الثعلبة اذبحتني يا عاااااالم ؟؟؟....اذبحتني [الأرشيف]

حنان فاروق

23-09-2005, 12:44 AM

بسم الله الرحمن الرحيم
السلام عليكم ورحمة الله وبركاته
اسال الله العظيم رب العرش العظيم ان يشفيكى
اختى الحبيبه شفاك الله وعفاك وما انتى فيه سوى ابتلاء وعليك بالصبر والدعاء اعرف ان العلاج الوحيد هو الثوم وان كنتى جربتيه ولم ياتى معك بثمار فعليك بالحجامه وان شاء الله يكون فيها الشفاء ولكن بشرط ان تكون على يد متخصص لضمان السلامه وارجو ان تطمنينى عليك.

عاد الامل

23-09-2005, 01:04 AM

الله يشفيك
وفعلاً الحجامه مافي مثلها إن شاء الله تنفعك

gdflower

23-09-2005, 10:02 AM

لا تقلقي اختي طيف ان شالله الله بيشفيكي بس حبيت اسأل مو معقول توصل الثعلبه لهذه الدرجه من غير ما تراجعي عند اخصائي جلد لانو الثعلبه لها حل في الطب والطب البديل يا قلبي المهم انا حبيت اقلك انو كلام الاخت هتوووون صح اول تشيلي با الموس بعدين تفركي با الثوم بس قلتي ما نفع انا راح اعطيكي دواء والله هو فاد اخويه في ضرف يومين بدء الجلده تقشر والحين الشعر طلع اسمه Diprosalic ان شالله يفيدك بس تحطيه على مكان الثعلبه وتفركي بأيدك فرك بسيط وانا افضل انك تراجعي دكتور ولا تيأسي لانو في كمان ابره لعلاج الثعلبه وممكن ما تنكون ثعلبه عشان كدا روحي راجعي افضل يا حياتي وطمنيني عليكي W:

طيف الطيوف

23-09-2005, 03:23 PM

ام عبد اللله شكرا لمرورك
رحت كثير للدكاترة

اخر شي اكتشفت ما عندهم علاج للثعلبة الا الكورتيزون وبعدين يسقط الشعر اللي نبت فيه

طيف الطيوف

23-09-2005, 03:26 PM

هتون

شكرا اختي

جربت

وللاسف
للاسف
ما طلع شي غير الجروح
وعلى العموم شكرا لك

سكر وعسل

23-09-2005, 10:26 PM

وصفات مافي مثلها في هذا الكتاب اقريه اكيد بتحصلين الحل فيه انا دايما يوم امرض اوشي اطلع وصفات عشبيه منه ما عليك من الاطباء انتي اسمعي كلامي وان شاء الله ايكون فيه العلاج المناسب

والله يشفيج ويعافيج يارب انه على كل شي قدير ...وكل يوم قولي رب اني مسني الضر وانته ارحم الراحمين

مع السلامه

عنودة قطر

23-09-2005, 10:41 PM

طيف الطيوف وسعي صدرك وانا اختك كل شي له علاج انا قعدت معاى اربع سنين ونص تعالجت حبوب ابر مافيه فايده وعلاجك بيدك نفسي قاومي وقاومي لاتخلين الحزن يتسلل لصدرك خلك انسانة قويه ابتعدي عن التفكير لان التفكير يزيد غذي نفسك بالاكل

ويوميا

يوميا
جيبي بيالة الشاي اللي تسربين فيها وحطي تحت الربع خل اسود لازم اسود ونفس المقدار ماي وجيبي قطنة وحكي فيها مكان الوجع الفراغ اقصد اول ماتحكينه على حسب جلدك يمكن تحسين بحرارة الحرارة زينه كلما زادت كلما كانت بمصلحتك بعد ثلاث ايام بيبتدي الجلد الميت يتقشر ويطلع جلد جديد فروة راس نظيفه وبيبتدي الشعر يطلع شوي شوي بس استمري بالخل لانه ساااااااااااااعدني بعد محنة اربع سنين ومعاناة

الطريقه الثانيه ماتجيب مفعول سريع بس مفيدة تجيبين ثوم وتدقينه لين ينتهي وتحطينه على المكان وتحكين فيه

واذا تبين اي شي انا مستعده اساااااااعدك ياليتني جنبك والله حااااسة فيك بس اهم شي ريحي اعصاااااااااابك وطنشي الكدر كله

جريحه الحب

23-09-2005, 11:03 PM

بسم الله الرحمن الرحيم
اختى اولا ادعو الله ان يشفيكى يا غاليه وانا دورت لك فى النت ونقلت لك هذا الموضوع ان شاء الله يفيدك
- الثعلبة (ALOPECIA) يعتبر أحد الامراض المناعية وهو مرض شائع ومعروف يصيب الكبار والأطفال، يصيب فروة الرأس على شكل بقع ذات احجام مختلفة لا ينمو فيها الشعر (يتساقط الشعر فجأة وبدون سابق انذار أو علامات تدل على ذلك)، وأسبابه غير معروفة لكنه من الأمراض تلقائية الشفاء، وفي بعض الحالات الشديدة قد يصل إلى ان كامل شعر الرأس أو الجسم يبدأ بالتساقط.

