*°*§*°*كعك او سميط*°*§*°*çبالصورç [الأرشيف]

lanloon

25-11-2005, 04:40 PM

مرحبا يا صبايا
كيف الحال؟؟؟؟؟؟

نشوف الصور و بعدين نخش على المقادير

http://www.lakii.net/images/Nov05/lanloon_ka3ek2.gif

http://www.lakii.net/images/Nov05/lanloon_ka3ek.gif

المقادير

4 اكواب طحين
ملعقه كبيره خميره
3/4 ماء فاتر
1/2 كوب حليب فاتر
ملعقه صغيره ملح
2 ملعقه صغيره سكر
2 ملعقه صغيره زيت
كوب سمسم او حسب الرغبه

الطريقه
1-نخلط الطحين مع الملح و الخميره و السكر و نضعه في وعاء عميق و نصنع حفره في وسكه
2-نضع في الحفره الماء و الحليب و نعجن و خلال العجن نضيف الزيت و نتابع العجن الى ان نحصل على عجينه متماسكه
3-نترك العجينه ترتاح نصف ساعه حتى يتضاعف حجمها
4-نقسمها بعد ذلك الى كريات صغيره و نرقها بشكل خيط طويل ثم نلحم الطرفين معا حتى نحصل على شكل دائره مقفله ...بامكانك عمل الشكل الذى تحبينه

5-نتركها تخمر لمده نصف ساعه او اكثر و قبل ادخالها الفرن (180 درجه مئويه) ندهنها بالبيض المخفوق و نرش عليها السمسم و نتركها بالفرن ربع ساعه تقريبا ...فاذا طرقنا براس السكين على الكعك و سمعنا صوتا فارغا فهذا يعني انه اصبح جاهزا لاخراجه من الفرن

و صحتين و عافيه

سنووايت

25-11-2005, 05:23 PM

يا سلام يا لنلون شوهاد
مممممممممممم ذكرتيني بامي كانت دائما تعملنا ياه وناخدو معنا على المدرسة
طالعين معك بجننوا اي هيك ها اشتقنا للاكلاتك
يعطيطي الف عافية يارب
بس نزلي شوي

حولتيني بهل اللون
ما عدت شايفة شي قدامي:D

**ام البنات **

25-11-2005, 06:16 PM

اممممممممشو ها الحلاوة هاي طالعين معك يجننوا والله اشتهيتhttp://www.asmilies.com/smiliespic/happy/038.gif (http://www.asmilies.com) ها الطبق مع كاسة قهوة تسلم الايادي يا احلى لنلون و الله مجايبك كلها احلى من بعضها و ان شاء الله اجرب

ذكرتيني بقراشل شبيهة كانت امي بتعملهم و كانوا ماشاء الله طراوة و حلاوة و ماينشبع منهم

انا كمان احوليتhttp://www.asmilies.com/smiliespic/crazy/181.gif (http://www.asmilies.com)

JENAN 80

25-11-2005, 06:28 PM

تسلم إيدك بشهو كتتتتيير.
س شكلك ما بدك نعرف طريقته عيوني زغولو :eek: :(*):

غيري اللون الله يخليكي.

iraqimama

25-11-2005, 06:51 PM

بسم الله الرحمن الرحيم
السلام عليكم ورحمة الله وبركاته
تسلم ايدك يا اخت (لنلون)
طالعين مممم يميم.
الله يعطيك العافية.

وعود الخير

25-11-2005, 07:30 PM

بيان رقم (1)

إلى المدعوة ... لانلون
مكان الاقامة: ايطاليا.... مجهولة العنوان

صدر امر بالقاء القبض عليك اثناء تلبسك باستعمال فرن خاص باعمال تخل بالريجيم..
وايضا هناك ادعاء ضدك باتباع اسلوب تعذيب للصبايا يعتبر الاول من نوعه
نشوف الصور و بعدين نخش على المقادير

لذا فقد قررت المدعوة وعود اللجوء للقضاء والتوسل للحصول على احدى كعكات السميط ..
للتذوق وابداء الرأي فقط ..((K))
...
حرر في.... ويلزم بالتفيذ.. بعد التجربة
والتجربة خير برهان:-M

طلب خاص: الرجاء تغيير اللون رأفة ورحمة بعيون الأخوات...
وسلامتكم ..

