هيك المعدلات والا بلاش.. حلم كل أم.. سموا بالله

[إيمان علي]

بسم الله الرحمن الرحيم

السلام عليكم ورحمة الله وبركاته


اليوم يا صبايا جايبة لكن صور غير شكل.. لا وصفة أكل ولا شيء.. بس اليوم كلنا مشتهيين ورق العنب، فقررت أعمل على يومين ثلاثة وفعلاً قعدت ألف ورق عنب، والحمد لله لاقيت مساعدة وما حسيت بالوقت أبداً.. عادة بياخذ معي ورق العنب لفه ساعة ونصف، هالمرة أخذ ساعة ونصف لأكثر من ضعف الكمية، أتاري المساعدة ما كانت هينة.. شوفوا الدليل ;)
ملاحظة: الصورة الأولى متحركة.. انتظروا شوي..

http://www.lakii.net/images/Jul05/kids_grapeleaves.gif


لمين هالإيدين يا ترى؟

http://www.lakii.net/images/Jul05/kids_grapeleaves2.gif


هدول بناتي، معلش، ما بحب أحط صور واضحة إلهم.. خليهم متخبيين :D

حبيت أوريكم لسبب بسيط أني تخيلت الشغلة رح تكون صعبة كثير عليهم، وريتهم الطريقة بورقة ولفوا لحالهم بعد هيك والله الورقات ما فيكم تميزوهم عن ورقاتي..

قولوا ما شاء الله ولا قوة إلا بالله .. مش تنسوا؟ :D

بس.. فتتكم بعافية ;)

[shahdmylife]

ما شاء الله ولا قوة إلا بالله
الله يحميهم ياإيمان صاروا عرايس W:

[إيمان علي]

تسلمي سوسو..ويخليلك عرايسك وتشوفيهم عرايس قمر.. وينك يا شيخة، بتغطسي غطسات غير شكل :D
بنتي ليلى ما شاء الله شبت مرة واحدة، وقربت تصير طولي ما شاء الله :)

[الكروان غنى]

امونة...مشتهية ورق العنب مووووووووووووت

ومكسلة اسويه لانه مافى حدا بالبيت ياكله غيرى..

فدائما اشتريه جاهز....

بس ريقى سال لما شفتك عملتيه يالله ارسليه ان شاء مفرز راضيانة فيه

[إيمان علي]

والله يا كركر يا ريتك في أمريكا، والله ما كنت خليته بنفسك أبداً :)

[ام قتيبه]

يعطيكي اااااااااااالف ااااالف عااااااافيه غااااليتي

[Em zaid]

ما شاء الله ايمان
الله يخليلك ياهم يا الله شو بحب الصغار المعدلين
انا بحب ورق العنب كتير
لكن بكسل اعمله
وايد على ايد رحمة
خلص بعد اليوم ما تهكلي هم شي

[fantasy]

ياي ما احلاهم هلبنوتات المعدلات طبعا وبدون شك طالعين للماما ايمان يا
رب يخليم لكي W: :p

[إيمان علي]

الله يعاااااااااااااااااافيكِ أم قتيبة :) :)


يا هلا بإم زيد.. الحمد لله، بناتي بيعجبوكي، من طبخ وتنظيف، بس لما ييجي على بالهم :D


تسلمي فانتاسي :) الله يخليكِ.

[أم الأفكار]

ما شاء الله تبارك الله

الله يخليلك اياهم ويباركلك فيهم


هيك البنات واللا بلاش معدلات الله يحفظهم

[إيمان علي]

الله يبارك فيك يا أم الأفكار :) :)

[شعنونة المنتدى]

ماشالله تبارك الله .. خمسة و خميسة ... الله يحفظهم و يحميهم ..


معدلات .. لمين بدهم يطلعوا .. أكيد لأمهم .. :)

[إيمان علي]

تسلمي يا شوشو :) :)

[طيـــف]

ييييييييييييييي

يسلم لي قلبهم وعمرهم المعدلات

بجنننو ياايمان
مشاءالله تبارك الرحمن الله يحميهم يارب
عرايس ومش اي عرايس
عرايس الورد الله يفرحك فيهم يارب

بدك الصراحه
يختي بنتك جنى من يوم يومها عجباني من وقت ماشفت صورها هديك;);)
وليلي اسم الله عليها مبين عليها شعله الله يحيميها

