أنا عليّ اشتريتها، أنتو عليكم الطبخ [الأرشيف]

إيمان علي

06-02-2005, 01:40 AM

السلام عليكم ورحمة الله وبركاته

أخواتي الغاليات.

دوام عملي طويل، ونفسي محروووووووووق من الركض!
من العمل للبيت، للطبخ، لملئ الأفواه... ولهذا كان علي إيجاد الحل! الحل أن أشتري ما تسمى بالطباخ البطيء (slow cooker)
وللسائلات، هي عبارة عن طنجرة كهربائية بسعات مختلفة. تضعين بها العيارات وتضعيها على الطبخ البطيء وتذهبين إلى العمل، وبعد 8 ساعات تعودين فتكون رائحة المنزل مليئة برائحة الأكل المطبوخ وكأن أحداً طبخ لكِ :)

المهم، صديقتي لديها مثلها، وهي التي نصحتني بها وأكدت كفاءتها لمن تقضي وقتاً طويلاً خارج المنزل وتأتي منهكة من التعب والجوع آخر النهار.

اشتريتها ووجدت داخلها الكثير من الوصفات، ولكنها وصفات أمريكية المليئة باللحوم.

كما أنني ذهبت إلى النت ووجدت بلا مبالغة ألوفاً من الوصفات الخاصة بها. المشكلة أنها أيضاً وصفات أمريكية، ورغم أنني أحب كل الأكل بأي جنسية إلا أنني أريد طبخات عربية أطبخها بها. أخاف أن أجرب وتفشل الطبخة..

بعد هذه المقدمة الطويلة العريضة، سؤالي: من تملك مثلها، ومن لديها وصفات "جربتها" ونجحت معها، أحتاج إلى وصفات عربية ولهذا لجأت للركن، الطبخات الأجنبية مليئة في النت.

هذا ما أتحدث عنه

http://www.shoplifestyle.com/store/assets/product_images/TO036_main.jpg

أرجو في النهاية، أن لا أكون أنا من سيعطي الوصفات :p

السلطانة

06-02-2005, 02:08 AM

الله الله على الحاجات الحلوة دي ... هاي هي الشغلات المظبوطة .. بلا حريق بلا قعدة على باب المطبخ طول وقت الطبيخ

الله يهنيك فيها يااااارب

وانا معك سارقب الطرق عشان اتشجع واخليكي تهديني وحدة فى اي مناسبة او بدون مناسبة :D :D

يارب هني ام بلال بطنجرتها ومقاليها وحللها وكل شي عندها

إيمان علي

06-02-2005, 02:31 AM

هههههههههههههههههههههههههههههه ضحكتيني يا السلطانة، أنا بدي مين يعينني، صرنا اثنين.. :D
خلينا نشوف لوين بنوصل، لأنه احتمال أكون أنا الوحيدة اللي شاريتها وأعملها حقل تجارب وبعدين أخبركم شو اللي بيصير :D

وعود الخير

06-02-2005, 12:10 PM

واو.. شو هالاختراع الحلو
امونة.. هاي الأشياء انا باسمع عنها وما بشوفها اصلي من كوكب تاني...
كان نفسي أساعدك بس ما باليد حيلة...
تمنياتي لك بطعام شهي وصحي.

Dandosh

06-02-2005, 03:43 PM

:eek:

إيمااااااااااااااااااااان

من وين جبتيها هاي :) على طول بحث على غوغل.. بس للأسف ما أظن ألاقيها في الأردن q)

بركي بوصي حدا يبعت لي ياها .. هاي هي اللي بدور عليها من زماااااااااااااااااااااااااااان

وطبعا بنضم للقائمة معك أنت وسلطونة ;)

إيمان علي

06-02-2005, 04:32 PM

يوووووووووووووووووووووووه، جيتك يا عبد المعين تعين!!!!!!!!!!!! شو هالقصة هاي، هو أنا جاي أعمل دعاية؟ بدي أطبخ يا عالم :D :D

على فكرة يا جماعة، هي رخيصة جداً، يعني ثمنها المقاس الكبير بـ 24$ ولقيتها مرخصة وصارت 20$...