shahdmylife

25-11-2005, 09:52 PM

اولا بحب اوقع علي البيان الجمهوري الي أصدرته الغالية وعود ..وانا كمان بدي "رشوة" حبت سميط لاني عيوني طلعوا عليها. :-M

ثانيآ اعيوني اصلآ طلعوا وانحولو واتنيلوا من هاللون "ايه الحركات الروشة دي? ):K "

ثالثآ تسلم الايادي يا لنلون يا امعدلة.

lanloon

26-11-2005, 12:36 AM

هههههههههههههههه يا صبايا اتوقعت انكم تنحولوا من اللون قلت اذا ما انحولوا من الصور لازم ينحولوا من اللون ههههههههههههههه

سنسن يا حياتي تسلم لي هالطله

يا ام الينات اتفضلي عندي انت و الصبايا احلى فنجان قهوه لعيونك ;)

جنان يا اهلا و سهلا غاليتي اسعدني مرورك الغالي :)

lanloon

26-11-2005, 12:40 AM

iraqimama يا اهلا عزيزتي نور الموضوع ;)

وعووووووووود مظلووم يا بيه انا مظلوووووووووووووووووووم
يا شيخاحمن الاول بدك رشوه علشان تطلعيني براءه :D
الله يسعدلي طلعت اللي زي العسل على مواضيعي و في كل اركان لكِ يا نواره لكِ ;)

shahdmylife انت زي شاهد ماشاف حاجه :D انت كمان احلى كعكه لعيونكط بس احكي اني بريئه :D
يسعد هالطله يا رب و الله لا يحرمني منكم :)

lanloon

26-11-2005, 12:42 AM

على فكره انا غيرت اللون علشان الباقي ما يضطر يلبس نظاره :D

شفق

26-11-2005, 01:06 AM

يممممممممممممممم

شكله حلووو

تسلم ايدج لنلون
وإن شاء الله اجربه قريب ;)

تذكرني هالاكله بالبقسم
إذا تعرفيه ..
نحن نغمسه بالحليب وناكله .... لأنه صلب نوعاً مااا :p ..

ام حكم

26-11-2005, 07:53 AM

يسعد البطن اللي جابتكِ ما أشطركِ

بلكي جيتكِ إيطاليا تعطيني كم كورس في المعجنات ;)

يسلموا الإيدين اللي عجنت وخبزت وصورت وكتبت وأرسلت ):K

طيـــف

26-11-2005, 09:08 AM

الله بشهيييييييييييي يالنلون

ذكرتيني في ايام عمان لما كنا نشربه مع شاي نعنع
بس جد مشاءالله عليكِ يااروبه كيف جبتي الوصفه:D

ام حكم

26-11-2005, 10:05 AM

بس جد مشاءالله عليكِ يااروبه كيف جبتي الوصفه:D

تلاقيها لفت على بياعين السميط وسألتهم عليها :D

lanloon

26-11-2005, 12:00 PM

شفق الله يسعد الطله و احنا كمان بناكله مع الحليب او الشاي بحليب او الشاي بنعنع او الشاي بميرميه او الشاي لحاله <<هسه بتحكي خلصينا نا اثقل دمك :D

lanloon

26-11-2005, 12:01 PM

يسعد البطن اللي جابتكِ ما أشطركِ

بلكي جيتكِ إيطاليا تعطيني كم كورس في المعجنات ;)

يسلموا الإيدين اللي عجنت وخبزت وصورت وكتبت وأرسلت ):K

خخخخخخخخخ هسه فطوم بتكيف على هالدعوات ((K))
الله يسعدلي ياكي يا احلا ام حكم بالدنيا ):K

lanloon

26-11-2005, 12:04 PM

طيوووووووووووووووووووفه يا عمري انا اشتهيت عليه كتير و لما نزلت على الاردن ما فشيت غلي منه منيح
و بتعرفي الوحده فينا اللا بطنها ولو عيب تكون مشتهيه على اكله و ما تعملها ((K))

و شوفوي رد ام حكم ):K
عرفت خميرتي على المزبوووووووووووووووووووووووووووط شكلها ذاكريتني قديش كنت قويه و فضيحه :D

fantasy

27-11-2005, 04:07 AM

اجيت اركض ركض اشوف اذا بقى شوية او حتى حبة كعكة او فتافيتة
يا ماما اديش بحبة بموت فية موت لنلون ما في احكيلك غير رح اجربة واوعدك
رح اعطيكي النتيجة امنيتي يا ريت تتحقق وتزبط معاي يسلمو ايديكي الحلوين

