لاحرف ... ولا صـف عباراتِ .. يترجمني ...


لا حزن ... لاألم ... لاهم ... يوصفني ....



دعواتكم سلمكم الله من كل شر , وحفظكم الله ورعاكم , وأسعدكم في الدارين ,


احتاج لدعوة صادقة من القلب , أسأل الله أن يفرج كربكم وأن يرفع عنكم الظنك والحزن والهم ,

أسأل الله جل وعلا أن يرحم المؤمنين والمؤمنات الأحياء منهم والأموات ’

وأن يغفر لهم وأن يعفو عنهم .


أسأل الله أن ينعم عليكم باالصحة والعافيه , وأن يهنيكم ويفرح قلوبكم .


هذه الصفحة سأجعلها صفحة بيضاء ,’ نقاء ,

لكل دعوة صادقة لي ولكل أخت تطلب الدعاء ,

ولكل ذكر لله تعالى ننفتع به ونتذكره ,


اللهم صلي وسلم على محمد وعلى صحبة أجمعين إلى يوم الدين


لاإله إلا الله وحده لاشريك له له الملك وله الحمد وهو على كل شيء قدير ...





ستكون صفحة لمجالس الصالحين نتبادل فيها الذكر والدعاء والحكاوي المفيدة ,,




سبحان الله وبحمده سبحان الله العظيم اجعلها في توقيعك تغنم الأجر الكثير ...




سأسرد مواقف جميله دعوية حصلت لي ...

قريبا بإذن الله ......


فكوني معي فللحياة عبرة .. وحكاية ..!!

موقف طريف /


في طفولتي الحالمة , كنت أعشق جيراننا في الحي ..!


وفي أحد المرات طلبوا منا دقيق (طحين ) ...

طبعا أمي عطتني الدقيق حتى أعطيه لهم ..

فرحت عندهم وعطيتهم الدقيق مبسوووووطة


ولما صار في الغد ... تذكرت الدقيق !!

ورحت عندهم وقلت ياهديــــــــــل ( واحده حبوبة نفس عمري )

وين الدقيق حقنــا ترى خلص من عندنا ...


قاموا الجيران واشتروا واحد جديد واعطوني إياه ..

رحت فرحانه لأمي وعطيتها الدقيق


قالت من وين الدقيق ؟؟


قلت : جيراننا جابوا لنا واحد جديد انا رحت قلتلهم وين حقنا اللي اخذتوه منا ..

فاشتروا لنا واحد جديد

وطلع وجه أمي كذا :: وماراح أقولكم عن التكفيخات اللي صارت في هذاك الوقت


بس تعلمت منه : الكـــــــــــــــــــــــــــــــــــــــرم

اكرم واعطي ولا تنتظر شكرا أو جزاء ... فتأكد عمر المعروف مايروح سدى !!!

حتى لو لقيت الخير بالشر ربي يرسلك على الخير الي عملته ناس تجازيك


والموقف التالي موقف دعــــــووووووووووووووووووي

شاركونا بمواقفكم , المفيدة , ودعواتكم , وأذكاركم

في مرة كنت بالســوق

وشفت واحده لابسه طرحة وخفيفة جدا

وباين وجهها ..

والكل جالس يناظر في وجهها ..

وهي تتمشى .. وكبيــرة ليست طفلة صغيرة ..!!

المهم : انا تضايقت من الموقف وخصوصا انها صارت عرضة للي رايح واللي جاي ..


قمت مسكتها وقلتلها : اختي ممكن أكلمك ..

هي رحبت وقالت ايووة تفضلي ..

رحت فيها لزاوية في سوق ..


وقلتلها حبيبتي والله اعتبرك زي اختي فياأختي طرحتك خفيفة جدا

وانتي شايفه الكل يشوف فيك .. ويتطلع بمناظر مخفيفه بس كنت خايفه عليك

والله يهديني ويهديك ولا نكون عرضة للإثم ..

هي تفاجأت مرررررة .. وقامت مسكت طرحتها ولفتها مرتين وتغطت بنفس الطرحة مرتين وماصار يوضح وجهها

وقالتلي والله يالغالية احلفلك بالله ماكنت ادري ان وجهي باين ...!!

احسب الطرحه ثقيلة ..!!

انا تفاجأت قلت سبحان الله فعلا ممكن النصيحة تفيد .. وتنبه شخص غافل

مايدري انه يأثم ...!!

شفتوا كيف ؟؟ الأمر بالمعروف والنهي عن المنكر واجب علينا ..

وشي جميل ...

في طفولتي الحلووووووة

في رابع ابتدائي .. كان عندنا اختبار

هذيك الأيام ماكان فيه تقويم كان فيه اختبارات

كان عندنا اختبار تاريخ ..

وكنت انا خايفه ودخلت في الإمتحان

وجت الأبلة حقتنا حقت التاريخ الله يذكرها بالخير ..

شافت ورقتي قالت شاطرة بس عندك خطأ هنا ..!

وقالتلي هذي انتي حاطتها صح .. وهي خطأ ..!

علمتني ... أو بالأخرى غششتني

طبعا انا صححت هالسؤال ..

ولما خلصنا رحت عند المديرة :

وقلتلها : أبلة التاريخ تغشش البنات .. .. وأمي تقول حرام الغش

وكنت مسوية روحي مؤدبة وانواع الإحترام ..!

انهبلت المديرة ماشاءالله ..

وفي اليوم اللي بعده عادوا لنا مادة التاريخ ..

