البصارة الزاكية لتم الحلوين

[(راما)]

أهلا و سهلا بكل الحلوين و خصوصًا سلسبيلا و أم مودي و وعود الفتاة الطويلة طيف جبل النور هنلي
و كل اللي تابعوني في الحماصيص و هلق يا سلسبيلا رح نعمل البصارة
بدون مقادير لأنه ستات البيت الشاطرين بدون مقادير متل ما اتفقنا: :ss:
بنسلق الفول المجروش بالماء و لما يستوي منيح بنضربه #R#R منيح بالخلاط (الميكسر) و ممكن نضيف شوية ماء سلق علشان نحصل على قوام نوعًا ما طري
بعدين بنضيف عليه الملوخية الناشفة المفروكة و نخلطهم منيح و على النار و هات يا خلط
بعدين بنقدح التومة المدقوقة مع الملح على المار و نحطها فوقهم
و بنطفي النار و تسكب في صحون
اقتراحات التقديم: بصل أخضر و فلفل أحمر و زيتون أخضر و ما تناموا جنب زواجكم :[]:
علشان ما يدعوا على
و صحتين و هنا و لسة جاية السماقية على الطريق بس استنوني
و أي سؤال أنا جاهزة

[وعود الخير]

دعاء..
وين الجرادة والفلفل مع الثوم .
يسلموا الأيادي.
طبق شعبي معتبر.

[(راما)]

الجرادة و الفلفل و التوم للسماقية بس البصارة بنحط بس توم مدقوق و الله هادي طريقة أهالي يافا؟؟؟

[وعود الخير]

انا معك بس مرت عم زوجي يافاوية
وهي اللي نصحتني احط جرادة وففل اخضر مع تقلاية الثوم .. يعني بنقليه مش زي السماقية
جربيه وراح تدعيلي ، وراح تشعري بطعم غير شكل للبصارة.

[(راما)]

بتعرفي أنه انا عمري ما عملتها .....
بس امي لما بتسويه بتبعت لي صحن

[وعود الخير]

أيوا اعترفي يا كسولة...
جربيها وايكد زوجك بصفته مصري المزاج راح يشكرك عليها.

[(راما)]

لا و الله ما بيحبها بالمرة... حتى لما امي بتبعتلي ما بيدوقها...

[طيـــف]

امممممممممممممممممممم

اجيت يادعاء على مزمزه الريق بس سمعت سيرة البصاره

الله والله بدها بالهبرد صحن بصاره محترم مع زيتون وزيت وفلفل احمر
امممممممممممممممم هاتي البصل ياعود

وين رندووووش وجبل النور وباقي صبايا بلادنا


دعاء يسلمو ايدكِ يااحلي دعووئه

((K)) ws:-)

[وعود الخير]

http://www.foodsubs.com/Photos/greenonions5.jpg
أي طلبات يا ست طيف
طبعا ظهرك موجعك وبتدللي علينا

وهاي بصل ناشف كمان http://www.foodsubs.com/Photos/yellowonion.jpg

أي طلبات تانية قبل ما اروح البيت..
عندي لف ملفوف
تفضلي ساعديني.

[(راما)]

و الله غصتوا بالبصارة تمام التمام

[طيـــف]

ههههههههههههوعوده

ييييييييييييي تسلم لي عينك وقلبك يارب

ممكن اتفضل بالملفوف بس اتفضل اكل ولا يهمك
بتعرفي اختي بس تسوي اكلت هيك بدها شغل
بتحكي لي : تفضلي ياحلوه الدعوه عامه تفضلي ساعديني لو بدك( بس انا برد عليها بقول لاء شكرا مالي نفس اتفضل بس يخلص الاكل نادوني :ss: )

اسمعي شو رايك انتي
تطنشي ابو الشباب وولاده>>>>ولاده هو

وتيجي تتغدي معنا؟


اختي الكبيره رندوش ... مسويه اليوم روبيان ورز وشوربه روبيان وحبار بالكريمه
والله الريحه بطت راسي واصله لعندي يعني اخر رد بدي اروح اتغدي وارجع

ترى الدعوه عامه تفضلي انتي والصبايا وودعاء كمان وجبل النور وام مودي اكيد ورندووش


وعود وجع ظهري خلص راح الحمدلله :ss:

لا تضلك تذكريني بالمصراعه الحره :[MM

[(راما)]

طيف انت و رندوش اخوات ؟؟؟
أنا اسفة ما رح اقدر البي العزومة عندي اليوم بازيلاء و رز ما بقدر اسيب حبيبي و الامور الصغير لوحدهم..