وكل الشكر واللأحترام للأختي وحبيبتة القلب وعود جزاها اللة خير ::L::
راسلتني على الخاص وبعتتلي الرابط شايفة اديش هلأنسانة طيبة يا رب يحفظك ويخليلنا اياكي يا رب :-r

طيـــف

27-11-2005, 10:52 AM

امممممممم الحكم
ياوحشه وين هالغيبه
والله اشتنقا لكِ كتير

تخيلي بالله بنت اخوكِ وهي عم تدور تسال تبع السميط عن الطريقه
ههههههههههههه

لنلون مشاءالله عليكِ فشرررررر اقدعها مخبز ولي تخليه بنفسك:D

طيـــف

27-11-2005, 10:53 AM

فانتا
منوره كيفك عزيزتي؟
طمنيني ان شاءالله نفسيتك احسن؟

lanloon

27-11-2005, 01:08 PM

فانتا هووووووووووووووون يا اهلين يا اهلين نور الركن كله بوجودك
وعود مافي منها ست الستات و ضرتها ست الصبايا <<<علشان ما يدقوا ببعض هون :D

طيووووووووووووووووووفتي تخيلتي منظري و انا دايره أسأل :D
شفتي ام حكم زي القمر بتطل شوي و بتغيب ;)

وعود الخير

27-11-2005, 01:14 PM

لانلون... لما سألتي عن سر الكعك
ما قالو لك شو يا عمي بدك تضاربي علينا... هوينا... دربك أخضر..

يختي يسعدها القمر اللي بتظل تغيب .. وينك ام الحكم .. والله اشتقنا لك ..

فانتا.. ولو يا عيوني لا شكر على واجب.. تذكرت انك من فترة سألت عن الكعك بسمسم
صحتين وعافية على قلبك ..

ام لومي

27-11-2005, 02:15 PM

السلام عليكم ورحمة الله وبركاته
جعله الله في ميزان حسناتكم

lanloon

27-11-2005, 04:14 PM

وعود يا عسوله انت تعرفي في مخبز بالاردن اسمه مخبز جواد اكيد صبايا الاردن بعرفوا بعمل اطيب كعك
وز اطيب خبز و اطيب حلويات المهم هاد نفسي اعرف سر الكعك تبعه بنزلتي على الاردن السنه الجايه ان شاء الله بحاول ابحبش :D

او لومي بارك الله فيك ..اسعدني مرورك :)

وعود الخير

28-11-2005, 07:27 AM

خلاص لانلون النزلة الجاي على الاردن رابطي على الاتوستراد واعملي مظاهرات لغاية ما يعطيك مخبز جواد سر النكهة..
ومرة واحدة خذي لك كمشة اسرار من عنده..
وانا باستناك في رغدان.. اتفقنا..

ام حكم

28-11-2005, 08:46 AM

و شوفوي رد ام حكم ):K
عرفت خميرتي على المزبوووووووووووووووووووووووووووط شكلها ذاكريتني قديش كنت قويه و فضيحه :D

ههههههههه خلي الطابق مستور ws:-)

ام حكم

28-11-2005, 08:51 AM

امممممممم الحكم
ياوحشه وين هالغيبه
والله اشتنقا لكِ كتير

تخيلي بالله بنت اخوكِ وهي عم تدور تسال تبع السميط عن الطريقه
ههههههههههههه

هلالالالا طيوفة

والله بالهدنيا حبيتي بس تعرفي الدنيا مشاغل مع اني بدخل كتير بشحد من عندكم وصفات للطبخ

بس ما بقدر اشارك من ضغط الشغل اللي فوق راسي وانت عارف شغل الشركات شي مقرف بعيد عنك

وانا اشتقت لكم كتير

هههههههه تصدقي تخيلتها بجد وهي بتسأل تبع السميط خصوصا في شارع السعادة اللي بالزرقاء :D :D

ياخوفي ينقلب الخيال الى حقيقة ساعتها بتكون مش بنت اخوي ههههه

ام حكم

28-11-2005, 08:54 AM

يختي يسعدها القمر اللي بتظل تغيب .. وينك ام الحكم .. والله اشتقنا لك ..

..

