صار لي فترة اجمع وارتب باوراق عمل يلائموا عمر اطفالي حتى اقدر امضي معهم اوقات ممتعة ومفيدة بالاجازة الصيفية

وبهالموضوع حابة انه نتشارك بتجميع هاي الاوراق

عندي البنت عمرها قريب ال-3 سنين والولد 4

رح اعرض بهدا الموضوع اوراق عمل لعمر 3-4 سنين ومن عمر 4-5.. ورح اكتب شوية ارشادات لكيفية العمل مع كل ورقة

ملاحظة مهمة: من المستحسن انك تشتغلي مع طفلك حسب وتيرته -وما تحاوليش تضغطي عليه

نبدأ باوراق العمل لعمر 3-4 سنين

1. مفاهيم: فوق-تحت

* اشرحي لطفلك معنى هاي المفاهيم

* اسألي طفلك عن الاشيا الموجودة بالصور

*اسأليه شو الاشيا الموجودة فوق وشو الاشيا الموجودة تحت

* اطلبي منه يرسم دائرة زرقا حوالين الاشيا الموجودة فوق.. ودائرة حمرا حوالين الاشيا الاشيا الموجودة تحت

تحميل الملف فوق وتحت.ppt من هنا

موضوووع مفييد وخصوصا لزيادة تركيز الطفل وخصوصا في وقت الاجازة
تسلمييين

كتبت بواسطة سوسن22

موضوووع مفييد وخصوصا لزيادة تركيز الطفل وخصوصا في وقت الاجازة
تسلمييين

الله يسلمك حبيبتي..

عندي مشكلة بتحميل الملفات.. ان شاء الله اقدر اكمل

2. الالوان

* اسألي طفلك عن كل لون شو هو

* بعد عرض الالوان وحفظها:

حاولي تجيبي رسمة موزة وليمونة.. واسألي طفلك عن لونهم (اللون الاصفر).. واطلبي منه يلونهم

جيبي رسمة اجاص وعنب.. واسأليه عن لونهم (اللون الاخضر ) وخليه يلونهم

جيبي كمان رسمة توت ارضي وتفاحة.. اسأليه عن اللون (اللون الاحمر).. وخليه يلونهم

ملاحظة: اذكري لطفلك انه التفاح ممكن يكون اله الوان تانية متل الاخضر والاصفر

تحميل الملف تعرف على الالوان.ppt من هنا

3. الخطوط المنقطة..

* اسألي طفلك شو شايف بالصورة

* خليه يوصل النقاط ببعضها عشان تكتمل صورة البيض

* واخيرا.. خليه يلون الصورة زي ما بيحب

ما شاءالله عمل مفيد ومسلي للطفل فعلا
تسلم ايديكي

حلوين اوي
انا نزلتهم
بارك الله فيك

كتبت بواسطة MUM

ما شاءالله عمل مفيد ومسلي للطفل فعلا
تسلم ايديكي

وايديكي حبيبتي

كتبت بواسطة om basel

حلوين اوي
انا نزلتهم
بارك الله فيك

تسلمي ام باسل


استنوني بعد كتير بس مركز التحميل مغلبني شوي

4. الشواذ :

* اشرحي لطفلك معنى "شاذ": المختلف

* اسألي طفلك بكل سطر: شو شايف بهدا السطر؟؟ شو الشي الشاذ او المختلف؟؟ وليش هو مختلف؟؟

ماشاء الله الله يحميكي يارب
بجد اشياء روعة ومفيده كثير
جزاكي الله كل الخير