الطرحه

[سلسبيل مصر]

عايزه طرق للف الحجاب العادى ويريت بالصور وطرق للف طرحة الفرح :-A

[الكروان غنى]

حياك اخيتى الطيبة...
وان شاء الله احاول البى طلبك فى أسرع وقت..

[سلسبيل مصر]

شكرا حبيبتى كروان وفى انتظار ردك :-M

[مورى ميرو]

بسم اللة الرحمن الرحيم

دة اول اشتراك ليا معاكو ارجو ان تقبلونى عضوة معكم

اولا ازيك يا سلسبيل انا من مصر برضة

عاجبنى موضوعك لانوة شاغلنى

انا محجبة وشايفة اشكال كتيرررررررررررررر جميلة للف الطرح ونفسى اتعلمها خصوصا بمصر هنا كترت اوى الاشكال

ياريت لو عرفتى حاجة تساعدنى معاكى :-M جزاك الله خيرا

وشكرا ليكو جميعا W: W:

[سلسبيل مصر]

حبيبتى مورى اهلا بيكى عضوه جديده وكمان انا فرحانه انك بنت بلدى وتابعى معايا موض وع الطرحه انا مستنيه الرد من الاخوات W:

[sunny_moon]

أهلا بكل الأخوات المصريات وأنا كمان مصرية ونفسى فى طريقة لف للطرحة العادية تكون جديدة وحلوة وفى انتظار مساعدة الأخوات #R#R

[مورى ميرو]

ازيك يا سلسبيل ازايكو كلكوة

انا بقالى فترة مكنتش باجى المنتدى ولما جيت افتكرت انكو لاقتوة حل لموضوع لف الطرحة

بس الظاهر لسة q)

المهم انا لاقيت برنامج حلو لو بتشوفة بيجى على دريم اسمة اخر موضة لامينة شلباية

يمكن تعرفوة كانت عاملة حلقات رمضان للمحجبات بس وبتعلم لفات طرح وازياء زكل الحلقة للمحجبات

اول حلقة كانت مستضيفة نانيس سليم خبيرة تجميل وستاليست فى لف طرح الحجاب :-M

بصراحة البنت خطيرررررررررررررررررررة

استفد من افكارها

البرنامج بيجى الساعة 12 باليل بتوقيت القاهرة كل سبت دة علشان رمضان

وفى العادى بيجى يوم التلاتاء الساعة 4 العصر وبتقول حتعيد الحلقات تانى

انا مش عارفة اشرح ازاى لفت الطرح لان لازم صور وتشوفوة انا باعمل اية

بس المهم فى حل تانى


نانيس سليم نزلت cd فى الاسواق بتعلم فيها 7 لفات لف الطرح وكمان طريقة وضع مكياج السهرة والعروسة

وبتباع عند اى مكتبة كبيرة لبيع المجلات والجرائد اسم ال cd لمسة جمال

وعلى فكرة رخيصة ب 15 جنية بس ((K))

انا جبتها واستفدت كتير

اتمنى تكونوة استفدوة

واى سوال انا حاضرة

بااااااااااااااااااااااااى W: W:

[ccadbory]

شكرا يا مورى علىالخبر ده #R#R
انا هانزل بكره ان شاء الله ادور على الcd
انا فعلا شفت حلقه الطرح كانت خرافه بس مالقطش حاجه!! :(
كل سنه وانتى طيبه

[سلسبيل مصر]

شكرا يمورى يحببتى على المعلومات دى وهحاول اشوف الحلقه ودور على الcd مان فى برنامج على قناة اقرا مجلة المراه بيجيب لفات طرح كتير بس معرفش المواعيد بالضبط

[مورى ميرو]

طيب الحمد للة ان الخبر جديد عليكو

وياريت تلاقوها

كل سنةو انتى ال طيبة يا ccadbory

ولو كنتى من القاهرة هتلاقيها متوافرة فى المكتبات

انا اشتريتها من اركاديا مول فى محل بتاع مجلات وكتب اسمة الاهرام باين للقيتها عندوة :[MM

