بسم الله الرحمن الرحيم
يسعدني ان اشارك في مسابقة كيف انظم وقتي واستمتع بامومتي
بجد فكرة رااااااائعة حتخلينا نستفيد من تجارب بعض

انا عندي توأم ولد وبنت( ُأبي ولجين) عندهم 3 سنين و3 شهور

بيبدأ يومي في الساعة الثامنة والربع صباحا (طبعا بحرص اني اصحى الفجر وانام تاني) اصحى واصحي الاولاد واشطفهم والبسهم عشان يروحو الحضانة بيجيلهم الباص الساعة9 الا ربع تقريبا فاستودعهم الله
بعدها ادخل المطبخ و قبل ماابدأ في اي حاجة اشرب كوبايتين او 3 ماء على الريق لما ليها من فوائد عديدة واشغل الراديو (مكنتش من هواة الراديو لكن لقيته وسيلة اعرف منها على الاقل الاخبار وخصوصا اننا في مصر في فترة صعبة قوي فلازم اكون على دراية بحاجات كتير كنت قبل كده بحاول اعرف اي معلومات انا عايزاها من النت لكن لقيت الوقت مش بيكفي لما ادخل على النت حشوف الاخبار ولا حكاية للاولاد ولا اقرا في التربية ولا اشوف اكلة جديدة ولا اروق راسي شوية هههه ففادني وسلاني وانا بشتغل )وابدأ شغلي في المطبخ بأني اتبل الفراخ او الحاجة اللي حعملها(عشان تقعد في التتبيلة اكبر فترة ممكنة) وبعدين اعمل الحلو واشطب المطبخ بخلص تقريبا على الساعة 10 ونص ارتب شوية في البيت واعمل فطاري وافطر وانا بتفرج على الشيف اسامة السيد وبعد مااخلص ادخل غرفتي احاول اني انام شوية بس الاول اقرا ورد القرآن وبعدين كم صفحة من كتاب وافضل اذكر ربنا واستغفر على امل اني انام هههه لكن غالبا مابعرفش انام بس بقول اهو على الاقل استرخيت شوية فأقوم اقعد على النت شوية وانا باكل شوكلاتاية او اعمل اي حاجة لنفسي وبعدين اقوم اخلص الغداء واكمل ترتيب وشغل البيت
بيجو اولادي على الساعة 3 ونص تقريبا(وبتيجي معاهم الحرب العالمية التالتة هههه) طبعا بكون بقدر الامكان خلصت اللي ورايا قبل ماييجو فبكون متفرغالهم من اكل ولعب ورسم وفض خناقات هههه انا ولادي مشكلتهم عشان توأم فخناقتهم كتير وعلى حاجات هايفة رغم اني نجحت الى حد كبير الحمدلله اني اخليهم يحبو بعض ويشاركو بعض في الالعاب ويتعاونو لكن مازالو بيتخانقو كتير برضه ربنا يهديهم وانا ولادي من النوع اللي مش بيقعدو بيفضلو يجرو ويتنططوا فعشان كده بأكلهم واحنا بنلعب لعبة زي البزل او المكعبات او نرسم على السبورة الاقيهم كلو بسرعة الحمدلله وبعدين ييجي باباهم يقعد معاهم شوية واذا كان فيه وقت ممكن ياخدهم يلعبو بالدراجات شوية قدام العمارة واحيانا كمان ياخدهم معاه صلاة العشاء في المسجد..بيتعشو تقريبا الساعة7 ونص وبعدها ياكلو الزبادي وعلى الساعة 8 ونص نرتب الغرفة واحنا بنقول نشيد clean up clean up every wheare ونرجع كل حاجة مكانها بقدر الامكان وباباهم او انا نغسلهم اسنانهم وعلى الساعة تقريبا 9 اكون بحكيلهم الحكاية وهم في سرايرهم وافضل اقرالهم قرآن لغاية مايروحو في النوم فارقيهم واستودعهم الله
بعدها نتعشى انا وزوجي وناكل الحلو على روقان ونتكلم شوية وبعدين هو يقعد على النت شوية وانا اقوم اجهز للاولاد حاجتهم ولبسهم لتاني يوم واجهز اللانش بوكس لزوجي(واولادي ملهمش لانش بوكس لانهم بياخدو وجبات في الحضانة) وبعدين ادخل الاولاد الحمام(اكرمكم الله) قبل ماانام وادخل على السرير بتكون على الساعة 11 ونص 12 احيانا اقرا ولو ربع حزب قرآن وانا على السرير بحيث اني اختم يومي بالقرآن بس غالبا للاسف من التعب مبقدرش
(ده اللي بيحصل غالبا يوميا لكن مش دايما)


