بناء على طلب حبايبى ( جميع وصفات ركن الجمال المصرى )

[حنان فاروق]

بسم الله الرحمن الرحيم
السلام عليكم ورحمة الله وبركاته
والله وحشتونى حبيابتى والنهارده جيت وجبت لكم معايا جميع وصفات ركن الجمال المصرى بناء على طلب اخواتى الحبيبات نظرا لان ركن الجمال المصرى اصبح عدد صفحاته فوق المائه ما شاء الله تبارك الله .
فان اخواتى بيتوه فى الصفحات فحبيت اريحهم واجمع الوصفات هنا .
اتمنى انى اكون بفدكم وكل سنه وانتم طيبين يالله بسم الله .

[جريحه الحب]

الله ايوه كده يا حنونه هاتى الفهرس وريحينا لان الصفحات كثير والبنات زى العسل كانوا متجمعين فى الركن يالله ننتظر ملخص للوصفات وشكرا على مجهود مقدما

[حنان فاروق]

طريقة عمل الليقه المغربى
احضرى الاتى 1 - قطعة خيش
2 - شريط ستان او حتى شريط بتاع الشعر
3 - ابره وخيط
الطريقه قومى بتطبيق القطعه لتكون مربعه وبعدين ابدأى بخياطة الشريط لعمل برواز لاغلاق جميع الجوانب حتى لا تتنسل الخيش واعملى لها تعليقه
بس واصبح عندك نفس الليفه المغربى بس بقى اسمها الليفه المصرى وباقل التكاليف وصدقونى هى هى ونفس النتيجه واحسن كمان

تعقيبى انا شخصيا عملتها واستفدت منها جدا وبتلمع وتشيل اى اوساخ على الجلدد

[hoba essam]

شكرا ليك يحنونه اخيرا هنلاقي كل اللي اي بنت تعوزه تسلم ايديك
وكمان انا عملت الليفه المغربي بس لسه مستخدمتهاااااااااااش بس زوقتها ايه حاجه تخليكي متستخدميهاش من الجمااااااال بس شكرا ليكي يلا اللي بعده

[حنان فاروق]

خلطة شد الجسم
معلقة شبه + 2معلقه كبيره كريم بشره +نص كوب جلسرين + نص كوب زيت زيتون اصلى +قليل من ماء الورد +نص ليمونه
توضع المقادير على بعضها وترج جيدا حتى يمتزج الخليط وتدهنى المكان المراد شده ويدلك ويترك اكبر وقت ممكن
وللامانه رررررررررررررررررروعه


التعليق ...بامانة ربنا الوصفه دى هايله وعن تجربه شخصيه استعملتها على بطنى وجابت نتيجه هايله
وبتبان بسرع النتيجه يعنى تشجعك على التكمله وانتى سعيده للنتيجه

ياللا همتكم ياحلوين .................بحبكم فى الله

[فارسة دبي]

معاج اختي كملي...
يزاج الله ألف خير

[حنان فاروق]

كورس للعروسه قبل فرحها

الشعر....هنعمل الاتى احضرى 2بيضه واضربيهم جيدا وحطيهم فى زجاجة الشامبو وبكده فى كل مره تغسلى شعرك هتحصلى على شعر لامع وناعم وقوى
بصى كل اللى احنا عايزنه هنشرحه فى طريقة الحمام اللى هتخديه وتقريبا هيكون يوميا او يوم ويوم
طبعا انتى قولتى انك ساكنه قريب من حراز ودى فرصه كويسه هتجيبى من عنده كريم العروسه وعلى فكره هو اللى هينجز معانا وتجيبى من عنده حاجه اسمها الطين الاسوانى لو مطحون خير وبركه ولو مش مطحون بيبقى عامل زى الحجاره الصغيره دقيها او اطحنيها .
نرجع للحمام اولا تدهنى الاماكن الغامقه اللى عندك بكريم العروسه الابط الركب الكوعين الفخدين وتتركيهم. نيجى للشعر سيحى زبده على حمام بخار وادهنى شعرك مع التدليك وحطى عليه بونيه بلاستيك واتركيه..

الوجه... تجيبى الطين الاسوانى وتعملى الاتى 2 معلقه طين + 2معلقه زبادى + 2معلقة ماء ورد
امزجى الخليط وادهنى الوجه جيدا واتركيه.

