شوربة العدس اللذيذة [الأرشيف]

(راما)

04-10-2005, 11:22 AM

بما أنه الي فترة ما نزلت شي من قبل رمضان ...
فحبيت أقدم شوربة العدس اللي بحبها و الزاكية في أول أيام رمضان

المقادير :
على البركة
عدس مجروش
راس بصل
ضرسين ثوم
بطاطا واحدة
و جزرتين متوسطتين
ملح
عين جرادة مطحونة
رشة كمون
كركم
و ملعقة سمنة نية

الطريقة:
نقطع البصل مربعات و نضعة في الطنجرة مع تحميره بشوية زيت ذرة و نضيف الثوم المقطع ناعم ثم نضيف العدس المجروش المغسول جيدًا .
نحمر العدس مع البصل و الثوم و نضيف الجزر المقطع مربعات و نحمرهم.
و بعد ما يذبلوا مع بعض نضيف البطاطا المقطعة مربعات
و نحمرهم كويس و نضيف المياه الساخنة فوق الخليط و ما تكون كتيرة ... يعني فوق الخليط ب 5 سم تقريبًا
و نتركهم يغلوا منيح لما تستوي الخضار و العدس
بعدين بنضيف رشة الكمون و الجرادة المطحونة و الكركم و الملح .
و نضع بعد ما نطفي على الشوربة ملعقة السمنة النية
و نضع مقدار الشوربة بالخلاط و نخلطها كويس كثيييييىر

و تقدم مع مائدة الافطار ... و اذا حبيتي بتحطي معها الخبز المقلي
و صحة و هنا

وعود الخير

04-10-2005, 11:53 AM

عاش مين شافك يا قمر..
رمضان كريم
على البركة
هذه من وين نشتريها .. هههه

الشوربة طيبة بس وين البندورة باعرفك كريمة ليش البخل..
تسلمي وتسلم الايادي.....

أم أيموني

04-10-2005, 12:09 PM

دعاااااااااااااااااااااااااااااااااااااااااااااااا اء !!!!!!!!!!!!!!!!!!!!!!!!

وينك ؟؟ من زمان ما شفناك ؟؟؟ يارب يكون المانع خير..وحشتينا والله وصرلك فترة خاطرة على بالي وبقول !! شو أخبارها ؟

حمدالله على سلامتك .. وتسلميلنا على هالشوربة .. اليوم كنت ناوية أعملها بس راح أزيد عليها إضافاتك ..

وكل عام وانتم بألف خير أعاده الله عليكم بالخير واليمن والبركات .. يارب وعلى جميع المسلمين ...

co0ol girl

04-10-2005, 01:06 PM

تسلم ايدينك أختي

(راما)

04-10-2005, 01:13 PM

تسلموا على السؤال...
صحة و هنا أم أيموني
وعود ليش البندورة هاي ما حكت عنها أمي!!!

CaraMeel

04-10-2005, 01:14 PM

دعاء فلسطين يعطيك العافيه ومشششكووره

طيـــف

04-10-2005, 01:29 PM

طبعاااااااااابنحب الخبز المقلي معها

شهيه كتير يادعاء يسلمو ايديكِ حبيبتي
في وحده من خواتي مابتسوي الا طريقه هاي يل قلتي عنها ومع سمبوبه او سبرنج رول امممممممم

دعاء اختي بتسوي طريقه
انه بتقلب مكعبات البطاطا وبعدين بتضيف فوقهم البصل والتوم والعدس
وبتخليهم يغلو منيح

بس مابتضربها بالخلاط وبتشربي الشوربه وفيها مكعبات البطاطا
اممممممممممممم شو رائعه

يسلمو ايديكِ مره تانيه
مبروك عليك الشهر

(راما)

04-10-2005, 03:22 PM

حلوة طريقة أختك طيف ...
بس لما تضربيها على الخلاط الطعم أحلا ...
و مع الخبز المقلي يم يم يم يم

