ساعدوني الكبة تفتت

[(راما)]

بسم الله الرحمن الرحيم
السلام عليكم ورحمة الله وبركاته
عندما اعمل البة و اقليها بتتفتت يا ترى شو السبب ممكن يكون؟؟؟؟؟؟؟ظ
ساعدوني

[sweet]

السلام عليكم ورحمة الله وبركاته ..................

اختي دعاء فلسطين ..........بعد عمل الكبة لازم تضعينها في الفريزر .......... وتقلينها في الزيت وهي مجمدة فبتحافظ على شكلها ........انا اسوي كذه مع الكفتة ايضا وما تتفتت ابدا ..........وممكن عجينة الكبة مش ناعمة لذلك بتتفتت معاك .........(هذا من تجربتي الشخصية)

ارجواني افدتك.....

[احاسيس مرهفة]

عزيزتي دعاء

الله يعينك

الظاهر احنا بحاجة ننادي منى

ماشاء الله عليها واضعة ملف كبب

اظن عندها الحل

ورأي الأخت سويت الله يجزاها خير رح يفيدك

[هنلي]

والله نفس المشكله
بس مره قالت خالتي لازم وانتي بتعملي الكبه تغمسي يدك في ماء مع نشا
بس الصراحه ما جربتها
ولما بدي كبه بوكلها عند امي لانه ابو الشباب ما بيحبها

[أناغيـم]

ما شاء الله الحل ولا اسهل من هيك.. شو هالفكرة الحلوة ياهنلي... يعني اسمالله انا باعملها
شوفي يا دعاء .. الماما لما بكببها بأشوفها دائما بتبل ايدها بماء مثلج .. يعني لازم مية باردة كثير..
وقبل ما تقليها بتشوف الحبة اذا كانت مشققة بتملسها بشوية مية باردة. وما بتذكر في مرة حبت فتحت او تشققت معها..
وبعدين عجينةالكبة لازم تكون ناعمة .. يعني الماما بتفرمها تقريبا اربع مرات واحيانا اكثر حسب خشونة البرغل.
وكل كيلو برغل بتحط معاه نص كيلو لحمة حمرا..
هذا اللي عندي وان شاء الله اكون قدرت اساعدك.. ولو الماما مش مشغولة كان ساعدتك.

[بنبونة]

وعليكم السلام ورحمة الله وبركاته
الكبيبة محتاجة لماء مثلج مثل ما قالت كاتيوشا و بتنجح جدا

إزيك يا كاتى أنا بس حبيت أمسى عليك لى مدة لم أرك
وقولى لى كمية البرغل هذه مش كثيرة على اللحم و لا كده بتبقى مضبوطة
أنا بأعملها مقدار البرغل مثل اللحم وبتكون مضبوطة
ردى على علشان أجربها

[(راما)]

أخواتي يعني بنفرم اللحمة ومعاها البرغل منيح و لما نكببها بنبلل ايدنا بمية ساقعة و لا بنعجنها بالمية الساقعة؟؟؟
و كاتيوشا أنا بعرف مقدار اللحمة مثل مقدار البرغل و لا كيف ؟؟؟

[وعود الخير]

دعاء يا دعاء.. خلصت من السمبوسة بلشت بالكبة....
ماشي اليوم انا ناوية اعمل كبة على الفطور .. تفضلي ... وجيبي النونو معك...
شوفي يا ستي ..
عادة أنا باحط نص مقدار البرغل لحمة ولااطيب..
وبعدين انت بتستعملي مفرمة كهربائية والا زي حالتي يدوية .. جاوبين علشان افيدك.. بس بسرعة
والا اقول لك على ايش ..
لو كنت بتستخدمي الماكنة الكهربائية .. بتحضري حسب مقاديري..
كيلو برغل مغسول وعليه كوب ماء دافئ وعليه بهارات الكبة وملح وفلفل أسود وبتخليه من أقل شيء ثلاث ساعات مع التقليب من وقت للتاني ونسيت أقول لك غطيه كويس
+ نص كيلو لحمة مفرومة ناعمة (خلي الجزار يفرمها مرتين) وبعدين راسين بصل مقطعين أرباع
وبتخلطي الحمة مع البرغل كويس وبتبلشي تفرمي .. .. والكهرباء الفرم مرتين كفاية
أما الماكنة اليدوية فطريقتها مختلفة شوية
بتفرمي البرغل مع البصل لوحده ثلاث مرات وفي المرة الرابعة بتخلطي مع اللحمة وبتفرمي...
وبعدين بتحطي العجنة في الثلاجة لمدة ساعة علشان تتماسك...
وبعدين بتاخذ حسب الكمية اللي بدك إياها.. وبتحضري صحن مية باردة (مثلجة) وبتبلي ايدك فيها وبتاخذ قطعة بحجم الليمونة الصغيرة وبتنقريها وبتحشيها (الحشو بعد ان تنضج ضعيها في مصفاة علشان تزل منها الدهن زالزيت الزايدة لأن وجودها ياسعد على تفتت الكبة وقت القلي)... وبعدين بتعطي الكبة شكلها المعروف..
لو كنت عامله الكبة للقلي في الحال.. عادي .. لو كنت ناوية تقليها بعد ساعة مثلا.. غطيها بفوطة مبلله علشان ما تنشف..
ووقت القلي بتخلي الزيت حار... وبعدين قبل ما تحطي الكبة في المقلاة بتتأكدي ان ما فيها أي شق ولو بسيط .ز خذي مية باردة وامسحيها من كل الاتجاهات ونزليها في الزيت وبعد شوية خففي النار تحتها مش كثير بس شوية ودير بالك تحركيها او تقلبيها قبل دقيقتين على الأقل علشان تتماسك... وبعدين قلبي على مهل .وبس تتحمر ارفعيها على ورق زبدة او اوي ورق لامتصاص الدهون..
وصحتين وعافية وابقي ادعي لي .. مش تدعي علي.

