عندي سؤال؟؟؟؟؟؟لو تكرمتوا......

[ام وديمه]

السلام عليكم ورحمة الله وبركاته........
عندي مشكله في بيتي اللي في العزبه..........من اول ما تدخلين البيت الى آخره نوافذ مقوسه....
يعني ممر طويل كله نوافذ زجاجيه مقوسه ومش عارفه كيف اضع الستائر ........بصراحه مشكله لأن بطول الممر سيكون ستائر حوالي 8 نوافذ.........كيف اختار الستائر وشكلها ...انا خايفه يكون شكلها مش حلو او كثيييييره........مع العلم انني لم اختار الستائر......
هل سأجد لديكم الحل وياريت بالصوره.............

[ام وديمه]

:( :( :( :( :( :confused: :confused: :confused:

[الخنساء]

هــلا بك اوديمه انتظري يمكن احد من الأخوات تعرف تجوبك
تمنيت اعرف ولكن رحم الله امرى عرف قدر نفسه :D
http://www.juanna.de/minis/gif_02_11.gif

[فاهمة صح]

عزيزتي ام وديمة :

لاتزعلي الحل هو انك تركبي ستائر فقط للنافذتين اللي في الاطراف والباقية

احضري العامل المختص بالرسم على الزجاج واجعليه يرسم لك بالوان الزجاج واكثري من الالوان الغامقة لكي يتم تظليل الممر

هذا لانك في العزبة ودخول الشمس محبذ هناك اليس هذا صحيحا ؟؟؟؟

عجبك الفكرة ام لم تعجبك ؟؟؟؟؟؟؟خدي بردي على قلبك

http://www.alhaaym.8m.com/alhaaym/images/food/33.gif

[ام وديمه]

هلا بنت الجزيره.......نورتي
مرحبا يا فاهمة صح ........بصراحه احس ان الممر طوييييييييييييييل وايد .....والرسم بيطلع كثييييير.......
والرسم ما تعتقدين ان اللي في الخارج ممكن يشوفونا......وخاصة ان البيت مرتفع عن الارض شوي.......
ما عندك فكرة ثانيه......

[سيدة]

مرحبا بالجميع
انا جاتني فكرة يا أم وديمة ايش رايك تغطي نافذتين بالستائر وبينهم وحدة بدون ستارة
والي بدون ستارة تبخيها ببخاخ خاص بدون لون يخلي النافذة غير شفافة وهو يباع في المحلات
وتحطي فوق هذه النافذة زرع صناعي يعني اوراق خضراء متدليه وشجرة صغيرة من اسفل النافذة
اتمنى تكون وصلتك الفكرة و إن شاء الله تعجبك
شكرا لمتابعتك :D

[أفنـ أم عمر ـان]

ما في مجال لتركيب أباجور على الشبابيك , او ستائر المكاتب اللي تكون عبارة عن قطع ممكن تباعدي بينها بحيث يدخل النور وما ينكشف البيت من الخارج ؟؟ فهمت قصدي ؟ وفوقها ستائر من قماش الأورغنزا الشفاف , تعطي منظر ناعم...
وفي حل آخر بس مكلف!!!ترجعوا تركبوا زجاج مرايا على الشبابيك , أقصد الزجاج اللي من الخارج يكون مرايه ومن الداخل زجاج عادي يكشف المنظر الخارجي ,
او زجاج ملون !!!
ما ادري والله يا أم وديمه آخر حلين فيهم تكلفة وكان الواجب أصلا التصميم يكون هكذا عند البناء !!

[ام وديمه]

مرحبا سيدة ......بصراحه ما فهمتك .......شوفي عندي يمكن ثمان او سبع والله ما اكر كم نافذه بس وايييييييييييد .......
هلا قطر الندى ترين فكرت في هذه الفكره بس ممر طووووووووووووووووويل ما تحسين انه ممكن يكون كلها بهذا الشكل ما بيكون دفش......بصراحه ما اعرف الحل ..... ......
وبعدين نحنا حاطين زجاج اللي مثل المرايه لكن تدرين في الليل وعندما نفتح النور اللي في الخارج ممكن يشوفونا........
اشكركم جزيل الشكر.......

