شاركوني وانصحوني!!!!!!!!!!!!!!!!!!

**ملاكي/** · 24-04-2010, 07:11 AM

؟؟؟؟؟؟؟؟؟؟؟؟؟؟؟؟؟

**امري لربي** · 24-04-2010, 07:14 AM

الله يوفقك يارب
ويرزقك بالزريه الصالحه
وان شاء الله اللي عندهم خبره
يساعدوكي

**ملاكي/** · 24-04-2010, 07:15 AM

المشاركة الأصلية بواسطة امري لربي

الله يوفقك يارب
ويرزقك بالزريه الصالحه
وان شاء الله اللي عندهم خبره
يساعدوكي

شكرا ياااااااااااااااااااااااارب

**أسماء22** · 24-04-2010, 07:57 PM

يا رب ترزقين بالذرية الصالحة
انا راح احاول اقولك الاسماء بالنسبة للولد و البنت الي تعجبني و نتمنى نسيمي اولادي بها ان شاء الله
بالنسبة للولد يعجبني اسم هيثم
بالنسبة للبنت يعجبني اسم هديل
يا رب تقومي بالسلامة

**عفراء5** · 24-04-2010, 08:19 PM

الله يسهلك اختي ولادتك
وبقولك في اسماء رهيبة
زي
عمرو
محمد
احمد
امير
البنات
ليان بس مش عارفة معناة
هبة

الاغراض اشتري
بربتوز
وشيلة الي يلفو البيبي فيها
وطقم بدله
وحق الحمام منشفة وكريمات احسن اشتري طقم جنسون للاطفال
وشنطة عشان لمن تخرجي تاخذي اغراضة فيها
وبامبرز المواليد
وببرونة والبرش تبعها
وقراقيش للبرد
وبطانية
والاغراض تعملي بشنطة لمن تتدخلي الشهر التاسع وتخليها ع جنب
اعملي بربتوزة
وبدلة
وشيلة
وبطانية
وبامبرز
وقرقوش
ولا تنسي اعملي لك ملابس مع النونو
ولاتنسي الشرابة والفنيلة حقك لان بعد الولاد تحسي ببرد مش طبيعي
عشان بعد الولاد تغيري
هذا اذا رحتي المستشفى
والله يسهلك وادعيلي

***NADJIA*** · 25-04-2010, 01:34 PM

وعليك السلام ورحمة الله تعالى وبركاته

أختي الغالية سهل الله لك حملك وولادتك وعدت بالسلامة

المهم الان ولا دتك بالسلامة وكل تلك الأمور لا تهم حبيبتي

أما خير الاسماء عند الله ماحمد وعبد( عبدالله- عبد الرحمن)

وهناك الكتير من الاسامي..ومن الأحسن ان تتفاهمي مع زوجك إسم البنت لك وإسم الولد له إن كان ممكنا

-هاجر -سهيل-وداد- وصال- عفراء- رغد- روان - خولة - حنان- كوثر - عفاف - نهال - ياسمين - أفنان - خديجة - رفيدة- صارة- أنفال ...

يس- ريان - محمد الامين- مصعب - يونس - آدم- زكريا - يحي - سفيان - رضا- جمال -قصي -مصعب....

أما الألوان / الأبيض- الاخضر - الاصفر - والألوان المختلطة...أما النوع حسب الفصل وما تشتريه تجدينه عند المحلات بمختلف الوجهات

أتمنى أن أكون قد افدتك

**ام رووروو** · 26-04-2010, 04:28 PM

حلا او علا

**ملاكي/** · 26-05-2010, 12:23 PM

مرسي بدي تفاعل اكثررررررررررررررررررررررر

**رانسى** · 26-05-2010, 05:21 PM

ايه رأيك فى اسم سجى أو ريماس أو رهف

أما الألوان اللى تصلح للجنسين

طبعا ً الأبيض ملك الألوان - الأصفر الهادى -اللبنى الهادى -البستيج - السكرى

**عزيزه بالاسلامي** · 26-05-2010, 10:29 PM

ايش رايك باسم جواد اسم ولدي ولا اصيل
ولا فارس
ولا زياد
زلا مازن
دي احلى الاسامي
اما الالوان
زي ماقالو الابيض السكري الالون الفاتحه دي
والله يسهل لك ولادتك وتقومي بالسلامه يااراب

**nsmah** · 26-05-2010, 10:35 PM

الله يقومك بالسلامة انت والبيبي ويجعله من الصالحين
هي قامة باغراض البنا ت بالزهر
والصبيان بالازرق وان شاء الله الله يكرمك بكل اللي تتمنيه

**وصال الحبايب** · 26-05-2010, 10:52 PM

ياربي يسهل حملك وتقومين بالسلامة

**nsmah** · 26-05-2010, 10:55 PM

اختي نقلت لك هذا الموضوع
1- لاني مغتربة مثلك واعرف شعورك وخصوصا انه اول ولد ولا خبرة لديك
2 -لاني استفدت منه كثيرا واحببت ان تستفيدي انت ايضا
*يعني هو في شغلات ما لها لزوم وفي شغلات مفيدة بس يعني ما بيضر انو الواحد يتنور وياخد فكرة
الله يقومك بالسلامة

-------------------------------
كيف تبدئين تجهيزاتك بطريقة ذكية...