هلا حبيبتي الدنيا مشاغل وانا بجد اشتقت لكم كتيييييييير

هنـــد

28-11-2005, 09:15 AM

http://www.asmilies.com/smiliespic/smiliestxt/2_asmilies-com.gif

طيـــف

28-11-2005, 09:18 AM

ام الحكم
هههههههههه تخيلي لنلون دايره تسال عن السيمط
وانا دايره اسال عن كرابيش حلب
ههههههههههه دحنا شكلنا يكسف ياقدعان
بس يختي مالنا ومال الحكي والله منوووووووووووره

anna

28-11-2005, 12:31 PM

في حدى عملها
كيف ظبطت معه
؟

ام حكم

28-11-2005, 05:24 PM

في حدى عملها
كيف ظبطت معه
؟

عملتها امبارح بصراحة بتجننن

والاولاد اخذوا منها معهم عالمدرسة

بنصحك تجربيها:)

lanloon

28-11-2005, 05:36 PM

lanloon

28-11-2005, 06:25 PM

هنوده يسعدلي هالطله يا رب :D

عذبة لحساس

28-11-2005, 07:23 PM

السلام عليج اختي

ماشاء الله شكله يشجع على الاكل وباين عليه لذيذ

يعطيج العافية قلبي
وانشاء الله التجربة قريبة

الامل الجميل

28-11-2005, 08:42 PM

http://www.cheesebuerger.de/images/more/bigs/a115.gif جينا وجينا وجينا ويلله من الكعك عطينا http://www.cheesebuerger.de/images/more/bigs/a049.gif
هههه كيفففففففففف هل المقدمه
ان شاء الله بجربها باسرع وقت بس يا ربي تكون الي ببالي لاني الي فتره اجرب كل وصفات الكعك الي بالعالم وما يطل نفسه

بعدين تعي لهون

بعد شوي

منشان وعود ما تسمع http://www.cheesebuerger.de/images/more/bigs/e052.gif
شو صار بالمحكمه شكلهم نسو الموضوع رشيتيهمممممممم http://www.cheesebuerger.de/images/more/bigs/c024.gif
لكن حبيبتي كملي جميلك وعبرينه بكم حبههههه والالالالالالالالالالا http://www.cheesebuerger.de/images/more/bigs/a037.gif الحساب حيكون عسسيييييييييير
وقد اعذر من انذر http://www.cheesebuerger.de/images/more/bigs/c008.gif

ام حكم

29-11-2005, 08:27 AM

ام حكم ما تخافي ما بفضحك و بحكي انك عمتي بس اروح اسأل هههههههه
بدك الصراحه اخذت الوصفه من كتاب الشيف رمزي بس تعرفي لما كنت بالاردن رحت على محل العوامه اللي بشاره الملك عبدالله اللي بالزرقا و سألتها عن الطريقه بس الكحتوت ما رضي يحكي لي قال لي اشتري و كلي و انت ساكته ههههههههههههه لا الصراحه قال لي ما بقدر اعطيكِ السر ولا بعدين الكل بعرف الطريقه و انا ببطل ابيع >:D
جد جربتي الكعك؟؟؟؟ والله انك فرحتيني :)

هلا لنلونة

تصدقي حتى بالكويت في كحاتيت هههههههه في عندنا محل معجنات روعة لما سألته عن سر الخلطة ما رضيش

هادا سر يا مدام حلفت له ما اقول لحد ما رضى .

المهم انا فعلا جربت الكعك وبنتي حبته كتير وحكت لي ماما بس يخلص سوي لنا كمان صرت ادعيلك من كل قلب والله :)

طيـــف

29-11-2005, 08:52 AM

وعود الخير

29-11-2005, 10:07 AM

طيـــف

29-11-2005, 10:09 AM

:D:D:D:D:D:D:D:D:D:D

وعود ازيدكِ من الشعر بيت
اليوم عندي موعد مع الدكتوووووووووووووووووووووووووووووووووووووور
;););););)

ام حكم

29-11-2005, 11:27 AM

يارب ياام الحكم يسمع دعواتك يارب وتكون من نصيب ام الجوج

يااااااااارب يااارب يكرمك من اوسع ابوابه ويفرحنا في عوضك عن قررررررررريب يااااااااااااااااااكريم

ساعتها احنا رح نسوي الوصفات ونقول لك طبقي يالنلوون لاودك يااااااااااارب ياشيخه يكتب هالدعوات من نصيبك

وندور نشحت سوا انا وانتي الوصفات:D:D:D:D:D

ام حكم شو اقول عليكِ انتي وبنت اخوكِ شوبحبكم انا:D نفسي اعضكم

ياااااااااااااااااااارب يا طيوفة يااااااااارب ينول ام الجوج كل اللي بتتمناه ويعوض صبرها خير يااااااااارب

حبيبتي والله انتيِ يا عضاضة يمة منك شو يختي ما بتاكلي لحمة ولا ايش

تعالي عندي والك مني خرووووف استرالي قصدي بلدي ws:-)

ام حكم

29-11-2005, 11:30 AM

ام حكم... لانلون
خلوا بالكم ضرتي اليوم عيدت ونفسها مفتوحة على العض
خلوني اهرب بسرعة احسن عندي شعور اكيد ان الدور اقترب مني..