ويتراوح العلاج بين الكورتيزون الموضعي أو عن الحقن الموضعية، العلاج المناعي الكيميائي وغيره، لكن أحب أن أوضح انه لابد ان يكون العلاج تحت اشراف طبي كامل.

وصفه للثعلبة:

استخدام الثوم حيث تؤخذ افصاص الثوم وتقطع إلى جزأين ثم تدهن الثعلبة بالماء الذي يخرج من افصاص الثوم وذلك مرتين في اليوم مع ملاحظة عدم ترك أي شيء من أنسجة الثوم على الثعلبة فقط ماء الثوم وبإذن الله يشفى المريض.

انها ثعلبة ونصحه دكتور بدلكها بالثوم والبقدونس فيرجو نصحه. هل الثوم علاج للثعلبة؟

يمكنك استخدام الثوم وذلك بأن تقطع فص الثوم إلى قطعتين ثم تحضر قطعة صوف خشنة وتحك منطقة الثعلبة بالقطعة ثم بعد ذلك تدهن الثعلبة بالماء الذي يخرج من قطع الفصوص حتى يكتمل دهان جميع البقعة وذلك مرتان يومياً مرة في الصباح ومرة في المساء وحذار أن تهرس الثوم وتضعه فوق البقعة لأن الثوم بهذه الطريقة يقرح المكان المصاب. ويمكن استعمال العلاج بالثوم لمدة أسبوعين فقط وسوف ينمو الشعر كما كان. كما يمكنك استخدام الخل (خل التفاح) بمعدل دهان البقعة بالخل ست مرات في اليوم تبدأ المرة الأولى في الصباح عند النهوض من النوم والمرة الأخيرة قبل النوم في المساء. كما يمكن استخدام البصل حيث يفرم ثم يعصر ماؤه ويدهن به مكان البقعة مرتين يومياً ولمدة أسبوعين وهذه أيضاً طريقة جيدة لكن الثوم هو الأفضل.

وهذا الرابط لعله يفيدك اكثر http://www.khayma.com/hawaj/sickness/hair.htm

عنودة قطر

23-09-2005, 11:18 PM

لاتسوين حجامة مو من مصلحتك الناس ينصحونك بس ماجربوا مثلي لاتسوين حجامة لانك بعد سنة بيصيك صداع ودوخة وبتظطرين تسوين حجامة من جديد سوي الخل من اليوم وانتظر النتيجة منك بعد ثلاث ايام حجامة لا لا لا

طيف الطيوف

23-09-2005, 11:25 PM

عنودة قطر

شكرا على اهتمامك
وان شاء الله يكون في ميزان اعمالك يارب
وأبي الخل الاسود شنو نوعه خل تفاح والا عنب تعرفين انواع الخل كثيرة

وشكرا من القلب

عنودة قطر

24-09-2005, 12:41 AM

خل تفاح اسود وصدقيني باذن واحد احد فيه الشفاء اخذي الاسود وطبقي كلامي اذا ماحرق المنطقه زيدي شوي خل بس لاتكثرين تحرقين نفسك نفس المقدار وارجعي قوليلي شصار لك عالاقل استخدميه لمدة اسبوع وانا بحطك في بالي وبكلم دكتورة بقطر اعرفها كانت كتبت لي علاج ممتاز بس انا اللي ماواظبت عليه بجيب لك اسمه بحاااااول لو ماردت علي اعذريني بس ابتدي وانا بحسب لك والله يشفيك من عنده بس لاتسمعين كلام اللي يقولك حجامة بلاه ماجرب وعانى وسلامتك مرة ثانيه

طيف الطيوف

24-09-2005, 01:10 AM

عنودة قطر
شكرا على هذا التفاعل وقد أحضرت الخل الاسود الان وربنا كبير
دعواتك لنا
بالشفاء يا رب

عنودة قطر

24-09-2005, 01:50 AM

متفاعلة من قلب بس لاتياسين من رحمة الله ولو توهمين نفسك انك مافيك شي بتخفين بسرعة ياااااااااااااارب يشفيك ياطيف ويحقق لي اللي في بالي وقوليلي عالنتايج يالله سهالات :ss: ووسعي صدرك

n3nooo3aa

24-09-2005, 09:20 AM

الغالية لا تكدرين خاطرج ولا تفكرين وايد لان التوتر والقلق يزيدها

بقولج تجربتي ويا الثعلبة...