اللهم دمها علينا نعمة واحفظها من الزوال


اهم حاجة كل يوم اجدد النية في تربيتهم انهم الجيل اللي حيرجعلنا مجد الامة الاسلامية ويرجعلنا الاقصى ان شاء الله ودايما اردد على مسامعهم الموضوع ده حتى ابني يقولي وانتي ياماما حتكوني معانا هههه ودايما اقولهم اننا لازم نخلص اكلنا كله وناكل الخضروات ونشرب الحليب عشان نبقى اقوياء عشان نقدر ناخد المسجد الاقصى من اليهود وفي مرة جه من الحضانة بيقولي ياماما سارة(زميلتهم في الحضانة) مخلصتش اكلها كله وانا قلتلها مش حناخدك معانا عند المسجد الاقصى هههه

ومن خلال خبرتي القليلة من اكتر الحاجات اللي توفر وقت عمل اكثر من عمل مع بعض
يعني مثلا لو عايزة اتابع برنامج تلفويوني وانا بتابعه اطبق غسيل مثلا او اكوي
مثلا كل مكالماتي التليفونية اعملها وانا بشتغل في البيت

ماشاء الله تبارك الله يوم راااااااااائع جدا وبرنامج جميل
ربي يبارك لك في الولادك ويحفظهم يارب ويجعلهم من الصالحين
سعدت جدا بمشاركتك القيمة

ماشاء الله عليك
حفظك الرحمن وأهلك أجمعين
وأدام عليكم نعمه الكثيرة

والله يحفظلك أولادك وبارك الله لك فيهم

رائع
الله يباركلك فيهم و يجعلهم من محررين الاقصى
انبسطت كتير و انا بقرأ و يومك حلو و متعب بس كلو بأجرو

بارك الله فيك على طرح تجربتك
والله يحفظلك اولادك ويجعلهم من الصالحين
وبالتوفيق بالمسابقة

ماشاء الله تبارك الله يا أم حبيبة الله

يومك جميل وبرنامجك رااائع

حفظ الله أبنائك وحفظك وزوجك لهم

جزاك الله خيرا غاليتي
ويحفظهم لك ويجعلهم من البارين حبيبتي

غاليتي أبدا لا تترك قرأة في كتاب الله تعالى مهما كنتي تعبانة ولو كان قليلا
صدقي بالله ولو ألأن أولادك صغار وتربيتهم يتعب بس تستطيعين أن تقرأي وتختم القرأن وسيرة النبوية
لأنه سبحان الله في هذا العمر نشاط زايد وعجيب وقوة تستطيعين أن تستغليها أكثر ما تتوقعين

لما تصلين الى عمري ولو عندك وقت الازم لاكن تبدأ العين بالضعف وألام الظهر والركبة


الله يحفظك حبيبتي ويطول عمرك ويبارك في وقتك غاليتي

ماشاء الله يومك جميل ومشوق
بس الاحلى والاحلى


الموقع :
مع احن زوج واشغب ولد وبنت فى درب التباة حماهم لى الله


ربنا يحميهم يارب وتشوفيهم من حفظة كتاب الله ان شاء الله

ماشاء الله لاقوة إلا بالله
يومك جميل ومنظم
ربنا يبارك لك فى اولادك ويحفظهم لك ويكونوا من محررين الاقصى إن شاء الله