*°* عجينة زبدة لذيذة لكل شيء، خاصة الكرواسون *°*

[إيمان علي]

بسم الله الرحمن الرحيم

السلام عليكم ورحمة الله وبركاته

أهدتني جارتي وصفة عجينة ولا ألذ منها وباليد ولا ألين منها، كل يوم أولادي بيسألوني حتى أعمل لهم المزيد، مطبخي كل النهار بنظفه من الطحين :D

عملت بالعجينة كذا مرة كرواسون طلع كثير طيب، ولأنه بيبقى طري طوال الوقت، قررت أنه مناسب للخبز وفعلاً كان رائع.

اسمها كرواسون الزبدة

مقادير العجينة

هذا المقدار يكفي لعمل 12 كرواسون بحجم كبير، أو مثل ما أنا عملت، حوالي 40 صغار.

. نصف كوب حليب سائل
. نصف كوب زبدة طرية
. نصف كوب سكر (أول مرة أعمل بهذا المقدار شعرت أنه السكر واضح بعض الشيء ولكن الطعم لذيذ جداً، فخففته المرة التالية إلى نصف المقدار)
. نصف ملعقة صغيرة ملح
. ملعقة كبيرة خميرة
. نصف كوب ماء دافئ
. بيضة كبيرة مضروبة قليلاً
. 3 ونصف إلى 4 أكواب من الدقيق

وللوجه بيضة كبيرة مضروبة قليلاً (أنا استغنيت عن هذه الخطوة)


الطريقة

~ في وعاء، سخني الحليب حتى تظهر فقاقيع صغيرة حول الأطراف.
~ في وعاء آخر، ضعي الزبدة والسكر والملح ثم أضيفي الحليب وحركيه جيداً، برديه حتى يصبح فاتراً.
~ في وعاء صغير، ذوبي الخميرة في الماء الدافئ واتركيه حتى يشكل رغوة من 5 إلى 10 دقائق.
~ أضيفي واخفقي خليط الخميرة والبيضة في الحليب على سرعة منخفضة ثم أضيفي الدقيق كوبين في البداية واخفقي حتى يصبح مزيجاً طرياً لاصقاً واستمري في إضافة الدقيق حتى تتشكل لديك عجينة غير لاصقة وطرية.
~ على سطح مرشوش بالدقيق، اعجنيها بيدك حتى تصبح مطاطية، أي حوالي دقيقتين إلى ثلاثة.
~ ضعيها في وعاء مدهون وحركيها بالدهن حتى يتوزع عليها فلا تلتصق عندما تخمر.
~ ضعي فوق الوعاء منشفة مرطبة واتركيها تخمر في مكان دافئ حتى تتضاعف، حوالي ساعة.
~ بعد أن تخمر اضربيها بيدك لتنكمش. وعلى سطح مرشوش بالدقيق، اقسميها نصفين وغطها بمنشفة مرطبة واتركيها 10 دقائق.
~ ادهني صينيتين.
~ ضعي على الشوبك رشة دقيق وافردي أول جزء إلى دائرة حوالي 12 إنش واقطعيها إلى شرائح مثلثة.
أنا جعلت الكرات أصغر حسب مساحتي وكل دائرة كانت صغيرة حتى أشكل كرواسون بحجم أصغر

http://www.lakii.net/images/Oct05/Iman_bxZ5Oy.gif


~ قومي بوضع ما تشائين من حشوة أو اتركيها بلا أي حشوات، ستكون لذيذة على أية حال، أنا وضعت الزعتر.. وبإمكانك أن تضعي فقط حبة صغيرة من الشوكولا، الحبوب التي تستخدم في بسكوت الشوكولا، ثم تلفيها.

http://www.lakii.net/images/Oct05/Iman_sprinkle1.gif


~ من طرف المثلث العريض ابدأي بلف المثلث

http://www.lakii.net/images/Oct05/Iman_roll2.gif

~ أكملي اللف

http://www.lakii.net/images/Oct05/Iman_roll3.gif


~ واثنِها بعض الشيء مثل الهلال

http://www.lakii.net/images/Oct05/Iman_crescents12.gif


~ ضعي على الصينية التي قمتِ برشها مسبقاً

http://www.lakii.net/images/Oct05/Iman_crescents13.gif


~ اتركيها جانباً مغطاة بمنشفة مرطبة في مكان دافئ واتركيها حتى تتخمر مرة أخرى 30 دقيقة ليتضاعف حجمها.