انا عانيت منها من سنتين طلعت لي فجأة والحمد لله اكتشفتها بدري ، تعرفين شو سويت.. رحت لطبيب جلدية وعطاني ابر موضعية فيها كورتيزون((يعني في راسي)) عدد المرات اللي زرت فيها الطبيب 3 مرات بين كل زيارة والثانية 10 ايام واخر زيارة للطبيب عطاني بعد ابرة كورتيزون في العضل وقالي هذي بتخلي حالة الجسم تستقر وماترجع تطلع او تتكاثر .. يعني خلال شهر وكم يوم اختفت ولا كأنها كانت موجودة من الاساس

نصيحتي لج زوري الطبيب وابدأي العلاج معه

طيف الطيوف

24-09-2005, 03:00 PM

عنودة قطر

شكرا من القلب هلى هذه النصايح الحلوة

سؤالي عن الخل

ما في خل تفاح اسود انا لقيت خل العنب فقط هو اللي اسود

فرجاء اوصفيلي الخل اللي استعملتيه اتكيد تفاح والا عنب والا شي ثاني واسمه علشان ابدأ
وشكرا يالغالية

طيف الطيوف

24-09-2005, 03:03 PM

عاد الامل
حنان فاروق
شكرا على المساعدة

وانا جربت الحجامة وماكو نتيجة

عنودة قطر

25-09-2005, 01:34 AM

مكتوب عليه خل اسود قزازة ولونه اسود هو خل تفاح بس مرات مايكتبون عليه تفاح يكتبون خل اسود تلقينه بالجمعيه تكفين شوفيه بسرعه انتظر ردك

طيف الطيوف

25-09-2005, 03:48 PM

عنودة قطر

تحية لك

مشكلة الخل اللي دورت عليه ما لقيت بالجمعيات خل تفاح اسود كله اصفر او ابيض
بس لقيت خل عنب اسود

وفيه خل لونه اسود علامة الديك فرنسي بس مايؤثر على الجلد مافيه حراره كلش..

فرجاء ساعديني و عطيني المكتوب على الخل

وشكرا من القلب

شمشاد

25-09-2005, 06:48 PM

اسمالله عليج حبيتي يبعد عنك الشر ترى الثعلبه تجي من العينغالبا عندنا دكاتره جلد ممتازين ااذا حبيتي اجيب لك العنوان تضرب ابره مكان الثعلبه عندنا جاره توفوا عياله تعبت نفسيته استوت لها ثعلبه لكن عالجته والحمدلله راحت اذا حبيتي انا حاضره

um_abdallah

26-09-2005, 12:38 AM

السلام عليكم
اختي طيف الطيوف والله ان قلبي عندك .. اقول ايش صار معك .. الله يشفيك يا رب
نسيت اقول لك ان عمتي صارت فيها قبل فتره لانه كانت تعبانه نفسيا .. وقالت كانت تستخدم البصل يعني عصير البصل تجيب قطعه من البصل وتفرك فيها المنطقه وتخليها حتى لليوم الثاني والحمد لله والان ما شاء الله
اقول اقرأي كمان ما كتبته لك جريحة الحب هذا كلام صحيح ..
واقول اذا حصلت ماء زمزم اقرأي عليه ادعيه وقرآن وارقي نفسك فيه
وربنا يشفيك .... وتوكلي على الله وخلي ثقتك بالله كبيره ولا تيأسي من رحمة الله وربنا معك ... وكوني اقرأي اذكار الصباح والمساء حتى تحفظك من كل سوء وربنا يشفيك

um_abdallah

26-09-2005, 12:39 AM

عفوا تكرر الموضوع

عنودة قطر

26-09-2005, 01:48 AM

ليش حاطة صورة وانتي تبكين00وسعي صدرك حياتي وانا ماعندي الخل كنت استخدمه من 7سنين وبقولك كيف عرفت انه علاج خالي جاله بقعة بوجهه وطاح شعر لحيته وعلى طول نصحوه بالخل الاسود وحطه وراح وعلمني وانا استخدمته اذا تقدرين تصورين صورته وتنزلينها بالمنتدى بنتظرك واذا صعب عليك بحاول اطلع له صورة اهم شي يكون اسود يمكن هو نفسه بس انتي قللتي الكميه شوفي تحت الربع ببيالة شاي وشوية ماي نفس الحجم وحكي حك انا انتظرك طيف اهم شي لايضيق صدرك اهم شي التطنيش اعتبري نفسك انخلقتي كذا صدقيني اللي وصلك لهالمرحلة التفكير وفيه ناس يطول معهم

ام ريتاج

26-09-2005, 08:18 PM

انا حبيبتي امنيتي افيدك لانو فعلا حاسه انها معاناه انا مره سمعت طبيب طب بديل سمعتو يقول ان يتشرط مكان الثعلبه بالوس طبعا موس جديد المهم بعد كدا تفركي او تدعكي هالمنطقه بالتوم يارب اكون افدتك