(f) السلام عليكم (f)

بما اني على وش ولاده (a) .. حبيت اني افيدكم خواتي في موضوع التجهيزات ..

كيف نجهز ومتى نبدا .. و شو الطريقة .. تفضلوا معايه في هالموضوع
الشامل..

بعض الحوامل يكونون متلهفين على التجهيزات .. فيحبون يبدون يشترون أول ما يعرفون إنهم حوامل.. والبعض الآخر ما يتنشط الا يوم يعرف جنس المولود .. وعاد في منهم باردين الفواد اللي ما يتذكرون المشاري لين الشهور الاخيره ههههههه هاذيل حالتهم صعبه يبالهم موضوع بروحهم..

أول خطوة اختي الحامل.. انج تعرفين شهر ولادتج المتوقع .. بالنسبة لي أنا موعد ولادتي ان شالله 31-5-2009 .. فأنا بمشي معاكم في هالمخطط على أساس موعدي أنا علشان اشرح..

مثل ما انتوا شايفين في هالصورة .. قسمنا السنه حسب الفصول.. :wink:
يعني مثلا .. يوم بتكون بنتي من عمر 0 إلى 3 شهور .. بيكون صيف لأنه شهر 6 و 7 و 8 .. فبالتالي اللبس اللي بشتريه من 0-3 لازم يكون يراعي هالشي .. وما يكون شتوي .. الأفضل اني البسها فانيله داخليه و فوقها فانيله ثانية علشان أتحكم بمدى احساسها بالبرودة والحرارة بس مب اني اشتريلها شتوي .. (})

فياليت كل وحده تسوي نفس المخطط هذا بورقة وقلم على اساس تعرف مشترياتها لكل عمر كيف بتكون .. شتوية .. خفيفه .. أو وسط ... وبيساعدكم وايد فالمشتريات ..

الخطوة الثانية اختي الحامل.. هو انج تعرفين نوعية مشترياتج .. بغض النظر عن جنس البيبي .. يعني البنت والولد بيحتاجون نفس الاشياء الاساسية .. بس فاللبس تفرق لو كان اللون وردي وأزرق .. أما بقية الاشياء الاساسية فعادي تناسب الجنسين..

وطبعا في وايد قوائم لمشتريات الحامل .. مافي مانع تطلعين عليهم كلهم علشان تستفيدين .. (y)

أنا بحط لستة مشتريات مسوتنها الاخت أم خلفان و شفتها في كذا موضوع ..

(f) متى نبدأ التجهيزات.. (f)

من رايي و تجربتي الشخصية .. انه التجهيزات المفروض تبدا من الشهر الرابع .. سواء عرفتي جنس الجنين ولا لا.. لأنه لازم تكونين مخلصه كل شي قبل الشهر التاسع .. بما معناه انه عندج تقريبا 4 شهور تقسمين فيها تجهيزاتج ..

مثل ما انتوا شايفين في اللسته اللي فوق.. انه التوزيعات تنقسم الى هالفئات:

- تجهيزات البيبي ( لبس و اغراض مثل عدة الاستحمام والسرير وغيرها)

- تجهيزات الأم ( لبس و سوالف استقبال من ترتيبات اكل وتوزيعات)

ولكن الاسعار تقص الظهر مثل ما انتوا عارفين .. فاللي يحاتي ميزانية البيت المفروض يقسم الاشياء الغالية و يوزعها على الشهور الاربعه ..

والاشياء الغالية من تجربتي هي: طقم سرير البيبي - الترولي أو عربانة البيبي - لبس الاستقبال

أما الاشياء الثانية فنقدر ناخذ شوية منها كل شهر .. لحد ما نخلص الكمية اللي محتاجينها..