وشالوا أبلة التاريخ حقتنا


,,,,,,


همسة : ممكن تعلمي طفلك كيف تكون شخصيته من يوم وهو طفل

لاتستهيني فيه .. ممكن يبدع .. ويحترف .. ويتعلم أمور خافيه .. !


فقط علميه الإبداع .. واجعليه يسير على طريق الإبداع ..

مرة في مرحلة الثانوية

كنت مع مجموعتي الغالية الله يذكرهم بالخيــر

صديقات الفرح .. صديقات الحب .. صديقات العز والتعاون .. والود !

ناصرك ظالم ولا مظلوم . !!!


وفي وقت كنآ نضحك ومبسووطين آخر شي ..!

جتني واحدهـ

قالت بصوت عالي لاإله إلا الله .............!!


مدري ليه خفت حسيتها بتنفجر فينــا ..!


سكتنا ... وقالت لاإله إلا الله .. هي طب للقلوب ذكرها يشفي الصدور ..

وراحت .. وبعضنا علق وبعضنا قام يضحك يقول وش فيها ذي الله يهديهم جميعا ..

المهم : وفي مرة قابلتها وانا طالعه الدرج قالتلي اهلييين ورحبت فيني وحتى عارفه اسمي انا استغربت ..!

قالتلي : خذي هذا الشريط هالشيخ انا احبه مررة اعتبريها هدية بسيطة بعنوان محبة ..


انا اخذتها وانا خايفه من هالتصرفات . ..!


سبحان الله مع انها التصرفات التي لابد نكون عليها صارت لنا غريبه ...!!


وطبعا كان الشريط لمحمد العريفي .... كان رووووعة جدا والله ماذكر عنوان الشريط بس كان يتكلم عن قصص كثييييييير

استمتعت فيه وأمي كذلك ... !


ومن بكرى سلمت علي وقالت لي كيف الشريط ؟

قلت صراحة يجنن الله يجزاك خير وأمي تشكرك كثير ..!


وبعد هاللحظة صرنا دايم نتكلم انا واياها ـ دخلت قلبي .. إلا من أوسع أبوابه ..

صرت أتكلم بكثير أمور حياتي الشخصية .. كل شي .. ولاشي تركته ..!

حسيتها اختي .. لا لا ملك قريب لي ..!


حبيتها .. حسيت بسكينة وياها .. !

سبحان الله وتركت شلتي .. ومجموعتي ..

وصارت هي الشي الوحيد اللي احبه في الدنيا ..!


صرت من مرتادات الأشرطة الإسلامية أسمع وأحطه في صالات البيت

ونستمع له جميع .. كل العائلة ..


والفضل بعد الله يرجع لهالبنت ..!



( تحلى بالفضيلة وألقها بين قلوب الناس فحتما أنت تؤجر .. وتجزى بفضيلة مثلها )

شوق
الله يجزاكِ خير والله موقفك مع الدقيق شي <<<<ماتت ضحك
الحمدلله اننا مو جيرانكم
والله موضوعك حرك شي بداخي مدري وشو

عاد شوفي قصتي مع الدعوه

رحت للسوق الله يسلمن ابي اشتري <<<<<<<مالكم شغل وحده رايحه للسوق وش تشتري ياحبكم للقافه

المهم واشوف ذيك البنت الله يهديها
واطير عندها طبعاً انا استحي مرررررررررره بس إذا شفت شي غلط
يروح الحياء الي عندي

المهم

وانا اطيررررررررر طيران وامسكها
واقولها اني احبتس بالله وفي الله قالت الله يحبتس

وش تبغين قلت لا بس انا احبتس وماابيس تطحين بالنار قالت وبعدين

قلت باللغه العربيه مايجوز لبسك كذا وكلامك مع البائع

قالت وبعدين يوم صار قلبي يرجف رجفاً مبرحاً

وقلت لا خلاص ولا شي

قالت اصبري

قلت خير


قالت خمممممممممممممممممممممم تففففففففففففففف

وانتهت الحكايه

طبعاً رحت للبيت ماشتريت شي

ترا لي عوده ان شاء الله مواقفي كثيرة الله يسعدن ويحفظن لهلي هع هع

واللي يبي ترجم يقول لدانة جده و لا اساور من ذهب((ابو سنون ))

هههه
ربي يسعدك شوق
اما مواقفي لاتعد ولاتحصى
مره رحت السوق ايامها كنت اجهز اغراض الولاده
الا واشوف ذيك الحرمه انا تنحت فيها كيف الرجال ووصل الضغط الف بس الحمد لله كنت رايحه مع اخوي مو ابوالشباب<ابدا ماتغار خخخ
المهم ايش الثمه ومكياج العيون وعباءه حشي فستان والله بطلت اقضي صرت امشي وراها قلت لاخوى نفسي انصحها بس خايفه ع نفسي وجنينى ههه قالي اتحداك وربي انتي تخافين وتستحين من ظلك قمت اشاور نفسي اروح مااروح لا الدعوة تحدى رحت قلت لها اتقي الله بنفسك وخافي من عقابه الا قالت نعم الا واحط رجولي نسيت انى حامل

لي عوده بإذن الله

الله يشرح صدرك شوق<من قلب

ماشاء الله والله مواقف كلها حكم وعبرررررررررررررر
موضوع رائع حبيبتي احييك عليه
وان شاء الله بشارك فيه في مواقف اكيد مريت بيها وافادتني

وعليكم السلام
ياهلا باغاليتنا شووق
أضحكتينا بِموقفك مع الدَقيق ( ههههههه)
مواقِف ابتَهجت بِقراءتها في هذهِ الصَفحة
بإنتظار المواقِف القادِمة