تجربتى فى فطام ابنى يوم بيوم .. متجدد**تجربة ام ناجحة**

الله معك كنوزة
ربي ييسر لك ويوفقك يارب
في انتظار باقي التجربة يا قمر

باذن الله حبيبتى دعواتك ام سيف

طيب شو بالنسبة للتحجير ؟؟
تعاملتي معو كيف؟؟

حبيبتى انا كنت بتعامل معاة بانى اخدت العلاج لتنشيف اللبن ومخفف للالام
وبحاول اتحمل قدر الامكان وبستعين بالله واخد دوش دافئ كل شوية

ربنا يكرمك حبيبتى

هههههههههههههههههه

ضحكتينى يا نجلاء اوى

ربنا يكرمك وادعيلى

اليوم التانى فى الفطام ::

طبعا ابنى اتعود على الرضاعة علشان ينام لكن بصراحة ما شاء الله اول مرة داق الكمون من على صدرى قرف وبقيت اقولو تعالى يقولى براسو لالا

ويبعد

طبعا تانى يوم من الصبح بعد ما صحى بدات اعملو نسكويك متقبلهوش فمغصبتش علية
بدات ادية عصير مانجو وكوكتيل لانو بيحبهم
وجيت على الظهر عملت مكرونة محمرة وحطيت عليها طماطم
طبعا الطفل بعد الفطام مش تبداى بخضار واكل ناشف فقلت المكرونة سهلة فى البلع
اما العشا فكان بطاطس محمرة لانو بيحبها واديتو حتة عيش ومعاة كوباية زبادى

وطبعا بكرر تانى لو الطفل رفض حاجة متغصبيش علية

طبعا الطفل بيحس بفقد الرضاعة وخوف ومش بينام الا فى حضنك ولازم تكونى هادية

بصراحة مخبيش عليكم انا امبارح كان تانى يوم ,وجالى غثيان وقئ من الدوا

فصحيت النهاردة وقللت الجرعة لنصف القرص

النهاردة بقى تالت يوم هحكيلكم علية من بكرة علشان يكون كامل

وادعولى الايام تعدى على خير

ونسيت اقولكم ان بودى حتى لو عاوز ينام دلوقتى بييجى على جلى واطبطب علية وينام مش بيطلب الرضاعة

ربنا يكرمك يا نجلاء انا بجد عارفة انى تعبتك معايا بكتر الاسئلة

النهاردة هكلمكم عن اليوم التالت للفطام

اكيد كل يوم بيعدى وجع الصدر بيخف والابن بينسى الرضاعة اكتر من اليوم السابق

صحينا تالت يوم الصبح
طبعا انا قيلالكم بحط على الكمدينو جمبو ازازة عصير وازازة مية
لقيت ابنى نزل جابلى ازازة العصير وادهانى يعنى عاوز يشرب

فعلا شربها
وجينا نفطر مرضيش ياكل طبعا لانو كان شارب عصير

طبعا مرضتش اغصب علية علشان ميتعودش ياكل بالعافية ولا غصب عنو
انا كنت عاملة فلافل
((طعمية يعنى ))
وشلتلو قرصين وكنت بديلو كل شوية حتة
ولان ابنى مش بيحب طعم اللبن ولانو كان مصدر اللبن الرضاعة واتوقف فبقيت باكلو زبادى

واديلو قطعة عيش يتسلى فيها وممكن قرص بالعجوة

اما الغدا فكان شوية رز والفراخ كانت متبلة وطرية وبقطع الحتة صغير خالص لانو مش متعود على المضغ
ويكون سهل البلع

بصراحة هو مرضيش بالرز اوى لانى عارفة انو مبيحبش الصلة وقلت لا احطلو على الرز صلصة افيد
وشربتو عصير

وجينا بعد شوية هو ب ينام طبعا بيزن شوية ودخلت معاة طبطبت علية مررضيش ينام
وبعدها قعدنا نلعب سوا

ووولقيتو نام على الكنبة لوحدو
وقت العشا كان متبقى عندى رز ابيض بعرضو علية وافق فقلت خلاص اكلتو شوية

والنوم بقى الللى لقيتو صعب لية ؟
لانى كنت معودة ابنى انى بنام وقت محب واخدو ارضعو فينام
دلوقتى لقياة عاوز ينام بس مفيش رضاعة تخلية ينام فسبتو يلعب ولازم تطولو بالكم لحد ما تعب خالص ولقيتو يزن انو عاوز ينام

طبعا كل دة الكمون على صدرى عادى علشان وقت ما يطلب يلاقية
دخلت الاوضة بس فى جو نوم يعنى عالسرير والنور مغلق
وبطلطب علية واقرا قران انيمو

نسيت اقولكم انا ابنى كنت جيبالو سرير اطفال فى الاوضة عندى فكنت برضعو وايمو وانقلو
اليومين اللى فاتو قلت لا ميبعدش عنى فجاة وامنع الرضاعة علشان ميخفش

فبقيت اعمل اية امبارح كان تالت يوم نيمتو عادى على السرير معايا
واما راح فى النوم نقلتو لسريرو بالراحة

بجد كل يوم بيعدى بيكون بيتعود اكتر وبينسى الرضاعة
ولو صحى بليل اسقية مية هينام لانو طبيعى فى الحر انو يعطش

ودى كانت تجربتى فى الفطام
ادعولى ربنا يباركلى فية ويحمية

فى حفظ الله
واتمنى الموضوع ينال اعجابكم والاهم انكم تستفادو بية

واللى عندها اى استفسار تبعتلى عالخاص او هنا

واللسلام عليكم ورحمة الله وبركاتة

ماشاء الله الحمد لله هانت كنزي
برافو عليك والله
احسن شئ فعلا انك ما تضغطي عليه بالنوم ولا بالاكل
بس خلي اختيارت الاكل مفيدة يعني حاول تحطي قدامة فاكهة وخضروات حتى يتعود عليهم
الله يحفظه لك يارب