س ح ل ب [الأرشيف] - منتدى لكِ

وعود الخير

12-02-2005, 02:09 PM

http://onfinite.com/libraries/328531/e51.jpg
الدنيا برد .. برد ..
غيوم .. وعواصف ورياح :eek:
ورعد وبرق...
وبدنا مشروب ساخن يدفينا في هالجو
شوفي حبيبات قلبي ..
هاي الطريقة اخذتها زمان من احد المنتديات وصارت المعتمدة في البيت في ليالي الشتاء الباردة..
بلا طولة حكي :o هاي المقادير والطريقة. ::JH::

المقادير
- 1 كوب لبن بودر (حليب جاف).
- 1 كوب سكر بودر.
- 1 كوب جوز هند.
- 1\2 كوب سمسم محمص.
- 1 كوب دقيق الأرز ( أرز مطحون ناعما ) .
- 3 - 4 م.ك. كورن فلاور (نشاء)
- 1 م.ص. قرفة ( اختياري ) .
- 1 علبة فانيليا بودر.
ملعقة كبيرة مستكة ناعمة
- مكسرات ( حسب الرغبة ) .
الطريقة
- تخلط جميع المقادير و تحفظ في برطمان محكم الغلق.
- عند الاستخدام , يضاف 2 - 3 م.ك. من الخليط الى 1 كوب من الحليب و يذاب به ثم
يرفع على النار حتى يغلي مع التقليب حتى نحصل على القوام المطلوب.
شو بدكم اسهل من هيك ولأكثر من كوب بنضاعف الكمية ..
وصحتين وعافية.

طيـــف

12-02-2005, 02:21 PM

وعووووووووووود

والله اجــــــــــــــــــــي بوقته هالسحلب

ياعييييييني عليكِ حاسه فيييني

يسلمو ايديكِ يااحلي وعووود بالدنيا

بدك الصراحه احنا بنستهل ونجيبه جاهز ويتم طبخه بالبيت مع الحليب

بس طريقتك لاء مشاءالله شهيه وسهله

lanloon

12-02-2005, 06:21 PM

يسلموا ايديكِ يا وعود يا قمر ;)

rehab2000

12-02-2005, 06:36 PM

هل يمكن الرجيم بدون رياضة وكيف

أناغيـم

12-02-2005, 07:17 PM

اختي رحاب
يبدو انك اخطأت العنوان
فسؤالك في ركن التغذية والريجيم اما هنا فركن التسمين..
اهربي بسرعة قبل ان تكتسبي مزيدا من الوزن.

fofo166

12-02-2005, 09:09 PM

وااااااااااااااو
ما في اطعم من السحلب
وكمان شغل البيت !!!!!!!!!!
بجد بتستاهلي الشكر عليها

رندوش

13-02-2005, 08:59 AM

وعووووووووووووود انا بردانه كثير
و ما بدفى شو أعمل مش قادره اطبخ ولا
ٍأعمل أكل شو رأيك أعمل سحلب على الغدا
و انشاء الله ما حد حوش
و الله فكرتك رائعه بجربها
بس اشتري رز مطحون من العطار
ولا ينفع اطحن في البيت
ملاحظه انه بدون مستكه بينفع بدونها ولا الطعم مش مهم

وعود الخير

13-02-2005, 10:27 AM

رندوش...
برافو عليك
بتعرفي ان نسيت اضيف المستكة
معلش اصلي كنت باكتب بسرعة..
خلاص يا بنات ضيفوا المستكة للسحلب..
تشكري على الإضافة
والرز انا بأطحنه في البيت حسب حاجتي وبعدين بأنخله .

moon light 2

13-02-2005, 11:58 PM

وعــود :-

كيف حالك ان شاء الله بخير؟ :-D

وصفتك كتير سهله يسلمو ايديكي يا رب شوفي أنا بدي اجي عندك علشان تسويلي اياها لاني كتير بحبه .