~ سخني الفرن على درجة 400، ادهنيها بالبيضة. اخبزيها 15 دقيقة أو حتى تحمر وانقليها إلى شبكة لتبرد تماماً.

http://www.lakii.net/images/Oct05/Iman_crescents14.gif

http://www.lakii.net/images/Oct05/Iman_crescents15.gif

ملاحظة 1: ابني اللي ما بيحب الأكل، ما شاء الله ولا قوة إلا بالله، أكل اللي بالصينية اللي شايفينها أمامكم :D

ملاحظة 2: لستِ مضطرة أن تتبعي الخطوات بحذافيرها، فكلكن الآن خبيرات بالعجين، ولكن أنصح أن تجربن أولاً الخطوات كما هي ثم تغيرن فيها كما تردن، فأول مرة تبعت الخطوات بالضبط، وثاني مرة غيرت فيها حسب وقتي.

وملاحظة أخيرة: استعرت من لنلون نجومها حول العنوان :D



:) وبالهنــــــــــــــــــاء والعافيـــــــــــــــــة :)

[رندوش]

ممممممممم بتشهي يا احلى ايمان صحتين على قلبك
قيد التنفيذ ان شاء الله
بس لي سؤال الزبده مرجرين او زبده ولا ممكن سمنه اي افضل للعجينه
تسلم الايادي اللي عملت الله يجازيك الخير يا رب

[إيمان علي]

وإياكم يا رندوش وصحتين مقدماً :)
الزبدة هي الزبدة butter، مش زيت ولا سمنة ولا مرجرين. رح تحتاجي لأصبع زبدة.

[وعود الخير]

طبعا يا ست ام بلال
انت تفنني
ونحن بنطبق
والنتيجة ..
كم كيلو زيادة..
لا يا ماما انا مش لاعبة معاك هاي المرة
زبدة؟؟ ناقصني
على فكرة من الصبح بوشي على السوبر ماركت اشتري زبدة لورباك.....
سمعت رندوش زبدة لورباك مش مرجرينا
وبعدين لو زدت كيلو فوق الاربعة. مش اشكال
كله بيهون لعيون ام بلال..

[إيمان علي]

ههههههههههههههههههههههههه طيب هلأ بدك تزيدي كم كيلو وأنا المتهمة؟ كل هالأكلات الطيبة اللي رح تهشلني من الركن كله، وإجت على عجينتي بنص كوب الزبدة هاي؟ :D
جربوها يا جماعة بالشوكولا.. وقولولي :)
بس انتبهوا، حبة شوكولا واحدة من تبع الـ kisses
بتذوب وبتعمل عمايلها بالطعمة :)


حالياً بستنى العجينة تخمر حتى نعمل أكلة الآنسة الحلوة طيف.. ;)

أنا هالشهر نازلة معجنات حتى صار بيتي كل يوم أمسحه من اغبار الطحين :D <<<< مبالغة :D




بعدين تعالي لأقولك.. وين الآلو تبعك؟ يا خوافة :D

[أسيرة الغربة]

شكلها يشهي وشوقتيني اعملها :)

[إيمان علي]

يالله اعمليها أسورة وورينا :)

[lanloon]

عن جد امونه شكلها بشهي و الطريقه باين عليها سهله
ان شاء الله بجربها :)


و على حسابك كل النجوم يا قمرنا ;)

[إيمان علي]

تسلمي يا لنلون انت ونجومك :D
والله يا لنلون أنه عملها أسهل من كتابتها وتنزيل الصور بمراحل :D
خليني أقوم أشوف صينية طيف اللي بالفرن شو صار فيها ..

