ليلة العمر (للمتزوجات فقط)

[a&a]

السلام عليكم

اليوم لقيت موضوع جميل جدا عشان نسولف فيه واللي اكيد كل وحده منا يالمتزوجات مرت فيه(ماقلت لا تدخلون يالغير متزوجات) واللي هو:

ليلة العمر

وهذي الليله الي مستحيل اي وحده منا تنساها فاليوم حابه نتذكر مع بعض احداث هذي الليله والتجهيزات لها وايش كان فيها من مواقف او مشاكل لا سمح الله او حركات غريبه...واللي حابين تذكرونه عن هالليله اذكروه بس هااااه حدكم اليييين باب الغرفه بعد كذا ستوووووب((K))



وانا ببدأ اول وحده:
انا كان زواجي وزواج اخت زوجي في نفس اليوم
والقصر اللي كان فيه الزواج حضرت فيه زواج قبل زواجي وكنت اقول اللله لو زواجي يكون في هالصاله ...وسبحان الله تحقق حلمي
اتفقنا على الزفه تكون اطفال صغار ولابسين نفس اللبس ومعاهم ورود وشموع فانزفو اول شئ الصغار وصفو على طول الممر اللي كنت راح امره
وبعدين كانت زفتي الاولى بما اني الكبيره ...بس المفاجئه لما اجتمعت انا والعروس قبل الزفه طلعت فساتينا زي بعض الا اللهم اني انا شفته جاهز وفصلت عليه وزدت فيه حركه ...وهي أخذته زي ماهو...سبحان الله
المهم جاء وقت زفتي وبس طلعت من ورااء الستار وتسلطت علي الانوار جتني رجفه من اعلى راسي الى اسفل قدمي...وامي كانت جالسه على كنبه جنب الستاره ..ويوم شافت رجفتي اسمعها تعوذني وتسمي علي...المهم مشيت في الممر اللي حسيته اطول ممر في حياتي واشوف الكوشه بعييييييده وكنت اتلفت واوزع ابتسامات لاني كنت ابغى اشوف الحضور...وبعدين كانو اخواتي واقفات على درجة المنصه قدامي ينتظروني...ويوم جيت اطلع الدرج ...مسكت الجيبونه في الدرجه الاولى وبغيت انقلب على ظهري...بس الحمدلله دوبني ميلت الا واخواتي ماسكيني...وبعدها جلست على الكوشه وجلست انتظر العروس الثانيه
انزفت وجلسنا بعدها وجو الحريم يسلمون علينا وبعدين بدت عيوني تدمع وبسرعه جابو علبة مناديل يهفهفون علي قالو المكياج بيخرب وبسرعه بلعت الدموع....
ورقصو وما امداني اجلس ربع ساعه الا والمشرفه على القصر تقول مين اللي زوجها طويل قلت انا ...قالت يقول يالله هاتو العروس وطنشت... وشويه الا وهي راجعه تقول عريسك يبغاك...وقمت طلعت وشويه طلعت العروس الثانيه...ورحنا غرف المعاريس(بعد ها جات امه تقول ليش استعجلتم ما خليتم العرايس شويه ينبسطون...قالو احنا ماقلنا شئ...طلعت المشرفه تبي العرس يخلص وبس)......بعدين جو اخواني وامي وزوجي طبعا ...وجابت لنا ام زوجي العشاءوجلسنا نتصور ...بعدين فصخت الجيبونه ولبست عباتي وانطلقنا الى عش الزوجيه...والباقي عاد مالكم دخل (سر المهنه)((K))


يالله انا في انتظار اعراسكم = زواجاتكم = زفافاتكم ( راح فيها النحو)

[غزاله]

هلا والله بالغاليه a&a

والله موضوعك حلو يذكر كل وحده فينا بأحلى الأيام واسأل الله ان تكون ايامنا جميعا حلوه تحت طاعة الله سبحانه