سنووايت

14-02-2005, 12:14 AM

يا عيني يا عيني مممممممممممم
انا بحب السحلب كتير يمكن ما بتمرق الجمعة الا ما بسويها
كلنا بنحبها بالبيت
تسلم ايديك يارب اختي وعود
ما نتحرمششششششششش

هنلي

14-02-2005, 11:07 AM

بتعرفي يا عسل بس ما تضحكي عليي
اول مره بعرف شو هو السحلب
بسمع فيه سمع وبشوفه بيبيعوه هون وهون ولا عمري جربت اوكله
بالي السحلب نبته -زي الحلبه مثلا -- ههههههه شفتي غشيمه في شغلات
بس طلع سهل واسهل من السهوله
رح اسويه دايما
سلم هالديات

(راما)

14-02-2005, 11:13 AM

تسلم الاييدين وعود ؟؟
بس هالسحلب اول مرة بعرف انه بينعمل هيك ...!!!!! و طول عمري بعمله و امي بتسويه ماء و حليب و نشا و مسكه و فانيلا... غريبة
رح اجربه هاذا هو السحلب الاصلي؟؟

وعود الخير

14-02-2005, 11:28 AM

لوز.. بتشرفي يا قمر .. ويا سلام لو رشيت شوية مكسرات على الوجه مع القرفة... شو بدك تيجي والا غيرت رايك... :D

هنول.... صحتين وعافية على فكرة مغذي وبدفي.

دعاء.. بسم الله من وين طلعت... q) :confused:
شوفي يا اختي هو الأصلي مع شوية اضافات ومغذيات
وبهيك بيصير وجبة كاملة وصحية.. وبترشي شوية مكسرات مع القرفة ويا سلام... تمتعي بالطعم. (K):

سنو وايت.. صحتين وعافية على قلبك يا سنسن ):K

leena

15-02-2005, 03:17 AM

السلام عليكم ورحمة الله وبركاته
تسلمي يا وعود اصل ماما بتموت في السحلب خلاص هكتبو وابعتهولها :-P علشان تعملو ولا اديكي رقم التلفون انتي اقرب بس انا والحليب مش صحاب :[]L يعني وين وين لما يجي علي بالي
ياعيني عليكي يا هنلي بقا بتعملي اشكال والوان وما بتعرفي السحلب

الكروان غنى

15-02-2005, 07:16 AM

تسلمين وعودى ..

الحاجة الوحيدة اللى بحبها ومابعرف اعملها السحلب ولو ان طريقتك غريبة عليى لكنى راح اجربها اليوم باذن الله تعالى واقولك..

بس حبيت أساك عن الارز صنووايت او اى رز..؟

وعود الخير

15-02-2005, 09:41 AM

مين كروانتنا هنا
يا مرحبا ...
اولا ربنا ينصرك على من ظلمك وعاداك يا غالية
والرز ممكن صنو وايت وممكن الرز المصري
المهم يكون نوع من الرز اللي فيه نشا كثير.

لينا .,. لا يهمك اعطيني عنوان الماما
وانا بروح اعمله عندها واشرب معها كمان ... هههههه

(راما)

15-02-2005, 10:37 AM

و أخيرًا جربته،،
طلع رائع و طعمه زاكي و أنا عملت نصف الكمية بالأول و قلت علشان لو في غلط ما أكون خسرت كتيييير ( رح تفقع وعود هلق) بمزح و الله :)
بس وعود في اللي ملاحظة هلق سكره شوية قليل طلع حليته كمان أنا علشان الواحد يتخن منيح
بس قوام السحلب طلع معي بتعرفي كيف الحلبة المطحونة متلها بالضبط يعني مش سلس ما بعرف أنا كترت منالخلطة و لا شو؟؟ و لا الرز مش مطحون ناعم كتير ؟؟ مع اني طحنته و نعخلته مثل ما حكيتي؟؟ و لا هو هيك لازم يكون يا ريت تفيديني ؟؟
لأنه شطله مثل السحلب الجاهز بالضبط و طعمه حبيته
بس نصيحة لمل تحطوا حطو 3 معالق كبار مش 2 أفضل و أحسن.
و بالاخر سلم الايدين بس ما تنسي تجاوبيني

وعود الخير

15-02-2005, 11:42 AM

شوفي يا ست دعاء..
ساكن قصادي وبحبه
هيك صرتوا تنتين...
وين التانية مختفية..