[(راما)]

رح أدعيلك بإذن الله بس أنا بفرمها عند الجزار البرغل و اللحمة ،، أخليه يفرم البرغل 3 مرات و اللحمة مرتين و بعدين أخلطهم و لا كيف؟؟

[وعود الخير]

عند الجزار افرميهم مع بعض مرتين كفاية.... ولا تنسي البصل.

[(راما)]

شكرًا وعود و ان شاء الله بجربها و بتكون طيبة

[أم مايا]

السلام عليكم ورحمة الله وبركاته

انا شخصياُ عندما أسوي كبة مكبكبة مثل ما قالوا الصبايا من قبل أسوي ماء باردة بس أحطلها شوية نشاء حتى ما تفتح الكبة خلال القلي جربيها وشوفي شو بتزبط معك ( حطي نشا مع الماء وسقس لإيديك فيها ومرريها على الكبة بعد ما تخلصي منها ) .

[بنبونة]

السلام عليكم ورحمة الله وبركاته
تسلمى يا وعودة الكل عندى بيدعوا لك عملت الكبيبة بطريقتك
و عجبتهم جدا بيقولوا هى مقرمشة ليه مش زى كل مرة
قلت لهم إدعوا لصاحبة الطريقة الجديدة كانت فعلا لذيذة و سهلة فى التشكيل
أنا كنت بأعملها مقدار اللحمة نفس مقدار البرغل فأحيانا بتكون طرية وبتغلبنى فى التشكيل علشان ماتفكش
و كانت بتعدى على خير لكن المرة دية كانت سهلة جدا شكرا لك ياقمر

[وعود الخير]

الحمد لله يا ام نادر.. تسلمي يا عيوني على الدعوات.. وربنا يبارك في نادر واخته.. ويعطيك الصحة والعافية
والحمد لله انها عجبتهم...

[cup]

اختىوعود الخير انا لى3سنين افكر فى عمل الكبه واخف افشل ولكن بعد طريقتك قررت اعملهافهل تضمن لى نجاجها واعطنىبعض الافكار التى تساعدنى على نجاحها وطريقةالتشكيل احس انها صعبه واريد الحجم صغير وليس كبير وما طريقة الحشوه التى توضع فىالداخل لا تتاخرى على اريد اناعملها قبل ان ينتهىرمضان وشكرا

[وعود الخير]

عزيزتي
كلنا في البداية كنا متخوفين .. انا شخصيا كنت افضل شراؤها جاهزة على عملها خوفا من الفشل، ولكن قررت أن اجرب .. اخذت الطريقة من جارتي السورية التي اعطتني وصفة ممتازة وهي التي كتبتها ، حيث كنت اقوم بنقع البرغل بالماء ثم اضع لكل كيلو برغل كيلو لحمة... لكنها جزاها الله خيرا
اوضحت لي الخطأ
فاتبعت طريقتها ..
أما طريقة الحشو..
خذي قطعة صغيرة بحجم البيضة المتوسطة الحجم .. واعجنيها بيدك عن طريق الضغط عليها اكثر من مرة
ثم قومي بتشكيلها على شكل ليمونة وبعدها انقريها بيدك مع ملاحظة ان تكون يدك مبتلة بالماء البارد وانقري حتى تصبح متسعة وذات محيط رقيق بعض الشيء.. ثم قومي بوضع الحشوة بالداخل (الحشوة يفضل ان توضع في مصفاة بعد النضج كي تتخلص من الزيت او الماء الزائد) واغلقي من أعلى برفق ثم امسحي السطح بالماء مع المحافظة على الشكل... وهكذا حتى تنتهي من المقدار.

أما عن الحشوة فهي كالتالي:
لحمة مفرومة خشنة بعض الشيء..
بصل مفروم ناعم
صنوبر او فستق حلبي
سماق حامض
بهارات (ربع ملعة هيل مطحون، اقل من ربع ملعقة فلفل اسود، ملح، رشة قرفة.. او حسب رغبتك)
وأي سؤال .. ما يردك الا لسانك.

[moon light 2]

اختي دعاء ممكن الزيت اللي بتقلي فيه غير حار كفايه لانه الكبه بدها زيت متوسط الحراره لانه الزيت الحار بحمرها من بره ومن الداخل بتم نيه




مع دعواتي لك وللشعب الفلسطيني :-M

[وعود الخير]

لوز... اسم حلو وبيشهي
شكرا لدعواتك للشعب الفلسطيني.

[hanady06]

مشكورة يا اختي لكن ممكن توضحي مقاديرها

[hanady06]

يسلم هالايدين يا عسل اختي وعود هل هناك بهارات كبه معينه الرجاء التوضيح وشكرا

[وعود الخير]

الاخت هاندي حياك الله
مع انا لموضوع قديم لكني ساجيبك قبل اغلاقه
البهارات هي
الفلفل الاسود - الكمون - الملح - الهيل- هي الاساسيات وعند محلات اليهارات تجدين حلطة بهارات كبة جاهزة