أروح أدور على طبخات... أمريكية وأمري لله! :)

lanloon

06-02-2005, 06:12 PM

اخ منك يا امونه انت و شغلاتك الغريبه المدهشه :D

والله بالنسبه للوصفات ما عندي
و نفسي اجيب الطنجره بس في عندي مشكله....... زوجي :(
اسأليني ماله؟

انا بقلك:D

يا ستي انا عندي فرن كهربائي و ثمنه مبلغ و قدره و ما بتلاقي بالسوق يعني لازم توصايه و بوصلك بعد شهر بس انا جبته اول ما عرفت خصائصه بس للاسف اهم خاصيه مو عارفه استخدمها بسببب زوجي انه ما بده اترك اجهزه كهربائيه شغاله و احنا بره البيت لانه بخاف لا سمح الله من الحريق او ماس كهربائي
الفران اللي عندي بتجهزي الطبخه اللي بدك ياها و بتحطيها فيه و بتعيريه متي يشتغل و المده و متى يطفي و هو بقوم بالواجب يعني بترجعي على البيت بتلاقي الطبخه جاهزه .... بس زوجي ما بخليني استخدم هالخاصيه الرائعه ...شو اعمل:(

طيـــف

06-02-2005, 06:42 PM

امون بالكويت عنا بقولو عنا
Rice maker هي نفسها صح؟

صديقتي جابتها وبتعمل فيها الرزز( العيوووش بانواعهاا)
مره اكلته عندها ورهيب الرز مفلفل تفلفل بشكل رهيب متل الرمل

لو بدك للرز
دنته تؤؤؤؤؤؤمر ياجميل:)

إيمان علي

07-02-2005, 02:15 AM

لنلون، أنا مع زوجك بهالشيء، لكن هذه الطنجرة عملوها خصوصي حتى تشغليها وتتركي البيت، وكاتبين بكتيبها أنه من المستحيل تنطبخ الأكلة زيادة أو تنحرق.

طيف، لا ما هده، اللي بتقولي عنها خاصة بالرز فقط.. لكن هذه اللي عندي للكثير من الطبخات، لقيت اليوم كذا طبخة مناح على النت! بس بحب نكهة الطبخ العربي أكثر.. لكن طيف الحلوة، ما عندي مانع بطبخات تكون بالرز تعطيني وصفاتها لأنه هذه بتطبخ أيضاً أكلات بالرز. الحلو أنه ممكن تحطيها تطبخ وانت نايمة، من 4 ساعات إلى 12 ساعة بتشتغل وبتطبخ على راحتها.

لنوشه

07-02-2005, 03:59 AM

اهلين ايمان
ماشاء الله عليكي في كل ركن الك عرس :ss:
يا ستي انا جارتي عندها مثله بالضبط
رايحة اسالها شو الاكلات اللي بتعملها فيه
راجعين W:

أناغيـم

07-02-2005, 07:53 AM

وبس تنتشر هذه الطنجرة اللي بتطبخ لحالها
سي السيد راح يقول لشهرزاد اذا بدك تروحي بيت اهلك الله معك
خذي راحتك قد ما بدك هههههه

لوحدة كسولة مثلي يا ام بلال ..
ما في طنجرة بتحط المقادير وبتعير الوقت لوحدها يعني فل اتوماتيك من كله.

صبا نجد

07-02-2005, 08:18 AM

رائعه .. الله يهنيك فيها يارب ..
ويعطيك خيرها ويكفيك شرها ..

بالنسبه لي إمراه عامله ولكن في >>>>>>> مملكتي ...

ادعي لي الله يرزقني الوظيفه الحلوه ....

تحياتي لك ياقمر ..

ام حكم

07-02-2005, 11:58 AM

عنجد رهيبة هالطنجرة لكن للأسف ما فيني أساعدكِ ..