هاتى جلسرين وليمون وادهنى كعوبك وحطى كيس بلا ستيك والبسى شراب .

وبعدين تعالى اجلسى على الكمبيوتر ساعه
.وبعديها حضرى حمامك الدافئ وبعدين هاتى كريم العروسه وادهن كميه مش كتيره زى ماتكونى بتدهنى كريم عاادى ادهنى جسمك كله وابدأى بالفرك بلطف وتذكرى بلطف بما فيها الاماكن اللى انتى دهنتيها افركيها مع جسمك
واغسللى ايدك وبعدين روحى على وجهك وافركى ماسك الطين وبعدين انتظرى ربع ساعه اخرى
ادخلى الحمام واخلعى الكيس البلاستيك من رجلك وادعكىرجلك بالحجر. وبعدين بالليفه المغربى اللى سبق وشرحت طريقة عملها ادعكى جسمك كله بالراحه وبلطف واغسلى جسمك كله ماعدا راسك لان حمام الشعريترك لمدة 3ساعات وتغسليه جيدا بالشامبو اللى سبق تجهيزه.
وشوفى بعدها النعومه والبياض .

قبل النوم لازم تعملى الحاجات دى 1- مسكره فاضيه واغسليها وحطى فيها زيت خروع وحطى فى رموشك قبل النوم وشوفى يوم الفرح رموشك شكلها ايه
2-ترطيب الوجه بكريم مرطب
3-دهان الشفاه بالعسل
4-دهان الكعوب بالجلسرين اللى عليه لمون

وبكده قبل الفرح هتكونى زى القمر من قبل ما تحتى مكياج

الوصايا ...
1- التخلص من الشعر الزائد قبل الفرح بثلاث ايام وبعدها ادهنى زيت زيتون والترمس اعمليه وخديه معاكى وفى الخباثه ادهنى منه ولا تطلعى زوجك على اسرار جمالك

2- حمام الزبده ممكن يتعمل مرتين فقط قبل الفرح وباقى الاشياء يوم ويوم لكن الحاجات اللى تتعمل قبل النوم كل يوم

3- النوم الجيد الاكل الجيد وخاصة السلاطه والخضار

4- لو فى هالات سوداء نتيجة الارهاق ابشرى بطاطس وحطيها على الجفون وقبل ماتنامى ادهنى زيت لوز حلو

5- اخر وصيه ياريت لو من مشاريعك انك تظهرى شعرك عدلى من مشروعك وخليكى محجبه صدقينى هتكونى زى الملاك وكمان لا تبدأى حياه جديده بمعصيه والف مبروك .

[أم الثوأم]

يلاا حبيبتي ,نتريا الباقي..........

[حنان فاروق]

للقضاء على الشعر الزائد
لازالة الشعر الزائد نهائيا

اعشاب السعد طبعا بتيجى من عند العطار

لكل كوب ماء معلقة اعشاب السعد ونتركها تغلى شويه وهنحضر منها نوعين هنصفى الماء بتاع الاعشاب ونركنه على

جنب وناخد الاعشاب طبعا بعد ما تبرد ونحطها على اى كريم بشره بنستعمله ونقلبه كويس او على فازلين بس ان
ا
بفضل الكريم عشان ميكونش دهنى
.
دلوقتى اصبح عندنا لسيون السعد اللى هو الماء اللى اتغلى فيه السعد وعندنا كريم السعد

الطريقه*** بعد عمل الحلاوه ندهن باللسيون ونسيبه اكبر وقت ممكن وبالليل ندهن من الكريم او العكس

ونصبحنغسله الصبح او ادهنى باللسيون لحد ما ينتهى وببعدين استعملى الكريم .لحد الشعر الجديد مايبدا يطلع

تستنى لحد ماينفع يتعمل تانى ويتشال الشعر وبعدين كررى الموضوع الى ان ينتهى الى الابد وترتاحى

[حنان فاروق]

للقضاء على خشونة الكوعين والركبتين وازالة الاسمرار

المقادير نص فنجان ليمون

نص فنجان جلسرين

ربع فنجان زيت خروع

ربع فنجان زيت لوز

الطريقه .... يمزج الخليط ويدهن كل يوم بالليل ويستعمل فى المكان الحساس على ان يعاد الدهان بعد دخول الحمام