نرجع للسحلب..
سكره شوية قليل طلع
السكر ممكن تزيديه حسب الرغبة .. عادي

( رح تفقع وعود هلق)
لو فقعت كان سمعت انفجار هز غزة كلها..
بس قوام السحلب طلع معي
بتعرفي النشا بيختلف .. فزيدي كمية النشا (كورن فلور) شوية..

و أنا عملت نصف الكمية بالأول
طبعا شيء عادي لما الوحدة بتجرب وصفة بتعمل ربع او نص الكمية.. الحق معك برافو عليك

آه يا دعاء صرت اشطر مني في الأخطاء اثناء الطباعة.. :-V

(راما)

15-02-2005, 12:33 PM

قوام السحلب طلع معي بتعرفي كيف الحلبة المطحونة متلها بالضبط يعني مش سلس ما بعرف أنا كترت منالخلطة و لا شو؟؟
يعني حبيبات الرز الناعم بينت بالسحلب لما انطبخ ؟؟ هيك هو لا كيف؟؟

بعدين أنا حطيت نشا عادي مش كورن فلور يمكن هذا بيعمل اختلاف؟؟؟
و لسه المسخن على الطريق ..............

(راما)

15-02-2005, 01:21 PM

وينها وعود ؟؟؟
بدنا نعمل سحلب اليوم

بطة حلوة

15-02-2005, 03:29 PM

تسلم الأيادي وعووووووووووودة حبيبتي ..
ما شاء الله عليج ..
عاد انا اموت في السحلب ..
و الحلو اللي فيه انه يهدي الاعصاب .. يعني بس تشربينه تغرقين في نومة هادئة ..
بس مشكلته انه دسم شوية يعني تشربينه و تظلين طول اليوم ما تاكلين شي ها .؟ :[]L

(راما)

15-02-2005, 03:49 PM

لا بطوطة ما تقلقي من هاي الناحية المعدة حديد بتستحمل السحلب و غيره

أناغيـم

15-02-2005, 04:40 PM

منورة دعاء.. كيفك بتقبلوني عندكم في الشغل والا.. اشوف مكان تاني؟؟؟
خليني ارد عن وعود علشان بتعجن..
حبيبات الرز ما تظهر لأنها بتكون متل الطحين يعني ناعم جدا
وبعدين القوام بيكون شوية سائل.. يعني سميك نوعا ما .. ولوتركنا يبرد بيصير مثل المهلبية..
شوفي انا بعرف اشرب بس ما بعرف أعمل.. ما بتعدا على اختصاص ست الكل...
أما الحلبة فما بعرف شي عنها لأني ما بنعملها في البيت .. البابا بيشرب حلبة حصا وبس.
كان نفسي أساعدك.

احاسيس مرهفة

15-02-2005, 04:46 PM

هذا هو السحلب ؟؟

اول مرة اتعرف عليه

وطول هذي المدة تخيلته شيء مختلف

اذا كان هيك صراحة رائع

بس مايصلح ينشرب بارد

تسلم ايدك حبيبتي

هنلي

15-02-2005, 06:43 PM

الشغله خرطت مشطي على راي السوريين
رح اسويها في هاليومين واجيلك

(راما)

16-02-2005, 01:58 PM

و الله تستحق التجربة و لذيذة هنلي .. بس الظاهر الرز كان بده شوية طحن زيادة لأني انا طحنته و نخلته بس ما بعرف في حبيبات شوية خشنة ..
مو مشكلة رح اسأل رندوش من وين بينباع ارز المطحون الجاهز و اشتريه و خلص .. أريح
كاتيا ... أهلا و سهلا فيك بس الاول الدراسة و لا انا غلطانه ؟؟؟؟؟؟
شكرًا على افادتك
شو وعود لليوم بتعجن خبز و الله انها نشيطة

عزيزه بإسلامي

16-02-2005, 02:55 PM

تسلم إيديك ( وعود ) والله يعطيك العافيه ،

مع إني عمري ماشربته ، بس سمعت عنه ...

