مشاركتي في (شاركينا بتجربتك في علاج اطفالك بالطب البديل)
بالبدايه الف شكر ع الموضوع الرائع لانو اكيد الكل بحاجه اله وخصوصا اننا دخلنا بجو الشتا والبرد وطبعا المرض الله يبعده عن الكل
ومتل ماقالوا سابقا درهم وقايه خير من قنطار علاج
لازم ناخد الحيطه والحذر ونقوي جهاز المناعه عند اطفالنا
بس قبل كل شي اي مرض ومهما كان صغير وجع راس او رشح او غيره لازم نلجألله ونطلب الشفاء منه ولاننسى ادعية الشفاء
سأسرد تجربتي مع اطفالي وارجو من الله الفائده للجميع الحمد لله بحاول كتير اولادي ماياخدو ادويه وبحاول اقدم الهم العلاج من المواد الطبيعه مثلا يوميا صباحا اعطيهم ملعقة عسل وفيها حبة بركه مطحونه لقوله صلى اله عليه وسلم(عليكم بهذه الحبة السوداء فإن فيها شفاء من كل داء إلا السام ، والسام الموت) والعسل وكما تعلمون قال تعالي( فيه شفاء للناس)
بحاول اشربهم زعتر الزعتر الاخضر المغلي هو للسعال وكمان لبعض حالات الاسهال مفيد جدا
اذا مرض اي واحد فورا بعمل شوربه خفيفه بسلق صدور دجاج وبحط فيها كميه كبيره من الثوم والليمون بصراحه مفعولها رائع طبعا معروف الثوم مطهر قوي ومضاد للجراثيم والليمون يحتوي على فيتامين ب وج
وبحاول اشربهم الليمون اما عصير او بقطع ليمونه بقشرها وبتركها فنره بعدين بصفيها وبشربهم منها
كمان الزنجبيل مفعوله رائع للبرد بغلي زنجبيل مقطع وبصفي وبشربهم منه اكيد طعمه مو حلو بحاول احط معه معلقة عسل لحتى يشربوه
وبحاول ازيد بالشتا كمية الفواكه وخصوصا الكيوي والبرتقال لانهم غنيين بفتامين
C
وطبعا بستعمل الخل احيانا لتنزيل درجه الحراره
احيانا الطفل بصاب بسعال قوي وبكون بيطلع صوت من صدره بحاول ادهن صدرهم بزيت زيتون دافي
جربت البابونج وكان مفعوله كتير حلو ممكن كل يوم نشرب اطفالنا كاسه قبل النوم
والاهم نهتم بملابس اطفالنا بالخارج ومانعرض الطفل من جو بارد لجو دافي فجأه ونحضرهم قبل الخروج من البيت مثلا نطفي التدفئه والمكيفات قبل الخروج بفتره
ولما نكون داخل البيت نحاول تكون كل الغرف درجة حرارتها وحده
احيانا مع كل هالاحتياطات وخصوصا طلاب المدارس الا يمرضوا بسبب العدوى وكمان ممكن كل هالعلاجات ماتفيد ويكون المرض قوي هون لابد من زيارة الطبيب واخذ العلاج المناسب
اسأل الله العظيم رب العرش العظيم ان يشفي جميع مرضى المسلمين
مدونتي مطبخ ام مرمر و ليلو
تعليق