[حنان فاروق]

للبياض ونعومة ونضارة الوجه
/
المقادير

2ملعقه طين اسوانى

2 ملقه زبادى بايت

2 ملقة ماء ورد

الطريقه يخلط الجميع ويدهن به الوجه والرقبه ويترك ساعه ويفركالوجه بالتدليك زى السنفره وبعدين يغسل الوجه بالماء الدافئ ثم الماء البارد وشوفى النضاره والبياض والنعومه

[حنان فاروق]

للمسام الواسعه ( تونيك )

فنجان خل تفاح

نعناع اخضر يخرط لقطع صغيره

ماء ورد

الطريقه.... ينقع النعناع فى الخل لمدة اسبوع ثم يصفى ويزود بماء الورد ويدهن بقطنه بعد غسيل الوجه ..

[حنان فاروق]

بسم الله الرحمن الرحيم
السلام عليكم ورحمة الله وبركاته


نجاعيد الوجه

ملعقة زيت زيتون

صفار بيضه

نقط من الليمون


الطريقه ...يدهن الوجه بهذا الخليط ويترك نصف ساعه

يعاد هذا الماسك مره فى الاسبوع

[حنان فاروق]

بسم الله الرحمن الرحيم
السلام عليكم ورحمة الله وبركاته

وصفه لبياض الوجه

ملعقة خميره بيره وليست فوريه

قليل من الماء

معلقة خل

معلقة لبن

يوضع هذا الخليط على الوجه حتى يجف ويغسل بالماء الدافئ ثم البارد

[حنان فاروق]

لعلا ج الزوان ( النقط السوداء )
1-اغسلى الوجه بماء بارد للتخلص من الدهون

2-جففى الوجه بلطف

3- احضرى قطعه من الحلاوه

الطريقه ...استعملى الحلاوه بالطريقه المعتاده ولكن على المكان الذى به النقط السوداء
اغسلى الوجه بالماء البارد وكررى العمليه كلما ظهر النقط وبالتكرار تنتهى المشكله الى الابد

[حنان فاروق]

لبشره متوهجه ومتورده
المقادير
نص كوب زيت زيتون
نص كوب خل تفاح
ربع كوب ماء

الطريقه
تمزج المقادير وتستعمل كدهان
خلال الليل ولكن يرطب الوجه بالماء من قبل الدهان

[حنان فاروق]

لمنع ظهور الحبوب بعد ازالة الشعر من الوجه

ماء + سكر

يدهن الوجه بهذا المزيج بعد ازالة الشعر ويترك قليلا ثم يغسل الوجه بالماء البارد



...

[حنان فاروق]

بسم الله الرحمن الرحيم
السلام عليكم ورحمة الله وبركاته
كريم للوقايه من الشمس

3ملاعق كبيره زيت جوز هند

3 م ك زبدة كاكاو

6 م ك زيت سمسم

3 م ك زيت زيتون

2 م ك زيت لوز

570 ملى شاى هندى مركز

الطريقه
يسخن زيت جوز الهند مع زبدة الكاكاو على حمام بخار حتى الزوبان ويضاف باقى الزيوت مع التقليب
ثم يرفع من على النار ويصب عليه الشاى ويقلب الجميع لعدة دقائق ويحفظ فى زجاجه مع مرعاة رج الزجاجه قبل الاستعمال

[حنان فاروق]

بسم الله الرحمن الرحيم
السلام عليكم ورحمة الله وبركاته
صابون العسل وزيت الزيتون(مرطب وملين للجلد)

المكونات

معلقه صغيره عسل نحل
3 ارباع معلقه صغيره زيت الزيتون

9ملاعق كبيره صابون مبشور

الطريقه

يسخن الصابون المبشور على نار هادئه ويقلب بمعلقه خشب وبعد الذوبان يضاف اليه تدريجيا زيت الزيتون نقطه نقطه ويخلط معه جيدا ثم يضاف عسل النحل مع استمرار التقليب لبضع دقائق للحصول على خليط متماسك ثم يرفع الاناء من على النار ويصب فى وعاء مناسب لشكل الصابونه واتركيه حتى يجف تماما ( بضعة اسابيع) وعندئذ يكون جاهز للاستعمال

