السلام عليكم ورحمة الله وبركاته
من خلال خبرتى مع اولادى واولاد اخواتى وزوجات اخواتى عرفت حاجة مهمة جداااااااااا وخطيرة الا وهى شخصية الام وكيفية تعاملها مع اى موقف.........
بمعنى ان الام لو حازمة وموقفها محدد ومش بتغير رأيها هتعرف تكمل ازاى مع اولادها وهتلاقي حياتها اسهل واقل توتر وعصبية مع اولادها ازاى؟
مثال :لو ابنى طلب منى حاجة وانا رفضت مع اسباب الرفض وفهمته لاء ليه وهو اصر وبكى وصرخ هتعملي ايه؟؟؟؟؟ممكن ترجعى ف كلامك وبكدة ابنك هيفهم انك ممكن المرة الجايه اول ما ترفضي يبكى عشان توافقي وساعتها انتى اللي مش هتعرفي تتحكمى ف تصرفات وتضايقي وتتخنقي وممكن تتعصبي و.....و..........و............
لكن :
لو اول مرة رفضتى وفهمتيه وهو بكى وصرخ وانتى نطنشتى تانى مرة هو يطلب ويبكى من غير صراخ وانت ثابته تالت مرة هو هيقتنع ويبقي فاهم انك رفضتى مرة ومش هترجعى ف كلامك.
الخلاصة :
انا لا اقصد ان الام يجب ان تكون حازمة بعنف او تكون ترفض لمجرد الرفض لاء لو هتقولي لاء يبقي لسبب مقنع وتفسري لابنك دة ووقتها الحياة هتبقي اسهل واهدى للام والابن .

صحيح أختي الحزم ورفض بعض متطلباته لمصلحتة مطلوبه .
ولكن شريطة التزام بالهدوء مع شرح الأسباب بطريقة سهلة يفهمها الطفل
حتى لا يتحول الرفض إلى معركة .
والله دموعهم غالية علينا بس لأجل مصلحتم نقوي قلوبنا
سلمتي يالغالية
وحفظ الله أبنائك وأبناء عائلتكِ

موضوع مهم

لكن بس يكبروا بيعتقدوا رفضك انه فقط اعتراض
وحتسمعي انت بس تقولي لا
على كل شيء


ويبدأوا في تكبير راسهم

خاصة لو وجدوا طرف لين معهم اما اب أو ام .