الي كل الامهات موضوع مهم ومحير للكل

انشاء الله الامهات يفيدوكى

بالتوفيق انشاء الله

أم زياد زسلمى
ربنا يوفقك في اختيار مدرسة مناسبه لهم

لانه فعلا قرار صعب جدااااا ومصيري
وحاجه المفروض يستمروا فيها سنين
مش كل سنه في مدرسه
اولا لازم تحطي نقط مهمه اوي عند اختيارك هتساعدك تقللي الاختيارات
لان القاهره طبعا في مدراس كثيره جميع المستويات والفئات

طبعا لازم تحطي في الاعتبار المقدره الماليه اللي تقدري عليها لاثنين في السنه
وده يتحسب
مصاريف مدرسه + باص +لبس مدرسي +كتب +مصاريف دراسه
لان ممكن حد يقولك مصاريف المدرسه دي مثلا 6 الاف
اه هي كده بس هتوصل 10 بالحاجات التانيه
وال 12 بتوصل 16
وهكذا
يعني انتي اقصى مبلغ تقدري تدفعييه في السنه لولادك كام؟؟
لازم تفكري كده عشان تستبعدي المدراس الغاليه الي فووق الرقم اللي حدديته
ونصيحه الرقم لازم يكون مريحيك ومريح البيت وزجك واولادك مش عشان مصاريف المدراس تبقى السنه نكد مفيش فسح والبيت مخنوق
ده عن تجارب صديقاتي

النقطه التانيه
انتي برضه تقدري تتابي معاهم دراسيا مناهج دوليه بريطاني ..امريكي ..فرنسي
ولا اخر حاجه ممكن تتابعي لغات عادي يعني الحساب والعلوم هما بالانجليزي

وبعد كده يجي قرب المدرسه من البيت لان ده عامل مهم بشوف ولاد بيعانوا ساعتين رايح وساعتين جاي
يعني كل ما كانت قريبه كل ما كان احسن


وطبعا في فكره كثير حواليا بيعملوها دلوقتي
انهم بيدخلوا مدرسه لغات كويسه ولو نفسهم في دولي
يبقى من اولى اعدادي او اولى ثانوي بيدخلةا اي جي او امريكان
وبتبقى هي هي


اي سؤال انا معاكي اصلي بحثت كثير اوي في الموضوع ده

لوجى بما انك خبيرة مدارس
قوليلى تعرفى مدارس النوتردام
اصللى عاوزة ادخل توتة مدارس فرنساوى
تعرفى كويسة ولا بيقولو مستواها نزل؟؟
ومصاريفها بتبقى كام؟؟
وفعلا بيشترطو ان الام او الاب يكون بيعرف فرنساوى اصل انا بدا ادرس فرنساوى مخصوص عشانها ههه

ما شاء الله كلام لوجي تمام
انا ان شاء الله ناوية ادخل ابني مدرسة الحصري في 6 اكتوبر وهي ازهرية لغات
بصراحة لقيت فيها ميزلت رااااااااااااااااائعة مش في اغلب المدارس حتى المدارس الغالية جدا
وفيها رياضة يتدرب عليها مرة في الاسبوع ممكن فروسية وممكن كراتيه او اي رياضة
انا سألت كتير جدا وعجبتني كمان مدرسة تاجان بس غالية 10000 للطفل بدون باص او لبس او نشاط رياضي
وانا عندي ولدين ورا بعض فطبعا هيكون مصاريفهم مع بعض حوالي 30000 في السنة
يعني بصراحة كتير عليا
لكن الحصري ممكن توصل كل طفل 80000 معقول يعني
ربنا يوفقك في الاختيار الصح
ونصيحة لله والله اختاري لاولادك المدارس اللي مش مختلطة واللي ينفع يلبسوا فيها الحجاب
المدارس بتحصل فيها بلاوي والله عن تجربتي الشخصية لاني طول عمري في مدرسة مختلطة
انا عندي دليل للمدارس ومعلومات عنها وارقام التليفون لو عندك استفسار عن مدرسة معينة قولي لي
ربنا معاك يا قمر

انا بشكركم كلكم علي ردكم عليا وبشكرك يالوجي علي المعلومات المفيده دي وليكي يا ام سيف انا بدوربرده علي مدرسه ملتزمه وتعلم برده الفروسيه والحاجات دي بس تكون في القاهره ويكون سعرها برده مش غالي يعني متوصلش ل10000 لاني عندي اتنين فلو تعرفو مدرسه زي الحصري في القاهره قولولي او اذا كان ليها فرع في القاهره قولولي بس انا ليه سؤال هو المنهج الازهري مش صعب علي الولاد لان جوزي كان ازهري وبيقول لن المناهج صعبه وكتير علي الولاد

اسمحى لى ادلو بدلوى فى الموضوع
انا ازهرية قديمة والمناهج الازهرية اللى اخدناها زماان اتغيرت دلوقتى وبقت سهلة جدا يعنى كان زمان يحطوا لك حاجة اسمها ( المتن) وتحت الشرح فى قلب بعضة باللغة العربية القوية والمتينة بس هى كتير على الاولاد فى عدد المواد وده بيظهر فى اعدادى
دلوقتى هما طوروا المناهج خالص والمسالة مش صعبة زى الاول ولو انتى قلقانة دخليه لغات وعلميه قران على يد شيخ وكمان شوفى مدرس لغة عربية كويس ودلوقتى فى جمعيات خيرية بتعلم الفقه والحديث ةالتفسير ممكن تدخلى فى اى حاجة منها
انا شخصيا عملت كده

انا اردنيه وبنتي لسا صغيرة بس افضل مدرسة لغات
وانتي وتفكيرك

ام سيف
ناس كتير بتشكر فى الحصرى
ياريتك تحطى دليل المدارس ده
تعرفى تقوليلى انتى طيب مدارس الراهبات وحشة ولا حلوة؟؟؟
وبالذات المدارس الفرنساوى

ممكن طيب يا اناناس تقوليلي انتي مدخله ولادك مدرسه ايه وايه هي الجمعيات اللي بتحفظ قران