[طيـــف]

يختي يختي ياعيني على الناس الرومانسية الرايقه

بس بتعرفي تعجيني هيك ياهيك الحريم يابلا


انا ورندوش خوات في الله والله يديم علينا

بس اختي بالبيت اسمها كمان رندوش:) رنده

:[MM

[karima9]

رااااااااااااااااااااااااااااااااائع و خصوصا في هذا البرد
بيصارة على الطريقة المغربية

[الفتاةالطويله]

انا بعرف البصارة خضره شو سواها بيضه هيك ؟؟؟؟؟؟؟؟؟؟؟؟

طيوف انا ما عزمتيني وشو عرفك انتي بالبصاره هذه من فلسطين قح ......
يا دعاء قوليلي شو كمية الملوخيه الناشفه لبالزبط حابه اعمل لي مقدار صحن بس قوليلي شو احط وعووووووود وينك ساعديني امي بعيده ولما تعمل بصاره بيخلصوها قبل ما اروح وجاي عبالي صحن اعطيني مقادير صحن

الجراده هي اللي تنحط على المفتول ؟ تباع لوحدها ؟
والله بصلاتك حلوات يا وعود زي اللي بعرض الأزياء .............

[طيـــف]

ام يوسف

صح صح انا شو بعرفني فيها
على اساس انا من كوالالمبور
مش من فلسطين؟!!!!

ماعزمتك لاني عزمتك مع الصبايا شو قصتك بعد الحجه؟!!!

[طيـــف]

ههههههههههههههههههههههههههههههههه ام يوسف حتى البصل ماخلص من تشبيهيك

ولك راجعه عسوله
حجه عسوووله

[الفتاةالطويله]

من وين يا اختي لنتي ؟؟؟؟؟؟؟؟؟؟؟؟؟؟؟؟؟؟

بس اطولك واوصلك بس
انا بدي باسمي تناديني طماعه ها
احكي الصحيح مش حلوه البصله عنجد كنها غسلاها بكنوميكا (كلور ) بتضوي ضوي ما احلاها

انا كنت زهقانه لأني كان نفسي اروح عاللد اليوم اشوف اختي واهلي بس السياره اولاد الحرام سرقوا اضواوها اللي ورا وممنوع نمشي فيها شفتي استقبال اهل بلدنا للحجاج اول ما رجعنا سرقوهم واحنا ندور على زيهم
ميشان هيك بفش خلقي فيكم اتحملوني انتو والبصل

[Em zaid]

يا طيف شكلوا انا الي من كوالالمبور
لانه الصراحة اول مرة في حياتي بسمع بالاكلات هدول السماقية وبصارة وووو
يعني ما عمرنا اعملناهم ولا حصلنا الشرف نتعرف عليهم

على فكرة انا اول شي كنت مفكرتك سورية بعدييييييين اكتشفت انك فلسطسينية

ويسلموا دياتك يا دعاء مع اني ما بعرف المحروسة

[ام مودي]

انا جيت و معي الخبز

http://onfinite.com/libraries/302342/03f.jpg

تسلم الاياااادي يا دعاء على هالبصارة اللي بتشهي المشكلة ما عندي ملوخية ناشفة لو تبعتولي يا ريت:D و لا كان عملتها للتو(يا سلام)

وعود..ضحكتيني...قال تفضلي ساعديني..ههههههههههههه يعني مش تفضلي كلي ..لا ساعديني...طب ممكن اتفضل..
على سيرة الملفوف كيف طرقكم يا نسوان..دخلنا بموضوع تاني مش كلام النسوان ما بيخلص عن الطبيخ..هيك بيقولو..
دعاء تسلمي ايديكيييي و سعدنا بعودتك ..اللذيذة مع صحن بصارة و بصل يابس عاد ما بدي اخضر عشان العملية تزبط و نطفش الزلمة من البيت..و بدي مخلل كمان(شكلي بتوحم لا سمح الله)