سلسبيل مصر:_

اتمنى انك تلاقيها فى سوهاج ولو ملقتهاش ممكن احاول ابعتهالك لان عندى ناس قريباى بيرحوة كتير سوهاج

لو تعرفى فندق ابو الوفاء هما اصحابة ممكن يسبوة هناك وتاخدية دة لو معرفتيش تجيبها

وانا تحت امرك لو احتجتيى حاجة

وبالنسبة للبرنامج دة على اقرا حشوف مواعيدة عندى بالمجلة واتابعة ان شاء اللة

يلا بااااااااااااااااااااااى :-Y دى بمناسبة العيد

كل سنة وانتو طيبين

[bellanona]

بسم الله الرحمن الرحيم
انا كمان من مصر وعضوة جديدة ويارب ماكنش تقيلة عليكوا.انا مبسوطة جدا لان فى ناس فى المنتدى من بلدى.وعلى فكرة انا كمان شفت الحلقة بتاعت لف الطرح على دريم .كل سنة وانتوا طيبين بمناسبة رمضان ولوانها متاخرة وكمان عشان العيد يارب ماكنش تقلت عليكو.باااااااااااااى

[مورى ميرو]

اهلا بيكى معانا يا bellanona

وكل سنة وانتى طيبة

انتى منين من مصر؟

[ccadbory]

الف شكر يا احلى مورى ميرو ):K
انا فعلا من القاهره /الهرم وان شاء الله اجيبها من كايرو مول
millle merci ya gameel ;)

[jolet_elgamela]

بسم الله الرحمن الرحيم السلام عليكم ورحمة الله وبركاته
انا مبسوطة جدا يا بنات انكم من مصر وعاوزة اشركم على المعلومات الجميلة دى ):K وياريت تدوم صداقتنا
وكل سنه وانتم طيبين W:

[sunny_moon]

مورى ميرو ..... أنا لو اعرف إن الحلقات كلها للمحجبات ماكنتش فوت حلقة :( يا ريت لو عرفتى إن حلقات رمضان حتعاد تقوليلى امتى علشان مش بالحق اتفرج عليه ........ merci ):K

[مورى ميرو]

ccadbory

شكرا حبيبتى واكيد حتلاقيها انا بعيدة عنك انا فى شبرا واتمنى نكون اصحاب


jolet_elgamela

واحنا مبسوطين بيكى معانا

عرفينا انتى منين كمان اوكى؟


sunny_moon

بصى حبيبتى هو اول حلقة كانت حلوة علشان لفات الحجاب

التانية كان عرض ازياء للمجبات وكمان كانوة عمليين لفات طرح حلوة

الحلقة التالتة كانت عن العبايات بس مكنتش حلوة اوى

وبس معملتش حلقات تانى

بس هى قالت حتتعاد لو عرفت امتى اكيد حقولك

وياريت يا جماعة نتعرف اكتر على بعض مادام كلنا مصريين وكل واحدة تعرفنا هى بتتدرس اية ولا بتشتغل ولو تحبوة على الخاص اوكى

وفينك يا سلسبيل انتى صاحبة الموضوع اختفتى فين؟؟؟؟؟؟؟؟؟؟؟؟؟؟ :eek:

يلا ومستنايكوة

باااااااااااااااى

[(راما)]

مرحبًا أنا مش مصرية بس عاوزة أتعلم طرق لف الطرح و ما عندنا ال cd تبع أمينة شلباية شو العمل؟؟؟؟ ما في صور؟؟؟

[مورى ميرو]

اهلا بيكى يا دعاء معانا

حبيبتى مش عارفة اقولك اية لو كنت بمصر كنتى سهل تشتريها

و مش عارفة انتى فين دلوفتى؟او ممكن ابعتهاللك ازاى؟؟

بس اول ما توقع تحت ايدى صور اكيد حبعتهاللك

بااااااااااااااااااااااااااااى W:

[sunny_moon]

