بنتي لا تستوعب الصح من الخطأ... ساعدوني

**بدر الليالي2007** · 23-10-2009, 10:59 PM

ابنتي عمرها سنتين وأربع شهور مشكلتها انها ما بتسمع كلامي او كلام ابوها لما انادي عليها ما بتلتفت لجهتي ولا بتطلع عليي حاولت معها كتير وكما ما بتميز الشي الصح من الخطأ يعني مثلا مره وقعت عن الكرسي ونزل من تمها دم وصارت تبكي ورجعت طلعت مره تانيه على نفس الكرسي والله تعبت معها ما بتركها لحالها مع اخوها الصغير عمره 9 اشهر.. هذا مثال بسيط من اللي بتعمله في البيت بتمسك السكينه لما اكون مشغوله وتاكل اي شي بتلاقيه امامها حاولت معها بالكلام الحلو وبالتوبيخ وبالضرب الخفيف ابدا مافي فايده.... عملنالها تحاليل للسمع يمكن يكون عندها مشكله بالاذن بس كله طبيعي وما بتختلط مع الاطفال بتلعب لوحدها.... انا فكرت ادخلها حضانه عشان تتلحلح شوي وتقوى وتصير تتكلم كمان شو رأيكم ايش اعمل معها؟؟؟

**رشا ناجي** · 23-10-2009, 11:11 PM

يمكن سلوكها العدواني ناتج عن غيرتها من اخوها الصغير وهي بنتك لسه صغيرة جدا عشان تفرق الغلط من الصح وصغيرة كمان على الحضانة حاولي تتهتمي بيها اكثر من اخوها يمكن تتغير وهي بنتك للان ما تكلمت ؟؟

**ام ريان ** · 24-10-2009, 01:22 AM

حبيتي نصيحه ادخليها حضانه انا ابني ريان في عمرها وعندي نفس مشكله بس لما دخل روضه تحسن وحمدلله واتركها تلعب مع اولاد لي في سنها

**تاجرهـ ام عيال** · 24-10-2009, 10:29 AM

الله يعينك

**بدر الليالي2007** · 24-10-2009, 08:26 PM

يمكن سلوكها العدواني ناتج عن غيرتها من اخوها الصغير وهي بنتك لسه صغيرة جدا عشان تفرق الغلط من الصح وصغيرة كمان على الحضانة حاولي تتهتمي بيها اكثر من اخوها يمكن تتغير وهي بنتك للان ما تكلمت ؟؟

انا بضل معها اكتر من اخوها وبحكي معها كتير يعني ممكن يكون من الملل مثلا؟
هي بتحكي بابا ماما بس وما بتأشر للغرض اللي بدها اياه

**بدر الليالي2007** · 24-10-2009, 08:32 PM

حبيتي نصيحه ادخليها حضانه انا ابني ريان في عمرها وعندي نفس مشكله بس لما دخل روضه تحسن وحمدلله واتركها تلعب مع اولاد لي في سنها

عزيزتي ماريا انا حاطه فكرة الحضانه براسي من زمان بس حبيت اخد رأيكم واشوف ازا حد مر بنفس التجربه ان شاء الله بتغير سلوكها بالحضانه
الله يخليلك ابنك وبنتك ملوكه على فكره بنتي كمان اسمها ملك الله يحفظلك اياهم

**SIRINA** · 24-10-2009, 11:09 PM

والله كانك بتحكي عن بنتي وان شاء االله الاخوات يفيدونا

**ام ريان ** · 25-10-2009, 12:59 AM

كتبت بواسطة بدر الليالي2007

عزيزتي ماريا انا حاطه فكرة الحضانه براسي من زمان بس حبيت اخد رأيكم واشوف ازا حد مر بنفس التجربه ان شاء الله بتغير سلوكها بالحضانه
الله يخليلك ابنك وبنتك ملوكه على فكره بنتي كمان اسمها ملك الله يحفظلك اياهم

مشاء الله اسمها زي بنتي مشاء الله اختي والله انا هنا في اسبانيا طبيبه تقولي اتركه مع اولاد يلعب في حديقه بعد الروضه والله عم يتحسن

** أم جنى ** · 04-11-2009, 07:44 PM

هلا و الله بحبيبة قلبي بدر الليالي2007

الله يعينك على تربية ولادك التربية الصالحة و يصبرك عليهم

ملووكة الحلوة لساتها صغيرة لتميز الصح من الخطأ يعني الي بيصير
شي طبيعي ما أنا بنتي هيك بس مرات بتحن علي و بترد لما أناديها
أو أحكيلها هاد غلط ما تعملي هيك و ياما بتضرب أخوها

بس زي ما قالولك العضوات حاولي ما اتدللي أخوها أمامها و اقضي
معاها وقت أطول يعني ضلك احكي معاها و غنيلها و لعبيها و دلليها
قوليلها قصص من خيالك (أنا شو بعمل .. لما جنى ما ترد علي متل
مو راضية تاكل بحكيلها قصة قطة مثلا و بعمللها شوية أكشن و بآخر القصة
بحكي انها أكلت و صارت كبيرة و حلوة و .... اضحكي عليها بشوية كلام
خليها تتفاعل و شوفي كيف رح ترد عليكي شوي شوي)

و فكرة الحضانة فكرة كتيييير حلوة لأنه بتخليها تتفاعل مع الأطفال حوليها
و تتعلم منهم الحكي شوي شوي ما تستعجلي عليها بعدين بتصيري
تترجيها تسكت ههههههههههههههههه و الله يخليلك إياهم يا رب

**بلدي الأجمل** · 09-11-2009, 08:22 PM

بنتي عمرها سنتين وخمسة أشهر
متاعبها أكثر من كذا
تكب أدوات التنظيف واشامبوهات والصوابين والمطهرات
وتستخدم كرسي بلاستيك لتطلع عليه وتوصل للأشياء
خبيتو عنها صارت تحط لعبة فوق الثانية لتصعد عليهم
تتسلق على أدراج المطبخ تحاول توصل لأي شي

إستخدمت معها أساليب كثيرة ما نفعت وللعلم ربيت قبلها ثلاثة ذكور ما تصرفوا بشقاوتها

والحل طبعا إني أوديها حضانة بس حاليا أغلب الحضانات القريبة مغلقة لظروف مرض الأنفلونزا

وإن شاء الله في الحضانة تفرغ رغبتها في اللعب مع أطفال في نفس عمرها وتقل شقاوتها