يا بنات سوريا ساعدوني [الأرشيف]

View Full Version : يا بنات سوريا ساعدوني

مدينة الصدر

26-09-2005, 05:30 PM

يا بنات مرة سمعت بالمسلسل وحدة قالت لابنها اطبخ لك يلنجي ::L::
شنو هو اليلنجي ؟؟؟ ws:-)
ومرة سمعت اسم اكلة
شنكليش
او شنكليز
ايضا شنو هذه ؟؟؟ ws:-)

مـiـى

26-09-2005, 06:07 PM

حبيبتي اليلنجي هو ورق العنب بس محشي بالرز ( من دون لحمة ) و متبل بالبهارات و الحمض و أصل اسمه تركي و معناه المحشي الكذاب :)

أما الشنكليش فهو عبارة عن لبن منشف كتير منيح و بعدها ينعمل كرات و يلت بالزعتر الأخضر ثم يعرض للشمس و عند الأكل يقسم و يزين بمكعبات البندورة و البصل و زيت الزيتون و يقدم :)

منورة حبيبتي و أي سؤال أنا جاهزة

نور لك

26-09-2005, 06:13 PM

يا بنات مرة سمعت بالمسلسل وحدة قالت لابنها اطبخ لك يلنجي ::L::
شنو هو اليلنجي ؟؟؟ ws:-)
ومرة سمعت اسم اكلة
شنكليش
او شنكليز
ايضا شنو هذه ؟؟؟ ws:-)

اهلين اختي ..
بالنسبه لليلنجي ..هو ورق العنب بالزيت
اما الشنكليش هو لبن مجفف ومنقوع بالزيت ويشتهر به سوريا و أهلنا في شمال لبنان

ان شاء الله اختي اكون فدتك ولو احد عنده معلومات اضافيه يا ريت يساعدنا .

الامل الجميل

26-09-2005, 06:27 PM

يا عيني يا عينننننننننن
يالنجي والله على حسب علمي هو ورق عنب بالرز والبقدونس والبندوره وباذنجان محشي بنفس الخلطه ويطبخ بصلصة البندوره وممكن ايضا تحطي شرحات بطاطا سميكه معهم
هذه طريقة صديقتي سوريه الهه يذكرها بالخير
اما بخصوص الشنكليش فهو لبن منشف ومغطس بالزعتر
هذا الي بعرفه
وان شاء الله الاخوات السوريات يفيدونك اكثر وما يقصروا

اليلاس

26-09-2005, 09:56 PM

اعرف الاكلات وآكلهم بس اول مرة اسمع بأساميهم

طيـــف

27-09-2005, 09:22 AM

مشاءالله الاخوات كفو ووفو

الينلجي هو ورق العنب يل بزيت وحامض
اممممممممممم مااطيبو

وعود الخير

27-09-2005, 09:33 AM

شنكليش... غرامي ... شهيتيني اياه عالصبح يا مدينة الصدر .. سامحك الله..

ثواني وأعود لك باليالنجي والشنكليش.

وعود الخير

27-09-2005, 09:41 AM

الشنكليش للغالية ام شهد
جربته اكثر من مرة .. طيب وبشهداة كل من تذوقه عندي

تحتاجي لبن رائب والكمية حسب الرغبة.
ملح - كمون - فلفل أحمر مطحون - زعتر أخضر

-يوضع اللبن في كيس قماش تمامآ مثل طريقة اللبنة..لاكن لازم إتكون اللبنة جامدة ومتخلصة من الماء تمامآ.
-بعدين أخلطي اللبنة الناشفة مع الفلفل الأحمر والكمون و الملح.
-كوري الشنكليش علي شكل كور كبيرة.
-ضعي الزعتر الأخضر االمفروك ناعم في طبق كبير ثم نأخذ كل كرة من الشنكليش و نغطيها بالزعتر.
-توضع الكور المغطاة بالزعتر علي ورق المطبخ لإمتصاص الماء الزائد وتترك تقريبآ طول النهار.وبعدين تخزنيهم في علبة بلاستيك وتضعيهم بالثلاجة لحين الأكل

اليالنجي للأخت الغائبة استرلاس
الحشوة
رز +بندورة مفرومة ناعمة +بصلتين مفرومين ناعم +حزمتين بقدونس +حزمة نعنع اخضر +رشة بن +دبس الرمان +ملح +زيت الزيتون
واذا ما حبيت دبس الرمان تضعي ليمون
يتم تتبيل الحشوة مع بعض
يجب ان تكون الكوسا والباذنجان صغيرات الحجم من اجل المنظر
بعد حفرهم نبدء بالحشو
وهذه نفس الحشوة لورق العنب
نضع اسفل الطنجرة شرحات البطاطا
ونضع القليل من زيت الزيتون ونبدء بصف الكوسا والباذنجان
ونضع فوقهم شي يضغطهم كصحن مثلا
نصب الماء بحيث تغمرهم وعند ظهور اول غلوة للماء نضبط الملح والحمض اذا اردنا اكثر