[ام مودي]

هههههههههههههههههه
هلا كملت قراة الردود طيووووووووف ميرسي عالعزومة صراحة شهيتيني بس جايااالكوووووووووووم




حجة ام يوسف الله يسعدك ضحكتيني لا تتنرفزي على بنتنا طيوف..هههههههههههههههههههه
عجبتنيييييييييييي قصة البصل اللي بيشبه عارضة الازياء ها ها هااااااااااااااااااااا
يا خفة دمك والله عسل

و الف حمدلالله عالسلامة و حجا مبروكا و سعيا مشكورا..و ربنا يعوضكو عالاضواء اللي نسرقت تعبيرا عن ان نوركم كافي ما بيحتاج ضواو سيارة.?.

[طيـــف]

ولك ام يوسف

شو صار لك ليكون صار لعقلاتك اشي بعد الحج :[MM
ولك مش على اساس انا فلسطنيه ومن غزه كمان........شو شوبعرفني بهالاكلات شككككتيني بحالي والله !!

بعدين فعلا البصله مشاءالله بتلمع لمع فشر عريس ليله عرسه متلمع
سلامتك بالدنيا ياام يوسف المهم اجت على ضوو السياره سلامتك انتي وولادك بالدنيا

بس هلاء بتقول لي شو جابك لغزه! مش بقولك شكله صار لك بالحج! متاكده ماحدد هفك اشي ههههههههههههههه

[طيـــف]

عن جد ام زيد ماجربتوهم من قبل
يييييييييييي تعالي شوفي احنا
مواليد الكويت وطول عمرنا بالكويت
وكل الاكلات الشعبيه الحمدلله بنسويها وفي وقتها
مامخلين سماقيه رومانيه حمصيص بصاره اممممممم كشك
كللللللللللل الاكلات الشعبيه بنسويها ...... وسبحان الله ياربي ماطيبها
بتحسي يختي فلوكووووووووووووووور:) ونفسي اعرفك عليهم:)



يمككن لانه ياام زيد مش من غزه او يافا
مشان هيك مابتعرفيهم من الضفه انتي؟؟

كل الناس خير وبركه بس انا فلسطنيه من غزه وامي يافاويه
يعني مهجنه:)

[طيـــف]

ام مودي تكرم عينك ولو............

جد والله بدك ملوخيه ناشفه؟؟
معي واحد بالدوام مسافر لكندا هالشهر لو بدك ارسلها معه او بالFEDX احكي لي شو بدك والله جد ...

بعدين يلا عاد خلصو تعووو مليت وانا استني جيتكم...

ام مودي صحيح بدي اسالك اهلك بابو حليفه اهل زوجك كمان هون بالكويت؟؟

شوفي انا بعتبار بلديات زوجك يفترض اني بنت حماكِ

دافعي عني :) وشوفي حجه ام يوسف يل بتقول لي من وين بعرف هالاكلات باللله!

يلا ادينا بندردش............شو هالخبزات بشهوا
يختي نيالو فيكِ شكله واقع واقف زوجك هههههههههههههه :ss:
اليوم الخميس وانا من سهرانه لك :) الساعه عنا 12.20

[karima9]

....و لي في الصورة بالفول و الفول لونه ابيض اي تطلع بيضاء لانه ما عندنا ملوخية عندنا الخبيزة و السبانخ و الملوخية نعرفها من خلال الافلام المصرية (ملوخية بالارانب , ملوخية بالبط ................) لكن لم يسبق لي ان ذقتها .