عن تجرررررررررررررررررررررررررربه فهي نافعه بس استمري

طيف الطيوف

27-09-2005, 12:41 PM

ام ريتاج شكرا على المرور وانا شاكره لك

ام عبد الله انا شاكره على هذه النصيحة

شمشاد شكرا على التعاطف
n3nooo3aa شكرا على المرور والنصيحة

نهاوند16

27-09-2005, 02:29 PM

أختي طيف الطيوف .. الله يشفيك إن شاء الله .. ابنة خالي أيضاص تعاني من نفس مشكلتك أيضاً وهي الآن تستعمل الباروكة ولم اسألها هل ظهر لها شعر أم لا .. ساسألها وأرد عليك بإذن الواحد الأحد

عنودة قطر

28-09-2005, 05:41 AM

طيف لقيتي الخل والا مالقيتيه لونه اسود تكفين ردي علي لاني كنت اعاني مثلك لو لقيتيه استمري فيه عالاقل يبيلك اسبوع ويطلع مفعوله انا طلع من ثالث يوم بليز ردي علي اهم شي لونه اسود وبس

طيف الطيوف

28-09-2005, 10:34 AM

الغالية عنودة

مليون شكر على الاهتمام تصدقين نفسيتي صارت زينة وانت السبب
على العموم مالقيت خل اسود دورت في الديرة كلها مافيه الا خل ابيض واحمر واصفر وبني
وفيه خل عنب اسود بس خفيف حيل

فرجاء شوفيلي شنو محتويات خلك العلبة شمكتوب عليها واسم الشركة

وشكرا
بس ابسألك الثعلبة اللي عندك كانت كبيرة والا صغيرة

وتسلمين يالغالية

عنودة قطر

29-09-2005, 06:17 AM

كبيرة ياطيف خصوصا اللي بمقدمة الراس ومن ورى الراس وعالجنب بصراحة مابقى مكان ماتبقع الله وكيلك استويت شطرنج ws:-) ولايهمك ياطيف انا بوصي لك بخل اسود من بكرة واول ماالقاه برسل لك عالمنتدى ونتفاهم عالعنوان البريدي حاضري لعيونك ولراسك يالغالية بس اصبري علي لاي ماجبته الا بطلعة روووح مكتوب عليه خل اسود هذا اهم شي بس كانوا يقولون لي ان الخل اسود تفاح عالعموم اعرف العلبة واذا اللي عندك اسود وعنب ::L:: كثري كمية الخل عالماي وربك الشافي اول مايطلع الصبح بروح الجمعية لعيونك وهذا اللي اناابيه ان نفسيتك تصير زينة بالعكس ابيها فوق فوق فوق وانسي الشعر ينيت مع الوقت وكثري عدس فول حبوب فيها فايدة للتغذية انتي رحتي لاخصائية جلدية؟؟؟وايش المراهم اللي استخدمتيهم

اشعة الشمس

29-09-2005, 02:28 PM

أسأل الله العظيم رب العرش العظيم أن يشفيك
وإن شاء الله نسمع منك أخبار تسرنا عنك

ahla 3ouyoun

29-09-2005, 02:38 PM

ليكي انا ما عندي شي دوا عن التعلبة الا انو قلك الله يشفشكي وما تزعلي و انت حلوة لو شو ما صار معك اوكي

طيف الطيوف

30-09-2005, 11:50 PM

شكرا
عنوده

انا ذهبت للسعودية وحصلت عليه

وهو اسمه روح الخل خل اسود
مركز مكتوب عليه خطر

وراح اجرب

مع الشكر

عنودة قطر

01-10-2005, 09:07 AM

تقدرين تنزلينه عالسكانر بالمنتدى لاني خايفه عليك00بس ابي اشوف شكله عشان قلبي يرتاح
الا انتي من اي بلد ياطيف00لومافيها احراج يعني00

مأثر

01-10-2005, 09:28 AM

اختى العزيزه
انا ماابى اطول عليكى الوصفات لكن هناك شى مهم وهو انك بعد ما تقومين بحلاقة الموضع المصاب

تضعين عليه عصير الثوم وليسة الثومه نفسها هذا ما سمعته من طبيب مختص

ثم ان هناك عوامل تكون مسببه لظهور الثعلبه من اهمها القلق الفسى وان يكون الشخص يعانى من مشكله لم يجد لها حلا

اما اذاكنتى تعانين مشاكل اخرى مع وجود الثعلبه كا تسوس الاسنان مثلا فانت تعانين من ضعف المناعه