(راما)

16-02-2005, 03:18 PM

و الله بنت حلال عزيزة
عن جد اليوم افتقدت و بحكي انك الك فترة مش مبينة

على العموم جربيه و ما رح تندمي
بس اطحنوا الرز منيح .. مش زيي انا خايبة

(راما)

17-02-2005, 02:18 PM

رح ضربني وعود هلق ،،Q)
اكتشفت غلطتي في الرز ؟؟؟؟
عارفة شو؟؟ لما طحنته و نخلته نخلته بالمصفى تبعت الشوربة و العصير؟؟؟؟
مش بالمنخل؟؟؟

وامبارح عملت الخلطة كمان مرة و كانت اطيب منالاولى بس كترت النشا و يا سلام....

طلعت تحفة...

وعود الخير

17-02-2005, 02:28 PM

الحمد لله اللي بيض وجهي قدامك
كنت قطعت عني خط الجوال.. وانا اصلا ما عندي جوال ههههه
على فكرة من الصبح باتصل مع رندوش ومطنشة...

هنلي

19-02-2005, 07:10 PM

اما سويتها يا وعود وشو زبطت معي ميه الميه بس بدها شويه سكر
بس شوفي بنتي ومقالبها
قعدت تقول
شو بتسوي يا ماما قلت لها سحلب البنت راحت وبعدها لما صبيته في الكاسات صارت تحكي معما عامله ثعلب زي قصه ليليى والثعلب ههههههههه وبعدها صارت تشرب وتقلول اممم ثعلب .........ثعلوب ........ثعاليب ههههههههههه
سلم هالديات يا عسل

تفاحة 2006

19-02-2005, 09:50 PM

مشكوووووووووووره

على هالسحلب الرائع

تفاااااااااااااااااااااااااحة

وعود الخير

20-02-2005, 09:49 AM

صحتنين وعافية على قلبك وقلب النونو
اما تالا.. ثعلب ثعلب.. المهم انه عجبها..

اهلين تفاحة.. منورة .. ليش قاعدة بعيد تعالي لا تخافي ما راح ناكلك ..
اليوم صايمين,

بنبونة

23-02-2005, 07:31 PM

السلام عليكم و رحمة الله و بركاته
وحشتونى يا بنات عاملين إية
إزايك يا وعود و إيه الحلاوة دية
عندى الأولاد بيحبوا السحلب جدا لكن طبعا كنت بأشتريه جاهز
ولكن من الآن خلاص ما فيش جاهز
بس تعرفى إن السحلب الأصلى مثل ما قالت هنلى فى الأول هو فعلا نبات
وفى هذا الرابط صورة و معلومات عن السحلب
http://www.khayma.com/hawaj/sahlab.htm

لنوشه

28-02-2005, 08:52 PM

وعود الخير
عملت السحلب و طلع شي مرتب و طعمه لذيذ بس بدو شوية سكر
تسلم ايدك يا وعود و الله لا يحرمنا منك ::HH::
و هذه الصورة مشان تشوفيه و قوليلي رايك ::JH::

هنلي

28-02-2005, 10:21 PM

بتعرفي يا وعود عندي علبه النيدو الزغيره خلصت حطيت الخلطه فيها وحطيتهن في الثلاجه وكل شويه بنتي تقول بدي سعلب
ثعلب على رايها
بس انا عملت سحلب مودرن هههههههه حطيت عليه شويه قريش سكر ملون علشان البنت توكله وشو اعجبها كثير
سلم هالديات كمان مره

تفاحة الجنة

01-03-2005, 02:13 AM

http://onfinite.com/libraries/328531/e51.jpg
الدنيا برد .. برد ..
غيوم .. وعواصف ورياح :eek:
ورعد وبرق...
وبدنا مشروب ساخن يدفينا في هالجو
شوفي حبيبات قلبي ..
هاي الطريقة اخذتها زمان من احد المنتديات وصارت المعتمدة في البيت في ليالي الشتاء الباردة..
بلا طولة حكي :o هاي المقادير والطريقة. ::JH::

