هالمرة سر أم فوفو [الأرشيف]

fofo166

06-02-2005, 05:50 PM

والله احترت وين أحط هالموضوع .
لكن بعد تفكير ........حكيت لنفسي ، بما إنه السر بيتعلق بطبق رئيسي
، إذا ينحط في منتدى الأطباق الرئيسيه<<<<<<<<كل هالمقدمة خوف من سيسو إذا ماعجبها المكان.
من كم يوم اشتهينا أكلة كتير طيبة ، وبيحبوها اكتر أهل الشام
هي معدة الخروف وأمعائه أو الأبوات عند اهل سوريه .
طبعا هي بدها شغل كتير واحنا بنموت فيها ، بسسسسسسسسسس
اخواتي بيقرفوا ينضفوها أو حتى يلمسوها يعني بيحبوا تيجيهم على الجاهز .
وطبعا علشان ست الحبايب الله يطول بعمرها ما تتعب فيها ،
اختكم فوفو بتاخد على عاتقها مهمة التنظيف .
والله بقعد اربع ساعات وأنا أنضف فيها ، هادا غير حشيها ،
وبعد كل هالتعــــــــــــــــب !!!!!!!!!!!!
بخمس دقايق بينسفوا الصحن كله .
رح تحكولي وين السر في هالقصة الطويلة ورح اقول لكم
انه الأسبوع الماضي لما تشمرت علشان أنضفهم ..................
تفاجأأأأأأأأأأأات انه امي عندها سر جديد
لما غلت المي اللي بنسقط فيها معدة الخروف علشان تساعدنا انه نكشطها بسهوله
حطت ملعقة صغيرة من بيكربونات الصوديوم مع المي .
وبعد ما حطيتهم في المي نص دقيقة !!!!!!!!!!!!!!!!!
بعد ما كانت إيدي تتكسر وأنا أكشط المعدة بالسكين ،
صارت الطبقة اللي فوق تنكشط بسهولة مش طبيعية ، لدرجة ان بعضها كان يطلع بإيدي لو فركتها .
انا طبعا فرحت وما فرحت بهالسر ؟؟؟؟؟؟
فرحت لأنه هون علي الشغل ، ومافرحت لأنه أهلي
صار بدهم ياكلوها كتير
بعد ما كانوا يطلبوها في المناسبات بحجة انهم شفقانين علي من التعب .
انا طبعا قلبي حنين ومش رح اقدر ارد طلبهم ،
فقلت احكي لكم على هالسر للي بيحبوها علشان ما أتورط لحالي .

lanloon

06-02-2005, 06:04 PM

تسلمي لنا انت و ست الحبايب على هالسر الحلو هاد

انا بحبهم كتييييييييييييير بس كل ما اطلب من زوجي يجيبهم بحكي لي لما تروحي عند امك بتعملك ياهم انا ما بثق باللي ببيعوا هون:(
و انا لى 3 سنين ما رحت عند امي و نفسي فيهممممممممممممممممم:(

طيـــف

06-02-2005, 06:57 PM

ياعيني عليكِ

بتعرفي هالاسبوع اهلي ناوين عليهم نتجمع احنا وخواتي ونسويهم

بس بنيي وبينك

تنظيفهم متعه

انا بصراحه بحب انظهم كتيرررررررررررررررررر
بحط وافش غلي في تنظيفهم وكشطهم ((K))

بس ماتحكي لي احششششششششيهم ياطيف :III: )_(

يسلموايديكِ فوفو بدي اجرب اضيف الكربونات هالمره؟ :-M

ياسيه

06-02-2005, 11:22 PM

أوووووووووووووووف أثاري مش بس أهل البيت بس اللي يحبون الكروش

مشكوره يا شيخه الوالده عندنا تتفنتك في الكروش و حشيهم و نحنا لما نظفهم نحطلهم طحين و نفورهم فيه قبل الحشو جذيه تقول الوالده ............. عموما هني و عافيه على قلوبكم

ّ!!منال!!

