تويت
السلام عليكم يا أحلى أمهات
اليوم أنا فرحانة كتيييييييييير 
ابني الصغير أخيراً تعود ينام بتخته بدون عياط أو بكااااااااااء
آآآآآآآآآآآخ شو كنت هاكلة هم هالقصة 
المهم بعد ما حملت قررت خلص و بعدين يعني صار عمره 3 سنين و 3 شهور
كل ما بدي نيمه بنيمه جنبي على تختي و بعدين لما بدي نام بالتخت بحمله على تخته ؟
عن جد مشكلة هاد غير اني ما عاد احسن احمله فوق بطني أبدا
يا دوبني حاملة حالي 
بدأت من كم يوم اتركه ليلعب و يتعب و يهسترني طوال اليوم و اخواته يهستروا منه و ما نيمه الضهر أبداً
باليوم الأول : أول ما استلقى عالكنباية و غمض عيونه
قلتله: بدك تنام حبيبي
قالي: إيه
قلتله : يالله حبيبي عالتخت
ما مانع أبداً
و بالطريق للتخت عمل بي بي و مسكت ايده بحنان و بسته و طلعته عالتخت
طبعا هو بس بده يحط راسه وين ما كان و ينام . و بثواني ناااااااااااام
تاااااااااني يوم
نفس الشي لعب حتى تعب
و أول ما استلقى عالأرض
قلتله بحنية : شو حبيبي نعسان ؟
قالي : إيه
كمان مسكت إيده ......
و لما وصلنا عالتخت صار ينق و بده يبكي
أنا بدأت استخدم الهواية النسوانية باللت و العجن
حتى إلهيه عن البكه حملته و بسرعة حطيته بتخته بدون ما اتعاطف معه :شو بدك حبيبي تنيم جنبك الزرافة زوزو ولا الحصان ولا الكلب .......
و حكيتله قصة القطة سوسو الحبابة اللي بتسمع كلمة أمها طبعا قصة قصيرة من3 جمل
قالي و هو مزعوج كتير بس نعسان : إهئ غطيني
غطيته و أنا طاير عقلي و طلعت من الغرفة طبعا الغرفة ضوها مطفي بس الي جنبها ضوها شاعل حتى ما يخاف
واليوم اللي بعده نفس الشي
امبارح قالي : بدي نام بتختي ؟
قلتله إيه
و ما خلاني احمله عالتخت بعدني و طلع لحااااااااااااااااااااله
بكرامته يعني
ههههههههههه
خلاصة التجربة :
ما بنصح أي أم تنيم ابنها بجانبها أبداااااااااااااااااا 
مع اني بس بنيمه أول نومه لحتى ينام بسرعة و بعدين بنقله على تخته يعني مو طوال الليل
بس عادة سيئة و الولد اللي جاية بإذن الله من أول يوووووووووووووم بتخته و خلص
يا رب تكون عجبتكن القصة و تستفيدوا 
سلام ياقمرات 
تعليق