السلام عليكم ورحمة الله و بركاته

ابني الكبير الله يخليه ويبارك فيه عمره 4 سنوات و 5 شهور وهوة في بستان = سنة اول روضة= كي جي ون

المهم ماشاءالله عليه هوة زكي و شاطر و نظيف و به الكثير من المميزات ماشاءالله تبارك الله

بس عنده عدة مشاكل من بينها الزن

ومش اي زن

والله ينخر في الدماغ و يجيب استفزاز وصداع مش طبيعي ...

يعني في رحلة بعد اسبوعان في الروضة يبدا من هلأ يزن عليها

ماما في رحلة اجاوب اه يا حبيبي

ماما بكرة الرحلة لا حبيبي الرحلة يوم كزا

ماما لاااا بكرة الرحلة

ياحبيبي مش بكرة

ماما لالالا بكرة بكرة بكرة

بالاخر اقله طيب

وماتمر ثواني الا نفس الحوار متكرر الرحلة الرحلة الرحلة

مثال اخر ::: ماما الجمعة اجازة

اقله اه ياحبيبي

يسكت وبعد ثواني يعيد نفس السؤال واجاوب بكل اريحية عشان مايحسني مستفزة

اه ياعمري في اجازة حبيبي الجمعة اجازة

والله العظيم يضل يكرر السؤال واكرر الاجابة

وبالاخر اقله فهود هوة الجمعة ااجازة يقلي اه ياماما اقله طيب ليش بتضلك تسال

بسكت وبقلي هيك عشان الجمعة اجازة

مرة ابوه جابلهم شمسيات هوة واخته للمطر و صارو يخربوها رحت ضبيتها والله ضل يزن من 1 الظهر لل7 المغرب عليهم لغاية بالاخر نام

ماشاءالله عليه قوة وقدرة زن موجعة للقلب هههههه

انا بعرف حل الزن انك تطنشيه عشان مايفكر حاله يستفزك او ياخد الي بدو اياه بالزن

لكن انا مابقدر لانو بيصدع الراس ولو شخطت فيه او عصبت مابسكت بضل وكاني خيال وماليش صوت

حتى زوجي من النوع الصبور جدا على الاطفال و يحبهم ويتحملهم ولكن عند زن ابني يصير يقللي انت بتعصبي عالفاضي

بقللو طيب ابقا اسمع


بس يقعد في البيت و يسمع زنه بنرفز وبقله خلص يا بابا اسكت الله يخليك

ويبقا يزن لغاية بالاخر ينتهي الامر اما بصراخ او زعلة

انا بحبه وبحاول اعامله باحترام وكانه كبير


بقعد معاه وبفهمه سبب رفضي لامر يريده

على مبدأ اقنعي طفلك ... مثلا بدو يطلع مع ابوه عالصلاة او مشوار والدنيا برد كتير

افهمه حبيبي انت شطور صح وانت بتحب تضلك حلو والدنيا برد بتمرض ومابنروح عالمراجيح وبنصير سخنين والخ الخ

ابداااااااا برجع يزن ويقول لاااااااا بدي اروح

يعني دائما احاول افهمه سبب رفضي او غيره ولكن مابأثر فيه على اغلب الاحوال

اناقشه و اطبق الاساليب الحديثة ومابلاقي تجاوب

موضوع اني اتجاهله لغاية ميسكت ماقدرت عليها لانو بيزن بطريقة صعبة

بنتي بتزن ممكن مجرد شخطة بسيكة او خلص اسكتي او تفهميها وتحضنيها بتسكت ماشاءالله عليها

حتى لو تجاهلتيها بمشي الحال

اماهوة مختلف ماشاءالله عليه
وقصة الزن على امر ضايله وقت هي كمان مزعجة جدا

من هلأ بيزن على رمضان والعيد والسيارة الجديدة والبوت الي على شكل سيارة و لبس العيد

بالله انا من وين اجيب اعصاب لرمضان هههههه

اتمنى تساعدوني بالاساليب لاني تعبانة ولست من النوع الصبور وهي خلقة الله حاولت اصبر نفسي واتغير من طولة البال

فنجحت لحد معين بعد هيك ماعدت قدرت لانو صارت شغلة متاصلة فية من صغري و هادا من شخصيتي

شكرا لكن

فعلا الطفل الزنان مشكلة كبيييييييرة


وابنى نفس ابنك بالظبط



بس تعرفي أنا ما بخليه يزودها كتير



بجاوب مرة


برد التانية


بفهمه


بقعد معه وبعطيه كل الوقت لأنه ساعات الزن يكون سببه عدم إعطاء طفلك وقت واهتمام وبلاحظ كتير لما يكون عندي ضيوف مثلا ومشغولة