[حنان فاروق]

يارب الموضوع يكون عجبكم انا كده يادوبك فى صفحه 25 وربنا يقدرنى واحط بقية الوصفات

[كابر]

اكيييد موضوع جميل تسلم اييييييييييدك
وربنا يوفقكك

[*الساجدة لله *]

السلام عليكم ورحمة الله وبركاته

روووووووووووعة .. بجد تسلم أيدك يا حنونة على تجميع الوصفات الهايلة دي بدل مانتوه في الركن ..
بارك الله فيكي وجزاكي كل خير يارب ..
في أنتظاااااار المزيد يا عسسسسسسسسسل ..

والموضوع ده عايزله قعدة مخصوص عشان الواحد يمخمخ فيه ويدقق براحته كده هههههه
يلاااااا حبيبتي شدى حيلك وجيبيلنا المزييييد من وصفاتك الروعة .
وربنا معااااااكي
اختك
ريهام

[هبهوبة الشقية]

السلام عليكن
جزاكن اللة خيرا ......و اشكر كل الاخوات اللى فى هذا الموقع
و عايزة من حنان حل لمشكلة الحبوب و اثارها اااااااااااااااااااااة من المعاناة اللى بعانيها من بشرتى الحمد للة على كل شىء و عايزة اعرف اجيب منين الحنة و الكركم لانى من المنصورة و قرات انك من الدقهلية(بلدياتى) ؟؟؟؟؟؟؟؟؟و عندى مشاكل كثيرة و يا رب تفيدينى و هى:
(1) مشكلة الحبوب و اثارها فى مناطق كثيرة مثل وجهى و ذراعى و ظهرىو خصوصا الاثاااااااااار
(2) ظهور الشعر الكثيف فى مختلف انحاء جسدى " مع العلم انى عملت تحاليل هرمونات زى ما قالتلى الدكتورة و الحمد للة قالتلى عندك انوثة طاغية و مافيش اى نتائج غلط"
(3) ظهور الشعر تحت الجلد "و خصوصا فى رجلى و البعض فى ذراعى و يزداد مع كثرة الازالة"و لما افرك الشعرة باظافرى ممكن تطلع بصعوبة و تسيب مكانها اثر مثل اثار حبوب الشباب
و على ما اعتقد دة كلة بسبب ان بشرتى دهنية جدا..........يااااااااااااااة شوفتو المعاناة اللى انا فيها ..الحمد للة
و جزاكى و جزى اخواتى خيرا ....... واسفة عالاطالة

[صدى الأمل]

كملي ربنا معاك

نحن في انتظارك

[الفراشة الطائرة]

الله الله يا حنونة ماشاء الله عليك دايما متألقة ومواضيعك رائعة وفعلا الموضوع ده كنا محتاجينه ده قاموس متكامل وانتى جمعتية بطريقة روعة فعلا ربنا يجزيكى كل الخير حبيبتى ودايما نشوفك متألقة كده

[السمرا]

السلام عليكم ورحمة الله وبركاته وصفاتك جميلة جدا بس كان عندى سوال ممكن استخدم اليفة كام مرة واعمل حمام مغربى كل د اية ومافيش وصفة للبثور انا بشرتى دهنية وعليكم السلام ورحمة الله وبركاته W:

[roma2020]

ايوه كده ياحنونه
ده الي كان نفسي فيه من زمان ):K
ريحتيني من التلخيص الي كنت هعمله

[زرقاءاليمامه]

وعليكم السلام ورحمة الله وبركاته اختى حنونه جزاك الله خيرا حبيبتى على مجهودك لان بصراحه ركن الجمال المصرى بقى توهااااااااااااااااان


انا عن نفسى لما ببقى عايزه وصفه باصاب بالياس من التدوير

مشكووووووووووووووووره يانور ركن الجمال ;)

[ورد الورود]

فعلا ريحتينا بطريقتك السهلة والسريعة

في كل مرة ادخل الركن واتعب من عدد الصفحات

لكن الحين ماشاء الله عليك ريحتينا

الله يريحك

عندي اقتراح

لو تضعي الرابط لكل وصفة لكي نرجع لها وقت الحاجة أي استفسارات الاخوات عن الوصفة والطريقة لكي لاتتكرر الاسئلة