اذا عزيزتى معالجت السبب هى اول طرق الشفا

اسأل المولى القدير ان يعجل بشفائك وجميع مرضى المسلمين

لمحه حزن

01-10-2005, 01:29 PM

الله يشفيك اختي
لقيتك لك علاج للثعلبه وان شالله يفديك وهو من الاخت دريم 2 من عالم حواء وهذا كلامها
ادخلكم في الموضــــــــــــوع تعرفون الشيقور ............اللي مايعرفه اقوله موجــــــــــــــــــــود عند العطار او في الصيدليات مثل علبة العلاج علبته زجاج بني والغطاء ابيض عليه إستكر برتقالي مكتوب عليه بالاسود إنجليزي وبالنصف مربع اسود مكتوب عليهHYDROGEN PEROXIDE B.Pاكثر من كذا وصف مافيه

طريقة الاستخدام هـــــــــــــي وضع مقدار ملعقة طعــــــــــــــام ملح ورج العلبه جيدا ويوضع المحلول بإستخدام عود الاذان على المكان المنتشر فيه الثعلبه يوميا حتى انتهاء العلبه والله وصفتها ست الحبايب لجارتنا لعيالها وماشاء الله اختفت الثعلبه وطلع الشعر لعيالها .......................دعواتكم لست الحبايب الله يشفيها من كل شر ويشفي امهات المسلمين اجمعيـــــــــــــــــــــــــ ـــــــــــــــــــــن

طيف الطيوف

01-10-2005, 03:46 PM

لمحة حزن

شكرا لك وانا أحضرت الشيقور على هذه النصيحة
مأثر
شكرا على هذه النصيحة

نهاوند16
um_abdallah
ahla 3ouyoun
+اشعة الشمس
مشكورين على التعاطف

عنودة قطر انا من الكويت

هبلا

01-10-2005, 06:13 PM

بسم الله الرحمن الرحيم
السلام عليكم ورحمة الله وبركاته
هاتى فصة توم بكبرها وافروكيها مكان الثعلبة لين مايطلع الدم الفاسد كل يوم اعملى هدة التجربة

عنودة قطر

02-10-2005, 04:58 AM

والله والنعم ياطيف فيج وفي ديرتج00ماقدرتي تنزلين صورة الخل والا صعب00ونصيحه لو انتي ماجربتي الموس يستحسن ماتجربينه00وهل جربتي كريم الثوم؟؟

الحين شلون انتي شبتسوين؟؟اشوفج تجمعين كل الوصفات وهذا مايصير لازم بالاول تستقرين على وصفه واذا مافادت اللي وراها وهكذا

ماشي ياطيف سلامة راسج يالغاليه

وسعي صدرج

طيف الطيوف

02-10-2005, 11:25 PM

جد فلور

شكرا على التعاطف واود ان اسال الدبروزلك لوشن او كريم

وشكرا

عنودة قطر

03-10-2005, 11:04 AM

جد فلور

شكرا على التعاطف واود ان اسال الدبروزلك لوشن او كريم

وشكرا

مافهمت شي!!!!!!!!!!!!! :[]L
سؤال: الحين ا نتي ياطيف شبتسوين؟؟؟ :III: بتاخذين الخل والا نصايح ثانية انا بس ابي اشوفج طايبة من الشر وبخير

طيف الطيوف

03-10-2005, 04:05 PM

عنودة

اليوم رابع يوم خل اسود

بدأت أشعر باالأمل

يبدو ان هناك شعرات بيضاء بدأت بالظهور

والجلد لونه تغير

شكرا عنودة

ولكن ماذا عن االأكل

ماذا اكل

تصدقين انني استعمل الخل بدون تخفيف

جلدي تعود على كل شي

عنودة قطر

04-10-2005, 03:09 AM

يعني شقووووول الله ياكبر فرحتي sid عشانج ماتصدقين شكثر لاني بالفعل حااااااسه فيج من قلب ومو مهم شعر ابيض نصبغه :III: المهم يطلع لان فيه احتمال يطلع ابيض وفيه احتمال شعيرات بيضاء بس تكفين حبيبتي خففيه بالماي عشان مايغير لون بصيلة الشعر جربي موب خسرانة شي وهذا شي طيب ان الشعر بدى يطلع اما بالنسبة للاكل اكلي فول وعدس وبقوليات وقمح خبز يعني كثري من الحبوب الغذائية المفيده واهم اهم اهم شي نفسيتج ابعدي عن الشي اللي يضايقج باختصار اذن من طين واذن من عجين وحاولي تتعلمين اليوجا انا ماعرفها وايد بس امارسها بطريقتي تساعدج عالاسترخاء او استرخي ساعه وغمضي عيونج واسرحي في عالم غير العالم اللي انتي عايشه فيه تخيلي الطبيعه تخيلي البحر تخيلي اشياء تساعد نفسيتج عالنهوض ووسعي صدرج خلي صدرج مثل الدهناء كل من جاء000>>مشفر :cool: فيها ويمشي واضحكي عااادي ترى الدنيا زبااااالة ماتسوى وانا اختج وعلى طول وافيني بالتقدمات شرايج تخلين شهر رمضان شهر تحدي :cool: تتغذين فيه غذاء جسدي ومعنوي وديني

الا انتي كم وزنج؟؟انا دخلت المنتدى عشانج والا ودي اكتب برجع ادخل متاخر يارب القى منج شي بنزل الحين مسج للنادي واروح اكمل السحور :[]L

ليــن

04-10-2005, 06:42 AM

يا ريت اقدر اساعدك

والبنات ما قصرو معك

الله يشفيكي يارب

شمس.