07-02-2005, 11:39 AM

ايوه طلعوا الاسرار الحلوة هذي

تسلم الوالدة وربي يعطيها العافية ان شاء الله

انا مااحب الاكل هذا ابدا لكن الوالد يموت فيه والوالدة يعيني عليها تعالوا ساعدوني واحنا نشرد من المطبخ:D

ان شاء الله رح اقولها ع السر الخطير واخليها تدعي لك ولوالدة كل ماعملتها

الله يعطيكِ العافية:)

وعود الخير

07-02-2005, 02:02 PM

حطت ملعقة صغيرة من بيكربونات الصوديوم مع المي
سرك في بير.. :(*):
بس مش علي يا فوفو.. معلش سامحيني ..
بس وينك باستنى بصحن احسن متشتهية فوارغ وكرش..
بس لما باعملها ما فيني آكلها .. يعني ما بشعر بطعمها لأني تعبت فيها. :S:

احاسيس مرهفة

08-02-2005, 12:09 AM

يسلمو يافوفو

الله يعطيك العافية

وما تخافيش ياحلوة

لأن ما عنديش خبرة في الكروش

و البيكربونات ملح ممكن وضعه في المواد الغذائية بسهولة

وهو عبارة عن البيكنج بودر بس يتهيأ لي ان البيكنج بودر مضاف عليه شي ما عرفش ايه هو >>> هذا اذا كان مضاف عليه

شيء في الأساس .

واحنا في ذيك الساعة لما نشوف من ايدك طبق دحنا في قمة السعادة .

والف شكر على المعلومة الجديدة .

بيني وبينك انا مابحبش الكروش والفوارغ والكوارع ولا اقدر على ريحتهم .

fofo166

08-02-2005, 08:26 PM

ياهلاااااااااااااا والله بلنلون
الله يسلمك . عقبال ما تروحي لعند الوالدة وتاكلي من تحت ايديها
أطيب اكلت فوارغ ، بس هااا
لاتنسي تريحيها بهالطريقة ، حتى تطبخلك اياها كتير .

طيوف دخيلك وين المتعة وانتي بين هالروائح العطرة والكشط اللي بيهد الحيل
بس رحمة من الله اللي مخليك تستمتعي
وكويس اللي لحقتك قبل ما تطبخوها علشان تجربيها
ياللا ردي لي خبر اول ماتطبقيها ،،،والله بتطلع بيــــــــــــــضة وزي الفل .
بس لا تكتري وتسحبي فيها تراها دسمة وريجيمك بيروح فيها .

ياسية ، منورة حبيبتي .
كلنا في الهم شرق ، وكلنا بنحب الشغلة تيجينا على الجاهز
بس عندي طريقة تنظيف احكيها للوالدة وهي غسل
الفوارغ بالصابون النابلسي او صابون الغار
كل الزنخة اللي فيه بتروح .

من عندنا من عندنا ،،،،،
منال !!!!!!!!!!!!!!!! يامررررررحبا يامررررحبا
والللللللللللللة مبسوطة انك نورتي موضوعي
وشكرا على هالدعوة الحلوة .
وبالله اذا والدتك ارتاحت لهالطريقة تدعي لأمي .
وصحتين وعافية على قلب الوالد مقدما .

وعود بتعرفي نكتة الكتكوت اللي مابيقدرش يخبي حاجة على مامته .. ليه ؟؟؟؟؟
لأنها فاقساه

وانا هيك ، بحس انك ماشاء الله لا قوة الا بالله
عنك كل الاسرار لدرجة اني لما بكتب
بحكي اكيد وعود عارفته .
ابسطيني مرة وقولي اني جبت شي جديد عليك
الله يخليك الله يخليك .

سيسووووووووو
يا الف مرحبا . صحيح هالطبخة غلبتها كتير بس الطعم ولا اروع

وابشرك رح تشوفي مشاركاتي رح تكتر هاليومين
كل يوم من ده .