لك تحياتي

[يُسر الرحمن]

السلام عليكم ورحمه الله وبركاته
ازيك يا حنونه اخبارك ايه
والله فعلا على راى رزان ريحتنيا كتير وجزاكى الله خيرا
ومستنين الباقى يا قمر
السلام عليكم

[zowainah]

السلام عليكم ورحمة الله وبركاته
إزيك يا حنان ...
جزاك الله كل خير
متشكرين أوي أوي أوي
مش مخليانا نختاج حاجه
كلك زوء
؟؟؟
صح كلامي بالمصري ولا غلط ؟
يارب ما أكون خربت اللهجة المصرية
حياك الله

[Shaqraoyh]

مشكووووووووووووووووووووووووره حنونه ...

ياعيوني تعبناك معانى ...

بس إن شاء الله تلقين اعمالك في ميزان حسناتك ... ويجزاك ربي كل خير ...

ننتضر جديدك غاليتي ...

دمتم بود ,,,

[قلب الزهرة]

شكرا وجزاك الف خير
ولاكن من اين اجيب الطين في مصر لاني اسافر مصر كثير وانا في المعادي

[الذكرى]

الله يجزاك كل خير ويوفقك ويسعدك
يا أخت حنان ...

[farawlahanem]

حنان يا قمر , كدة الأفادة تبقى كاملة و ربنا يجزيك عنا كل خير :-r
اختك فيروز من الأسكندرية ):K

[لؤلؤة فلسطين]

مشكووووووووووووووووره اخت حنان على الوصفات
واطلب من المشرفات تثبيت الموضوع تاعك في الصفحه الرئيسه علشان ما انمل واحنا اندور
ومشكور المنتدى الي اتاح لك وضع هذه الوصفات

[basmala1984]

رررررررررررررااااااااااااااائئئئئئئئئئئئئئئععععععع ععععععععععععععع

[basmala1984]

:[] رررررررررررررااااااااااااااائئئئئئئئئئئئئئئععععععع ععععععععععععععع

[om_maram]

أختى العزيزة
شكرا جدا على كل الوصفات الرائعة و لكن لدى مشكلة أتمنى أن تساعدينى فيها أننى بعد ولادة ابنى وجدت صدرى متدهل رغم انه صغير فى الحجم ووجدت جسمى ينقص بدرجة غريبة فهل عندك وصفة لشد و تكبير الصدر و كذلك و صفة للنحافة
جزاء الله كل الخير

[nooonaaa]

الاخت الجميله العزيزه حنان
اولا ماشاء الله والله اكبر على معلوماتك وربنا يزيدك يارب انا كتبتلك في ملف الركن المصري وقالو انك نقلتي هنا بس انا وراكي وراكي ومش هاسيبك لو في اخر الدنيا هاجيبك
انا كنت عايزه اقولك ان اسمي زي اسمك حنان
بصي يا سيتي انا هاتجوز في العيد الصغير يعني على شهر 10 الجاي ان شاءالله
وكنت عايزاكي تقوليلي على كورس مكثف جدا جدا جدا لشعري لان كلمه مجهد وتعبان ومقصف وباااااايظ هاتبقى قليله جدا عليه بما ان انا كنت بستعمله كريمات الفرد لحد ما شعري اشتكى وحسيت انه هانطق ويقوللي ارحميني
فاكنت عايزه اريحه خالص استعمل حاجات كلها طبيعيه بما ان لسه ادامي فتره كويسه يعني
فا ايه رايك في المايونيز وزيت الذره عافيه والزبده والحاجات دي؟
وايه رايك كمان في اعشاب فرد الشعر انا جايباها من منتجات اصاله بس لسه ما استعملتهاش في ناس قالولي ان مفعولها زي كريمات الفرد بالظبط يا ترى الكلام دا صح والا غلط؟
على فكره انا استعملت زيت شعر املا بقالي مرتين كده حسيت انه بيطري شعري وبيلمعه بس ريحته لا تطاق ينفع اعمله حمام
وزيت هيماتاج لو تعرفيه ايه رايك في كويس والا لا ؟
انا عارفه اني طمعت وسالت على حاجات كتييير ورغيت كتير بس انا والله ماصدقت لقيت حد فاهم زيك كده ماشاءالله عليكي وهاستفاد منه
بس عشان خاطري بلاش تتاخري عليا
دا احنا حنان زي بعض

