صديقتي ومشكلتها

[صبيحة]

السلام عليكم ورحمة الله
خواتي انا انقهرت كتير على صديقتي لانها حكت لي قصتها وطلبت مني اكتبها لكم لعلنا بنلاقي لهال حل
بتقول انها عاشت في بيت اهلها طوال سبعة وعشرين سنة من البيت الى المدرسة فقط بتقول انها ما يوم زارت هي ولا اهلها احد لا جيران ولا اهل الا فقط في المناسبات والمناسبات هادي بتجي مرة بالسنة ومرات بيمنعهم ابوها ايضا من الدهاب لبعض المناسبات
ابوها ما كان بيرضى يخرجو من البيت حتى لزيارة الاهل
خواتي صديقتي بتقول لي انها طوال حياتها في بيت اهلها والدها لم ياخدهم فسة
وتبكي وهي تتكلم وبتقول انهم والديها كانو بيتخاصمو كتير وابوها كتر من الاحيان كان بيعصب
والمهم بتقول انها تعودة على كتم الحزن والصمت واتعودت انها من تسمع كلام من امها وابوها واخوانها انها تكتم بداخلها وتبكي باليل
وبتقول انها حياتها ببيت اهلها عبارة عن سجن حتة الحيقة ابوها مانعهم بيخرجو لها

والان تزوجت وربنا اكرمها لصبرها
لكن ما عم تقدر اتواجه العالم الخارجي بتقول المسكينة انها عندما تجلس بمجتمع نساء عندما يجرحوها بتسكت وما بترد
ويا عيني عليها بتخاف من كل شئ حولها حتى زوجها

وبتقول انها فقدت الثقة بكل شئ

وبتقول لي انصحيني كيف اقدر اتغير حتى اوجه هدا العالم لان زوجها بيقول لها انت ليش ما بتعملي الشئ الى عم يريحك وليش دايما تمشئ بكلام الاخرين ووووووو

وهي ما تقدر تتكلم عن الشئ الى بيداخلها

[صبيحة]

زوجها بدء يتضايق عم يقول لها حاولي تغيري حالك ما بيصير هيك كل اشئ بتقوله لك سلفتك بتقولي لها نعم

بنات كيف نساعدها لانها بتقول انها بتعمل كل اشئ ما بترغب فية وما عم تعرف ليش بتقول لاني اتعودة من بيت اهلي
طيب هل في امل تتغير لان زوجها مل من حالها وهي ايضا بتقول انها تعبت كتير وخاصة انه النساء من يلاقو بنت ضعيفة وهات يا كلام

[(راما)]

حبيبتي صبيحة،،
مشكلتها محلولة لأنها عارفة شو هي المشكلة و عارفة أنها بتسمع كلام الناس و هي مش مقتنعة ،،
يعني بس بدها شوية جرأة و استماع و أكرر استماع
لانها مش متعودة انها توخد قرار بنفسها يعني ممكن تعما اشي بس لمجرد ان يكون رايها مختلف و علشان هيك تحاول تسمع و تخزن في مخها و تحلل المواقف و الاراء في وقت رايق تشوف الصح و كيف ممكن تتصرف اذا في وقت للتفكير..
و ما تندفع و تحاول تتثقف و تقرأ تشوف برامج هادفة و غيره علشان تكون الها اراء خاصة فيها لوحدها
تحاول تتفاعل مع الناس اذا عملت اشي و زوجها حكى الها كيف بتسمعي كلام سلفتك او فلانه ؟ وين رأيك؟ لو حكت له وجهة نظرها و كان الها فعلا وجهة نظر رح تقنعه و تبين اله انها فاهمة و عارفة و عن فهم مش لانها سلفتها
و الحياة حبيبتي ياما تعلم