تويت
انا وابناءى على الخير اعوان
موضوع التعاون استوقفتى كثيرا فى اسرتى الصغيره
ولاننا مجتمع ذكورى فهذه مشكله فى مجتمعاتنا العربيه
اذكر اننا عندما كنا صغار كان اخى يساعد امى ويساعدنا
فى وضع الطعام وشيل الاكل بعد الانتهاء وفجأه والدى زعق فيه
وقال له هذه شغله البنات وليست شغلتك انت
وبعدها لم يساعد فى اى شىء
انا لدى ولدان ولانى ابذل مجهود كبير فى بيتى وجدتها مشكله
ان يكون الاعتماد التام على وخاصه بعد اصابه يدى اليمنى
بالتنس البو كما شخصه الاطباء
المهم وجدت ان على ان احاول ان اجعل طفلى يساعدونى
اول شىء عملته انى علقت شماعه وراء الباب تناسب عبد الله
ولانها كانت شىء جديد فعجبته وقلت له انها شماعتك لوحدك علشان
نعلق عليها هدومك وفعلا ن
فعت التجربه وبدأ يعلق هدومه
الشىء الثانى انى احاول معه ان ينظم العابه ويجمعها بعد اللعب
ولانه اصبح مشاغب فعنده حته عند بسبب غيرته من اخيه
فأصبحت احفزه بمساعدته واقول له مين حيشيل اللعب اسرع
او يلم قطع الميكانو وبدأت كمسابقه بيننا وطبعا بهوج بدءت
تعجبه الفكره فيتشاركو واصفق لهم على ذلك
واقول لهم شفتو البيت بقى جميل ازاى
واحيانا تكون هناك مكافاه ولو مشاهده برنامج بيحبه
الشىء الثالث هو ان اعمل الغذاء واطلب منه ان يضع المفرش على السفره
وبهوج يشيل الملاعق وبعد الانتهاء من الاكل واجمع المفرش يضعه
هو فى سله المهملات
وطبعا الاستاذ بهوج غاوى نظافه فطول النهار اما ماسك فوطه
او مناديل وبينظف وعندما نساله انت بتعمل ايه يقول بنظف يا ماما
غير استخدام المكنسه وغيرها وساعات اسيبه وساعات بصرخ منه هههههه
ربنا يقدرنا على تربيه ابنائنا تربيه صالحه
تعليق