لأني أول مرة اسمع عنها ... وعلى هيك يمكن بعد كم شهر تنزل عندنا في الكويت

وبتريحني من تعب الطبيخ :)

تحياتي لكِ ايمان :)

إيمان علي

07-02-2005, 02:59 PM

لنوشة، الله يسعدك ما تتأخري علي :)

كاتي، يا كسولة، ليش الرجال مضطر يعرف شو في بالضبط بالمطبخ؟ ;)
بعدين هالطنجرة، بتطبخ على البطيء، يعني لا بتخلط ولا بتقطع ولا بتقلي.. انت بدك تحضري وترميهم فيها ساعات وانت تسهلي على شغلك :)

صبا، أحلى شغلة شغلتك، لا تفكري تشتغلي خارج مملكتك ولا شي، نصيحة من أخت لأختها :)

أم حكم.. عزيزتي هذه ما بتعمل كثير طبخات، يعني طاقاتها محدودة، لكن الأكلات اللي فيها رز أعتقد أنها بتطلع ممتازة، مثل المنسف والمقلوبة والمكبوس، ووووو... لكن ما بتقدري تطبخي فيها كل يوم، لأنها غير قادرة على عمل كل الطبخات. لكن الجميل فيها، أنك بتحطي نصف عيارات البهارات، والأفضل تكون طازجة، وحسب ما سمعت من اللي استعملوها، الأكل بيطلع أطيب وألذ لأن البهارات تشرب بالأكل تماماً.

اليوم بسأل في الشغل عن اللي عنده منها وبقولكم شو بلاقي.

صحيح، وهي ممتازة في عمل الصلصات والشوربات :)

هنلي

07-02-2005, 03:32 PM

لا يا عمي انا عقلي زي العجايز هههههه اذا ما طبخت في الطنجره العاديه ما بكون الاكل اكل رح تضحكي عليي بس انا هيك بحب الطبخ على اصوله هههههههههه
بتعرفي قبل سنه يمكن جابوا منها على احدى المحطات ال بي سي وجابوا انها ممكن تعملي عليها شوربه عدس او فريكه
بس الصراحه هي عجبت زوجي -- زوجي بيحب هذا الشغلات بس انا ولا يمكن -- غلباويه بحب اعمل العمايل في المطبخ

بس انا احكيلك ممكن تطبخي اللحم او الدجاج عليها ولما ترجعي من الشغل تضيفي عليها مثلا الباميه والسبانخ والفاصوليا
او الرز يعني هيك بتسهل نص الطبخ
وربنا يهنيكي فيها

لنوشه

07-02-2005, 07:58 PM

انا اسفة يا ايمو :K)
طلعت الطنجرة بس للرز
و لما حكيت لجارتي انو فيه هيك طنجرة قالت واو ياريت :D
انتي جربي اعملي فيها و شوفي و اكيد راح يضبط معك من اول مرة :)

إيمان علي

08-02-2005, 04:29 AM

يا هلا بهنولة.. انت مثل ماما، بتعمل كل شيء من أصله، أنا بحب التخفيف والراحة :D

ولا يهمك لنوشة، أنا طبقت فيها اليوم طبخة مقلوبة وحطيتها في البراد للصباح إن شاء الله، وبكرة بإذن الله بحطها بالكهرباء وبضيف الماء وبشوف شو رح يطلع من هالطبخة :D

احاسيس مرهفة

08-02-2005, 10:06 PM

الله يعينك يا ام بلال ويعينا

وكل الموظفات اللي في العالم

لكن معنديش اي فكرة حول الجهاز وطريقة استخدمه .

إيمان علي

09-02-2005, 01:08 AM

ولا يهمك أحاسيس، أنا رجعت الآن لبيتي، وريحة المقلوبة مالية البيت بتشهههههههههههههههههههي، وطلعت لذيذة جداً جداً، صحيح الرز شوي مستوي زيادة، بس الطعمة نفس الشيء، المفروض المرة القادمة إن شاء الله أقلل الماء بحوالي كوب عن العيار العادي.

وخلوني أعطيكم شيء جديد بالمقلوبة، ماما أعطتني فكرة جديدة، قالتلي ما تعملي باذنجان بالمقلوبة بلا هم، وحطي بدال القرنبيط (الزهرة) .. بروكلي (الأرنبيط الأخضر) وعملتها من فترة وطلعت بتجننننننننننننننننننننننننننننن بس كان فيها باذنجان أيضاً. هذه المرة، جبت كيس بروكلي مع أرنبيط مجلد، وقليتهم وما حطيت باذنجان.. فعلاً ما في فرق والطعمة نفسها وطلعت رااااااائعة... المرة الجاي، جربوا، بلا باذنجان، وبس بروكلي.. وشوفوا قديش طيبة وأسهل :)