أنا سعيدة إن احنا نتعرف على بعض وأنا من اسكندرية مهندسة 24 سنة W: ويا ريت تكون علاقتنا حلوة دايما

[سلسبيل مصر]

حبيبتى مورى وحشانى جداااااا والف شكر على العرض الجميل وكل سنه وانتى طيبه يجمييل :-Y
ويريت يمورى تنزننلنا صور


وكل سنه وانتوا طيبين يكاادبورى وسنى وجولى ويرب نفضل اصحاب ع طول

[jolet_elgamela]

ازيكم يا بنات كل سنه وانتم طيبين جميعا
انا طبعا يشرفنى اننا نكون اصحاب ونتبادل المعرفة احب اعرفكم بنفسى انا من مصر وبالتحديد من القاهرة وعندى 25 سنه وبشتغل فى مجال الكمبيوتر والانترنت انا كان نفسى اسألكم على طريقة لف الطرح بتاعة العرائس المحجبات

[مورى ميرو]

ازيكوة يا حلويين وحشتونى

ازيك يا سلسيبل


انا وفيت بوعدى ونزلت ليكو صور لفات طرح جديدة

زورة اللينك وبلغونى

باااااااااااااااااااااااااى

http://www.lakii.com/vb/showthread.php?t=107941

[سلسبيل مصر]

حبيبتى مورى الصور فى موضوعك مش راضيه تظهر مش عارفه ليه انا نفسى اشوفها
ويبنات اميره شلبايه قالت هتعيد الحلقات بعد راس السنه
وكل سنه وانتوا طيبينhappy new yeear :-Y

[مورى ميرو]

هاى سلسبيل

معلهش حذفوة الصور عندكو بالمنتدى هنا وحاولت ابعتلك رسالة خاصة مش راضى يبعت

على العموم زورى اللينك دة الصفحة 5 الموضوع منازلة انا هناك

بااااااااى

يمنع (http://forum.hawaaworld.com/showthread.php?threadid=252271) وضع روابط لمنتديات اخرى فى المنتدى

[مورى ميرو]

بقولك يا سليبل علشان اتخنقت من المنتدى بتاعكوة دة عامل حظر تجول عليكوة

مش عارفة ابعتلك رسالة خاصة ولا ايميل ولا راضيين يظهروة الرابط

ابعتى انتى طريقة اوصللك بيها وانا اكتبلك الرابط

علشان دى اخر زيارة ليا بالمنتدى دة

باااااى :S:

[ma3ash]

السلام عليكم ورحمة الله وبركاته
انا كمان من مصر ونفسي في لفات جديدة للطرح
وشكرا موري ميرو على الموضوع الجميل اللي اتشالت منه الصور انتي قلتي انك منزله الموضوع على منتديات تانيه
يا ريت اعرفها لاني فقدت الامل انهم يعيدوا الصور تاني ارجوكي متتاخريش عليا

[مورى ميرو]

ma3ash

اهلا بيكى بس انا هنا مش بعرف اتراسل مع حد معرفش لية حاولى تبعتيلى على ايميلى



وكملى باقى العنوان حاولى لان سلسبيل عرفت تجبنى وبنات كتير بعتولى وبعتلهم الصور

باااااااااااااى

يمنع تبادل الايميلات حسب قوانين المنتدى شاكرة لك تفهمك

[مورى ميرو]

سلسبيل

ازيك الايميل بتاعك دة مالة

كتبتلك رد مرتين وبيرجعلى تانى بيقولى الايميل فى حاجة غلط

انتى moon ولا moom??