[ام مودي]

هلا طيوووووووووووووف..يا بنت بيت حماي يا عسل يا ريت بيت حماي عسل زيك..احم احم بس بس..دخلنا بالسياسة..
حبيبتي انا اهلي بابو حليفة و اهل زوجي كمان كانو بابو حليفة بس هلا..صارو بالمنقف..شفتي احنا بنتزوج و نتقرب و هم بيبعدو عن بعض..ها ها ها..فهمتي شي..
شفتي زوجي المسكين واقع واقف قال ..و من قوة الوقعة على رجليه انضغط..قام طلعلو كرش..
ايوا يا عم..الليلة خميييس..و السهر لابو موزة..ان شاءالله نزوركم شي خميس ..و نسهر بس لما اجي..ماللا جية شكلي قد ما حكيت فيها مش جاية
و تسلمي يا عسل..الملوخية بس اجي باخدها منك سخصيا..يا مذوووووووووووووووووقة..

[طيـــف]

مين ابو موزه ماعرفتو :[MM :[MM :[MM

ههههههههههههههههه بس حلوه السياسه

شكلهم بيت حماكِ من الاحم احم حوالينا ولا علينا يارب
اسكتي اسكتي شكلهم من اللي في بالي>>>>>>>>>>>>>>>الحقييييييييي ياوعود حديث سياسي
هههههههههههههههههههههههههههههههههههههه

بيني وبينك منييييييييييح ماسويتي فيه ربيتي له كرش احسن :ss: مشان مايفكر لايشوف ولا ينشافهاهاهاهاهاهاها فهمتي شي

بس ترى ابوحليفه مابتبعد شي عن المنقف كله شارع
شو نحكي احنا بالسالميه؟

يلا هانت ماضل اشي على الجيه يارب

[الفتاةالطويله]

طيب يا طيوفه طيب بدها حق عرب هادي انا شو صارلي بالحج ...........هم عند الرجم رموا فوق راسنا حجاره بس ما اجا على راسي شي الجندي طول الوقت يقول وطي راسك يا حجه شفتي دار باله علينا .........صحيح انا نسيت اعرف انك كويتيه ونسيت اصلك من وين فقدت نص الذ1اكره بالحج وجيت بنص منيح اللي ما نسيت ابو يوسف وهم ابعدوه عني هناك.....شفتي كل واحد بغرفه قال .............

عنجد بدي طريقه بصاره لصحن ووعود مش فاضيالنا كنها ..............


ليه ما بشوفك بالمسنجر ها وينك عنا اشتقتلك ويا ام مودي وقفي معي ...........اشكرك على كلامك الحلو يا مربى انتي( مش انا عسل انتي مربى )

[طيـــف]

ولك ام يوسف هي فعلا الرجمه اثرت على ذاكرتك>>>>>>>>> حق العرب صار الي انا
مش هداك اليوم حكينا وسالتني انتي من وين بغزه؟!
وهلاء بتحكي لي انتي كويتيه !! ولك قلت لك انا مقيمه بس بالكويت بس انا فلسطينيه
ههههههههه الظاهر والله مش الرجمه يل اثرت على مخك

لاء ...........اللي اثر عليكِ
انهم حطو كل واحد فيكم بغرفه ............... وخربو تخطيطك هو يل اثر علي اعصابك


بتعرفي ناويه احكي للبنات وافتش سرك شو كنتي ناويه تعملي بالحج..........



:D

[رندوش]

وينكمممممممممممممممممممممممممممممممممممممممممممممم مممممممممممممم
شو القصه حق عرب و الحج و تفشي السر وانسينا البصاره
على فكره انا ما باكل البصاره ابصر ليش
على وزن واحد بس والله كل من حول بيموتو فيها و بيفطرو وبيتغدوا و بيتعشوا منها
شو هاده هيك لذيذه ما بعرف بس بسمعهم بيوصو بعض لما تعملي ابعتيلي وأنا زي
الاطرش بالزفه هههه
شو هالصدف يا طيف انك من غزه بلديات انا وانتي اهلا وسهلا في العرب كلهم
ليزعل حد مني بس يا فتاة الطويله كيف الحج معك ان شاء الله مسهل و ما في مشاكل

مثل حجاجنا الله يغفرلهم كلهم تعبانين و في الفراش عقبال عندنا وعند كل السامعين

آمين يا رب العالمين

بس الصحيح تسلم دياتك

[طيـــف]