[سيدة]

طيب ام وديمة أوضحلك
النافذة الأولى اعملي لها ستارة ثم النافذة الثانية سيبيها بدون ستارة والنافذة الثالثة اعملي لها ستارة والرابعة بدون ستارة وهكذا ...الخ
نجي للنوافذ اللي قلت لك تخليها بدون ستارة ..... ايش تعملي فيها !!!
انا اقول لك ..... فيه بخاخ خاص بالزجاج لونه شفاف .... تبخي النوافذ اللي من غير ستارة
عشان محد يشوفكم في الليل . وبعدين تحطي فوق النوافذ اللي بخيتيها واللي من غير ستارة
تحطي فوقها نباتات صناعية تتعلق ( اوراق خضراء للزينة تكون طويلة ) عشان تعطي منظر حلو . وتحطي قدام هذه النافذة شجرة وبس .
والسلام .
:p

[ام وديمه]

هلا سيدة وصلت الفكره ........مشكوره وجزاك الله خيراً........

[زوزو]

بسم الله الرحمن الرحيم

عزيزتي أم وديمه ...
بالنسبه لإستفساركِ ... برأي (( وكلٍ له رأيه )) .. إنكِ تحطي الستائر إللي من النوع الشفاف ، ولكِ حرية الإختيار إما مشجر أو ساده ... لكن طريقة تركيب الستائر لازم تكون من حد النافذه نفسها لين حد نهاية النافذه نفسها .. يعني لا تروحي تركبين الستائر من أول نافذه لين آخرها أقصد لين النافذه رقم 8... لاّ ... إنما حطي على كل نافذه ستارتها و إبدأي من بداية النافذه من فوق لين نهايتها من تحت لا تاخذي أعلى منها ولا أنزل منها على حدها بالضبط .. و لازم تكون الستائر (( مزمومه ببعض كثير )) يعني فيها كسرات كثيره قد ما تقدرين من قماش الستائر خليها بكسرات كثيره لأنها تجمل المنظر ... و بهذا الشكل راح يكون هناك فاصل بين كل ستاره والثانيه ... هي الجدار نفسه ...‍
أتمنى تكونين فهمتيني ... وراح أدوّر لكِ على صوره توضح إللي أعنيه ...

و لكم تحياتي .

[ام وديمه]

اشكرك اختي زوزو.......والفكره اعجبتني جزاك الله خيراً.......

[أفنـ أم عمر ـان]

أم وديييييييييييييييييييييييييييمه:( :(
طبعا لكل شباك ستارة شفافة !!!
من جد كنت فاكرة تحطي ستارة على طول الجدار!!!! :rolleyes: :confused: :eek: :rolleyes: :eek: :eek:

لا لا لا يا أم وديمه مو معقول , أنا لما كتبت لك عن الستائر الشفافة كنت طبعا أقصد ستارة لكل شباك , لكن سامحيني انا اللي قصرت بالشرح

ومثل ما ذكرت خيتي زوزو , وحتى يكون المنظر أنعم تزمّي كل ستارة من المنتصف بشبرة وفيونكة ناعمة

وتعلقي على الجدار بين بعض الشبابيك بعض اللوحات الصغيرة الناعمة المربعة او المستديرة وبمستوى منخفض على مستوى الناظر , مثلا أحضري مجموعة لوحات دائرية صغيرة(3 مثلا) وضعيها فوق بعضها على الحائط من أسفل لأعلى متسلسلة بحجمها
وبين الشباكين (اللي بالمنتصف) طاولة ناعمة صغيرة وضعي عليها باقة من الورد المتدلي ....
هذا إن كان فيه مساحة كافية بين الشبابيك ...

وأكيد باذن الله تكون جميلة جدا .....

[ام وديمه]

شكراً لك قطر الندى........
تعبتكم معايه......