طيـــف

08-02-2005, 10:20 PM

فوفو
والله متعه
يختي بتفش قلبي تنضيفها خصوصا من القاها صارت بيضااااااااااا
اخخخخخخخخخ كشط ودعك فيها على كيف كييييييفك

بس بتعرفي انا بنظفها لهم
بس ياعلييييييييي على اللي بعملهم فيهم وهم بباكلوها
بزل يومهم فيها
لمده اسبوع اذكرهم انه انا يل نظفتهم
ولو كان في خدشه باصبعي ! بقولهم شفتو منكم... مشان تاكلو وتتغذوو بس:)

شفتي شو حنونه

وعود الخير

09-02-2005, 12:28 PM

وعود بتعرفي نكتة الكتكوت اللي مابيقدرش يخبي حاجة على مامته
:[MM
فوفو هاي اول مرة اسمع عنها sid

لبلبة

09-02-2005, 06:30 PM

أنا جيت أحط مشاركة معكم لا اتقولوا بعدين لبلة ما فيها خير طلت علينا

لكن بصراحة أنا ماعمري أبد قربت لها

بس أذكر إن بيت جيرانا يعملوا عيها كونسرتوا ( جمعة ) مع بقية الجيران وحنا معاهم

جماعة تنظف وجماعة تطبخ وجماعة تاكا ( أنا من ضمن الجماعة الثالثة )

هذا كان عمري زغنطوطة ( يعني قبل سنتين بس ) http://www.asmilies.com/smiliespic/psmilie/010.gif

fofo166

12-02-2005, 09:18 PM

يا حياتي يالبلبة
والله اني بنبسط اذا شفت مشاركتك معي .
بس بتعرفي .............. اول مرة
اعرف انك اكبر مني بسنة !!!!!!!!!!!!!!

ريتاج

12-02-2005, 09:38 PM

بسم الله الرحمن الرحيم

تسلمى حبيبتى على هالسر الرائع :-M جزاك الله خيرا

والله زوجى يحبها كتير ولكن مشكلتى هى تنظيفها وكشطها أقف بالساعات حتى تكون بيضاء

وأقربها فى العيد وكان قدمى تتكسر من الوقفه

ان شاء الله أجربها و أدعيلك

غاليتى هل تحشى الكروش ماهى طريقتك ؟؟؟

fofo166

13-02-2005, 11:19 PM

يالللللللللللللللللللللللللف مرحبا والله بريتاج
والله اني فرحانة لان هالطريقة ان شاء الله رح تريحك
جربيها وشوفي بنفسك ، بس مش من الفرحة تنسي تدعيلي .
شوفي ياستي ، الكرشة بتقطعيها لقطع متوسطة يعني بحجم اقل من الكف بشوي اذا كنت لسه ما نضفتيها .
او بنصه اذا كنت منضفتيها وهي كاملة ، والفرق انه مع المي السخنة بتكش شوي .
اما الحشوة فهي رز مصري منقوع نص ساعة وبتضيفي له حمص منقوع 8 ساعات على الاقل
او مسلوق بس منقوع افضل بكتير علشان مايتفتفت بالطبخ
بتضيفي لهم شوية زيت وملح وبهارات وبصل مفروم ني وفلفل اسود ويفضل يكون مش مطحون بس لا تكتري
علشان ما تضيع النكهة من حرارته وشوية بهارات .
بتجيبي قطعة الكرشة وبتخيطيها بالابرة والخيط وبتخليها زي الكيس يس مفتوح من فوق
بتحشيها بالحشوة اللي مجهزينها وبتكملي تسكيرها وخياطتها .وطبعا بنطبق الطريقة
على بقية القطع وبنحطها في طنجرة الضغط وبنضيف لها ورق غار وبنتركها اقل شئ ساعة او لحد ما تستوي
اما الامعاء فهي بتنحشى بنفس الحشوة بس الطريقه طبعا غير
اذا كانت رفيعة مش محتاجة خياطة اما الغليظة بنخيطها من الطرف ، وبعدين بنمسكه بقبضة الايد يعني
بتقبضي ايدك وبتخليه بين الابهام والسبابة وبتدخلي طرفه المخيط للداخل باصبعك وبتبدأي تحشية لحد ما يخلص وينقلب المصران اللي جوه لبرا وبس تخلصي بتغسليهم كويس من المادة اللزجة اللي كانت بالداخل
بالماء والملح وبعدين بالصابون النابلسي او ورق الغار كويس وبعدين بنسلقهم بنفس طريقة الكرش .
اتمنى تعجبك الطريقة وصحتين وعافية على قلبك وقلب زوجك