لنوشه

09-02-2005, 04:55 AM

يا عيني عليكي يا ام الافكار انتي
انا كنت متاكدة انو راح تضبط معك
لا و عطيتينا فكرة جديدة كمان
و فعلا المقلوبة لذيذة جدا بالبروكولي و انا كمان احيانا اعملها بالبروكولي او القرنبيط او مشكل من الاثنان مع الباذنجان
اليوم حكيت لزوجي عن الطنجرة السحرية :D و عجبتو الفكرة و الطنجرة و قال خلينا نشتري منها :D

bosy98

09-02-2005, 05:21 AM

أمون أموت أنا فى الأجهزة السهلة http://smileys.smileycentral.com/cat/10/10_1_20.gif (http://www.smileycentral.com/?partner=ZSzeb001_ZS)

يا ريت الماركة و موقعها على النت و أسمها بالأنجليزى كامل .. ووووووووو http://smileys.smileycentral.com/cat/11/11_1_126.gif (http://www.smileycentral.com/?partner=ZSzeb001_ZS)

بس كفاية أسئلة لغاية ما تجاوبى :)

إيمان علي

09-02-2005, 05:50 AM

لنوشة.. يالله على ماير أو الوولمارت.. :D
انتبهي لما تستعمليها، كل الأكل بده ماء أقل عن العيارات المعروفة.. وفعلاً هي ممتازة حسب ما شفت للحوم.. والغريب أنه اللحوم فيها بتنضج أسرع من الخضار.. غريبة هالمعلومة لقيتها، بس مكتوبة بالكتاب!

بوسي، اسمها crockpot slow cooker
بتلاقيها في كل المحلات اللي بتبيع أدوات مطبخ، سعرها رخيص جداً، أرخص من سعر طنجرة طبخ بتتقشر من أول جلية!!!!!! حتى الآن ما مصدقة السعر اللي دفعته من كثر ما هو قليل... طبعاً الأسعار تتفاوت، انت اختاري اللي بيعجبك :)

وهذا موقعها: http://www.crockpot.com/

وعود الخير

09-02-2005, 09:57 AM

:K) :K) :K) :K) :K)
وطبعا سبب بكائي معروف. :K)

هنلي

09-02-2005, 07:01 PM

شو يا امونه قاعده عم تطبخي فيها مقلوبه
احكيلك
انا يعمل المقلبوه بالزهره او البروكولي او ممكن تعملها
بالجزر تجيبي جزر وتبرشيه وتضيفي ذره او بازيلاء
او ممكن تضيفي فول اخضر اسمها ربيعيه
يعني كل الخضار مع الرز زاكي

إيمان علي

09-02-2005, 09:22 PM

ما تبكي وعووووووود، كله ولا دموعك، من بكرة ببعثلك واحدة.. :)

هنلي، فعلاً كل الخضار طيبة مع الرز، بس بدك اللي ياكل!!!!! :)

a&a

11-02-2005, 12:39 AM

شوفي يا ايمان واخيرا جاء اليوم اللي نساعدك فيه ...ونرد لك بعض معروفك

انا اسوي جريش واحطه بالفرن طوووووووول مانا نايمه فأكيد بينفع في قدرك هاذا

فإذا انتم من اللي تاكلوا هالأشياء انا مستعده اعطيك الطريقه لانها سهله ....وإذا ما تعرفي الجريش تراه شبيه بالسليق
والظاهر اني فسرت الماء بعد الجهد بالماء

بس ولا يهمك تامري امر

إيمان علي

11-02-2005, 06:19 AM

هههههههههههههههههه تسلمي يا أم عبدالله، هذا من ذوقك.. الجريش ما عرفت شو هو، بس بعرف السليق.. ما هو النبات الأخضر اللي بنلفه مثل ورق العنب أحياناً؟ :)

a&a

11-02-2005, 07:24 AM

لالالالا ...نبات اخضر ايش؟
الحين بتزعل عليك احاسيس ..لانها حاطه طريقة السليق وبالصور ماشاء الله عليها
http://www.lakii.com/vb/showthread.php?t=109640

الجريش هو عباره عن حب مجروش (زي البرغل وبيني وبينك انا هنا باستخدم البرغل )..وينطبخه مع الدجاج او اللحم..وبعدين تكبر الحبه وتذوب وتصير زي الرز المهرووووووووس ويعني تقريبا يعتبر حساء ثقيل