طيـــف

05-10-2005, 01:43 PM

دعاء
حبيبتي لما تضربيها بالخلاط الها طعم لزيز وطعم شوربه
بس اختي لما تسويها بمكعبات البطاطا تعتبر طبق اساسي خصوصا لو جنبها سمبوسه:) بتمشي حالها فيها غدا

بس طريقتك انتي والطريقه المعهوده لما تنضرب بالخلاط شوربه :)يعني مسحه زور

صحيح دعاء جربتي العدس على الطريقه المصريه باضافه الشعريه له؟

(راما)

05-10-2005, 02:04 PM

ما عمري سمعت عنه ؟؟؟
احكيلنا الطريقة طيف و اتحفينا...

طيـــف

05-10-2005, 02:24 PM

شوفي حبيبتي

بتقلبي شوي شعريه
مع بصل وتوم ومكعب ماجي
وبتقلببيهم شوي بس ليتغير لونهم وبعدين بتضييفي عليهم كاسه عدس منقوعه ومغسوله
وبتلقيهم مع بعض وبحطي عليها مااااي وبتغليها تغلي لحد مايتسوي مضبوط ويتجانس
طبعا وقت السكب والتقديم ...........................بتكون خيوط الشعريه ظاهره ومنفوشه
وكتيرررررر طيبه انا بحب اضيف لها كزبره :) خضرا والطعم مائلوكش:)

طيب جربتي ياحبيبتي العدس الاصفر مع الرز ؟
وبتكون شوي مصوصيه متل المسلوعه:)

اليلاس

05-10-2005, 10:00 PM

يسلمو يسلمو يسلمو
بس هو شنو عين الجرادة المطحونة؟؟؟

اليلاس

07-10-2005, 06:37 PM

؟؟؟
؟؟
؟

طيـــف

07-10-2005, 09:23 PM

اليلاس حبيبتي
عين الجراده
هي بذور الشبنت المجففه
وهي بهار طيب كتيررررررر مع الاكل والمقبلات

*خوالي*

07-10-2005, 11:51 PM

يسلموا على الشوربات الطيبين ماشاء الله

بس انا ضايعة بينكم

الحين عين الجرادة وعرفناها بس العدس المقصود فيه اللي لونه برتقالي ؟؟

ومشكورين

ومبارك عليكم الشهر

وعود الخير

08-10-2005, 11:08 AM

اهلا وسهلا يا ام محمد .. العدس هو الاصفر..

دعاء .. ما بعرف بس انا عادة باحط معها بندورة

الدمعة الساكبة

08-10-2005, 11:30 AM

هي بذور الشبنت المجففه
وهي بهار طيب كتيررررررر مع الاكل والمقبلاتالمفروض اتوضحي من الاول
لان يمكن الي مايعرف المعنى
يروح يجيب عين جرادة حقيقية

طيـــف

08-10-2005, 11:39 AM

اعصابك ياحلوه علينا اوكي!
بعدين الله عرفوه بالعقل
بدك تحطي علىالاكل عين جراده! حقيقيه!

وعود الخير

08-10-2005, 01:10 PM

يا خبر يا الدمعة كم جرادة بدك تجيبي علشان تاخذي عيونها..

*خوالي*

08-10-2005, 11:24 PM

خواتي عندي سؤال واسمحيلي وعود ثقلت عليكم

دورت في الجمعيات في ابوظبي ما عندهم وما يعرفون بذور الشبت ولا عيون الجرادة

وبسأل هل لها اسم آخر ؟ يمكن هي الكزبرة

طيب اذا في صورة لشكلها حتى من النت ؟؟

وتنفع الشوربة من غيرها

والسموحة

اليلاس

09-10-2005, 04:32 AM

شكرا يا طيف على الاجابة
انا اعرفها واستخدمها بس هاي اول مرة اسمع انه يسموها عين الجراد :ss:

خشف الريم

11-10-2008, 03:23 PM

يعطيج العااااافة وتسلم ايدك

mmooon2008

18-10-2008, 08:50 AM

شكراااااااااااا