بس ما قلتي متى كان زواجك اي قبل كم سنه ؟؟؟؟؟؟ طبعا اذا مافيه مانع


ويسرني اكون اول وحده تشارك معاك :-M


اما بالنسبه لي تزوجت عام 1419 هـ

وكانت ليلة زواجي الحمد لله بسيطه وكنت انا وحدي في الزواج يعني ما معايه عروس ثانيه

بس اللي كان منكد عليه ليلتها اني من شدة نحفي فستان الزواج صرت اسبح فيه

يسعني ويسع معايه ثنتين ولسوء الحظ ماجى الفستان الا عصر اليوم الأول يعني اليوم الثاني زواجي

مايمديني اسوي فيه ولاشيء

وقعدت حزينه كيف اخرج بهذا الشكل وكان زواجي اول زواج في الإجازه بعد تخرجي من كلية التربيه على طول

بس ربك يسرها اختي الكبيره كانت متقنه للخياط والتفصيل على مكينة الخياطه وقدرت تسيطر على الموقف

وكانت زفتي بسيطه خرجت بزفة اخوات لي في الله غطاريف ودق دفوف

والحمد لله بشهادة كثير من اخواتي الغاليات في قريتي ان زواجي تلك السنه كان احلى واجمل زواج

وهذا فضل الله له الحمد والشكر

والآن انا عندي البراء 6 سنوات في التمهيدي

ومعاذ 3سنوات قاعد يونسني في البيت

ولك اختاه كل الحب والتقدير على موضوعك الحلو الذي يدل على جمال روحك

محبتك

ام البراء

غزاله

[الخقاقة]

مرحبا اختي a&a

بصراحه موضوع حلو ... وتراني ضحكتني سالفه الجيبون حقتك هههههههههه الله يعينك لو كنت مكانك كان اغمى علي من الفشيله ههههههههههه

المهم با قول لكم شو صار لي ليله عرسي..

انا متزوجه من سنتين تقريبا يعني الذكريات للحين فرش ;)

عرسي سويته في احدى صالات الفنادق بصراحه ما كان ودي اسويه هناك بس اصرار من زوجي انه ما يبي عرسنا يصير في اي مكان وطبعا انا كنت اقنعه واقول له نسويه في اي صاله اصرف لنا واخف للمصاريف عاند وبعد الزواج اقتنع بس بعد ايش ههههههههه ((K))

المهم انا ما كنت ابي زفه فيها اطفال ولا حاجه زي كذا كنت ابي بس انا وزوجي نمشي وفعلا صارت الزفه كذا دخلنا انا وزوجي الصاله وكنا نمشي على مهلنا والصاله كلها ظلام والضوء مسلط علينا وانا كنت لا اطالع لا يمين ولا شمال امشي كني في حرس وطني هههههه من الخوف المهم وصلنا الكوشه وريلي على طووول لما وصلنا قعد على الكرسي فانا بسرعه صرخت فيه اوووقف بسرعه مو الحين نقعد.. ففز بسرعه وقف ... فالمسكين كان شكله يضحك يا عيني هههههههههههه وللحين لما ابي اضحك اشغل الفيديو حقت عرسي هههههههههه

وبعدين قعدنا وشربنا العصير او بالاصح ريلي اللي شرباه لاني ماضقته خير شر وقصينا الكيكه وكان شكلها رووووووعه وطعمها الله عجيب هههههه
وبعدين عطاني ريلي هديه على الكوشه وخلصت الحفله ورحنا فووووق غرفتنا في الفندق ويابوا لنا العشا ومن الجووووع ولاني ماكليت شي من الصبح اكلت الاولي والتالي ههههههههههه وبعدين خلاص عاد ستوووب هههههههه

والحين عندي ولد واحد عمره سنه ونص تقريبا :-M

[المغتربه..]

هلااااااااا a&a والله موضوعك دخل ناافوووووخي #R#R

انا يوم زواجي هذا يوم رهييييييييب .. تخيلوا لين يوم الزواج الصبح وانا ماخترت الورد الي بامسكه وقت الزفه!!