ابعتيلى تانى

[روشنه]

شكرا بنات بلدي انا كنت بقالي كتير مش بفتح غلى المنتدى ولما فتحت الموضوع شدني لأن نفس الموضوع ده بيشغلني كتير لمااكون راحه سهره او خارجه بعد الظهر وشكرا لبكو وان هنزل اشتري cd اكيد انشاء الله بس يا ترى فيه افكار للعرئس المحجبات لأن خطوبتي قربت وانا عاوزه اكون محجبه وشكرا ليكو بنات مصر

[ccadbory]

ايوه يا بلدياتنا W:
نحن هنا
انا ماكنتش اعرف ان المصريين هنا كتير اوى كده
المهم انا برضه حبيت اعرفكم بنفسى انا من الهرم وعندى 19 سنه وانا كمان نفسى اكون صاحبتكم
وبالنسبه للفات الطرح انا خلاص فقدت الامل :rolleyes:
احنا متراقبين فى كل حته بس عرفت اجيب ايميلك يا مورى ميرو ((K))
يارب ادخل والاقيكى اونلاين
سلالالالالالالالالالالالالالالالالالالالام

[مورى ميرو]

ازيكوة يا حلويين

سلسبيل بقولك ايميلك بيرجع تانى وبيقول للايميل غلط ابعتيلى تانى

cadborry:_

انا شفتك اون لاين بس انتى مرتديش بسرعة وكنت انا مشيت

بس بعتلك ايميل فى عنوان اللينك ال نزلت الصور فية؟؟هو موصلش ولا اية طمننينى؟؟

روشنة:_

للاسف ال cd مفهوش لفات مخصوص للعروسة بس فية لفات عادية لكن ممكن تاخدى اى لفة تعجبك وتطوعيها بحيث تبقى سهرة او للعروسة وحاولى تبعتيلى ايميل زى ما كتبت وابعتلك الصور

المهم ال بعتالهم زى كادبورى ومعيش يطمننونى وصل الايميل ولالا؟

وسلسبيل حاولى تانى

[مورى ميرو]

ازيكوة يا حلويين

سلسبيل بقولك ايميلك بيرجع تانى وبيقول للايميل غلط ابعتيلى تانى

cadborry:_

انا شفتك اون لاين بس انتى مرتديش بسرعة وكنت انا مشيت

بس بعتلك ايميل فى عنوان اللينك ال نزلت الصور فية؟ فى نفس اليوم ال شفتك اونلاين فى؟؟هو موصلش ولا اية طمننينى؟؟

روشنة:_

للاسف ال cd مفهوش لفات مخصوص للعروسة بس فية لفات عادية لكن ممكن تاخدى اى لفة تعجبك وتطوعيها بحيث تبقى سهرة او للعروسة وحاولى تبعتيلى ايميل زى ما كتبت وابعتلك الصور

المهم ال بعتالهم زى كادبورى ومعيش يطمننونى وصل الايميل ولالا؟

وسلسبيل حاولى تانى

[سلسبيل مصر]

حبيبتى مورى الاميل وصل ولفات الطرح جميله ومحترمه جدااااا :) :-p~

[noorma]

بسم الله الرحمن الرحيم
الله علي المصرين لما يتجمعو والله انا فرحت جدا لما قريت الموضوع ده ويارب دايما ربنا يجمعنا علي السعاده والخير لنا ولكل من حولنا احب اقول لكم جميعا انا كمان مصريه من حدائق القبه وفرحت اوي لما عرفت اخواتي المصريات وفعلا موضوع لف الطرح دا كان شاغلني جدا وبالفعل سمعت ان في سي دي نزل لتعليم لف الطرح بس من قالت لي هذه المعلومه رفضت تعطيني السي دي لانسخها او حتي تعرفني هيا اشترتها منين عشان ما اتعلمش لف الطرح زيها والحمد لله ان في اخوات لا يبخلون علي اخوتهم بالمعلومات انا شاكره ليكم واتشرفت بمعرفتكم
واعلمكم اني كوافيره كنت اعيش في الكويت وتعلمت المهنه علي يد اخواتنا البنانيات وانا تحت امركم في اي طلب عيوني لكم اخواتي
اترككم في امان الله

[سلسبيل مصر]

حبيبتى نورما انا فرحانه جدا انك معانا
وممكن لو تعرفى نوع بودركويس بس الركات صعب القيها لانى من الصعيد او كريم اساس
وايه رايك فى سمر كيك
ورايك فى ايفون واويرفليم

