السلام عليكم ورحمة الله وبركاته

ازيكم يا احلى امهات ؟؟ يارب بخير انتم والكتاكيت الحلوين ..
الموضوع باختصار هو انى مثل اى ام احتار كثيرا حينما افكر فى الاسلوب الامثل لعقاب الطفل الصغير .. وصغير هنا اعنى بها اصغر من 7 سنوات .. لانه فى هذه المرحلة قد لا يعى تماما ماهو العقاب وما جدواه وما معنى التصرف السئ اصلا !!
الكثير من الامهات والاباء ينفعلوا ويتسرعوا بالضرب او الصراخ فى وجه الطفل عند حدوث خطأ منه وبعد ذلك تنتابهم حالات تأنيب الضمير ولوم النفس او لوم الشريك ..
البعض الاخر لا يلقى بالا للعقاب واهميته فى جعل الطفل يفهم ماهو الصحيح وماهو الخطأ .. بل وقد تتفاقم الامور اكثر ويكبر فيصبح انسانا غير مبالى بمن حوله !!

فى الحالتين انا لا اوافق ..
وبما انى سأبدأ مرحلة العقاب قريبا .. عند تمام ابنى لعامه الثانى بمشيئة الرحمن .. فقررت البحث ..
ووجدت فكرة يستخدمها الغربيون بكثرة وبطرق مختلفة .. والحقيقة انها أعجبتنى جدا
الفكرة باختصار هى تخصيص كرسى معين " قد يكون ذو شكل فريد من نوعه مثل كرسى طويل زيادة عن باقى الكراسى .. كرسى الوانه صارخة وغير متناسقة كمهرج السيرك مثلا " وتسميته بال naughty chair او الكرسى السئ يوضع فى ركن بعيد من المنزل منعزل عن باقى الافراد وبجواره ساعة توقف stopwatch.
عند عمل خطأ ما يستلزم العقاب تطلب الام من الطفل الذهاب الى الكرسى السئ وتظبط الساعة " طبعا مقدار وقت العقاب يكون على قدر الخطأ" ويذهب الطفل -المسكين- الى الكرسى ويجلس وحيدا منعزلا عن باقى افراد الاسرة وعن العابه وعن كل شئ حتى تدق الساعة بانتهاء مدة العقاب .. فيرجع كل شئ كما كان ولا تذكر الام اى عتاب او لوم على ماحدث , فالخطأ حدث وتم العقاب وانتهى , فلم اللوم او التوبيخ ؟!!

الفكرة جميلة وتستحق التأمل .. عجبنى فيها انه يوجد عقاب وان الطفل يعرف بم سيعاقب .. وكذلك العقاب لا يمتهن كرامته ولا يأذى نفسيته كالاساليب الاخرى ..
العض يزيد عليها لبس قبعة "طرطور" ذو شكل مضحك ويسمونه ايضا naughty hat

انا حابة اسمع ارائكم فى هذه الفكرة .. اتفضلوا

هلا بنونة ومواضيعها المهمة والجميلة

شوفي انا بنتي عمرها 3 سنوات و4 اشهر وبستعمل معاها اسلوب النوتي شاير او كرسي العقاب
بس بطريقة مختلفة شوية
يعني انا مش عاملة كرسي محدد
بس لما هي ما تسمع الكلام وتكوني نوتي اقول لها روحي غرفتك وبس يعني تتعاقب لغرفتها ولا تخرج الا لما اقولها
طبعا كا اخليها تطول يعني دقيقتين او ثلاثة فقط

اما عن قصة القبعة ما حبيتها الصراحة احسها اهانة للطفل وجرح لشعوره
ما ادري بس هذا رايي الشخصي ولكن حسيته تكسر نفسه

ننتظر راي البقية
تقبلي مروري انونة♥

مرورك اسعدنى جدا طبعااااااااااااا
انا كمان شايفة موضوع القبعة مبالغ فيه بس حبيت انقل كل حاجة هههههههه
بس كويس انك جربتى الموضوع ده وكنت حابة تفيدينا .. هل يجدى نفعا ؟؟
يعنى هل البنت بعد كده مش بتكرر نفس الخطأ؟ هل اتعلمت تعتذر مثلا؟
بتخاف من العقاب ده او بتكرهه ولا مش فارق معاها؟