ايمان قولي هالمره ورق العنب كان له طعم غير شكل صح:)

الله يسعدهم ويحميهم المعدلات


ام شهد
يلا بدنا نشوف ئمراتك كمان بس انا متخيله بنات ام شهد عم يزينو معها الكيكات الحلوات :D

[إيمان علي]

الله يخليكِ يا طيف، ويجزيك كل خير على كلماتك الرائعة، وإن شاء الله عقبال ما نفرحلك :)
والله هي بنوتتي ليلى معدلة لما تشتغل الشغلة، وهذا لما ;)
جنى كمان الحلو فيها أنها بتحب شغل البيت كثير، وبتحب تنظف وترتب وتطبخ.. ليلى بس حطيها للطبخ وعمل حلو.. طبعاً بإشرافي!
وعلى فكرة، الورق عنب كان بيجنن، شكلاً وطعماً وكل شيء.. ورق قطفناه كلنا طازج، ولفينا كلنا.. خلص من يوم وجاي رح أشغلهم بكل شيء متعب.. بيخفف عني وبيسليني :D
رح أبقى أنقر كوسا وهم يحشوها ولو أنه الحشي سهل ;)

تأقوم أصلي :)

[أسيرة الغربة]

ماشاء الله تبارك الله طالعين على امهم الله يحفظهم :)

[إيمان علي]

الله يخليكِ أسورة :)

[أم جهان]

يسلموا أياديهن شهيتينى أحب الحامض مووووت :-E :-E :-E

[إيمان علي]

الله يسلمك أم جهان :)
والله هم طيبين كثير، حتى بنتي تعشت بالليل ورق عنب :D

[تفاحة الجنة]

اللهم صل على محمد وآل محمد

):K ):K ):K
الله يحفظهم يارب من كل سوء وتبلغي فيهم عرايس ويجيبو لكِ أولادهم تنتبهي ليهم حتى يروح يتسانسو مع أزواجهم :-M وحدة بوحدة يساعدوكِ تساعديهم :-M ;)


اللهم إحفظهما بعينك الذي لا تنام

السلام عليكم :-D

[نـورا]

بسم الله ما شاء الله
الله يخيلهم لج يا رب :ss: لما قريت الموضوع صرت أخبي الشاشة بسرعة عشان ما تيجي أمي وتشوف وتقولي : شوفي البناااااااات اللي يساعدون أمهاتهم ((K)) مو أنا قاعدة نوم وأكل وإنترنت :-M

حلوة منّك أستاذتي، يتربوا بعزّك ):K

[بنبونة]

بسم الله ما شاء الله
الله أكبر
إبن الوز عوام يا إيمان
ربنا يحفظهم لك و يفرحك بيهم
آآآآآآآآآآميــــــــن رب العاااااااااااالميـــــــن
بس على فكرة دا إنت شطورة جدا بتعملى ورق العنب فى ساعة و نصف
و ناس تانية بتعمله فى يووووووووم و نصف

[إيمان علي]

الله يبارك فيك تفاحة الجنة، دعواتك رائعة مثلك :)


هههههههههههههههه ضحكتيني يا عروبة.. الله يخليكِ لأمك، بس معلش، ما في أحلى من أنك تشتغلي مع الوالدة وتشوفي فرحتها ورضاها عليك ;)



بنبونة، الله يخليكِ يارب :)
أولاً عمل الورق عنب يعتمد على الكمية، أنا عملت ما يكفي لعائلتين على يومين وبلا خبز.. وما شاء الله، نعمة من الله أني سريعة، والملائكة وأولادي ساعدوني.. هذا عمل مبارك وفيه أجر، ولا بد أن الملائكة ساعدتني ولهذا ما حسينا بالوقت عند العمل.. وطبعاً كنا مستمتعين وعم ينتحدث :)

[وعود الخير]

بسم الله ما شاء الله
تبارك الرحمن .. يد الله مع الجماعة امونة
اسم الله عليها البنوتة الحلوة..
ليليى كبرت بس نحفانة شوية.. عن آخر صورة شفتها لها على المنتدى .. ليكون بتلعب رياضة معك علشان تسليك

ربي يبارك لك فيهم وتشوفيهم عرايس..
وعلى فكرة انا شبعت من النظر ... صحتين وعافية على قلبي انا..
ومن اليوم وطالع شدي على الصبايا وما تحملي هم الورق والملفوف..
وعقبال حفر الكوسا..