[noorma]

انا اشتركت في هذا الموضوع لكن ماردي ليش اشنراكي ماظهر

[noorma]

حبيبتي سلسبيل مصر انا كمان فرحانه جدا بيكي وانا اتشرفت بالتعرف عليكم جميعا
اما بالنسبه للبودر او كريمات الاساس اولا لازم اعرف نوع بشرتك ايه عشان افيدك
يعني دهنيه او جافه اومختلطه او حساسه
اما بالمستوي العام سمر كيك دي من انواع البودرات المائيه ودي اسوء انواع البودر لانها بتوثر تاثير سلبي جدا علي البشر وبتسبب الحبوب والتاجاعيد المبكره والبقع لكن اورفيلام جيده او ماكس فاكتور اوالنيفيا المضغوطه وعلي فكره اي بودر مضغوط بيكون جيد ولكي تتجنبي اي اضرار من البودره لازم تضعي قبل البودر كريم مرطب وفي نوع جيد جدا بالاعشاب اسمه بودي شوب هيا سعرها غالي بس ليس لها اي اثارجانبيه ورائعه لو تحبي اشتريهالك وابعتهالك في طرد عيوني ليكي حبيبتي بس آمري noorma

[ccadbory]

يا اهلا وسهلا بيكى يا نورما
منوره المنتدى معانا :-D
بس فى حاجه مش فاهماها منين منوفيه وبعدين كويت وبعدين حدايق القبه
انتى بتكلمينا من على الطريق ولا ايه؟؟ ws:-)
انا كمان مورى ميرو بعتتلى اللايميل واللفات فعلا جمييييييله ومحترمه جدااااااااااا
ويارب تعرفى توصليله ):K
كل سنه وانتى طيبه وعيد سعيد علينا وعليكم

[سلسبيل مصر]

حبيبتى نورما مرسى جدااا على ردك انت خوفتينى من سمر كيك رغم ان عندى منه كتير ومش عارفه اعمل ايه
ايه رايك فى ماكس فكتور المائى
وايه احسن نوع بودر؟ وايه رايك فى كريم اساس اماندا؟

[noorma]

حبيبة قلبي كادبوري
افهمك انا كل شيء انا اصلا مولوده بمصرفي حدائق القبه ومقيده بسجل الزيتون
وتزوجت في المنوفيه وبيت زواجي الاساسي فيها لكن عمل زوجي يجعلني مابين مصر والمنوفيه يعني الويك اند في المنوفيه وطول الاسبوع في مصرفي حدائق القبه
اما الكويت فا انا ذهبت زياره لاختي في الكويت وبصراحه عجبني الحال كتير هناك فكل ما كان كارت الزياره بتاعي ينتهي نرجع انا والاولاد نسلم علي زوجي ونرجع تاني الي الكويت وظليت علي ها الحال لمدة سنتين وكنت طبعا طمعانا في اني اشتغل هناك واخرج اقامه لي انا واولادي بس وجدت ان العمليه هاتطول فرجعت الي قواعدي سالمه انا واولادي ولكني في الفتره اللي كنت فيها في الكويت تعلمت مهنة الكوافير علي يد مدام سوريه وشريكتها اللبنانيه وهي اشهر صالونات بالكويت واسمها نصف القمر وفتحت صالون لحالي اسمه بنانيت ولكن لما وجدت العمليه هاتطول ووجدت ان حان وقت ذهاب اولادي للمدارس واذا لم ارجع لمصر هيكون اولادي متاخرين سنه في الدراسه رجعت بسرعه وصفيت كل شيء وهذه هي قصة حياتي