كتبت بواسطة anapella

مرورك اسعدنى جدا طبعااااااااااااا
انا كمان شايفة موضوع القبعة مبالغ فيه بس حبيت انقل كل حاجة هههههههه
بس كويس انك جربتى الموضوع ده وكنت حابة تفيدينا .. هل يجدى نفعا ؟؟
يعنى هل البنت بعد كده مش بتكرر نفس الخطأ؟ هل اتعلمت تعتذر مثلا؟
بتخاف من العقاب ده او بتكرهه ولا مش فارق معاها؟

تسلمي يا حلوة

شوفي هو فعلا بيجيب نتيجة وجدااا كمان
طبعا انا متى ارسلها لغرفتها
لو قلت على شئ لا وهي اصرت وصارت تبكي
وطبعا بكاء عن بكاء يفرق اكيد تعرفي طفلك لما يبكي لانه يبكي ولما يبكي فقط للفت النظر والدلع الزائد

او لو سوت شئ خطأ اكون انا منبهتها قبل هيك عليه

فانا هنا اقول لها لو عايزة تبكي روحي غرفتك
تروح طبعا ساعات تسكت على طول وهنا لما تسكت انا اقول لها تخرج على طول
واذا اصرت انها تبكي (طبعا مشان انا اغير رايي ) اطنشها وهي بالكثير دقيقة وتسكت ههههه لانها عرفت اني مش هغير رايي لمجرد انها بتبكي
ولما تسكت اخليها دقيقة او اثنين واطلعها

والحمدلله لو كانت مسوية شي خطأ تقول سوري ماما
وطبعا ضروري اني احضنها لما تطلع هههههههههه

انابيلا يا غالية دائما تتحفينا بكل ما هو جميل

الفكرة دى منتشرة جدا فى المدارس عندنا وسبحان الله الاولاد بيطبقوها صح فى المدرسة والبيت لأ

بمعنى حاولت اجربها مع اولادى فى البيت لم تجدى نفعا ..عادى يعنى ايه المشكلة لما اقعد هناك شوية هههه
ويخدوها بضحك

اما فى المدرسة بيتحرم من نشاطات والعاب مع اصحابه فى فترة العقاب غير ان العقاب لما يكون امام زملائه بيفرق ..بيزعل التلميذ فعلا انه معاقب امام اصحابه

طريقة عقابى فى البيت :بنوتى الكبيرة 7 سنين ونصف تقريبا بالحرمان من شئ تحبه وعلى حسب الخطأ يكون الشئ الذى تحرم منه

بنوتى الثانية 4 سنين ونصف ...لو عملت شئ خطأ انبهها عليه( وغالبا بزعيق طبعا) بتعرف غلطها

ولانها عاطفية جدا تيجى تحضنى وتبوسنى وتقولى آسفة ياماما مش هاعمل كده تانى

اما لو بتبكى علشان عايزة حاجة وانا مش موافقة بعمل زى مام ادخلى عيطى جوه فى اوضتك

وللاسف بتطول ممكن تبكى نصف ساعة كاملة ولا يهمها لغاية ما يحصل حاجة تشغلها وتلفت انتباهها فتسكت

اما عمر افندى ههههه( فاكرة الشركة دى يا انابيلا هييييييييه كانت أيام )لسه ما بدأتش معاه العقاب المدروس

يعنى حاليا لما يعمل حاجة غلط بعرفه بس ان كده غلط (وممكن بزعيق برده هههه على حسب الحالة النفسية)

وساعات لما يضرب اخواته جامد لدرجة انهم يبكوا بضربه خفيف علشان البنات مش تزعل

ربنا يعيينا على تربيتهم يارب

انابيلا موضوع رائع
وانا مابحب حكايه ال

naughty chair

لانني بشعر انها بتهز شخصيه وثقه الطفل , بس انا كان عقابي لاولادي هوThinking chair بطلب منه انه يروح لغرفته و يجلس على كرسي في غرفته ويفكر بالذي عمله وهل هو صح او عادل , واقول له لما خلصت تفكير تعال وقل لي .
ربنا يحفظ اولادنا كلنا .