احلي صدفه يارندووش والله
واختي اسمها متل اسمك:)

الله يحيييكِِ ويعزك يارب

[وَطَن]

بسم الله الرحمن الرحيم
تحياتى لكل الصبايا
يعطيكوا العافية يا صبايا على هالبصارة، كل هذا وأنا مش هون، على كلا صحتين على قلوبكم
على أى حال أنا بحطلها دقة جرادة وفلفل مع الثوم بتخلى طعمها أطيب،

[وعود الخير]

ما شاء الله تبارك الرحمن
وانا حضرت الملفوف ورقته وسلقته ..
وباستنى بطيف لتيجي تساعدني
أثاري الأخت غايصة في البصارة لو بعرف هيك مات جبت البصل الأخضر..
غلطة وبنتعلم من أخطائنا
بس كيف طيف..
كاتيا فكرتك من طول كرم .. بس ام يوسف اللي نسيت خالص
يا بنات طيف من خان يونس
وديري بالك تبعثي ملوخية ناشفة لأم مودي بال DHL احسن مصيبة
بعدين باحكي شو صار مع قريبي لما اخذ ملوخية من كندا لأمريكا.

[وَطَن]

السلام عليكم ورحمة الله
يعطيكم العافية‘ اسمحيلى أنا أساعدك طيف مش هون
نغسل الرز ونصفيه ونفرم البقدونس وندق راس ثوم وعصرتين ليمون والملح والكمون ورشة زيت طبخ كله مع الرز ونبدأ فى اللف أه نسيت اللحمة المفرومه نضيقها للخليط وممكن الإستغناء عنها مع وضع مكعب مرق الدجاج
نلف بالطريقة المعروفة، فى قاع الطنجرة يمكن وضع اللحمة الريش ورشة كمون مدقوق مع راس ثوم ونبأ بصف الملفوف عند نصف الكمية أضع طبقة أخرى من الثوم والكمون فى النهاية نضيف الماء الساخن حسب حاجة القدر أو بطريقة وضع الصحن، أنا بحط صحن وفوقه زبدية فخار على نار عادية ثم هادئة وعندما نقترب من نهاية نضجه نضيف عصير اللليمون المخلوط مع الثوم والكمون ونتركه يكمل ما تبقى له أى حتى يتشرب الليمون.
الطريقة سهلة بس شكلها طويلة، هذه هى طريقتى بس .......... طيبة :[]: :[]: :[]:

[وعود الخير]

شكرا يا جبل النور
بس انا بدل زيت القلي باضيف زيت زيتون وبعدين باقلي اللحمة المفورمة مع الرز علشان الرز يتشرب طعم اللحمة والبهارات
وفي النهاية مع الثوم والليمون والكمون باحط نعناع ناشف وشوفي الطعم كيف بيصير
ومعك حق طريقتك طيبة
بس انا كنت بانتظر بطيف تساعدني عمليا في لف الملفوف..
على كل تشكري ..

[طيـــف]

ياقلبي ياجبل النور
الله يسعدك يارب
:) والله اصيله وفيكِ الخير


حبيبتي وعود عرضت عليكِ خدماتي بس ماعجبتك:)
وانا لسه عن عرضي
ممكن اتفضل بالملفوف بس اتفضل اكل ولا يهمك
بس يخلص الاكل نادوني )

[وَطَن]

تسلمى يا أخت وعود راح أجرب النعنع واهلا بيكى يا أخت طيف مش عارفة ليش كل بنات خانيونس كسولات؟؟
بس على الرحب والسعة بمزح اوعى تزعلى زعلهم غالى علية أهل هالبلد

[طيـــف]

هههههههههههههه جبل النور الله يحيكِ يارب

لا والله العظيم مش كسوله

بس بتعرفي شغلي صعب كتي
تخيلي دوامي من الساعه7.30 للساعه4
اليوم القصير بروح لاهلي 4 العصر
ولا قبل ال5 مابطلع :) وغير هيك طول نهاري شغل وحركه
مابوصل البيت الا هلكانه خللللللص