(راما)

27-09-2005, 09:45 AM

وعود اليلنجي مفهوم اللي ...
بس الشنكليش هو نفسه اللبنة الكور المغطسة بالزيت عنا بغزة و لا غير ؟؟
يعني نفس درجة الجمود تبعتها ؟؟؟

وعود الخير

27-09-2005, 09:52 AM

اهلين دعاء
لا عيوني الشنكليش بنخليه لحتى يصير شبه ناشف وبعديها بنخلط مع الفلف الاحمر الناشف والكمون والملح وبيكحون عنا زعتر اخضر ورق بنغطي كرات اللبنه فيهم وبعدين بنحطهم على ورق المطبخ ليلة كاملة تقريبا لحتى يمتص المية اللي راح تنزل بعدالملح
وبعديها بنحطهم في علبة بلاستيك من غير زيت وزمان كانت ستي الله يرحمها تحطهم في كيس قماش وتعلقهم في زاية المطبخ..

اللي بتقصديه اللبنة بالزيت هذه كانت ايام زمان لعدم توفر الثلاجات.. وهي صحية اكثر واللبنة بتكون اطيب لما تتخزن في الزيت.

مدينة الصدر

27-09-2005, 06:25 PM

شكرا يا بنات والله خجلتوني
بالنسبة لليلنجي ما اقدر اسويه لاني عاملة ريجيم
بس الشنكليش واو انا امووووووووووووووووووووووت على منتجات الحليب
وان شاء الله اسويه
تحياتي

(راما)

28-09-2005, 11:36 AM

طيب وعود ما رح تبعتيللي ... و لو حبة

وعود الخير

28-09-2005, 11:52 AM

بس حبة تكرم عيونك
بس ينزل الزعتر الاخضر علبة لعيونك..
كيف الوضع بعد القصف عندك.

(راما)

28-09-2005, 12:05 PM

متت خوف و على طول اتصلت بابني بالحضانة لأطمئن عليه ...
الحمد لله نايم و ما صحي...
أنا رح أصدقك وعود و بستنى منك الشنكليش ...
بس ما تكون عزومة مراكبيه ...
أول ما ينزل الزعتر بستناك في مكتبي ....
أنت عارفاه وين ...
شو صار بالصوني ؟؟؟
أمي شافتللي بالشيخ رضوان بس ما لقت ... مستنياك انتي ... و بعدين رح أنزل أنا أشوف اذا ما لاقيتي

وعود الخير

28-09-2005, 12:08 PM

ان شاء الله تعالى نازلة السبت السوق فان لقيت طلبك الاحد باذن الله تعالى باكون عندك .. حضري القهوة..

وسلامتك من الرعب ..تصوري يوم القاء القنبلة ام طن ونص على حي الدرج ما ارتعبت زي اليوم
يخرب بيتهم قصف مدفعي وطيران مع بعض .. شو هالهم..
بدي انام .. بافكر اروح الحضانة يللي فيها ابنك علشان انام

(راما)

28-09-2005, 12:20 PM

معلش وعود ...
أمي لقيت صواني بس مش ثقال ..
ما رضيت تجيبلي
لو سمحتي نقيهم تقال .. بعرفك ست بيت شاطرة

ما يؤمر عليكي ظالم

وعود الخير

28-09-2005, 12:48 PM

تكرمي ..
كم دعاء انا عندي
يادوب 25 بس.

(راما)

28-09-2005, 01:53 PM

اللي بدي اياهم قطرهم 42 ماكسيمم و يا ريت زي بعضهم و نفس المقاس

وعود الخير

28-09-2005, 02:08 PM

ولشو ال2 الزيادة .. 40 كويس بس الاقيهم لان اغلب الموجود نوعية خفيفة..

خلي بالك الجو مغيم .. وفي طيارة بتحوووووووووووووم

(راما)

28-09-2005, 02:19 PM

بلاش الخفيف لأنه بدي اياهم للكنافة ما بدي اياها تنشعط

وعود الخير

28-09-2005, 02:45 PM

ان شاء الله..

fado

01-10-2005, 07:41 PM

الله يعطيكي العافية