[iraqimama]

بسم الله الرحمن الرحيم
السلام عليكم ورحمة الله وبركاته
تسلم ايدك اختي(ايمان) ):K
الشرح ما شاء الله كافي ووافي ما خليتي مجال للاسئلة
الله يعطيكي العافية وجعله في ميزان حسناتك
ورمضان كريم :-D

[إيمان علي]

وعليكم السلام أختي، وسلمك الله وعافاك :) :)

[زيزفونة]

ما شاء الله عليك يا ايمان
تسلم ايديك والله طريقتها مرة سهلة ان شاء الله اجربها
لاني باحب الكرواسان جدا
يعطيكي العافية

[إيمان علي]

الله يسلمك زيزفونة.. بس على فكرة هذا الكرواسون مش مثل اللي بتلاقيه بالسوق كله زبدة ومثل القشور والطبقات.. هذا أقرب للعجينة اللي تستخدم في كل شيء :)

[amisou3]

بسم الله الرحمن الرحيم
و الله حتى أنا اشتهيت أكلها,من الصورة فقط و اشتهيتها فما بالك ان كانت امامك سأفعل ما فعله ابنك حفظه الله.
بارك الله فيك.

[إيمان علي]

الله يبارك فيك amisou :D

[shahdmylife]

خلاص نوية هاليومين أعملها بس بدي اغامر وأعملها بالمارجرين الصحي الخفيف عالقلب لأن الزبدة عنا من "المحرمات". ::L::
تسلم الأيادي امون

[إيمان علي]

الله يسلمك سوسو.. بس المارجرين انتبهي فيه ماء، يعني ممكن يغير من النتائج.. فاعملي كمية أقل، أو اقسمي جزئين.. قسم محرم وقسم حلال :D

[وعود الخير]

زبدة لورباك ما فيه.. غير مرجرينا..
بدي اعمل مثل ام شهد

وبعدين امونة انا مش خوافة لو سمحت ما بسمحلك!!!!!!!!!sid
انا جباااااااااااااااااااااااااااااااااااااااااااااااا ااااااااااااااااانة وبس.

[.. Rahf ..]

تسلم يدك يــ احلى ايمان
عملت العجينه وعملت منها الكرواسون وكان الشكل جنان
والطعم احلى واحلى
ورااح اعتمدها لعمل الكراسوون
وبقي شوي من العجينه افكر اعمل فيه دونات اكيد بتطلع رووعه
يعطيك ألف عاافيه على كل ما تقدميه سواء من اطباق
او مواضيع بقسمي الطفل والتجارب
لاني استفدت منك الكثير والكثير
جزااك الله خيرا

..

[إيمان علي]

هههههههههههههههههه حلوة هاي يا وعود :D



أهلاً وسهلاً فيكِ يا رهف.. نورتي عزيزتي.. ويسعدني أن يكون أول رد لكِ على موضوعي، لا ومع تجربة.. يا ريت لو فيه صور بس :) صحتين وعوافي .. شايفين يا صبايا الهمم والنشاط؟ اشتغلوا وورونا يالله..

[ام سهيل]

تعرفي امون اذا راح اجربها اجربها بالشوكولا محسوبتك مجنونة شوكولاتة .



بصراحة عجبتني لاني دائما اشيل هم عجينة الكرواسان من كثر ماتفردي وتحطي زبدة هذه اسهل واسرع .

[الدمعة الساكبة]

تسلمي على الوصفة بحاول اجربها

[الفتاةالطويله]

السلام عليكم

كيفك يا ام بلال ؟؟؟؟؟؟؟؟

عنجد عنجد الزبده ما بتبين بالطعم ؟؟؟؟؟؟؟؟؟؟؟؟؟؟لاني بدي اجربها ويمكن اليوم ردي علي
يسلموا ايديكي شكلها بفتح النفس

[طيـــف]

اااااااااالله يسامحك
بتشهييييييييييي ياايمان
اله حق بلال صحتين وعوافي عل قلبه

جد شكلها رووووووووعه

سلمتي لنا يارب

[هنلي]

ام بطن دخلت على الخط الليله يعني الليله رح اعملها انا رح احشيها بجبن عكاوي واخرى بالزعتر واخرى بجبن البقرات الثلاثه
لانه شكلها طيب كثير

[إيمان علي]

أم سهيل، صحتين مقدماً.. هذه لا بدها فرد ولا بدها شغل، وخفيفة كثير ورائعة لو كانت حتى للبيتزا..
وانتبهي، الشوكولا فقط حبة واحدة، لأنها رح تذوب.



