][*][ شوربة دجاج مع ارز وشعرية ولا اطيب من هيك ][*][

[سنووايت]

السلام عليكم ورحمة الله وبركاته
بسم الله الرحمن الرحيم
ازيكم يا بنات وازي احوالكم اختي وعود اليوم اجيت اعلكم ريارة :p
اليوم جبت معي شوربة دجاج علمتني ياها خالتي بس بصراحة روعة طعمها غير شكل :-M
لانو قصتي مع الشوربة قصة انا بحب كتير شوربة الدجاج مع رز وشعيرية
بس وقت حبلت اول مرة قرفتها كتير لانو بتعرفوا الحامل اول شهورها وما عدت سويتها بالمرة :[]L
لانو كنت اسلق الدجاج بس يستوي حط كباية شاي رز وشوية شعرية وحطلها بهارات وملح وبصل
كنت كتير حبها بس هلق لا
فقلت لخالتي وعلمتني على هل الطريقة :-KK جربوها بصراحة ما راح تندموا
طولوا بالكم على شوي صحيح عملت مقدمة طويلية وعريضة بس النتيجة حلوة ):K
المهم
المقادير:
انا بعمل الشوربة بس بعظام الدجاج انتو فيكم تحطوا يلي بدكم
كباية شاي رز
شوية شعيرية
بصلة كبيرة
ماء
ملح
الطريقة
بتجيبي الطنجرة يلي بدك تعملي فيها الشوربة يفضل ان تكون تيفال اذا ما في مو مشكلة وبتحميها منيح منيح وبتحطي الدجاج يلي بدك ياها وبتغطيها وببتركهيا لحتي تحمر قطع الدجاج من تحت على نار قوية وبعدين بتقلبيها لحتى يحمر من تاني جهة بتكوني انتي بهل الوقت قطعتي البصل على شكل مربعات صغيرة وبتحطيها فوق الدجاج وبتبلشي تقلبي البصل لحتى شوي يحمر او يشقر وبعدين بتحطي الرز وبتقلبيه شوي وبتحطي ماء يعني فوق غمرتم بشويوالملح وبتتركيها لحتى تعقد وبعدين بتحطي الشعرية
بتغليها شوي وبطفي تحتها بتشوفي لونها صار ذهبي بشهي
وهاي هي كل القصة انشاء الله تجربوها وراح تعجبكم كتير
واي سؤال انا بالخدمة
تحياتي الكم سنووايت

[احاسيس مرهفة]

الله يسلم دياتك حبيبتي سنووايت

مافيش صور ياحلوة ؟؟

[طيـــف]

سنوايت

ياعيني نووورتي والله

مبين ذوقي وذوقك بالاكل واحد

لانه كتير بحب الشوربات بكل انواعها

وهالشوربه تحديدا كتيرررررررر بحبها

شوفي هي تقريبا شبيهه من طريقه اختي بس بدون شعريه

بس لانه انا بحب الشي المغذي ذوي القيمه الغذائيه العاليه

فبضيف لها ملعقتين شوربه كريمه بعد ماتستوي بطفي النار وبضيف الكريمه

وامممممممممممم يالله شو طيبه بتعطيها طعم عجيب

جربي اضافتي ويارب تعجبك:)

[darimania]

تسلمين عزيزتي على الوصفة الشهية

[سنووايت]

يا هلا بي سيس يا هلا
منولرة الموضوع عزيزتي
بصراحة ما فيش صورة لانو عملتها وطلعت من البيت واجى زوجي واكل
وقضى على كل الدجاجة وابني كان مشترك معو :D لهيك ما عدت حبيت صورها
اسعدني مرورك يا غالية

[سنووايت]

يا بطيوف مشرفتنا الجديدة
تسلمي اختي على مرورك الكريم
راح جرب طريقتك في المرة الجاية
اذا الله راد
تحياتي الك سنووايت

[سنووايت]

الله يسلمك يارب اختي darimania
اسعدني تواجدك

[مـiـى]

تسلم إيدك يا سنسنة يا حلوة ..
وصفاتك كلها أحلى من بعض ..

كيفك يا قمر :)

[وعود الخير]

تسلمي يا سنو وايت .. منورة والله
وشكرا لهذا الطبق الشهي .. وربنا يعينك ويقومك بالسلامة..

سنسن.. الشعيرية بتضيفيها من غير تحمير...
بأسأل لأني بدي اعملها الليلة على العشا .. في عندي عظم دجاج في الثلاجة..
وتفضلي معنا.

[وعود الخير]

عملتها ليلة البارحة على العشا حسب طريقتك
وكانت كثير طيبة .. اكلوها كلها.. وانا ما ذقتها.
تسلمي يا سنسن

[لنوشه]

تسلم ايدك يا سنووايت
باين عليها شهية كتير و بالذات بعد ما جربتها وعود ماعاد فيه كلام

[الامل الجميل]

تسلم إيدك يا سنسن

[سنووايت]

اسفة يا بنات على تاخيري بالرد عليكم ما تواخذوني معلش تعبانة شوي
الله يسلمك يارب عزيزتي منمن
تسلمي على ردك الحلو


يا هلا فيكي وعود نعم اضف الشعرية من دون تحمير
اشكرك عزيزتي على الثقة ومبسوطة انو عملتيها وعجبتكم
فرحتيني كتيررر صحتين على قلبك

[سنووايت]

يا هلا بكي عزيزتي لنوشة منورة الموضوع اسعدني مرورك وردك
تحياتي الك سنووايت



الله يسلمك يارب عزيزتي الامل الجميل
اسعدتني طلتك الحلوووووووووة
تحياتي الكم سنووايت

[zahraaali]

thanks alot for this recipe, i have a cold with soar throat so this would do me good

I had few question, in the bottom of the pot we don't add any oil? and
no spice added? shookran

[MISS_CHEF]

بسم الله الرحمن الرحيم

مساء الخير

سويتها اليوم على العشاء
طعمها حلو بس شكلها ما يشجع

طلعت كلها رز كانة مخبص بس طعمه جلو
بس مو شكل شوربة لأ

طمعانه في كرم يا ريت تحطي لنا صورة عشان اظبها المرة الجاية
وكم مقدار الشعيرية والمرق

عشان تطلع مضبوظة ويقول سنوايت عملتها مو ميس شيف

[سنووايت]

يا هلا فيكي اختي زهرة
تسلمي يارب على ردك
بس بصراحة انا ما بعرف انكليزي ما فهمت سؤالك
ياريت تكتبيه بالعربي

تحياتي الك سنووايت

[سنووايت]

يا هلا فيك ياختي مس شيف
منورة وينك من زمان ما عم تبيني الا القليل
اختي شوفي انا بعمل بطنجرة كبيرة يعني بلزمني كباية شاي
ممكن انت شويتها بطنجرة صغيرة فاكيد بدها تطلع مخبصة الرز لانو الرز بنفش
ممكن تتقلي كمية الرز يعني بس كمشة صغيرة بيدك وبتصير منيحة وشوية شعيرية
اي سؤال تاني انا بالخدمة

[نسمة الحق]

تسلمي اختي الغالية