ساااااااااااااااااااااااعدوني يابنات سورية

[the-kind-queen]

. السلام عليكم ورحمة الله وبركاته اخواتي السوريات اللي تعرف منكم طريقة الورق عنب بالطريقة الشامية مواللبنانية لاني اعرفهاابغا الطريقة السورية حبايبي انا في انتظارردكم لاتتاخروعليا والسلام عليكم ورحمة الله وبركاته

[omowaice]

هلا فيك حبيبت زهر الياسمين . . أنا كتبت في المنتدى هنا ( ورق عنب لذيذ )
ماخذتها من وحدة سورية . . وكثير سوريين يسوون نفس الطريقة . . . جربي وماراح تندمي . .
والله يطلع أكثر من رائع . .. وان جربتيه قوليلي رايك . .

[ROZALENDA]

السلام عليكم ورحمة الله وبركاته
هي طريقة ورق العنب اللي انا بعمله والكل دايما بيعجب فيه كتير
وللعلم هي الطريقة الشاميه الأصليه يعني من ست ست ستي ماشيين على نفس الطريقة ولو انه في ناس ما بتطبخ الحشوه ( طبعا جزئيا مو بشكل كامل ) بس انا جربت الطريقتين ولقيت هي طلعت اطيب شي
المقادير
بقدونس حوالي حزمتين ( طبعا على حسب حزمة البقدونس بس بدك تكتري متل التبوله ) مفروم ناعم نوعا ما
5 بندوره مقشره ومقطعه قطع صغيره ( في ناس ما بتقشرها )
بصل مفروم ناعم ويفضل بصل اخضر يعني بدك حوالي بصلتين اذا كان بصل عادي واذا اخضر قدري بحجم بصلنين
نعنع يابس او اخضر( يفضل اخضر ) كمان مفروم ناعم
3 كاسات رز مصري منقوع
زيت زيتون
حامض ( اما ليمون او دبس رمان ) انا بحط دبس رمان وليمون لأني بحس الدبس لحاله ما بيعطي الحموضه الكافيه
طبعا ملح
الطريقه
اول شي حطي زيت الزيتون بالطنجره بدك كميه تكون لا بأس بها يعني بدك تكتري شوي لحد ما يسخن بعدين اضيفي البصل وقلبي لحد البصله ما تدبل شوي اضيفي عليها الرز والبندوره والحمض اللي عندك بالترتيب المذكور وقلبي شوي شوي مابدك الرز يتكسر يعني بتقلبي بمنتهى الانسانيه تقريبا 5 دقايق أو حتى تحسي انه الرز اتشرب السوائل اللي نزلت من البندوره والحامض اللي حطيتيه طبعا بتضيفي الملح عادة هي العمليه ما بتاخد معي 5 دقايق بس او اكتر شي بسيط بعدين طفي النار واضيفي النعنع والبقدونس اللي عندك واذا حسيتي زيت الزيتون قليل اضيفي شوي كمان و في ناس بتحط معلقة بن قهوه تركي( معلقة شاي صغيره مو اكتر) بتعطي ورق العنب نكهه لذيذه بس هي مسألة ذوق يعني انا بضيف بس ماما ما بتحب تضيف بن
وخلص صارت عندك الحشوه جاهزه
طبعا بتلفي ورق العنب بالطريقة المعتاده بس بدك تكتري الحشوه شوي لأنه الرز عندك ربع استوى
بعدين بترصيها بالطنجره وتحتها بطاطا حتى ما تلزق وعلى جنب اغلي ماء مع دبس رمان او عصير ليمون انتي وذوقك ( انا هون كمان بحط التنين ) ومعلقه صلصة طماطم وحده ( ملعقة اكل ) ولما تغلي صبيها على ورق العنب وصبي عالوش زيت زيتون( شوي بس) حتى يطلع ورق العنب يلمع من برا وخلي يستوي على مهله ممكن ما تضيفي الحمض الا بعد ما يستوي ورق العنب ساعتها بتضيفي الحمض وبتتركيه يغلي عشر دقايق وبتطفي عليه
لأنه احيانا الحمض بيخلي يتأخر حتى يستوي بس انا بضيف كله من الأول وماشيه معي تمام الحمدلله
هلا بعد ما استوى وطفيتي عليه وشلتي الشوربه اللي طلعت منه بتلاقي الزيت طبعا طفا على وش الشوربه حاولي تشيلي بالمعلقة وترشي على ورق العنب حتى ياخد ورق العنب لمعه حلوه ( طبعا الزيت بس ما بدك الشوربه ) وهلا خلي على جنب لحد ما يبرد وصحتين وهنا على قلبك