يوم الخميس بدي اعمل الكعكات علشان ابني ياخذ معاه في رحلة الجمعة
سلام..

ههههههههه وعود هوا اللي بعيد بتكون نفسه مفتوحة على العض

اول مرة بسمع

بعدين لا تهربي وعلى بالك اي هو في أحلا من عضة طيوفة

almond

29-11-2005, 11:52 AM

تسلم ايديك ايجننننننننننننننننننن :eek:
عن جد شي بيشهى انا بموت فيه :K)
جزاك الله خيرا ws:-)

orkedia

29-11-2005, 07:48 PM

تسلمى اختى الحبيبه سوف اقوم اعملها حالا للافطار غدا ان شاء الله

وعود الخير

29-11-2005, 08:54 PM

وعود ازيدكِ من الشعر بيت
اليوم عندي موعد مع الدكتوووووووووووووووووووووووووووووووووووووور

قلبي معاك يا سلطانة
الف رحمة ونور عليك يا شابة
ما كنا بعاد عن طيف ليش نقرب لها
واسنانها ماشاء الله..
صفين لولي طبيعي مش صناعي ولا زراعي

lanloon

30-11-2005, 06:48 PM

عذبه الاحساس الله يسعد هالطله و ينور ايامك كتل ما نورتي الموضوع :)

الامل الجميييييييييييييل يا لهويتيييييييييييي انت لسه ذاكره يا رب ما تكون وعود متذكره القضيه :D
خلص لفي على جنب بعطيكي شويه كعك بلاش حد يشوف :D

lanloon

30-11-2005, 06:50 PM

ام حكم الحمد لله انها عجبت بنتك المهم حكيتيلها اني انا اللي عملتها :D
ديري بالك بلاش طيوف تاكل اصبعك و انت ساهيه :D

طيوفه يا لهوتيييييي تعي كلي و عضي زي ما بدك على حسابك يا قمر بس خلي بالك ما عندي خدود كتير خليلي ياهم الله يسعدك و ينولك اللي في بالك يا قمر

وعوووووووووووووووود اوعك ديرؤي بالك في مزهريه طايره بلاش تيجي فيك :D

lanloon

30-11-2005, 06:51 PM

الموند تسلم هالطله يا رب :)

اوركيديا ان شاء الله تعجبك و تدعي لي :)

طيوف شو دكتور ما دكتور طمنيني :)

طيـــف

30-11-2005, 11:13 PM

لنلوون لاء حبيبتي اطمني بس اعضضضضض عضضضضضضضض
بس مابكمل الاكل :)

اممممممممممممممممممممممممممم حكم شفتي بالله كيف المجاعه يل انا فيها
انا لما احب حد بعضضضضضضضضضضضضضضضضه

خصوصا هلاء سناني حاميييييييييين وخرج عضضضضضض بشهاده وعود

لنلون اطمني ياقلبي
دكتور اسنان كان عندي موعد لاسناني
بسسسس شووووووووو دكتور
ولا بلاش لحسن ضرتي تعصب

بس بيني وبينك ياام الحكم الدكتووور بده عض :D:D:D:. على كيف كيفك

الباجوري

01-12-2005, 04:10 AM

تسلم ايديكِ لانلوني مبين على السميط لذيذ
يعطيكِ العافية حبيبتي

MISS_CHEF

02-12-2005, 09:28 AM

بسم الله الرحمن الرحيم

شكله يجننننننن ويشهي

تسلم أيدك

lanloon

03-12-2005, 12:44 AM

له له يا طيف شايفيتك نازله عض بخلق الله يا شيخه حرام عليك الناس ماشيه معضعضه و بتعيط ((K))
الله يسعدلي ياك يا بطتنا ;)

الباجوري ازيك يا جميل؟ اشتقتلك و زمان عنك يا حلوه
اشتقت لحلويات الرائعه ;)