[Lovely]

مشكووورة.. رااائع

[الحب الحقيقى]

شكرا ليكى يا حنونه يا جميله على مجهودك الجميل ده

ليه سؤال لو مكنتش بتقل عليكى الواقى من الشمس ده احطه وانا خارجه وده بيعمل ايه ميخليش البشره تسمر وزبده الكاكاو اجبها منين انا معرفش غير زبده الكاكاو الى عمله زى الروج معلش تقلت عليكى حببتى ودى بوسه منى ليكى امووووووووووووووووووووووووووووووووووووووووووه على مجهودك الااكثر من رائع ربنا يوفقك حببتى

[fly_angel]

السلام عليكم ورحمه الله وبركاته
انا عايزه اشكرك يا حنان على الوصفات الجيله بتاعتك دى بجد تحفه
بس انا كنت عايزه اسأل هو حراز فين بالظبط

[روح البحرين]

صارلي اسبوع وانا احط من هل وصفات الموجوده في هل صفحه وحبيت بس اشكرك اختي (( حنان فاروق)) على جهدج . بشرتي صارت نااااااااعمه صاااااااافيه وبيضضضضضضضضضه ,, مشكوره اختي وجزاج الله الف خير.

[monaleza33a]

السلام عليكم ياحنان شكرا لمجهوداتك الكثيرة وليتسع صدرك لي فأنا ارغب معرفة ما إذا كان لدي الحراز أي شئ لفرد الشعر بدون أضرار وبدون تغيير في لون الشعر وهل سمعتي عن زيت الحشيشة وزيت الحية الأصلي وليس دهن الثعبان ولو ممكن تقوليلي علي سعرهم لو موجودين عنده شكرا لم مرة آخري ياحنونه

[عيون زعبيل]

الف شكر اختي والله ما قصرتي ..

بس حابه اسال عن الترمس؟.؟. هل هو التخي عندنا ؟.؟.
وهل في خلطه مع الترمس تفتح الوجه ؟.؟

[asalah 2]

حنان اذيك
فينك من زمان
انا كنت اخدت وصفة من ركن الجمال المصرى وكان فيها شبة
ورحت للعطار ادانى الشبة مكعبات بيضاء
بس انا مش عارفة اطحنها اذاى
ممكن تقوليلى ؟

[كيرلي]

شكراااااااااااااااااااااااااا يا مبدعات :)

[إيمان القلوب]

جزاك الله خيرا
لماذا لايثبت الموضوع حتى نستفيد منه جميعا

[بطه مصريه]

يا اخت
nooonaaa
اذا كنتى عايزة زيت همتاج راسلينى
accou_b@hotmail.com
اكيد طبعا شعرك جاف بل شديد الجفاف يعني اساسي هتغسليه مرة في الاسبوع
بصي ما دمتى بتصلحى في شعرك يبقي ما تستعمليش زيت واحد او وصفه واحده نوعي علشان شعرك لا يتعود ع زيت ما او وصفه ما ولما تبطليها شعرك يخرب تانى
يا رب اكون افادتك
البطــــــــــــه

[nooonaaa]

بطه مصريه انا بشكرك جدا على ردك عليا مع اني زعلانه من الاخت حنان عشان بصراحه ماعبرتنيش
المهم انا عندي زيت هيماتاج بس انا كل اللي انا عايزه اعرفه هو كويس وبيفيد والا لا؟
وتفتكري ايه وصفات استعملها لشعري
انا بستعمل دلوئتي زيت ذره عافيه وزيت املا كحمام زيت
استعملت مايونيز لكن نشف شعري جدااا
وانا بشكرك تاني ومستنيا ردك

[nohas]

((خلطة شد الجسم
معلقة شبه + 2معلقه كبيره كريم بشره +نص كوب جلسرين + نص كوب زيت زيتون اصلى +قليل من ماء الورد +نص ليمونه
توضع المقادير على بعضها وترج جيدا حتى يمتزج الخليط وتدهنى المكان المراد شده ويدلك ويترك اكبر وقت ممكن))
?????????????/
ماهو الشبه؟؟؟؟؟؟؟؟؟؟؟؟؟؟؟؟؟؟؟؟؟؟؟ ارجوا الاجابة وشكرا

