل المواد وفيه دكتور ماده سهله مستقعد له خلاه يفحط بالجامعه 6 سنين هذا الظلم بعينه وعلمه عن جد قهررررررر واخر شي لمن جاء ابوي لأحد الاساتذه وهو صديق له سأله وش عله هالدكتور قال حاقد ع اخوك ليه شاطر ولاقد حمل مواد ! استغفر الله بذمتك هذا عذر وربي عذر اقبح من ذنب بس الشكوى لله ولغيره مذله 0000
بس مالومك تنقهر ع اختك بس المفروض ماتسكتون اشكوا للعميده والاداره هذي اسباب واهيه وبعد شكواكم لهم سيتفادون الاخطاء وسيخافون من الوقوع فيها مره اخرى مع غيركم 000
يلوووووووووووموني اتخرج من الثانوي واجلس بالبيت والله ابرك من اني اتعرض لظلم مااستحقه وانا في غنى عنه اخذ لي دبلوم كمبيوتر وحاسب والحمدلله والشكر 000
ويااخوي لاتنقهر انت واختك ولاشي ربي ياخذ حقكم منهم وبالتوفييييييييييق

[صدى الجرووووح]

حبيبتي لاملاك ولابشر موضوعك حطيه بموضوع جديد مشان يشوفوه ويساعدونك اما كذا ماراح احد يشوفه لانك حاطته برد ع موضوع اخوي المنقهر 0000
تحياااتي

[أحـب الفرح]

الله يعينكم
سمعت كثير عن الظلم بكليات السعودية ... والله شيء يقهر
بس سهام الليل لاتخطيء ولكن لها أمد وللأمد انقضاء
ادعوا دعوة المظلوم والله يكفيك ظلمهم

[الإيجابية]

لا تخوفوني أنا توني مسجلة في جامعة الإمام !!!!!!!!!!!!! ..


وكل قريباتي اللي درسوا في جامعة الإمام إلى الآن ما اشتكوا من شي علماً أن أغلبهن شريعة ..


وكل الشكاوي عن الجامعات أسمع عنها في النت بس ..


الله يعين ويوفق ..