عاد ليلة الزواج الزواج كانوا خالاتي وبنات خالاتي والدنيا كلها جايه من الراياض وبايتين عندنا

وبما ان الليله هذي ااخر ليلة معهم سهرنا سواا للساعه 7 الصبح .. وبعدها سحبتني اختي غصب للغرفه انام

تقول مهبوله انتي وراك عرس ودنيا وانتي مانمتي !!

واي نومه هذي الي نمتها الله لايوريكم .. حلمت اني تزوجت وسافرت وعيلت وعجزت بعد
ههههههههههههههههههه

المهم الساعه 10 وانا بالسياره مع اختي رحنا نختار الورد .. وقعدنا ندور للساعه 1 ليييييييين لقيناه والحمدلله

بعد كذا نزلت ببيت عمي لاني كنت متفقه مع مرة عمي هي الي اروح معها الكوفير وتوديني للزواج بدل الصجة الي عندي بالبيت

الساعه 5 العصر وحنا عند الكوفيراا .. وكانت المفاجأة !!!!!

الكوفيرا الي حجزت عندها مريضه وماقدرت تجي اليوم !!! شوفوا التساليط .. والباقيات ما اعرف شلون شغلهم

ولاقد احد مدحهم لي !!!

والله ورطه !!

وادق على زميله لي لبنانيه تسير خالتها كوفيرا رهييييييييييبه لكني ماخترتها لانها تسوي العروس ب 3 الاف رياال !! تخيلواا ..

لكن الله يسعدها زميلتي كلمتها ووافقت تسوي لي مكياج عروس لكن مهي معلمه المحل اني عروس وبيحاسبوني
عاادي ..

والله الحمدلله طلع المكياج يهبببببببببل والتسريحه تهبل بعد ..

المهم على مارحت البييييييت .. ولبست ومرة عمي تلبس وحوووسه .. يالله وصلنا الزواج الساعه 1

وكل شي كان متعطل على جيتي لان فقرات الحفله مرتبينها تكون ورا بعض

اول شي بنات خالاتي وعماتي الصغار انزفوا على اغنيه حلوه ورقصوا عليها ..

بعد كذا كان عرض بروجيكتر فيديو .. من يوم اني بالكوفله لين يوم الملكه .. صراحه كان مره حلو

بعدين .. الزفه !!!!!

يوم قالوا الزفه .. وجانوا خواتي وبنات خالاتي .. يالله يالله .. صرت أضضضضضضضضضحك مو مصدقه عمري
وهم يضحكون معي .. والله وانا اطلع من غرفتي رايحه لبوابة الصالة حاسة اني كني داخلة حفله تنكريه مب زواجي اناااا !!

المهم .. ومن عند الباب جلست أأشر لزميلاتي وارسلهم بوساات واضحك وهم يضحكون ..

وشغلوا الشريط ودخلت ..

وقتها بس .. اختفى الضحك .. وكشر الوجه واخترعت .. بسم الله كني داخله غرفة العمليات

بس يوم مشيت شوي وشفت امي قدامي .. وتذكرت انها كلها كم يوم واسافر عنها بديت اصيح ! اصيح واضحك

هههههههههههههههههه

واخيرا وصلت الكوشه .. وجلست وبدوا يرقصون وقمت والله ورقصت .. بالبدايه كنت مستحيه .. بس بعد شوي

رقصت لين قلت بس ..

والحمدلله

جا العريس واكلنا الكيكه وسلمت على اهلي وانطلقنا لعش الزوجيه ..

رح اكملكم وش صاار بعش الزوجيه .. لانه اصلا ماصار شي ..

دخل زوجي الحمام .. وانا غيرت لبسي ودخلت تحت اللحاف واغمى علي .. من التعب .. والله نممممممت ولا ادري عن زوج ولاعن شي ..