strawberry

14-02-2005, 08:25 AM

بيني وبينك زوجي يحبها كثير

بس أنا الله لايعاقبني أرميهم في الزباله :(

أقرف من تنظيفها وريحتها ...

بعدين صار يفهمها ومايجيبها أبدا
رح أجرب طريقتك ان شاء الله

يعطيك ويعطي امك الف عافيه

وزادكم الله من فضله

لكن

fofo166

15-02-2005, 12:00 AM

ياهلااااا والله ستروبري ،
ان شاء الله ما بترميهم بعد اليوم والتجربة خير برهان .
مشكورة حبيبتي ولاتنسيني انا وامي من الدعاء .

karima9

15-02-2005, 05:06 AM

انا من النوع لي ينظف و يطبخ و ياكل بس طريقتك مختلفة تماما عن المغرب :
تسمى في المغرب ب (الكرشة او الشكانبة)
تاخدي الكرشة بعد تنظيفها و تصلقينها مع المصارن و تكشطيها بالسكين (طبعا بعد اضافة بكربونات تشكري على ها المعلومة الجديدة )و تقطعيها صغيرة و المصارين ايضا يتقطعوا + قزبر+مقدونس+بصل مفروم ناعم+ثوم+زيت+كمون+فلفل اسود مطحون+كركم+ملح + ماء . تطبغ بدون تشويح الى ان تنضج و يكثف المرق اي يصبح قليل جدا و تنحط في صحن مع الخبز و بصحتكم اخواتي

زيتونة 25

15-02-2005, 12:00 PM

واو واو يميم شوقتيني لطبخات إمي والله الكرشة والمصران طبخة لذيذة بس ريحتها وهية طازة مقرفة عشان كده حالفة يمين مستحيل أطبخها ببيتي وبعدينالله يخلي الوالدة تسلمي حبيبتي على ها النصيحة بس ما أوعدك أعملها

fofo166

16-02-2005, 02:03 AM

يالللللللللللللللللللللف هلا بكررررومة
كان معي حق لما نزلت هالموضوع علشان تشرفيني فيه .
هي طريقة جديدة بس جربيها وشوفي الطعم وادعيلي ،
وانا متأكدة انك رح تزبطيها بإذن الله لأنك ماشاؤ الله لاقوة الا بالله
طباخة ماهرة ، واوعدك رح اجرب طريقتك . بيتهيأ لي انها اخف دسامة من طريقتنا
( اهل الشام) . ماهي صارت سهلة ورح نعملها كتير بعد ماكانت في الاعياد والمناسبات الرسمية .

ياااااااااااااامرحبا بزيتونة
ما حكيتي لي انت زيتونة ولا مرة باباي ؟
ياللا حبيبتي تعلميها وريحي امك خليها تدعيلك .
الف شكر حبيبتي .

karima9

16-02-2005, 02:44 AM

و اقول لك بانني افضل الكرشة عن اللحم (خليها سر بيني و بينك) اي الكرشة و الراس و الكوارع من المشتهيات .

fofo166

16-02-2005, 02:01 PM

وانا اقولك <<<<بس مش سر لأني ذكرتها اكتر من مرة
انا مابحب اللحم ابدا اللهم الا اللحم المفروم اللي مشفى تماما من الدهن
اما اللحم القطع المطبوخه او المسلوقة سبحان الله مابحب حتى ريحتها .