الله يسلمك يا دمعة :)


وعليكم السلام أم يوسف.
الزبدة ما رح تبين بالطعم، كله نص كوب على 4 أكواب طحين، ما بتحسي فيها لا بالطعم ولا باليد.




الله يسلمك يا خوختنا :)




هنولة العسل، يا هلا.. والله بالأجبان هذه رح تطلع تحفة، بس خففي شوي، هذا كله دسم يا حلوة ;)

[هنلي]

لا دسم ولا حاجه --ام بطن صح -- انا بعمل كميه وبخزنه وبوكل شوي شوي يعني محافزه على الكسمات ههههههه

[إيمان علي]

يختي عليكِ يا محافزة انت :D

[هنلي]

هيها في طور التخمير

[إيمان علي]

ماشي، بالانتظار.. :)

وأنا ورق العنب على النار، الفتوش خلص، الشوربة الليبية خلصت، اللازانيا خلصت، السمبوسك لفيته والقلي قبل بنصف ساعة، شو عندي كماااااااااان؟!!! آآ القطايف خلصت وحشيتها والقطر خلص.. بس المشكلة وين.. بعد 3 ساعات للفطور، وشبعانة لحد التخمة من كثر الروائح :D

[هنلي]

شو هاااااااااااذاااااااااااا يا ايمان شو اللي طلع معي حاجه










انزلي شوي









والا احكيليك اطلبي تكسي وتعالي















شو هذا يا امونه اشي خيالي اصلا العجينه وانا قاعده بسوي فيها ملمسها حلو كثير وبعد ما سويتها لو تشوفي لونها ما احلاه اشي بيشهي كثثير حشيت شويه بالزعتر والباقي فاضيين انا بحشيها بطريقه بتطلع في فراغ من جوا
وهو انك تعملي في نص قاعده المثلث خط وتنني جهه لليمين وجهه لليسار بيطلع فاضي من النص
وبعد ما استووا حشيتهم باللبنه بكيس الكريما
بس بجبد بجد بحكي للكل يعملها مع اني قضيت على الصينيه بس ضل 5 حبات خبيتهن بالفريزر علشان اليوم بروح عند امي ورح اذوقها -- لانها بتقول شو هالوصفات اللي عم تيجي من النت -- اكيد رح تعجبها ورح اعملها مره ثانيه
سلم دياتك يا امنونه والله يخليكي لاولادك وعيلتك ودايما تعملي الهم كل اشي حلو

[همســـ شوق ـــة]

ممممممممم لذيذه من الصور

انا اموت بالكرواسان

ان شاء الله اجربها واقولك ايش صار معي

تسلم الأيادي يا ايمان

[إيمان علي]

ريته ألف صحة وألف عافية يا هنولة، أنت ما شاء الله من تحت إيديكِ كل شيء بيطلع طيب حتى لو ما كان طيب .. بس ما فهمت مسألة تثني من اليمين ومن اليسار وبيطلع فاضي.. اشرحيلي أكثر لو سمحتي.. أنا اللي فهمته بالأول بتعمل خط بالنصف، وبتطوي الطرف العريض فوق الخط وبتكملي، هيك بتخيلها..!



همسة شوق، الله يسلمك عزيزتي، ورينا النتائج لما تخلصي.

[وعود الخير]

وبعدين مع عجينة امونة
مش لاقية زبدة..
بدي الف المدينة كلها لاحصل زبدة..
مش عارفة اقعد وارتاح الا لما اعملها خصوصا وان هنلي عم بتغيظني

[إيمان علي]

ههههههههههههه أبعثلك يا وعود؟ طيب يا ستي، استعملي أي دهن عندك وريحينا، يمكن تطلع نفس الشي ;)
على فكرة، أنا عملت الآن عجينة جديدة من نوع جديد والنهاية رح تكون غير شكل، أول مرة بجربها، لو عجبتني بدي آخذها على عزومة الآن (معزومة على الفطور) ورح أوريكم إياها، وإلى اللقاء في موضوع جديد لمعجنات بتعجبكم ;) وعلى فكرة.. بالزعتر كمان :)