وسلامتكم

غثيتكم بحكيي شكلي اطول وحده تكتب .. بس معليش تحملوني :)

[طيـــف]

هههههههههههههههههههههههههههههه

ام عبدالرحمن ( المغتربه


ولك مووووووووووووووتيني ضحك على حكياتك

والمشكله انا بالدوام والكل بسالني ع شو بتضحكي

ههههههههههههههه الله يسعدك كلامك بجنن خصوصا التكلمه:)


ام عبدالله ....... ولا انتي قصتك مشاءالله

بس مالي مكان بينكم للاسف
:(

[ريـم الشمـال]

مواقفكم مضحكة مررررررررررره

بس و الله دخلت لقافة تعرفوني ملقوفة زياااااادة عن اللزوم أنا لسى بدري علي


و حبيت بعد أسلم عليكم

[a&a]

اهلين اختي غزاله

انا زواجي كان قبل عشر سنين

اما سالفة النحف ايام الزواج فهذا شئ دايم الحصول...انا كان عندي فستان من فساتين زواجي امي رافضه اني البسه لانه ماسك على جسمي...ويوم لبسته بعد الزواج كنت ادور فيه دوران...

الحمدلله ان زواجك تم على خير وكان من اروع الزواجات

ومشكووووووره على الإطراء الجميل

[دراوشة]

بسم الله الرحمن الرحيم
حلو هالموضوع بيخلينا نتذكر
بس فيه عنا متل بيقول عجوز وبتحكي عن ليلة عرسها
انا عارفة ان المتل ما ينطبق على الكل بس يعني دايما نحس انه هذا اليوم صار له زمان
وانا اللي صار معي انه عندنا العادة قبل 21 سنة العروس اذا بيتها قريب من بيت العريس بتطلع من بيت اهلها بزفة
يعني مجموعة نسوان ومعهم طبلة وبيغنوا اغاني افراح ومعاهم مجموعة من الرجال اللي بيمشوا قدامهم
ومين اللي بيطلع العروس خالها واخوها الكبير
وانا طلعوني اخوتي وقد ما كنت بكيت في بيت اهلي ما قدرت اوقف على رجلي
واخوتي تقريبا حملوني وكان لازم بعد ما يوصلوني مسافة قريبة من بيت زوجي يتركوني مع نسوان تنتين من اهل العريسسس بس ما قبلت لاني مش قادرة امشي على رجلي
وظلوا معي لحتى وصلوني
بس لما وصلت صحيت ونسيت كل البكي مع انني اسة عم ابكي
لاني تذكرت اخوي الكبير اللي توفى قبل شهرين وكيف كان يوصف هالحادثة ويظل يضحك
وانا بطلب منكم تدعوا له بالرحمة
وشكرا

[a&a]

اختي الخفاقه الحمدلله ان موضوعي عجبك

ضحكتيني انتي والحرس الوطني...مو عشان كذا انا جلست اتلفت واوزع ابتسامات...لان الناس الاحظهم دايم ينقدون يقولون هذي ماشيه على طول على المنصه...وبصراحه كان ودي اشوف المعازيم وصديقاتي يأشرون لي...

ماشاء الله عليك تعشيتي يوم عرسك...انا والله ماذقته عطاني لقمه ويالله اكلتها وقلت الحمدلله شبعانه
وانا من الصبح ما ط بطني غير حبة بيتزا واتفرج على العشاء وميته حسره بس ماني قادره ابلع اي شئ واحس شكلي غلط وانا اكل...وجلست الحاله معايه اسبوع وانا مستحيه اكل معاه بس ماشاء الله يوم شفته ياكل وماهمه تجرأت

ومشكوووره على مشاركتك

[a&a]

اختي المغتربه...وش هالزواج ماشاء الله اهلك ماقصرو معاك...حلوه حركة البروجكتير بس على ايامي كانت ما طلعت
والله ذكرتيني بيوم زفتي خواتي وبنات اخوالي واعمامي متجمعين وراء الستاره وبدت الزفه يقولون اطلعي قلت طيب شويه ..قالو اطعي والا بندفك...عاد تخيلي وانا مدفوفه من وراء الستاره ...قلت لا خلاص انا باطلع ..وبالييييالله قدرت احرك رجلي

والله ماشاء الله رقصتي وشبعتي بعرسك...احسن مني ما امداني اشوف المعازيم

احم احم يعني كملتي عش الزوجيه والله انك تضحكين ماشاء الله عليك شكلك ماخذه على زوجك مره ...والله ماقدرت يومها اغمض عيوني ويوم نام قدرت انام شويعالساعه 6 الفجر...وشويه حسيت ان فيه احد يطالع فيني وصحيت ولقيته صحيح يطالع بوجهي وقمت يمكن كلها نص ساعه ...وتخيلي بعدها ما نمت الييين اليوم الثاني الساعه 3الفجر والله كان عندي ايام الزواج فقر في النوم

اسعدني مرورك

[a&a]

اختي طيف
وريم الشمال
نور الموضوع بمروركم الغالي...لا تعالو انا امزح...اللي عندها اي زواج وحابه تتكلم عنه تتفضل الله يحيها

اصلا حلات الموضوع بتعليقاتكم الله لا يحرمنا منها

[a&a]

هلا والله بدرواشه

لا عجوز ولاشئ...لو جلسنا نفكر بهالطريقه ماعاد عشنا ايام حلوه..بالعكس تذكر الماضي الحلو يخليك تتحمسين ويزيد نشاطك ويرجع لك حيويتك ايام الزواج

على الاقل الوحده منا ما تكون من ناكرات العشير وتتذكر انه في ايام حلوه قضتها مع زوجها

والله انتي حالتك حاله...كل هذا من البكاء...ماعاد فيك حيل...اجل مسكين زوجك وصلتي عنده وانتي منتهيه
الله يغفر لأخوك ويرحمه ويسكنته في واسع جناته

[halariayl]

والله انه موضوع حلو بذكرنا بالايام الحلوه

أنا عرسى كان عرس بسيط وعادى لانه أيامها كانت حرب الكويت فالناس ما كانت تعمل أعراس

بس صارت حفله كثير حلوه ورقصت فيها انا وزوجى لغاية ما انهد حيلى بس لما رجعنا على البيت ما لقينا العشا اللى محضره زوجى وصرنا ندور عليه وما وجدناه فأكلنا خبز وجبنه q)

ثانى يوم سأل امه عنه قالت يمكن الاولاد أكلوه لانه كان فى ناس كثير بالبيت

بس عوضناها تانى يوم بالعشا ((K))

[a&a]

هههههههههههههههه والله حلوه يا حرام وش سوو فيكم خلوكم تتعشون خبز وجبنه ...كويس والله انا يومتها ماكان في الثاجه غير عصيرات وكيك وحلويات...ومافيه لا خبز ولاجبنه لانهم عارفين انا يومين ومسافرين

عاد والله سامعه قصص كثير عن مزحات الشباب في العرسان حسبت احد مسوي فيكم مقلب

لان بنت عمي تقول تزوجت وكانت هديتهم من اخوه ليلتين في فندق...المهم ليلة العرس مادرو الا والباب يدق عليهم...وفتح الا واخوانه يقولون بس حبينا نبارك...ودخلو واكلو عشاهم والعصيرات والكيك اللي بالثلاجه وطلعو وخلوهم

[halariayl]

يا ريته طلع مقلب يمكن أهون
بس هم القرود اللى كانو ما خلو لا أخضر ولا يابس

[a&a]

:) :) :)

[a&a]

ماشاء الله خلصو المتزوجات؟

[المغتربه..]

يووووووووووه ليش الموضوع خلاص بغى يرووح .. يالمتزوجات تعالوا حكونا .. وينكم ..