(f) بعض النصائح العامة (f)

- خلج على اطلاع دائم بمواسم التنزيلات .. مثل تنزيلات رمضان .. مهرجان التسوق .. مهرجان الصيف وغيره .. لأنه في هالاوقات تلاقين الاشيا نص السعر أو اقل أحيانا.. ما تتخيلين شكثر بتوفرين على نفسج بهالطريقة .. انا افتكيت من الشهر الرابع والخامس خذت ثلاثة ارباع اللبس من التنزيلات وكله بنص السعر او اقل.. الحمدلله (y)

- ضروري جدا تسئلين خواتج أو معارفج من ذوي الخبرة عن أفضل ماركات الاشياء الخاصه بالبيبي.. يعني مثلا اسئلي شو احسن ماركة حق ترولي.. وهم من خبرتهم بيرشحون لج شي .. بدال لا تجربين في نفسج ..

- الاطفال (z)(x) (z)(x) في الشهور الاولى يتضايقون من الفوانيل الداخليه اللي تنلبس من فوق .. وخاصة اللي يكون فتحة الراس فيها صغيره .. فالافضل انج تاخذين اللي ينلبس ويتسكر عالبيبي مثل الروب .. أو انج تاخذين النوعية اللي فتحة الراس فيها واسعة ..

- لبس الاطفال ينغسل واااااااايد ماشالله .. فلازم تاخذين ماركة تكون تتحمل الغسيل وما تنكمش او تتمزع من الغسيل .. مثل ماركة نكست و مذركير و كارتر.. (y)

- لبس الاطفال بعمر نيو بورن .. ما ينلبس الا اسبوعين أو اقل على حسب البيبي .. وعقبها الطبيعي انه البيبي بيحتاج يلبس 0-3 شهور .. و اكثر عمر بيستهلكه البيبي هو عمر 3-6 .. (i)

و الافضل انج ما تعورين راسج بلبس 6-9 شهور من قبل لا تربين .. أولا لأنه على الاغلب الناس بييبونلج هدايا كثيرة بهالسن .. وثانيا انج لاحقه على هالعمر عقب بتقدرين تاخذين اشيا يديده .. وفري ميزانيتج على اللي محتاجتنه أول ..

- الاطفال من عمر 0-3 شهور .. وحتى لين عمر 5 شهور يكونون ما ييلسون فما ينفع تكثرين لهم من الفساتين وهالسوالف المب مريحة للبيبي الصغير اللي يقضي وقته كله طايح.. لأنه البيبي يتضايق.. اللبس المفضل بيكون الاوفرول او السبوحه .. سواء كان للبيت أو للطلعات .. الموديلات والالوان تختلف وبتلاقين منها اشيا حلوة ..

- الطفل (z) فالشهور الاولى دايما بيكون محتاج يغطي راسه سواء شتاء او صيف .. علشان التكييف وايد يكون خطر عليه .. بس طبعا غطا الراس او القحفيه لازم فالصيف تكون خفيفه فراعي هالشي حسب موعد ولادتج في أي فصل من السنه.. لقيت في Gap قحافي خفااف و قطن حلوات .. صح شوي غاليات بس سعرهم فيهم (y)

- لازم تسوين جدول بالاحتياجات .. و تقسمينه حسب السن بالشهور .. وكل ما تشترين شي عدلي على الملف و ضيفي الكمية اليديدة .. علشان ما تكررين الاشياء بدون حاجة أو تنسين تشترين شي معين وتتأزمين بعدين ..

- كميات الاشياء ترجع لج .. بس تقدرين تقولين في حد أدنى لكل غرض .. مثلا القماطات وايد تخيس ووايد تستخدم اول كمن شهر .. وهي تقريبا رخيصه .. فلازم يكون عندج عالاقل 8 قماطات .. وعلى الغالب عقب ما تربين وتبدين تطلعين للسوق بتشترين زيادة بس اتركي هالموضوع للوقت و خذي الحد الادنى .. ويمكن يوصلج بعد فالهدايا .. الفوانيل الداخليه من سن نيوبورن عالاقل يكون عندج 6 .. و 0-3 عالاقل 10 .. 3-6 عالاقل 15 (f)

- البنات ممكن يلبسون كل الالوان .. حتى الازرق الغامق لو كان الديزاين حلو وبنوتي .. فمب شرط تخلين كل شي وردي علشاان هي بنت .. بالعكس الالوان الفرايحيه تطلع احلى عاليهال .. فممكن تاخذين:

للبنت: اصفر - بيج - اخضر - بطيخي - احمر ..
للولد: اصفر - بيج - اخضر - برتقالي - احمر ..

بس اللي يفرق هو الديزاين .. ولا الالوان حلوة عالكل

- بالنسبة لأغراض الحمام ضروري جدا يكون عندج مقياس الحرارة مال الماي علشان البيبي (i) .. وهالشي بيوفر عليج وقت وبيحفظ البيبي بعد .. و بالنسبة لحوض الاستحمام الافضل انج تشترين النوعية اللي يكون فيها صمام :wink: علشان مجرد ما تفتحينه يتسرب منه الماي وتقدرين تردين تصبين فيه بدون ما تنقلين البيبي...