عذب السجايا

11-02-2005, 01:18 PM

ياأم بلال عندنا نفسها بنستخدمها للأرز بصير طعمه أمممممممممممم ومثري ولذيذ

إيمان علي

11-02-2005, 03:43 PM

أم عبدالله، أهو بقه، أنا اش عرفني، جريش وسليق :D ما هو احنا عندنا سليق، بس مثل ما شرحتلك، ما كنت عارفة قصدك طبخة بهذا الإسم :D بس خلص، تعلمنا طبختين جداد.. بس لو لقيتي شيء من غير دجاج يا سلاااااااااااااام .. لأنه قربنا نبيض من كثر أكل الدجاج، وإن ما بضنا رح نصير نكاكي :D

عذوبة، تسلمي عزيزتي، طيب عيار الماء على الرز فيها أكيد بيقل، لكن بقدر كم؟

عذب السجايا

11-02-2005, 04:00 PM

بيكون يعني مابيغطي الأرز أقل منه عكس الطنجرة العادية بيكون فوق مستوى الارز

إيمان علي

12-02-2005, 04:13 AM

عُلِم :)
أشكرك من صميم قلبي ;)

أم3بنات

14-02-2005, 09:10 AM

كلها روعة

والله مسكينة امون ما حد عنده فكرة

بس انا عندي سؤال

ليش ماتخربي اكلاتكم العادية فيه؟ وقلل كمية الموية طبعا

الدجاج ينهري بسرعة اعملي فيه اللحم
مثلا عندك طاجن الرز في الفرن او البرام او الرز المعمر

تعددت الاسماء طبخة لذيذة وتاخذ وقت خاصة لو كانت باالحم

وممكن تعملي فيه ادام فاصوليا بيضاء باللحم بدون ماتنقعيها في مو ية قبل

وهذا اللي عندي ياليت يفيدك

هنلي

14-02-2005, 11:45 AM

شوفي يا امونه ليش ما تعملي عليها محاشي زي ورق العنب هذا بده وقت طويل ليستوي بس حطي في قاع الطنجره
مثلا بطاطا او قطع لحم ريش علشان ما يلزق ورق العنب وسويها عليه

إيمان علي

14-02-2005, 04:43 PM

أم البنات وهنلي.. تسلموا يارب.. أنا حاطة ببالي أجرب طبخاتي العادية واللي أظن أنها بتحتاج للوقت... ومنها الورق عنب إن شاء الله .. المقلوبة نجحت معي الحمد لله.. بدي أجرب هلأ المسقعة :)

bosy98

17-02-2005, 03:49 AM

تسلمى أمون ........ الموقع جميل

و أعجبت بدى جدا http://smilies.sofrayt.com/%5E/g0/nodassent.gif

http://thgsales.holmeshq.com/smartpic/SAP_IMAGES/160/SC7600.jpg

بس الغريبة هى مش بتوصل بكهرباء .. و الا انا اللى مش شايفة http://smilies.sofrayt.com/%5E/j0/lightbul.gif

إيمان علي

17-02-2005, 04:01 AM

بوسي، ما لقيتي إلا أغلى واحدة؟ :D
لا هذه بالكهرباء، بس هي بالعرض ما بيظهر سلكها :)

bosy98

17-02-2005, 04:09 AM

بصراحة بموت فى اى جهاز داخل فيه اللون الفضى http://smilies.sofrayt.com/%5E/r/biggrinclarifils.gif

لا هذه بالكهرباء، بس هي بالعرض ما بيظهر سلكها

http://smilies.sofrayt.com/%5E/f/spinface.gif العتب على النظر ,,,, أقوم اجيب النضارة http://smilies.sofrayt.com/%5E/b/glassesup.gif

إيمان علي

17-02-2005, 05:24 AM

أنا بحبه مثلك، بس فيه عيب أنه أي نقطة ماء تنقط عليه ببان مشوه، زائد تنظيفه لا ينتهي! :)

على فكرة، أنا جهزت طبخة بكرة ووضعتها بالبراد حتى أحطها بالكهرباء الصبح قبل ما أروح على شغلي إن شاء الله.
عملت كاري.. وبكرة إن شاء الله بس أرجع بعمل الرز بربع ساعة ;)