بس والله قبل مااشتغل من عمري15 كنت معروفه اني نشطه وبحب وقفه المطبخ:)

وخواتي والله ستات بيوت بعجيوكِ
:(:( هيك خليتني اعمل دعاااي لحالنا ياعيب الشوم ياطيف شو بدهم يحكو عنك


شفتي ياوعود بنتك طلعتي من القطاع خير شر
اجت حبيبتي ام يوسف طلعتي من البلد كلها

ياخرااشي يختي اروح فين

شو قصت الملوخيه يلا احكي؟.
خلص رح انتظر ام مودي للشهر الجاي بتستلم ملوخيتها على الهواء مباشرة
جبل النور اقوم حبيبتي اغلي لك شاي بالنعنع للتاكدي اني نشطه والله:)


وعوووووووووووووود احكي لك كلمه انا هيك كسوله:(


جبل النورمن وين من غزه؟؟

[أناغيـم]

ما شاء الله بهالغيبة كتروا بنات غزة

طيف ... قابليني في الحوار العام شاركي في الموضوع بسرعة بعدك مكانك.

[الفتاةالطويله]

يا رندوش وصلنا تعبانين ومرضت بعدها بيوم بس الحمد لله قطه بسبع ارواح بقاوم وما بنام بس امرض ميشان هيك ما بطول ..شكرا على سؤالك مش زي بعض الجماعه بدهم يقشوا الأسرار ...........................

يا وعود ما بتحطي رب البندوره عالملفوف؟ انا تعلمت من دار عمي احط وجاي عبالي اجرب البقدونس مع رز الحشوه بس خايفه اولادي يقولوا ييييييه شو هدا و تخرب الأكله ........مش كل شي بيعجبهم

عنجد بنات وين البصاره راحت ؟؟؟؟؟؟

[طيـــف]

يقطعني ان شاءالله :mad: :mad: :mad:

ولك زعلتي ياام يوسف
ترى والله بمزح مابقدر على زعلك ! ولا بقدر افش سرك ولو
:( اوعي تصدقي او تزعلي والله مابهون لي زعلك

[الفتاةالطويله]

فوتي عامسنجر بتقدري ؟ ولا خايفه مني ها.................ضايل معي كم حجر ما رجمتهم ..........

[وعود الخير]

بنات
نرجع للبصارة
احسن دعاء تزعل منا...

[الفتاةالطويله]

يا وعود استنيتك تعطيني المقادير بالضبط ولا مره عملتها وبدي اعمل بقدر صحن او حصنين بس

[طيـــف]

ترجميني بالحجار ! الله يسامحك ......!!

انا بترجم بالحجار !اوكي مش غلط بس انا بالدوام مشان هيك مابقدر ادخل المسنجر

و لامش خايفه لا من الرجم ولا منك!


:(

[الفتاةالطويله]

طيب لاقيني بالليل بستناكي عند الدوار عالمينجر اوكي ونشوف مين ما بخاف...... اشتقتلك

[احاسيس مرهفة]

شو اخباركم ياحلوات جكيتكم بالكويتي

شو هالحركات الحلوة يا دعاء .

طريقة حلوة للغاية .

بس لازم ملوخية ناشفة ماتصير بغير شي >>>>>>> وحدة بتتحايل على القانون

وبعدين البصارة الفلسطينية هي نفسها البصارة المصرية والا ايه ؟

[وعود الخير]

اهلين سيسو
منور ركنك ياجميل
شوفي اعتقد انها نفسها وبعدين يمنعالتحايل على القانون .. ناشفة يعني ناشفة مو جافة.
خليني اهرب قبل ماتيجي ام يوسف.

[مليكة القلم]

بصاره يم يم :)
بحبها كتيرررررررررر
بس نحنا لازم نضيف مع التوم لما نقليه لازم نضيف له كزبرة مفرومه شوي بس عشان النكهة بتطلع كتير طيبه
وزكرتيني اعمل الاكلة هاي :) يم يم شو بحبها

بس انتِ كم مقاديرك
يعني لكل كاسه فول مجروش اديش بتحطي ملوخيه ناشفه؟