هام و عاجل نداء الى العضوات المصريات

[نسرين سعيد]

بسم الله الرحمن الرحيم السلام عليكم ورحمة الله وبركاته
انا مهندسة كمبيوتر مصرية اظنكم اصبحتم تعرفونى من موضوعاتى التى ابغى بها وجه الله و مساعدة اخواتى العضوات انا الان احتاج الى مساعدتكم بمعلومة عن اسم حضانة بالرياض انا اعيش بالملز و اولادى فى حاجة الى الاختلاط باطفال مصريين لان لديهم تاخر فى النطق فمن منكم تعرف اسم حضانة بها اطفال مصريين فلترسل لى باسمها جزاك الله خيرا

[ام البنين1977]

اهدي يا نسرين لا تعصبي
شوي و بيجوكي المصريات :D

[نسرين سعيد]

بسم الله الرحمن الرحيم والله يا ام البنين انا زهقت اساعد الجميع و ما احد راضى يساعدنى على العموم شكرا لكم جميعا جزاك الله خيرا

[أسماء زكي الدين]

مصرية أنا جئت تلبية للنداء ..


والحضانة اللي فيها أطفالي بعيدة شويتين عنك .. لأني مقيمة في إسلام أباد ..


المهم حبيبتي أحببت أن أنصحك نصيحة أم مجربة على مدار أكثر من سبع سنين .. لا تبحثي لأطفالك عن حضانة فيها أطفال مصريين .. لكن ابحثي لهم عن حضانة فيها من الآمكانات ما تحبين ,,


وبالنسبة لمشكلة النطق لها ألف حل وحل عندك .. ونرجع لها مرة تانية ..


أختاري حضانة فيها وسائل التعليم باللعب ..

فيها رعاية تجعلك مرتاحة نفسيا على أطفالك وأنهم بين أيدٍ أمينة ..

تعرفي أول مرة دخلت ابني حضانة لمدة سنتين بس لأن المدرسة فيها أطفال المصريين أغلبهم حاطين أطفالهم فيها ... وبعدين طلعت مقلب كبيييييييييييير ,, لما انتبهت كانت السنة الثانية له فيها بدأت وظليت طول السنة أبحث له عن حضانة غيرها .. وبعدي كثيرات أدخلن أطفالهن فيها .. فأصبحت أحوال أطفالنا لا تسر ,, غير إن كثيرين منهم كانوا يذمونها لأنها غالية دون النظر لامكاناتها ,, غير إني لم أحب أن يحضروا ابني كل شوية من صفه ليكون مترجما للأطفال الجدد ..
حتى حصل هذا العام مشكلة تغيير إدارة المدرسة .. فقمت بنقل أطفالي لأخرى .. ولكني رفضت أن تدخل أي مصرية أطفالها مع أطفالي .. والله مريحة دماغي من الكثير الكثير .. غير إن أطفالي أصبحوا يستفيدون بشكل أفضل ويتوسعوا في علاقاتهم .. فلم تعد صدقاتهم مقتصرة على المصريين .. كفاية إنهم يصاحبوهم خارج المدرسة .. وداخلها يكونوا صداقات مع أبناء البلد وغيرهم من أبناء الجاليات الأخرى ,,,


ريحي دماغك .. وانزلي أعملي جولات بين الحضانات وألحقي أطفالك في التي ترتاحين لها ... وتصرفي على إنك المصرية الوحيدة في الرياض .. ووالله العظيم أريح لك كتيييييييييييييييير ...

[نسرين سعيد]

بسم الله الرحمن الرحيم شكرا ام معاذ لكن انا موضوع اللهجة اساسية عندى علشان تاخر الولاد فى الكلام و فعلا فى حضانة مصرية لكن فعلا مستواها وحش زى ما كتير قالوا لى جزاك الله خيرا

[ام البنين1977]

بسم الله الرحمن الرحيم شكرا ام معاذ لكن انا موضوع اللهجة اساسية عندى علشان تاخر الولاد فى الكلام و فعلا فى حضانة مصرية لكن فعلا مستواها وحش زى ما كتير قالوا لى جزاك الله خيرا
مشكلة الكلام عند الجميع مش بس عند ابنك و انا وأول واحدة مكتوية بنارها
بس اللغه ما تخافي عليها بالذات المصري :D
أنا أولادي إختلطو بأولاد مصريين صارو يحكو عاوز :D
و الاولاد يحكو بدنا ماي (يعني ماء)
و لما رجعو لاهلهم حكو لبلب بالمصري
المهم تختاريها بتنمي الذكاء و بتعلم الولد رغم اللهجة

[نسرين سعيد]

بسم الله الرحمن الرحيم شكرا ام البنين على ردك الظاهر هو دة الحل الوحيد او اضطر انى انزل مصر جزاك الله خيرا

[نسرين سعيد]

بسم الله الرحمن الرحيم معقول يعنى اكثر من 100 مشاهدة للموضوع ما فيها غير مصرية واحدة ترد على السلام عليكم ورحمة الله وبركاته

[دنيا الاحلام]

يا حبيبتى انا شيفاكى زعلانه مننا
بس انا والله سبق وقولت ليكى عن الحضانه وقولتلك انها مش عجبانى وطلعته
واصبرى انشاء الله هيردوا باقى الاخوات المصريات
بس ممكن يكون فى مصريات كتير فى المنتدى بس مش من الرياض
وراى فى الموضوع بلاش حضانا مصريه بصراحه يعنى

[buenachica]

يا أختى متزعليش مش معنى إن 100 دخلوا ومردوش عليكى إنهم يعنى رافضين مساعدتك
طيب مأنا مصرية أهو بس بصراحة مقدرش أساعدك .. أولا لأنى مش مقيمة فى الرياض أنا عايشة فى مصر ومعرفش طبعا اى معلومات عن الحضانات هناك .. وثانيا معنديش خبرة فى الموضوع ده
فمتزعليش أكيد كتير من إللى دخل موضوعك معرفش يفيدك بحاجة .. فانتى متتعصبيش .. أكيد إللى هيعرف يفيدك هيرود عليكى إن شاء الله . انتى محتاجة مصريات بس بشروط مش أى مصرية يعنى
أسأل الله أن يدبر لكى أمرك

[sunskies]

مشكلة الكلام عند الجميع مش بس عند ابنك و انا وأول واحدة مكتوية بنارها
بس اللغه ما تخافي عليها بالذات المصري :D
أنا أولادي إختلطو بأولاد مصريين صارو يحكو عاوز :D
و الاولاد يحكو بدنا ماي (يعني ماء)
و لما رجعو لاهلهم حكو لبلب بالمصري
المهم تختاريها بتنمي الذكاء و بتعلم الولد رغم اللهجة
السلام عليكم
انا مع ام البنين اولادى تعلموا لهجتهم وهم فى وسط لا يتكلم العربى اساسا
المهم لسانهم ينطلق وبعدها ستتوسلين لهم كى يصمتوا بكل اللغات
توكلى على الله واعملى بنصيحة الاخوات

[نسرين سعيد]

بسم الله الرحمن الرحيم طيب يا جماعة الى يعرف حضانة كويسة يدلنى عليها جزاك الله خيرا