مس شيف الله يسعد الطله و لا يحرمنا منها :)

ام البنين1977

03-12-2005, 05:04 AM

يا لنلون هادا احنا ايش منسمي بالاردن
شكله بيشهي ):K

وعود الخير

03-12-2005, 09:10 AM

شوفي يا قمر

اللي صار اني شمرت عن السواعد وقلت طاب الاكل يا عرب
وبعد ان تخمرت العجينة وتضاعفت قمت بتقطيعها
وعدت للتعليمات فوجدت رقيها بشكل مستطيل
فأخذت قطعة واخذت بفردها بالشوبك فصارت رغيف عجين مستطيلة وقمت بثي الطرفين فصار شكلها زي الكيس فقلت يالهوي شو اللي عملته فتركتها على جنب..
وعدت ثانية للتعليمات فوجدت انها ترق على شكل حبل ....
فاخذت قطعة ثانية برمتها بين اليدين حتى أصبحت مثل الحبل الطويل فقسمتها لقسمين وثنيتها وعملت منها دائرتين. واكملت العمل وعملت رغيف مضفر ايضا
ونفذت تعاليم ام العابدلة بدل الليض اخذت ملعقتين من الحليب البودر مع ملعقة سكر وقليل من الماء ودهنت الوجه ورشيت السمسم بسخاء... وتركتها تختمر لمدة ساعة..
وكمان عملت منها مناقيش .. وأصابع كراوسون محشو بالجبن يمييي شو لذيذ

MISS_CHEF

03-12-2005, 11:41 AM

بسم الله الرحمن الرحيم

كنت باسويها امس بس لاحظت انها بدون سكر

صح

ام سقط سهوا

وتسلمين

lanloon

03-12-2005, 12:13 PM

ام البنين هاد الكعك يا شيخه مش عارفيته :Dاذا تركتيه بالفرن منيح يتحمر و طرقتي بالسكين و طلع صوت كأنه فاضي بصير الكعك اللي بنغط بالشاي او اذا بدك طري العجينه و اخبزيعه عادي بطلع معك كعك بسمسم اللي ببعوا الاولاد الصبح الساعه سبع و بحكوا كااااااااااااااااااااااعيييييييييييييييييييييييييي ييييييييييييييييك ((K))

وعود شهيتيني على الاصناف اللي عملتيها معدله ماشاء الله عليكِ ):K

مس شيف يا عمري بدها ملعقتين سكر بس

ام البنين1977

03-12-2005, 06:09 PM

ام البنين هاد الكعك يا شيخه مش عارفيته :Dاذا تركتيه بالفرن منيح يتحمر و طرقتي بالسكين و طلع صوت كأنه فاضي بصير الكعك اللي بنغط بالشاي او اذا بدك طري العجينه و اخبزيعه عادي بطلع معك كعك بسمسم اللي ببعوا الاولاد الصبح الساعه سبع و بحكوا كااااااااااااااااااااااعيييييييييييييييييييييييييي ييييييييييييييييك ((K))

مش فاهمة أيش قصدك الكعك العصري اللي بالمخابز ولا الكعك اللي منساوي فيه القرشلة
بس الثاني بيقرقش و بيكون أصاب مش دوائر كنا نشتريه من المخابر
يا ريت يكون الثاني لإنه كثير مشتهيينه ((K))

lanloon

04-12-2005, 12:01 PM

ام البنين هو الثاني بس انا عملته دوائر للتغيير :D

بس الصراحه بعدها ندمت لو اني شكلت كان احسن ..يعني دوائر و اصابع :D

ام البنين1977

04-12-2005, 02:34 PM

((K)) ((K)) ((K)) ((K))
بيقى اللي مشتهيينه
طيب يا عسل على التجربة على طول اليوم قبل يكرة
((K)) ((K)) ((K)) ((K)) ((K)) ((K))

manalo

05-12-2005, 06:16 PM

مشكورة حبيبتي W:
شكله كتير طيب انا كتير بحبه وابني بحبه :-M
ان شاء الله رح اعمله واخبرك بالنتيجة ((K)) ((K)) ((K))

lanloon

05-12-2005, 06:22 PM

خلاص يا ام البنين انا بانتظار الانجازات ;)

اهلين حبيبتي منالوا نورتي يالغاليه :)