ام اروى بطلى ضرب لا هابلغ عنك .. بقولك اهو
لا حاولى فى اسلوب تانى احسن من الضرب لانه فعلا بيأذى نفسية الطفل وخاصة لو كان اصلا من النوع الحساس ... بعدين فى رأى تانى يقولك الطفل لو اتعود على الضرب مش هيجيب معاه نتيجة بعد كده .. يعنى كده كده مش نافع الاسلوب ده ..
انا معاكى ان اوقات الاطفال بتجنن وتخرج الام عن شعورها لكن طولى بالك واصبرى وربنا يعينك ..
ممكن تحاولى فعلا تعزليها عن نشاطات البيت يعنى خللى النوتى تشير فى اخر الصالة فى مكان مفيهوش نشاط او فى اوضتها زى ما قالت مام .. او شوفى طرقة عقاب تانية ..
ربنا يحفظ لك اولادك يارب

كتبت بواسطة انسانه نادره

انابيلا موضوع رائع
وانا مابحب حكايه ال

naughty chair

لانني بشعر انها بتهز شخصيه وثقه الطفل , بس انا كان عقابي لاولادي هوThinking chair بطلب منه انه يروح لغرفته و يجلس على كرسي في غرفته ويفكر بالذي عمله وهل هو صح او عادل , واقول له لما خلصت تفكير تعال وقل لي .
ربنا يحفظ اولادنا كلنا .

وجهة نظر تحترم جدا حبيبتى .. وانا معاكى فى فكرتك الجميلة بس اعتقد ماينفعش نطبقها مثلا على طفل عنده 3-4 سنين .. يعنى هيفكر فى ايه ؟ هو اصلا فى سن ده بيعتقد ان كل شئ من حقه !!!
يعنى ياريت تفيدينا بدأتى تطبقيها وتجيب نتيجة من سن كام ؟ وهل بتستخدمى طرق تانية للعقاب ؟؟

كتبت بواسطة anapella

وجهة نظر تحترم جدا حبيبتى .. وانا معاكى فى فكرتك الجميلة بس اعتقد ماينفعش نطبقها مثلا على طفل عنده 3-4 سنين .. يعنى هيفكر فى ايه ؟ هو اصلا فى سن ده بيعتقد ان كل شئ من حقه !!!
يعنى ياريت تفيدينا بدأتى تطبقيها وتجيب نتيجة من سن كام ؟ وهل بتستخدمى طرق تانية للعقاب ؟؟

انابيلا العقاب حسب السن يعني لو هو 3-4 سنه صدقيني السن دا بيتعلم الطفل ايش الصح من الغلط وواسلوب الام والاب هي الاساس في توصيل رسالتهم للطفل يعني الصراخ والضرب ظبعا مرفوضه رفض قاطع ...فانا كنت بكرر لاولادي بالسن دي واقول مثلا لو عايز ياخد شي ليس ملكا له . بقول له لا لانه ليس لك هدا لفلان .......فبيرد عليا بيقول اييييه ... we should share ههههههههههههههه
المس علمتهم بالمدرسه بالمشاركه في كل شي
وكل ماكبر بيفهم اكثر .
وعلى فكره القصص بيتعلموا منها كمان وبتوصل لهم المعلومه والهدف من القصه .

وربنا يحفظ اولادنا . .

كتبت بواسطة anapella

ام اروى بطلى ضرب لا هابلغ عنك .. بقولك اهو
لا حاولى فى اسلوب تانى احسن من الضرب لانه فعلا بيأذى نفسية الطفل وخاصة لو كان اصلا من النوع الحساس ... بعدين فى رأى تانى يقولك الطفل لو اتعود على الضرب مش هيجيب معاه نتيجة بعد كده .. يعنى كده كده مش نافع الاسلوب ده ..
انا معاكى ان اوقات الاطفال بتجنن وتخرج الام عن شعورها لكن طولى بالك واصبرى وربنا يعينك ..
ممكن تحاولى فعلا تعزليها عن نشاطات البيت يعنى خللى النوتى تشير فى اخر الصالة فى مكان مفيهوش نشاط او فى اوضتها زى ما قالت مام .. او شوفى طرقة عقاب تانية ..
ربنا يحفظ لك اولادك يارب

يا غالية انا ما قلتش انى بضربهم ..حرام عليكى هتلبسينى تهمة هههه

البنات لا اضربهم ..انا قلت لما عمر بيضرب اخواته جامد او يشد شعورهم بضربه خفيف علشان نفسية اخواته بس

هو مش فاهم اصلا ان ده عقاب لانه ما وجعهوش ...فهمانى ؟