ألاقي أسطوانة الزن اشتغلت


حتى الكبار سبحان الله 10 سنوات و11 سنة


بس يشوفونى قاعدة على النت أو بشوف أي برنامج بتركيز في وقت وجودهم بالبيت


تلاقيهم يزنو ويطلعولك مليون شغلة ومليون طلب


حتى وهما يزاكرو متلا لازم إقعد قدامهم يشوفونى ويطمنو


هيك الاطفال الأم مصدر الأمان والثقة بالنسبالهم وعدم الاهتمام يخليهم يزنو ويخترعو أي طريقة لجلب انتباهك


بالنسبة لابنى متل ما قلتلك


بالأول أعمل كل المستطاع


ما بطل


بكون حازمة جدا معه


ولو تطلب الأمر قرصة أو ضربة خفيفة

بلاقيه بيبطل على طول


أكيد مش بعصبية ولا عنف


بس ضربة خفيفة او قرصة ودن خفيفة للتأديب ويكون فاهم تماما سببها


الله يقوينا ويرزقنا طولة البال والصبر ويؤجرنا يارب

ههههههههههه
بجدبجد ضخكت من قلبي والله خاصة الاجازة الجمعة
هههههههه

حبيبتي
هو السبب لفت انتباهكم له
حاولي تخصصيله وقت الو للحديث معو
وغير هيك اشغليه بدراسه
او العاب تحتاج تركيز زي البزل والفك والتركيب والصلصال
اقلام تلوين وكتب تلوين
وزعي وقته مشان ما يلاقي وقت للزن هههههه
امانه بوسيلي اياه بجد ضحكني من قلبي والله
:-)

Sent from my ST25i using منتديات لكي النسائية

ههههه
شو يا سوسو بجد بتعرفي تكتبي قصص انتي لم ارى بحياتي
مشكلة تروى بهذا الجمال
والله ضحكتيني من كل قلبي وخصوصا كلمة ابوه حسيت فيها
وفيكي من كل قلبي

اقولك على عبودي اللي عندي عشان تعرفي رحمة ربك باللي عندك
عبودي نفس اللي قلتيه بطحر يعني زن ونكد مع بعض
بكرة الجمعه لا يا حبيبي بكرة الخميس وبعده الجمعه
لا بدي بكره الخميس
وهو بزن ونفس عمر ابنك كان بالضبط
ياماما نقعد نفهم ونتحاور
والولد ابدا بده بكره الجمعه
وزن ونكد يا الله دخيلك وصرت اقول لابوه استخدمت
جميع الوسائل والاساليب التربوية
واستخدمت جميع الوسائل الغير تربوية

مش راضي يرحمني

كان يزن كثير اقوله عبودددددددد دخيل الله ارحمني

وكمان كنت اروح على الروضة ألاقي الانطي راح تنجلط
تقولي احلى ولد واشطر ولد وارتب ولد ولكن الزن

متلا بده يطلع على المراجيح بصير اكلمه واعاقبه وكل شيء وهو كل الصف ساكت وهو قاعد محله وزززززززززززن بده الشغلة اللي حطها في راسوا

اخ ياني
ولكن حابه ابشرك انها فترة وتعدي
الان هو بتمهيدي وعده خلص ان شاء الله
فيه زن بس مع متل اول بالمرة
اهم نقطة تشغلي وقته 100%
هذه من انجح الوسائل ووقت ما يزن لا تردي عليه
وروحي غرفة تانية كانت تضبط بعض الاحيان يزن يزن يلاقيني طفشت يسألني ليش مش انتي عندي اقوله عشانك بتزن ... يسكت

وربي يعيننا على تربيتهم بجد خصوصا الطفل الزنان
بده اكثر من غيروا اهتمام وفكري كيف تشغلي تفكيروا باشياء مفيدة والمهم يحبها ويندمج معها
وربي يوفقك يارب

ههههههههههههههههههههههه
الله يكون بعونك
والله حاسة فيكي
بحكيلك عن ابني ولا بلا وجع هالقلب ؟؟
يعني ابني صار عندو 7 سنين
وجربت معو كل الطرق والاساليب
ومتل ما قالو الاخوات شغلتلو وقتو قال يمكن يبطل زن
ولييييييييييييييييي مصيبة
زااااااااااد الزن
على طول بقول الله يصبرني ويهديه
يااا رب


بس تلاقي حل فولاا ابعتيلي ياه

اختي كريمة شكرا لك ولردك الكريم
والله بهتم فيه و بعطيله وقت واهتمام خاص يمكن زيادة عن اخته نظرا لطبعه الزنان و كثرة سؤاله و تفتحه
ولكن فش فايدة
وكما قلت لو انشغلت يشتغل الزن
الله يعينا الزن مش طبيعي و ماساوي
شكرا الك