المقادير
- 1 كوب لبن بودر (حليب جاف).
- 1 كوب سكر بودر.
- 1 كوب جوز هند.
- 1\2 كوب سمسم محمص.
- 1 كوب دقيق الأرز ( أرز مطحون ناعما ) .
- 3 - 4 م.ك. كورن فلاور (نشاء)
- 1 م.ص. قرفة ( اختياري ) .
- 1 علبة فانيليا بودر.
- مكسرات ( حسب الرغبة ) .
الطريقة
- تخلط جميع المقادير و تحفظ في برطمان محكم الغلق.
- عند الاستخدام , يضاف 2 - 3 م.ك. من الخليط الى 1 كوب من الحليب و يذاب به ثم
يرفع على النار حتى يغلي مع التقليب حتى نحصل على القوام المطلوب.
شو بدكم اسهل من هيك ولأكثر من كوب بنضاعف الكمية ..
وصحتين وعافية.

ألف شكر عزيزتي
طبعاً أول مرة أسمع بسحلب :-M ولهذا عندي بعض الأسئلة لكي أعملها
هل جوز الهند بودر أيضاً يعني أطحنه؟؟
وأقدر أستخدم الرز المطحون؟؟
هل تكون المكسرات مطحونة؟
وايضاً المستكة تكون مطحونة؟؟
أنت قلتي علبة فانيلا ؟؟!!!!! مايكون كثير؟؟؟
وعندما أخلطهم مع بعض كم يوم ممكن أخزنهم؟؟

وعذراً أختي على الأسئلة لآن عجبني كثير ودي أعمله :-D

تفاحة الجنة

01-03-2005, 04:56 AM

هلا أختي

طبعاً ماصبرت وعملته..........يمممممممممممييييي روعه طلع

لكن طلع عندي مثل المحلبية!!!!!!!! هل هو هكذا؟؟ :-A أو يكون سائل؟؟ :-A
ماهو أفضل شيء عند التقديم يكون ساخن أو يارد؟؟؟ :-A

تفاحة الجنة

01-03-2005, 05:03 AM

ايه صحيح نسيت أسأل عن المكسرات

هل أضعهم عند التقديم ؟ او اخلطهم مع المقادي؟ر وهل يكون ناعم؟

أسمحي لي أختي

وعود الخير

01-03-2005, 10:53 AM

ألاحظ ان الكثير من الأخوات علقن على كمية السكر وهي شيء اختياري
يعني اولاد وسي السيد يحبون السكر عادي او حتى اقل من العادي لذا تستطيعون زيادة كمية السكر حسب الرغبة..
ا
الأخت تفاحة اولا اعتذر عن تأخري في الرد عن االاستفسار ..

هل جوز الهند بودر أيضاً يعني أطحنه؟؟
لا داعي لطحنه فقط يضاف كما هو مبشور جوز الهند

هل تكون المكسرات مطحونة؟
المكسرات تكون مجروشة قليلا وتضاف مع رشة قرفة حسب الرغبة

أما الرز فيجب ان يكون مطحون مثل الدقيق
والمستكة تكون اياضا مطحونة وانا عادة اطحنها مع الرز
أنت قلتي علبة فانيلا
قصدت باكيت الفانيليا وهو عادة من ملعقة صغيرة الى اثنتان .
كم يوم ممكن أخزنهم؟؟
مثل ما قالت الأخت هنلي .. بتحطيهم في علبة وبتخليها في الثلاجة لوقت ما تحتاجيها
انا عادة ما بخزنها اكثر من شهر بتخلص على طوووول.
لكن طلع عندي مثل المحلبية
بتقصدي المهلبية .. نعم يكون قوامه كثيفا وليس سائلا...
أفضل شيء عند التقديم يكون ساخن أو يارد؟؟؟
السحلب يشرب ساخنا لذا هو مشروب مفضل في الشتاء.
والمكسرات كما ذكرت توضع على الوجه وحسب الرغبة.
وعذراً أختي على الأسئلة
هذا واجبي يا اختي فلا تعتذري.. واي استفسار انا في خدمتك
وصحتين وعافية على قلبك.