أناغيـم

07-12-2005, 09:26 AM

كعيييييييييييييييييييييييييك
كعيييييييييييييييييييييييييييييييييييييك
ذكرتيني بايامالمدرسة في عمان
الجو بارد وبياع الكعك نازل ينادي كعك كعييييييييييييييييييييييييييييييك
طبعا انا اكلتها بس ما عملتها
والبركة في صاحبتك

اطيب من الكعك الجاهز.......... اللي نسيت طعمه
شكرا لانلون
على هيك صرت تبيعي كعك في ايطاليا

the-kind-queen

07-12-2005, 11:19 AM

بسم الله الرحمن الرحيم
السلام عليكم ورحمة الله وبركاته
الله تسلم يدك

lanloon

07-12-2005, 08:37 PM

كاتي يا عمري الله يسعدلي هالطله اللي زي العسل يا رب
تسلم الايدين اللي عملتها و التم اللي اكلها يا حلو ;)
صرت اصحى من ال 6 ابيع كاعيييييييييييييييييييييييييييييييييك:D

زهرة الياسمسن نور لموضوع بوجودك يا غاليه :)

تطوان

07-12-2005, 09:53 PM

فين كانو دول ............باين اني عايزة اكشف على بصري مع اني مترسة هون 24 ساعة هههههههههههه

يعطيكي الف عافية حبيبتي ........لازم اجربها ...

lanloon

07-12-2005, 10:32 PM

الله يعافيكِ حبيبتي تطوان و ان شاء الله بتجربيهم و بعجبوكي :)

cat_moon

08-12-2005, 01:53 PM

الله يعطيك العافيه

lanloon

08-12-2005, 05:09 PM

اللع يعافيكِ يا رب
نور الموضوع بوجودك :)

neeevy

10-12-2005, 04:49 PM

تسلم ايدبكي و إن شاء الله هأجربها أكيد :ss:

neeevy

10-12-2005, 04:55 PM

المفاجأة بقى ..... :[]:

إني.... ::JH::

عملتها امبارح...

و كان شكلها و طعمها خطييييييييييييييييييييييييييييييير #R#R

http://www.lakii.com/img/all/Dec05/yV28SC12100845.jpg

lanloon

10-12-2005, 08:35 PM

http://www.lakii.com/vb/smile/6_8.gif (http://www.lakii.com/vb/uploader/smilies.php)
مش معقووووووووووول طالعين معك بجننوااااااااااااااااااااااااااااااااااااااااااااا اا

تسلم الادين يا قمر والله فرحتينيhttp://www.lakii.com/vb/smile/6_8.gif (http://www.lakii.com/vb/uploader/smilies.php)

neeevy

11-12-2005, 04:18 PM

السلام عليكم ورحمة الله وبركاته
بس كنت عايزة أسأل هو طلع معي ما بين الطري والناشف صح كده؟
طيب لو عايزة يطلع مقرمش كييييف؟

lanloon

11-12-2005, 09:57 PM

حبيبتي اذ بدك ياه مقرمش
قللي من سمك الحبه و طولي بمدة التخمير و الخبز و ان شاء الله بتطلع زي مابدك :)

neeevy

12-12-2005, 12:11 AM

جزاك الله خيرا

lanloon

12-12-2005, 01:28 PM

يا اهلا حبيبتي :)

مـiـى

12-12-2005, 06:41 PM

وااااااااااااوووووو

بالفعل شي بيشهي كتير :):)

أنا من زمان جربت طريقة الشيف رمزي بس طلعوا كتير طرايا منل الصمون ..

رح جرب طريقتك لنلونتي يا ست المعدلات و خبرك :)

lanloon

12-12-2005, 07:37 PM

منمونتي يا قمر مس يووووووووووو انا كتير ...كيفك يا عمري شو اخبارك؟
حبيبتي هاي طريقة الشيف رمزي وطلعت معي طيبه :)
بس تعرفي اذا زدتي الماي يتطلعوا معك طرايا و اذا ما زدتي ماي و خبزتيهم اكتر بطلعوا معك بقرمشوا ...هاد اللي صار معي :)

fantasy

15-12-2005, 07:35 AM

لنلون يا عيوني انتي يسلمولي قلبك وعيونك ويا رب يخليكي لنا مليون شكر
لكي عزيزتي بدون زيادة كلام نجحت طريقتك والف مبروك علي وصحتين على الي اكلتهم وطبعا هي انا ليش بدها سؤال مليون شكر واحر السلام لكي ::HH::