بتقدروا تعتبروه انتقام من كل واحدة حطت شغلة طيبة وخلتني قاعدة في المطبخ كل اليوم، أو رد جميل.. شو ما بدكم تعتبروه اعتبروه :D

[وعود الخير]

شخصيا راح اعتبرة نوع من الانتقام اللذيذ...
صحتين وعافية..
راح اجرب وارد لك خبر ان شاء الله

[إيمان علي]

انتقامي وصل يا وعود، روحي شوفيه :D

[هنلي]

هيها رسمتها رسم لانه الكاميرا خربانه

[shahdmylife]

هيها رسمتها رسم لانه الكاميرا خربانه

علية النعمة مانا فاهمة حاجة.. sid
هنلي محسوبتك عقلها بسكر بعد الساعة :[MM 10..بصراحة هو هاليومين مسكر طول النهار. :D :K)
حاولت افهم بس مافهمت من الرسمة..وشكلي مش حفهم.

امون خلص بدي اعمل جزء حلال لجوزي والحرام الي انا ((K))

[وعود الخير]

ومين سمعك يا ام شهد حاولت بس ما قدرت افهم غير ان في طائرة ورقية في الصورة
بس تجربي الحلال خبريني كيف النتيجة لاني مش لاقية زبدة .. وبصراحة لانزل منطقة تانية صعب جدا خاصة وان المواصلات تعيسة جدا..

[هنلي]

هذه رسمه الكروسان مثلث من مثلثات الكروسان اذا بدك اياه يطلع فاضي من النص اعملي شق في قاعدة المثلث وطرف الشق اثنيه لليمين والطرف الثاني لليسار زي ما بتلفي الكروسان بس بيكون في شق علشان يطلع فراغ
انا بعملها من دون حشو وتا تخلص بحشيها لبنه او مربى او شوكولا

[أناغيـم]

منورة هنلي كيف مايا وتالا

ام شهد كيفك انا بعد الشرح فهمت .. انت طلعت متلي بتقفلي في ساعة معينة

ام بلال.. هلأ عرفت ليه الماما خيولها مش عم بتهدي ، بتسأل الكل عن الزبدة ومش عم تحكي ليه

بس بجد بجد الصور بتشهي فكرك اقدر اعمل مثلها وتكون بطعمتها الطيبة
اجرب

[إيمان علي]

عسل يا أم شهد :D



هنولة، فهمت الرسمة بعد الشرح، تسلمي على الأفكار الحلوة :)



كاتي، معلوم بتقدري تعملي مثلها، هذا الشبل من ذاك الأسد .. وانت أمك اللبؤة معدلة، ما رح تطلعي أقل منها :D :D
على فكرة يا أم كاتي، المرة الجاية احكي معي من البيت، بدي أحكي مع كاتي، ممنوع التهرب :D

[ام جنيد]

مرحبا ايمان انا عضوة جديدة ( ام جنيد ) وبشكرك على هالوصفة الحلوة والذيذة انا طول عمري بسال حالي كيف بيعملو الكرواسون لانه شكله كتير حلو والان عرفت الطريقة كاملة شكرا الك ولو سمحتي بدي طريقة الشيش برك لاني نفسي اعملها ومرة تانية تسلم ايدك
ام جنيد

[إيمان علي]

أهلاً أم جنيد.. عزيزتي الشيش برك بتلاقي وصفته في المنتدى، وإن ما لقيتي بخبرك بطريقتي :)

[وعود الخير]

وجب يا ام بلال.. ع العيد ان شاء الله تعالى باحكيك
لان حاليا بطاقات اتصالات دولية شبه مفقودة بس ع العيد بتتوفر ..
تكرمي..

