تجربتي في تعليم طفلي الصغير الصيام حتى لو لساعات قليلة**تجربة متميزة**

السلام عليكم
اخواتي انا حابة انقل لكم تجربتي في تعليم ابني صوم لساعات قليلة في رمضان
في البداية اعرفكم عن طفلي ابني اسمو عمر وعمرو 4 سنوات ونصف وطبعا لساتو صغير حتى يصوم يوم كامل
وخاصة في هذا الجو الحار بس انا حابة اعودو على صيام حتى لساعات قليلة حتى يتعود عندما يكبر
في البداية
طبعا كاي طفل في عمرو هو مش يكون عارف المعنى صحيح لرمضان لانو سنوات الماضية كان صغير
اول ما اعلنو انو رمضان بكون يوم الجمعة جبت عمر لعندي وقلتلو
ما شاء الله يا ماما انت كبرت هي سنة واجا رمضان وبدك تصوم
طبعا صار يسالني مين جاب رمضان ؟ وكيف بدو يجي ؟ وايش يعني صوم ؟ واسئلة ما بتخلص بس انا بحمدلله اجبت على الاسئلة باجابات تساعدو على الفهم لعقله الصغير
واحلى شي لما قلتلو على الجنة وانو الي بصوم بفوت الجنة سألني ماما الجنة فيها العاب قلتلو فيها العاب كتير قلي ماما يلا نروح الجنة خلي بابا يخدنا عليها ههههه
طبعا عمر استوعب هلأشياء والحمدلله
وبلش اول يوم رمضان طبعا انا حاطة هدف زمني للصوم طفل في عمرو تقريبا 6 ساعات
واول ما بدأت في صيام عمر بدأت
معا بتدريج لحتى ما يتصعب الفكرة بدأت من 3 ساعات وكل يوم ازيد شوي ومن امبارح ماشاء صام 6 ساعات كاملة
يعني قبل ما يأذن المغرب بالفترة الي حددتها مسبقا بشرب ابني وبطعمي وبقلو يلا ماما انت هلأ صايم وبس يجي موعد الفطور بحطو ياكل في سفرة معنا انا ووالده وبنتعامل انا وابو معا كأنو صايم
والحمدلله اول يوم صام وبعد ما خلص اعطيتو مكافاءة وانبسط كتير وتقريبا يوميا بعد صيام بعطي مكافاءة يوم بعطي نقود ليشتري الي بدو ياه ويوم باخدو على الحديقة ويوم بجبلو سي دي الفلم الكرتوني المفضل له بس بدون ما اقولو عنها لحتى ما اجعل من هدف صيام هو المكافاءة
وفي كتير من الاهل اعترضو على صوم ابني وقالو بعدو صغير ورح يصير يكره الصيام بس انا مقتنعة انو انا لم اظلم طفلي بالعكس انا اساعده على انو يكون طفل لهو هدف في هذه الحياة واحاول تنشئته على التربية الاسلامية
أتمنى انكم تعطوني رأيكم في ذلك هل انا اظلم طفلي ام انا اساعده على محبة الصيام وشكرا؟

ما شاءالله تبارك الرحمن
لا حبيبتي انتي ما تظلمينه
مادام هو قادر وما تحسيه بيتعب او مرهق
وانتبهي لاكله لما يفطر انه يكون متنوع
ما بين خضر وفواكه
ونشويات وكربوهيدرات مفيدة وبروتينات
ولا تنسين تركزي عالماء والسوائل كونه الجوه حار عندكم غلاتي
هنيئا لكي به

ماشاء الله ربي يحفظه لك ويبارك فيه
تجربتك رائعة جدا
انا ايضا ابني بعمر ابنك وبدأت معه
وهو متحمس كتير الحمد لله
حتى اليوم باقول له افطر اليوم مافي مشكلة
قال لا باصوم رمضان كله
ربي يجعلهم واولادك من الصالحين
بارك الله فيك تجربتك راااااااائعة

ماشاء الله تبارك الله

الله يحميه لك ويحفظه

انا عن نفسي في هذا السن لا اطلب منهم الصيام كونه جسمهم بيكون مرهق
من اللعب والحركة الكثيرة ويكونوا يحتاجوا سوائل

ابدا معهم الصيام عند دخولهم للمدرسة وبرضاء منهم

لانه في الاصل ليس واجب عليهم

والصوم يجب عليهم بعد البلوغ

ان كان الطفل يسهر الليل وينام النهار كله حتى العصر يعني يكون متعود على قلة الاكل .


الله يبارك في ابنك .

مام اسعدني مرورك حبيبتي
ام سيف الله يخليلك اولادك
ام سهيل اسعدني مرورك غاليتي

تعويد الطفل علي الصيام شيء رائع وتجربة رائعة بارك الله لك