اما حياتي سلسبيل مصر احسن نوع بودر انا قلت هولك هوا بودي شوب اما بالنسبه للمتواجد وممكن تلاقيه بسهوله في نوع اسمه ويت آند رد معلش اصلي بتضايق من تحويل الكتابه من عربي لانجليزي
وفي تاني النيفيا ناعم وجميل علي الوجه ونوع الماكس فاكتور حلو كمان
احسن نوع في كريمات الاساس علي الاطلاق هوا الكلنيك واي شيء اخر يندرج تحته في القائمه وهذا عن تجربه
فهو معي في العرائس لا يقطع ولا يتغير لونه ولا تشعرين انك وضاعه كريم اساس


ولكل فرد في هذا المنتدي عيد سعيد
http://members.lycos.co.uk/hishamnn1/up/pic/ead01-alwaan.gif



http://members.lycos.co.uk/hishamnn1/up/pic/ead02-alwaan.gif



http://members.lycos.co.uk/hishamnn1/up/pic/ead03-alwaan.gif



http://members.lycos.co.uk/hishamnn1/up/pic/ead-alwaan.gif

[مورى ميرو]

كل سنة وانتو طيبين يا حلويين

ازيك يا كادبورى ويا سلسبيل

الحمد للة ان اللفات عجبتكم

noorma


اهلا بيكى معانا واوعى تنسينى انا معاهم ههههههة

مع انى كنت مضايقة من المنتدى دة بس كلامك عن الميك اب خلانى ارجع تانى


الاول ال cd يا حبيبتى اسمها لمسة جمال لنانيس سليم ب 15 جنية وانا كنت اشتريتها من المكتبة ال ف اركاديا

او فى اى مكتبة كبيرة بس يمكن تتعبى لحد ما تلاقيها لانها نازلة بقالها فترة

ثانيا بقى بخصوص البودى شوب هو فى منة فى مصر هنا؟؟فين والبودر ال قولتى عنها اسمها ويت اند ريد

دى تبع بودى شوب؟؟موجودة فين؟؟وبكام بليز

معلهش تعبتك معايا انا بستعمل بوبا وهى حلوة معايا بس نفسى اجرب بودى شوب دى لانى عرفت ان كل منتجاتها طبيعية

واى لفة عايزة تتعلميها اعلمهالك انا اسمى على الهوت ميل morymiro

ابعتيلى ايميل وابعتلك لينك لفات الطرح

بس ردى عليا بسرعة

كل سنة وانتو طيبين

[noorma]

اولا وقبل كل شيء انا اسفه علي التاخير في الرد
انتي عارفه العيد والزيارات
المهم اشكرك علي المعلومات بخصوص السي دي بتاع لفات الحجاب
ثانيا فيما يخص المكياج البودي شوب فيه توكيل له في التون سنتر بالمعادي وسيتي سنتر في اول مكرم عبيد وصيدلية العزبي ميدان الاسمعليه هما دول اللي بجيب منهم منتجات البودي شوب اما بودر ويت اند ريد انا لما استعملت منها مرة وعجبت زبايني اشتريت منها دستتين وخلصو من عندي ولما سالت عليا في المحلات اللي بتعامل معاها قالولي انها مابقتش تنزل كتير يعني ممكن ماتلاقيهاش اما في نوع غيرها يعتبر نفس المميزات بتاعة الويت اند ريد وهي ايفر شاين ودول مش تبع بودي شوب اما بكام دي انا بشتري تجاري معرفش السعر للمستهلك بكام
اما اذا حبيت اضيفك علي الماسنجر بتاعي اضيفك بالاسم اللي انتي بعتاه ده وعشان نتكلم مع بعض براحتنا
وللتاكيد انا اميلي
اوكي حبيبتي وانا تحت الامر وعيوني لكم جميعا
noorma


يمنع تبادل الايملات حسب قوانين المنتدى شاكرة لك تفهمك

[semsema_y]

عايزه طرق للف الحجاب العادى ويريت بالصور وطرق للف طرحة الفرح :-Aممكن حد يفيدنى؟؟؟؟؟؟

[الورد فى الاكمام]

من قونين المنتدي

يمنع رفع الموضوع القديم غير ان صاحبة الموضوع غير موجوده ........لذا سوف يتم غلق الموضوع