[إيمان علي]

الله يكرمك يارب.. :)

[سنووايت]

ممممم انا بحب كتير الكرواسون
جربت مرة ب
طريقة الاخت ام العبادلية وطلعت بتشهي
راح جرب هاي كمان تتسلم هل الادين يارب طالع معك بشهو
معون حق ولادك طيلو يطالبو لانو شي بشهي

[إيمان علي]

الله يسلمك عزيزتي، صحتين مقدماً :)

[ام سهيل]

أمووووووووووووونة الطعمونة

عملت الكرواسون وطلع شيء

لكن انا اضفت ربع كاس دقيق اسمر معه

وعملت منه محشي بمرتديلا لحم

وشي بجبنة وزعتر مع بعضه

وماشاء الله عجبت العيلة وصارت مطلوبة

وهذه صورتها

http://www.lakii.net/images/Nov05/um_suhail_30Q6.jpg

ومشكووووووووووووووورة امونة

[الفتاةالطويله]

السلام عليكم
تسلمي يا ام بلال فعلا طريه جربتها وقضي عليها ............بيني وبينك خبيت بالفريز شوي للعوزه

هذه اول كرواسنات اعملها وبعد وقت تضل طريه... عملتها قبل العيد بيوم لانه اكيد كل الناس تاكل كعك احب اضيف شي عليه للضيوف.وحبوه كثير

[إيمان علي]

ما شاء الله يا أم سهيل، شكلهم بيجنننننننننننننننننننننننننن :)



الله يسلمك أم يوسف، صحتين وعافية :)

[همس الشجن]

تسلم يدك اختنا الحبيبه

[مـiـى]

تسلم دياتك أمونة :)
و ما دامها الوصفة منك فأكيد للمطبخ و التطبيق سر :):)

[شفق]

من مده خاطري اعمل كرواسون
بس كل الطرق صعبه
وتحتاج وقت طوييييييييل

بس يوم وصلت لهذي الطريقه
جربتها على طووول

ما شاء الله
الطريقه حلووه

والطعم جنان
عجبت الكل :p

الله يوفقج اختي ايمان
وبانتظار وصفاتج المتميزه دائماً

[إيمان علي]

الله يسلمك يا همس الشجن :)


الله يسلمك يا منى.. السر عزيزتي كان "رمضان" :D



صحتين وعافية يا شفق.. فعلاً أنا كانت مشكلتي في الكرواسون العجن الطويل والزبدة الكثيرة والوقت والجهد، فكنت أشتري العجينة جاهزة، لكن وجدت أنه هذه الطريقة رغم أنها ليست بهشاشة العجينة الجاهزة، إلا أنها تفي بالغرض ولذيذة وسريعة :)

[ام لومي]

السلام عليكم ورحمة الله وبركاته
جعله الله في ميزان حسناتكم
تسلمين

[إيمان علي]

وعليكم السلام
وإياكم أم لومي.

[الفتاةالطويله]

السلام عليكم

اشكرك مره اخرى وكل ما اعملها ادعيلك لانها زاكيه وطريه كثير..........اليوم عملت الكميه مضاعفه

[الاصــيل]

تسلم الايادي

[إيمان علي]

وعليكم السلام أم يوسف، ريته صحة وعوافي يارب :)



الله يسلمك أصيل :)

[amiradahab]

ممممممممممممم فعلا فتحتي نفسنا على الاكل وانا مش نقصة كيلوات زيادة لاني بموت في جميع المعجنات وتسلم الايادي

[امــ الرحمن ــة]

شغلك جنان

[امــ الرحمن ــة]

تسلمي

[محبوبة الجميع1]

شكلهالذيذالله يعافيك

[! غلا الروح !]

امممممممم
ماشاء الله الله يعطيكِ العافية

[أم لونة]

تسلم يديكي

[فاطمـــــة]

:-s تسلم الاياااااااااااااااادي

[فاطمـــــة]

يسلموووووووووو

[سكر زيااااااده]

ممممممممم بتشهي يا احلى ايمان صحتين على قلبك
قيد التنفيذ ان شاء الله

[ام حبيبة وليد]

شكلها بيقول انها جميلة تسلم ايدك يا ام الاختراعات

[amal250]

تسلم الايادى

يعطيكى الف عافية

[rony444]

تسلم ايديك يا حبيبتى وبالهنا والشفا للجميع