وبعد لا تنسين تاخذين النوعية اللي يكون فيها ستاند ملبس باسفنجة ناعمه علشان يطيح عليها البيبي بدال لا اتمين مساندتنه براسه .. انا لقيت هالنوع في مذركير .. واايد عملي

- اول ما تدخلين التاسع المفروض تكونين مخلصه كل التجهيزات لأنه في أمهات ممكن يربون من الاسبوع ال36 وهالشي طبيعي .. وعلى الاغلب انه بتكونين ثقيله ومالج خاطر تلفين فالاسواق فبتاخذين اي شي تشوفينه جدامج بدون ما تفكرين فيه حلو ولا مفيد .. (n)

تقدرين تخلين موضوع الكريمات والشامبو والصابون والبامبرز وهالسوالف حق التاسع .. لأنه هذي بروحها بعد لها سعرها .. بس عالاقل تكون اشيا يديده ومب انه تامه عندج فالكبت من شهور.. انا عن نفسي باخذ اغراضي من موستيلا.. نقلا عن اختي الله يخليها .. :15:

- بالنسبة للتوزيعات (*) .. لازم تفكرين في شي مفيد .. اللي بيي يزورج بيستخدمه .. أو مثلا شي ينأكل.. محد يقول لا حق الكاكاو هههههه .. بس ابتعدي عن التوزيعات اللي فيها مجسم ورده (f) و هالسوالف اللي الناس بصراحة ما تستخدمها .. بس تخسرين عليها فلوس عالفاضي..

ومن رايي بعد ابتعدي عن العطور كفكرة توزيعات لأنه الناس اذواق وصعب تلاقين شخصين يتفقون على ريحة معينه يقولون لج حلوة .. أما عن الكمية فهي على حسب زواركم ..

اسئلي اختج اذا ربت قبلج أو اذا كنتي اكبر بنت اسئلي مثلا بنت خالج او عمج .. وشوفي معارفج انتي اذا كان عندج وايد معارف وزوار حطي عالاقل 70 حبه .. واذا اكثر زيدي .. وعالعموم هالشي اذا زاد ما بينفر .. لأنه حتى اللي بيزورونج فالبيت تقدرين تعطينهم لين تخلص الكمية ..

- حطي في بالج انه بتييج (g) هدايا (g) مختلفه .. بعضها بيكون اوريدي عندج .. وشارتنه وللأسف بتخلينه وممكن تهدينه حد ثاني عقب او تعطينه محتاج .. وبعضها بيكون حلو وبتستفيدين منه ..

الافضل انه المقربين منج واللي تدرين انهم جذي ولا جذي بياخذون لج هديه مثل اخوانج وخواتج .. تتفقين وياهم على شو يشترون علشان تشطبينه انتي من لستتج .. وخذيها من باب السوالف او يمكن هم يفتحون وياج هالموضوع ولا تستحين تقولين لهم علشان تسهلين الامور عليج وعليهم .. ممكن ياخذون لج السرير أو الكبت أو الترولي .. يعني بيوفرون عليج عالاقل ألف أو الفين درهم ..

- في اشياء تستخدم واااااااايد فضروري تكون بجودة عالية حتى لو خسرتي عليها اكثر (y) .. بس المهم تكون جودتها عالية .. مثل سرير البيبي لأنه بيرقد عليها حوالي ال 3 سنين (z) .. فمب خساره تاخذين له شي جودته عاليه ينفعه ويكون أمان عليه ما تخافين ينكسر منه شي ويكون خطر .. وراعي بعد انج تسئلين المحل اذا كان عليه ضمان ولا لا.. والغالب انه هالسوالف عليها ضمان .. (y)

اتمنى انه تكونون استفدتوا من الموضوع .. صح تعبت عليه بس المهم انه حد منكم يستفيد ويدعيلي أربي بالسلامة ومشكورييييييين ...

نقلكم لموضوعي هو اكبر شرف لي ..بس ياليت تذكرون المصدر .. ومشكورين
----------------------------------------------------------------------
وهي رابط الموضوع اذا حبيت تزوريه بنفسك
http://forums.3roos.com/showthread.p...9+%D0%DF%ED%C9

**nsmah** · 27-05-2010, 12:32 AM

وهاد مشان الاسماء ان شاء الله يفيدك

http://alasmaa.hawaaworld.com/

شاركوني وانصحوني!!!!!!!!!!!!!!!!!!

شاركوني وانصحوني!!!!!!!!!!!!!!!!!!

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق