ابنك لسه ما دخل الروضة تعالي ندردش سوا

**حنين الياسمين** · 21-09-2012, 11:05 PM

ماشاء الله ام غيث ربي يحفظلك غيث يارب

أنا أخدت حصتي والاولاد هلىء نايمين باكلها عنهن معلش ههههه

تسلم ايدكِ

وان شاء الله يكون في تفاعل يارب

**yaraaaaaa** · 21-09-2012, 11:14 PM

السلام عليكم
مشكورة على التجمع ان شاء الله نفيد و نستفيد انا عندي يارا الله يحفضها و يحميها و جميع اولاد المسلمين يارب عمرها سنتين و تلات شهور و ما دخلتها الروضة مع اني اوقات اعطف عليها و اقول يمكن تكون احسن لو كانت في الروضة و تلعب مع اقرانها لانها ما بتطلع من البيت غير نادرا
ان شاء الله استفيد من افكار الاخوات حتى ما تمل بنتي

Sent from my GT-N7000 using منتديات لكي النسائية

*** أم الأميرة *** · 21-09-2012, 11:40 PM

وعليكم السلام ورحمة الله

هلا وغلا حبيباتي أم غيث وأم عبادة والاخت أم يارا والجميع
تجمع مبارك ان شاء الله ويارب يتحقق فيه كل استفادة

عندي أميرة الدكتورة > هيك علمتها تحكي حتى تخلق بداخلها روح التحدي والمثابرة
عمرها 3 اعوام وشهر
بما انا بغربة احتكاكها قليييل بالاطفال ومرات بحزن عليها
لكن الحمد لله بحاول اعوضها باشياء تانية
مثلا تتعلم الحروف والارقام وهيك شي
عندها مجموعه من القصص والكتب للاطفال وبتحبها كتير

رغيت كتير بعرف

ان شاء الله نكمل دردشتنا قريبا
ونتعرف على خبرات ومهارات جديدة للتعامل مع اطفالنا
وخصوصا العناد اللي من يوم ما رجعت من الاجازة زاااااد بشكل غريب

دعواتي لاطفال المسلمين جميعا بالهداية يارب العالمين

**أم غيث2009** · 22-09-2012, 01:07 AM

السلام عليــكم ورحمة الله وبركاتــه
حياكن اللـــه أخياتي (^_^)

أم عبادة صحتين وعافية على قلبك بس حاول بعد متاكليهن تلعبيلك شوية رياضة

ربنا يحميلك الأطفال ويقر عينك فيهم.

أم ياراااا حياك الله أخيتي وربنا يبارك لك في بنتك ويقر عينك فيها..
بتعرفي ابني بيعاني نفس الشي لأنه نادرا ليلاقي حد يلعب معاه لأنه المعظم مسافرين وأنا طلعاتي مو كتيره
لهيك كتير بيمل وبيصير يتخَلق بيلي بالبيت (^_^) وأحيانا بحكي يلا معذور وأحيانا طبعا لا مجال للمراعاة لازم أعاقب (^_^)

أم الأميرة أخيتي الغالية ما أخبارك؟
الله يخليلك ويحميلك الأمورة

ويجعلها بأعلى المراتب في الدنيا والآخرة
شغلة العناد شي طبيعي بعد اختلاطها بناس بشكل مختلف عما كانت تتعايشه ..

غيث كتير غلبني بفترة الإجازة لأنه كل المغتربين إجو وكانت مناسبات كتير
فعانيت معاه كتير
بس هلا الحمدلله رجعت أسيطر على الأمور

ربنا يبارك لنا في هالتجمع ونقدر نستفيد ونفيد الجميع (^_^)

حرَّمَ الله وجوهكن ومن تحببن على النـــار .