04-10-2005, 11:10 AM

الاخت طيف الطيوف ،،، الثعلبة أكثر ما يعتقد انها بسبب حالة نفسية أكثر او عندج المناعة ضعيفة ،، هذا لاني عانيت منها فترة والحين الحمد لله راحت لكنها تظهر فجأة يعني ما تعتمدين انها تختفي تماماً ،، المهم اني جربت علاج خبرني عنه طبيب جلدية ونفع واتمنى انه ينفعج ،، ممكن تحظرين قعة من خيشة العيش او اي قطعة خشنة وقبل طهري المكان بالكحول شوي وافكري المنطقة بقوة او اي احد يساعدج الى ان تلاحظين خروج بقع الدم منها توقفي ثم طهري المنطقة مرة اخرى ،، حاولي أكثر من مرة وان شاء الله تلاحظين بعد فترة نمو الشعر تدريجياً ..

الله يشفيج ويعافيك

sumar

04-10-2005, 05:42 PM

[بسم الله الرحمن الرحيم السلام عليكم ورحمة الله وبركاته عند لكي شفاء جدا سريع جائز اذا قراءتيه او قرءه غيرك يستخف بهذا العلاج لكني انا استخدمته وشفاكي بامراض اكثر من الثعلبه والله ماكذبت عليكي وان استعملتيه شكرتيني هو خذي من تربت كربلاء واقرءي دعاء يخصها للشفا وتجديه في مفاتيح الجنان وامسحي على المكان المرض ودعي بالدعاء الله سباحنه وسوف يشفيكي ان شاء الله
:-p~ :-p~ :-p~ :-V :-V :-E :-E :-E :-E :-E :-E :-V :-V :p :p :p :p

sumar

04-10-2005, 06:02 PM

بسم الله الرحمن الرحيم
السلام عليكم
عندي الك شفاء انشاء الله سريع والله ما انا كاذبه وان صدقتي بارك الله فيك خذي تربت كربلاء واقرء دعاءها تجديه في مفاتيح الجنان وضعيه على الثعلبه تشفيكي ان شاء الله :-p~ :-p~ :-p~ :-p~ :-p~ :-p~ :-p~ :-V :-V :p :p :p :-V :-V :-V :-P

sumar

04-10-2005, 06:10 PM

طيف الطيوف

13-10-2005, 05:04 PM

عنودة قطر

شكرا على هذا الحضور القوي واسمحيلي على التأخير لظروف قاهرة

sumar

شكرا على المرور

لين

شكرا اختي

رندى

14-10-2005, 01:16 AM

أختي الغالية أتمنى لك الشفاء
أنا إستعملت لإبنتي الخل مع الحبة السودة ( حبة البركة ) لكن مطحونة يخلط ويوضع لكن عليك بالصبر وتستمري عليها وإنشاء الله تنفعك مثل ما نفعت مع إبنتي ولله الحمد وسلامتك وما تشوفي شر .. ):K

رمــــــــال

14-10-2005, 01:23 AM

السلام عليكم ورحمة الله وبركاته
الله يشفيج انشالله يا اختي و يا ليت اقدر افيدج

كوكو 2010

14-10-2005, 01:29 AM

اسال الله العظيم رب العرش العظيم ان يشفيك ويشفي كل مريض

حوري

14-10-2005, 03:13 AM

أسئل الله العضيم رب العرش العضيم أن يشفيك مما يؤذيك
الله يشفيك ويشفي ولد خالتي
فهو يعاني من نفس المشكلة
ولاكن تذكري إذا ضاقت بك السبل بأن الله معكي
فلا تبخلي في الدعاء
لأنة هو الشافي المعافي
ولا تتوقفي في البحث على الدواء
ولا تجعلي هذا سبب يؤثر في حياتك ونفسيتك
وتذكري أن الله لم يصيبك إلا ليرى صبرك
فأصبري وأحتسبي الأجر
وإن شاء الله أراك في أعلى الجنان
وأعرفك بذاك الشعر الغزير الطويل
فإن لم يرزقك في الدنيا
إن شاء اللة يرزقك في الأخرة
ولا تيأسي من رحمة الله

عنودة قطر

14-10-2005, 03:17 AM

[QUOTE=طيف الطيوف]عنودة قطر

شكرا على هذا الحضور القوي واسمحيلي على التأخير لظروف قاهرة

مسموحة بس ابي اعرف شصار عليج؟؟تحسنتي والا لا

طيف الطيوف

16-10-2005, 04:15 PM

عزيزتي عنودة

تحياتي فيه شعرات بيضاء حوالي ثلاث

والأمل كبير

شكرا لاهتماك

قصايد

17-10-2005, 05:52 AM

الله يشفيكي يارب

عنودة قطر

17-10-2005, 07:06 AM

عزيزتي عنودة

تحياتي فيه شعرات بيضاء حوالي ثلاث

والأمل كبير

شكرا لاهتماك
استمري طيوفة نورتي المنتدى والله؛؛دعواتي لج دايما مانسيتج والله في بالي واتمنى الله يشافيج اذا تحسنتي قوليلي
W:

طيف الطيوف

20-10-2005, 04:47 PM

عنودة
صاروا عشرين

تفضلي عشرين وردة W:

asela

24-10-2005, 10:25 PM

بسم الله الرحمن الرحيم بسم الله الرحمن الرحيم بسم الله الرحمن الرحيم بسم الله الرحمن الرحيم بسم الله الرحمن الرحيم بسم الله الرحمن الرحيم بسم الله الرحمن الرحيم بسم الله الرحمن الرحيم بسم الله الرحمن الرحيم السلام عليكم ورحمة الله وبركاته صلى الله عليه وسلم لا حول ولا قوة الا بالله جزاك الله خيرا

عقيله

24-10-2005, 11:05 PM

بسم الله الرحمن الرحيم
ياختي لاتخافين لان انشاء الله وباذن الله بتلاقين العلاج في مكان معروف والدكتوره معروفه وما شاء الله عليها ممتازه والله امي نفس حالتك بس حواجبها لا المهم طلعت لها في راسها كبيره وبدت تنتشر وقعدت 3شهور بعدين راحت المستشفى اسمها مستشفى الدوسري بالظهران وعند دكتوره هنديه اسمها فلورانس وربي ممتازه مررررررررررررره واعطت امي مضادات حيويه وابر كل يوم ماتمت شهر الا واهي احسن من اول :ss:

عنودة قطر

25-10-2005, 09:04 AM

عنودة
صاروا عشرين

تفضلي عشرين وردة W:
ياحبيبتي ياطيف والله فرررحتيني منها واحسن انشاءالله بس استمري وخلج ريلااااااااااااااااكس عالاخر تذكري كلامي في البداية وطبقيه اهم شي نفسيتج

يالله تقدم حلو شوفي لو حسبنا منيه لشهر؟؟ومع الاسترخاء والهدوء والتغذية السليمة ياسلااااااااااااام

الله يشافيج من قلب اقولها لج عشرين وردة<<انتي بس خفي وصيري زينة وانا ادزلج بوكيه ورد من قطر للكويت ابشري بعد ماطلبتي شي

بدوية اصل وفصل

25-10-2005, 09:00 PM

سلام عليكم اختي الغالية الله يكون في عونك ... انا نصح بثوم الانة مفيد جداجدا لثعلبة .. قطعية نصفين وخذي نص ودلكية على مكان الثعلبة .... وبتوفيق انشاء الله ..... :K) W:

السيدة وقار

27-10-2005, 06:42 AM

عزيزت يطيف الطيوف اليوم قريت موضوعك
والله مرة اتأثرت عشانك

واسأل الله أن يفرج همك ويشفيك

والله يجزاها كل الخير الأخت عنودة قطر على وقفتها معاكي

ياريت تطمنينا عليكي لأن عن جد قاعدة أحاتي إش صار عليكي

عنودة قطر

06-02-2006, 03:12 AM

في انتظارك وينك يابنت الحلال طمنينا عنك

المواليه

06-02-2006, 04:14 AM

السلام عليكم

اعلمي بان جميعنا مهتميين بك

ولن انساك بالدعاء بهذه الليالي

والله يشافيج يا طيف يا بنت امت الله

بس انتي وسعي سدرج وعليج بالراحه والدعاء واحسن وقت للدعاء الفجر وعند غياب الشمس

واقووولج على شغله ابيييج تقرييينه ظروري

نذري مثلا توزعين عصير في ايام محرم او طبق من الحلو او فلووس تودينها للحسينيااااتوقولي اذا تحقق نذري كل سنه في نفس اليوم اوزع

صدقيني منتي خسرانه شي وانشالله يتحقق نذرج هذي مجربه الطريقه

الي عنده حاجه يطرحها

وهم بنفس الوقت الي بتنذرينه عدييي صدقه يعني منتي خسرانه شي كلش ملش

طيعيني ولا راح تخسرييين

وهذا مايهم كونج انتي باي مذهب مادامج مسلمه مؤمنه مصليه

وبالتوفيق

بس الله يخلييج سوي الي قتلج عليييييه حاااابه اساعدج من كل قلبي

وماراح انساج بدعائي بس شنو اسمج

عنودة قطر

06-02-2006, 11:53 PM

نذري مثلا توزعين عصير في ايام محرم او طبق من الحلو او فلووس تودينها للحسينيااااتوقولي اذا تحقق نذري كل سنه في نفس اليوم اوزع