[ام مسك]

أختى نووونااا لو انتى من مصر ياريت تعرفينى لاقيتى زيت هميتاج فين

[nooonaaa]

ام مسك انا اسفه كان نفسي افيدك
اه انا من مصر بس جوزي في السعوديه وجابهولي من هناك
كان في الاخت (بطه مصريه) قالتلي لو عايزاه راسليني وكتبت ايميلها وبعد اذنها طبعا هو دا
( accou_b@hotmail.com)

[nooonaaa]

ام مسك انا اسفه كان نفسي افيدك
اه انا من مصر بس جوزي في السعوديه وجابهولي من هناك
كان في الاخت (بطه مصريه) قالتلي لو عايزاه راسليني وكتبت ايميلها وبعد اذنها طبعا هو دا
( accou_b@hotmail.com)

[ام مسك]

نوووووووووونااااااااااااا حبيبتى.... جزاكى الله خيرا على اهتمامك كلك ذووووووووووووووووق.. :-D :-D

[بطه مصريه]

والله يا نونا انا كنت عايزة اجرب المايونيز بس غيرت رايي
بالنسبه لهيمتاج انا جربته والحمد لهه كويس بسيبه ع شعري 3 ساعات واغسله وكويس
جربيه ولا تقلقي

[hadil 10]

السلام عليكم و رحمة الله و بركاته
اخواتى كل بنات النتدى الجميل دة انا مصرية من اسكندرية و مبسوطة اوى بالركن المصرى دة
انا عندى مشكلة مع بشرتى من فترة كبيرة و مش عارفة ليها حل
ممكن حنان او اى بنت عسولة من الركن المصرى تعرف حل للمشكلة تقولى عليها؟
مشكلتى انه فى اسمرار حول منطقة الفم يعنى كل وشى لون و حول منطقة الفم لون اغمق من باقى بشرتى
و انا سمعت مرة فى التلفزيون انه الاسمرار دة عبارة عن سموم بتترسب فى خلايا الجلد فى المنطقة دى و ممكن تتعالج عن طريق تقشير الطبقة السطحية م الجلد مع الة معينة تتم بضخ الاكسجين للخلايا مباشرة و دة بيتعمل فى مراكز التجميل ... المشكلة انى مش عارفة اعالجها ازاى بطريقة طبيعية و مش عارفة مركز موثوق منه ممكن يعالج المشكلة دى!! لو حد يعرف يفيدنى يا ريت يكتبلى يا بنات
و اخيرا احب اقول لحنان شكرا جزيلا بجد على الركن دة انا اول مرة اشوفه النهاردة..و يا رب ما يحرمنا منك يا حنونة .

[سلسبيل مصر]

ايه رايكوا يبنات نعمل ركن المكياج المصرى لاننا عارفين ان الماركات دى مبنلقيهاش عندنا وكمان تمنها غالى قوى بالنسبالنا

[nooonaaa]

بطه مصريه ازيك؟
انا كنت عايزه اسالك على حاجه انا لما جبت زيت هيماتاج حاسه انه مش الاصلي
لاني سمعت انه الاصلي لازم يكون محفور على العلبه من الجانب اسمه بالانجليزي
واللي عندي مش كده مش مكتوب عليه بالانجليزي خالص كله هندي دا والا مش ايه
فاقلقت منه تفتكري اجرب واستعمله والا ايه ؟
انتي قوليلي اعمل ايه
مستنياكييييييييييييي

[nooonaaa]

ام مسك انتي تؤمريني وربنا يديم المعروف بينا جميعا ان شاءالله
وياترى جبتيه والا لسه؟

[rodena]

سلسبيل عجبتنى فكرتك جدا ياريت فعلا تتفذ ويكون فى ركن الماكياج المصرى
واحلى تحيه لكل قمرات المنتدى

[yasmine_ 2006]

موضوعك جميل يا حنان لكن انتى فين
وفكرة سلسبيل عجبتنى وياريت يكون فى ركن مصرى نستفيد منه كلنا
وياريت اللى عندها فكرة تقولها علشان نستفيد من خبرة بعضنا