مام ياعمري ايش اخصصله وقت اكتر ؟كل الوقت الهم
بس مجرد اقعد عالنت يشتغل الزن
ومجرد احكي مع ابوهم في اي موضوع بنجنو وبصيرو يحكو شروي غروي على راي السوريين هههههههه
بصير بدي انجن والله العظيم
مش معقول لازم الواحد ستاند باي عشاهم ؟؟؟
بعديييييين مو ضروري انشغل
عادي ممكن في اي لحظة واي وقت
احاول اشغله واعطيه العابه وهيك
بس خلص هادا طبع والله يجيرنا منه ويهديهم يارب



وعلى فكرة ابوهم شمتان فية و يعتقد انو هوة يشبهني في الزن وان هادا جزاء من الله عشان انا بزن على زوجي كتير فالله يخلص المظالم هههههههههه
انا نعم بزن ولكن وين ووين يعني طبع زي اي بنت في الدنيا بشكل عام احنا زنانين
اما اني معذبة زوجي و هادا انتقام فهادا ظلم وبهتان عظيم هههههه

بنت الاحرار حبيبتي
كنك بتحكي عن ابني في قصة يوم الخميس والجمعة
لانو نفس الحوار بيتكرر بيصحا الخميس مصر انو الجمعة عشان مايروح عالروضة لانو زهق منها اخر فترة وبده الاجازة
ههههه
بس ابني يااختي في الروضة مافي احسن منه مطيع وهادئ ومابحب الدوشة حتى بيقلي انا زهقت من الاولاد بيضلهم يضربو بعض بدي ارتاح منهم شوي ههههههههه
يعني والمدرسة مبسوطة وبتشكر في كتير ماشاءالله تبارك الله
بس البدع بتطلع في امه المسكينة

اما اني صرت أألف قصص فهادا من نتاج الابداع الناتج عن الخلفة ههههه يعني انا احيانا بحس الاولاد بطلعو فيكي مواهب خفية ماتكتشفيها الا وانت كبرتي وخلفتي
في امل اصير روائية ساخرة برضو

الله يبشرك بالخير مدام بتقولي بتنتهي بس قلبي مش مطمني كتير
الله يهديهم يارب شكرا لك كتير


ليزا قولي وجع هالقلب موجود وخالص من زن الافندي ههههه
الله يعينك هي 7 سنين ولسة شغال الزن يعني ربنا يستر
الله يهديهم
بس الاقي الحل بقلك
وشكلو من هلأ مافي حل الا بالصبر واحتساب الاجر ونيل الفردوس الاعلى لما نقاسيه من زن الاولاد

هههههه
الله يخليلك ولدك و يحفظه
إن شاء الله يتغير للأحسن و يصير
مثل ما تتمني هي فترة و تعدي إن شاء الله

يارب يسعد قلبك


بتعرفي هو سن يحب الكلام والتفصيل في الكلام

ويحب التوضيح ويحب الاستطلاع

ويحب يلفت نظر ويحب يبين انه هو الكل في الكل

ويحب يكون هو التوب

في كل شي وفي كل مكان

انا بصراحة كنت اصرخ صرخة بصوت عالي واقول خلاص انتهى

بس تعرفي نسيت ايش مريت مع اطفالي الكبار

الان انا في طور التعلم مع اصغر واحد

وربنا يعين .

الحبيبات كلهم ماقصروا وربي يجزيهم الجنة .

ما شاء الله حبيبتي سوسو الله يخلي لك ابنك مبين عليه محبوب جدااا
عجبني كثير طريقة اسلوبك بالطرح بجد حلوووو كثير وضحكتيني كثير ربي يسعدك
شوفي حبيبتي يمكن الاخوات اللي قبلي كمان قالوا نفس اللي راح اقوله
ابني عمره 4 سنوات ونص
من لما صار عمره 3 سنوات وهو بيزن الى الان
كنت بالبداية بعصب وبصرخ بأعلى صوت خلالالالالالالالالالالالالاص
بس لقيت انه ما بينفع وإنما بيزيد من الطين بلة
لانه ابني صار يخاف مني وبلش يتأتئ بالكلام
فـ صرت اشغله بألعاب ونشاطات كثيييييييرة
ومع هيك كان بيزن اكثر واكثر
بس اله كم شهر خف الزن شوي
لاني صرت اعمل مثل المسرحية البسيطة بين يوم ويوم
وكل يوم بحكي عن عادة سيئة وكيف الطفل الشاطر بيتغلب على هالعادة لحتى يكون الطفل المثالي والمحبوب من الكل
ومن ضمن حكاياتي كانت عن موضوع الزن
وكمان كنت اوعده انه لو ما بيظل يزن بعطيه هدية ولو زن راح احرمه من شي بيحبه
احيانا بيظل يزن فـ بطنش او اروح لمكان ثاني
واذا لقيته مصر اكثر وبيظل يزن اكثر فـ بغير من الموضوع فووووورا وبحكي معه في موضوع ثاني بيجذبه اكثر
فـ بينسى الموضوع اللي كان بيزن عليه
وهكذا
وان شاء الله هي فترة وتعدي
لا تشيلي هم
ربي يبارك لك فيه ياااا رب