صدقيني منتي خسرانه شي وانشالله يتحقق نذرج هذي مجربه الطريقه

شهالكلام؟؟؟؟؟
مايصير يااختي هالكلام الواحد مايندر يمكن مايوفي يتصدق يسوي خير بس الندر مو زين الواحد مايضمن يومه ولكل داء دواء

وفي انتظارك ياطيف تردين

المواليه

07-02-2006, 01:43 AM

عنودة قطر

07-02-2006, 02:28 AM

يا عنودة قطر

النذر مو قرآن منزل(استغفر الله)
تسوينه تعيشين او اذا ما سويتي تموتين او تلعنين لا سمح الله

لكن هو عهد عليك لله او دين مثل دين الاموال او الصيام تقضينه بعديين

واذا لم تقدري بايتاء النذر قومي بشيء آخر تقدرين تقومين به يحل محل النذر وان لم تقدري بتاتا خلاص يسقط عنج(

انا ابي اساعدها مثل مانتي بغيتي تساعدينها

فماللذي يزعجك

سوي الي تقدرين عليه وانا بسوي الي اقدر علييه غير هذا مالج حكم على احد

بعدين انا ماقلت التجربه هذي الا انها نفعت ناااس من قبلها والشفاءات التي حصلت لا تعد ولا تحصى

وبعدين هذا بصير في ميزان حسناتها حتى لو لم تشفى

اتعجب شلون تماتعيني بهذه الحده واهي من اصل مافيها غلط بتاتا والنذور معرووفه

الله يهدييج

وشكرا
ماقصدت حدة ولاقصدت ازعلك مني شكلك فهمتيني غلط يالغاليه انا قصدي محد ينذر اذا مهوب قد انه يوفي ومن قال انه يزعجني تساعدينها بالعكس وانا ماكتبت الا اسال عنها""طيف""
وعالعموم آسفة""الله يعلم بنيتي""بس انتي فهمتيني غلط
وفيه شي انا مو مقتنعه فيه بردك الاخير بس مو حابه ادخل في نقاش حوله وانا جاهله فيه لازم اسال مفتي احسن

المواليه

07-02-2006, 05:01 AM

لا عادي حصل خير يا عنودة قطر
هم انا ماحب احد يزعل مني

بس الي اعرفه انه النذورات تجوز شرعا" عند كافة المسلمين (دون فرق)

وبالنسبه انه في ناس ماتقدر على النذر

ترى لو تنذرين رغيف خبز لا اكثر

لا يشترط انج تنذرين اشياء غاليه او نفيسه

وتذكري (لا يكلف الله نفسا" الا وسعها) يعني انتي ومدت ايدج

حالها حال الصدقه محد اشترط على الصدقه انها تكون بالآلاف او مبالغ كثيره

بس فرقها عن الصدقه انها لازم تكرر اذا الله عطاج مرادج (وعطاج العمر اكييييد)

المهم هم ماننسى الاخت طيف بموضوعنا انا نزلت ردي والى الآآآن ارييد الاخت طيف تمشي على الي قتلها عنه وانشالله ماتكون خسرانه هذا اهو هدف الموضوع

المواليه

07-02-2006, 10:52 PM

انا عندي تجربينها طيعيني وشوفي النتيجه وانشاء الله خيير

صيغة النذر الصحيح :

(لله علي نذر)وتذكرين النذر الي تبينه ومشكلتج

والله يحلها ياااااااارب

bentalatlas

16-02-2006, 02:54 PM

بسم الله الرحمن الرحيم
مرحبا طيف الطيوف اختي اخبرك اني مريت من نفس المشكل لكني لحسن حظي اصبت فقط بمنطقة الحواجب فقد اكلت نصف حاجبي فنصحتني سيدة بهذه الوصفة جزاها الله كل خير والوصف كتير سهلة هي عبارة عن
قشرة فاكهة جافة عندنا بالمغرب نسميها الكركاع وهذه القشرة تباع وموجدة باي مكان تستعملها معضم المغربيات في سواك الفم وهي تسمى كذلك السواك وليس السواك الموجود بالشرق هذا يترك لون بني مائل الي حمرة بالفم
الطريقة هي وضع القشرة بالفم حتى تشرب من الريق ويبدأ لونها يخرج تم تحكينه على المكان المصاب لفي اصبعك بقماش لانه يترك لون بني بالاصابع
اطلب من الله اني اكون قد افدتك ويكون الشفاء انشاء الله واتمنى انك تطمنني واعرف منك الرد