**حنين الياسمين** · 22-09-2012, 09:31 AM

منورين ياحلوات
وربي يسعد هالصغار ويحميهم

فعلاً بتعرفوا وين شفت المشكله لما نقول عن أطفالنا حرام طيب هو مابيطلع ولا بشوف اولاد خلي على راحته

صارت معي وطبعا بسبب الغربه وما عندي حدا كنت قول حرام خلي ياخدوا راحتهم ويلعبوا وخربوا البيت واذا طلبت ينظفوا ومايردوا اقول عادي
محبوسين وكمان بدي أخليهم ينظفوا

بس صدقوني غلط مره قعدت وقلت خلص لازم اعاملهم عادي وانسى كلمة حرام

وفعلاً بدأت أطلب منهن شغلات ويساعدوني ونبطل دلع وعناد

وبفضل الله فتره وسيطرت ع الامور بالنهايه صدقوني نحن كيف منشعر مننقل لأطفالنا شعورنا

صدقوني

مثلاً كلام أم أميره لبنتها بجد أعجبني جداً ربي يبارك فيها هو مو بس كلام البنت من جواها رح تبني شخصيتها على هالاساس

**حنين الياسمين** · 22-09-2012, 09:32 AM

ع فكره أنا متطفله على الموضوع لأنو بنتي السنه راحت للروضه

تقبولني ولا ألفلف وأرجع ؟؟؟؟؟؟

**حنين الياسمين** · 22-09-2012, 09:36 AM

تفضلوا يااحلى مامات روقوا حتى نبدا يوم ممتع ولطيف مع أطفالنا

وهاد عصير برتقال للاطفال الحلوين

**- بنت الأحرار -** · 22-09-2012, 07:55 PM

يسعد مساء الغاليات
أم يارا , وأم غيث , وأم الأميرة الدكتورة , وأم عبادة
ربي يسعدكم جميعااا

صدقا من خلال التجربة
العناد من كثر ما البنت واضعه امها ند لها ولو أنها صغيرة
لازم تخرج
عارفة يا أم الأميرة

بنت حماتي
في الإمارات ووضعت ابنها من سنتين بالروضة من حضانة
وبجد هلأ عمروا 4 سنوات
خيال الولد
تبارك الله عنه
بجد أمير

أول شيء
بالإمارات ممنوع اكثر من 5 طلاب بالفصل
أو 9 بفصل واحد وبمربتين
وهذا لوحده ميزة كبيرة
اللي اقل من 4 سنوات
أغلب وقتهم لعب ونط ورياضة
وتعليم بسيط من خلال التكرار
وبطريقة سحرية بجد
كل طرقهم ولعبهم راائعه ومذهلة
ربي يحميه ياااارب

فانتي جاية على ولادة
لو توديها تتسلى
لكي لا تتعب مع ولادة طفل جديد
وخصوصا وقت الرضاعة
اولها تأخذ وقت كبير
ادرسي الموضوع واستخيري وشوفي
انتي فكرتي ولا لأ
؟؟؟؟

راح تلاقيها بعون الله انشط وأروع ان شاء الله

لي عودة للرد على الجميع
بعون الله

أحبكم

**الـمنـى** · 22-09-2012, 10:43 PM

جميل
اعجبني كثيرررر
انا عندي بنت 4 سنوات ودخلتها الروضة
لأنه لازم تدخل هو السن كل الناس بدخل أولادها بهذا السن
وبلعبوا وبغيروا جو
وبيريحوا شوي

متابعه لكم

**yaraaaaaa** · 23-09-2012, 01:27 AM

السلام عليكم تسجيل حضور و ان شاء الله ادخل بكرة اقرا لاني دلوقتي بس رجعنا من بيت حماتي و يارا الحمدلله غيرت جور و كانت فرحانةو طلعت مع عمتها و لعبت برا و لما رجعو اخدو الاقلام و الورق و رسمو و اول مرة من يوم ما اتولدت اروح انا و ابوها لمشوار من غير ما ناخدها و تاخرها ساعتين و شوية و لا بكيت و لا شي الحمدلله و حضنتها و قلتلها اشتقتلك و حضنتني هي كمان و قالتلي اشتقتلك ههههههههو سالتها انبسطتي قالتلي ايوة قلتلها خلاص الليلة تنامي في حضن جدتك و انا اروح البيت قالتلي لا ياراتنام في بيتها هههههههههو انتهى اليوم الحمدلله و بكرة ان شاء الله اروح لعند اختي بالمرة تلعب يارا مع اولاد اختي و احبسها باقي الاسبوع هههههههه

**حنين الياسمين** · 23-09-2012, 09:34 AM

ماشاء الله اضافات راااائعه

أم الاميره أنا مع كلام ام صلاح جربي ودي اميره الدكتوره للروضه وشوفي والله بتفرق معك اسأليني الي ههههه

بتعرفي ام صلاح كلامك صحيح عن الروضات ويارب تصير بدولنا ولو شوي هيك

المنى ماشاء الله عندك بنت عمرها 4 سنوات الله يخليلك ياها طيب ياقمر احكيلنا كيف حضرتيها للروضه

ام يارا ماشاء الله عليها يارا أيوا هيك البنت بتنام في بيتها ههههه ربي يسعدك ويسعدها يارب

يلا اليوم بتحكيلنا شو عملت عند أختك هالقمر

حبي للجميع

**أم غيث2009** · 23-09-2012, 05:41 PM

السلام عليكم ورحمة الله وبركاته
كيفكــن أخياتي؟؟
أسأل اللــه أن تكونوا جميعا بخير وسعادة (^_^)

حياك الله أم عبــادة بروضة وبدون

المنى حياك اللــه أخيتي معنا وربنا يخليلك بنوتك

أم صلاح حياك اللــه (^_^)
الروضة بمناطقنا مشكلة بسبب قلة الأمان في أماكن اللعب وكذلك الكادر المتخصص برياض الأطفال
ناهيك عن الكم الكبير من الطلاب في الصف وهذا من الأسباب غير المشجعة لتسجيل الطفل بهكذا أماكن بوقت مبرك جدا..

يــارا يعطيكم العافية وإن شاء الله تنبسطوا بمشواركم (^_^)

**أم غيث2009** · 23-09-2012, 05:45 PM

طبعـــا أعذروني مبارح اختفيت من هون .. بما إنه كان يوم سبت وإجازة عنا
فكان عندي ناس يزوروني وقضوا النهار عندي والحمدلله انبسطنا
بس طبعا بما إنه كان في 4 أطفال من نفس العمر موجودين (طبعا أصدقاء غيث المفضلين)
ما بتصدقوا كيف كان شكل البيت بعد ما روحوا هذا طبعا بعد ما ساعدوني بترتيب البيت شوي قبل ميروحوا ههههه

المهم الحمدلله إنه الكل لعبوا وانبسطوا والأجمل إنهم أكلوا منيح (^_^)

ربنا يسعدكم جميعا ويحميكم ويبعد عنكم وعمن تحبون كل مكروه .

**{ أم أنـــس }** · 23-09-2012, 05:54 PM

السلام عليكم

يسعد مساكم جميعاااا

جمييل التجمع اللي فتحتيه حبيبتي ام غيوثه العسول والله يحميه ويرضى عنه وتشوفيه كبير ويعتمد عليه

انا لولو او الآء السنة دخلت الروضة هي ما اتمت الاربع سنين بس احبت الروضة والذهاب اليها الحمد لله

منورات يا غاليات اللي بعرفهم مثل ام الاميرة وام عبادة وام صلاح والله يحمي الصغار الحلويين

وكمان الاخوات الغاليات يارا والمنى والله يحفظ صغاركن

اسمحولي ازوركم كل فترة بها التجمع الرائع والله يبارك بجهدكن

تسجيل شوق كبير لك ام غيوثه

ابنك لسه ما دخل الروضة تعالي ندردش سوا

ابنك لسه ما دخل الروضة تعالي ندردش سوا

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق