موضوع جميل يا ام توته انا طلعت ناصحه الكرسى اخدته من ابن خالتى اللى اتدبس هو فيه اما انا حاطاه فى المطبخ بحط عليه الاكياس الزياده لان الاساتذه مش بيرضوا يقعدوا فيه اما البودره فمفيده خصوصا فى الحر عشان حمو النيل مش بحطها دايما بس عند اللزوم اللوشن و الاويل بحسهم بيزيتوا خصوصا الاويل و اصلا بشره الطفل مش محتاجه حاجه اما السلوبيتات فعلا المقفوله من تحت مش عمليه و بتضيق بسرعه كمان العملى هو اللبس قطعتين لو البنطلون ضاق تستخدمى التى شيرت او تستخدميه كبنتاكور او شورت لو شكله سمح السلوبيتات القطيفه انا جبت واحد لهنا من الصياد كان خفيف بس جميل و فضل محافظ على شكله و اخواتها لبسوه كمان حسيته حلو احذيه الاطفال فى الاول ملهاش لازمه ممكن شرابات شكلها حلو تقضى الغرض او احذيه خفيفه مش غاليه واحد او 2 بالكتير لون محايد يمشى مع كل اللبس المشايه لولاها عليا هى كانها ايدى التانيه فى البيت خصوصا ان الطفل بيحس انه مستقل و يقدر يوصل لى فى اى وقت انا ماجبتش غير واحده لهنا و مع الولاد ماجبتش غيرها و بيبدلوا فيها و الا كنت اضطريت لرجل مرور فى البيت ينظم حركه المشايات بس انا بقالى اسبوع مش باقعدهم فيها عشان باوا يتقلوا عليها و خفت يتقلبوا و كمان عشان بدأوا يتسندوا و يتعلموا المشى و لو افتكرت حاجه تانيه هاقولكوا

افتكرت حاجة كمان اتدبست فيها
الحمدلله جوزى مبيدخلش النت بالعربىمش هيشوف ده كله هههههههههه

براهات الرضاعه
انا كنت فرحانه اووى بالكليبس بتاعها
وجبت كتييييييييييييييييييير
خصوصا ان مقاسى اتغير وكنت محتاجة طقم براهات جديدة
بس بعد الولادة مستعملتش الكليبس ده ولا مرة برضع منها عادى زى اى براه
مع الفارق ان تمنها الضعف طبعا

كتبت بواسطة مروة ابراهيم

موضوع جميل يا ام توته انا طلعت ناصحه الكرسى اخدته من ابن خالتى اللى اتدبس هو فيه اما انا حاطاه فى المطبخ بحط عليه الاكياس الزياده و لو افتكرت حاجه تانيه هاقولكوا

انا بنتى محبتش المشاية خالص اصلا مش تبحب حتى انا امسك ايدها لازم تعمل الحاجة بنفسها وكمان قريت كتير انها مضرة فبقيت اخاف احطها فيها
بس فكرة برضه ممكن احط الكارسيت فى المطبخ للاكياس الزيادة اهو يجيب تمنه شوية هههههههه

كتبت بواسطة سائله الرحمن

ربنا يباركلك فى بنتك

شوفى بقى اول خلفتى بنوته عسوله ايمى وكنت حابه وبعى ربنا ان اول طفل ليه يكون بنت

ايه يا سائله الرحمن ده ده انتى رغايه قوى مش ممكن كده

معلش بحب افيد زى ما بستفيد من المنتدى والمواضيع الجميله والمفيده

الف شكر ليى على افادتك الجميله انا برضه عماله ارغى مع توتة مستنيه اليوم اللى تتكلم معايا فيه ربنا يستر ومندمش هههههههه

كتبت بواسطة soso*waleed

ازيك يا ملوكة موضوع جميل
بصى يا ستى انا الحمد لله لسه تقريبا ما اتدبستش لانى بحب اسأل قبل ما اشترى اى حاجة
هى الحاجات اللى ما كنش ليها لازمة البودرة وكمان بيبى جوى جربته وجبت عبوة كبيرة وطلع علقة
وان شاء الله اول ما افتكر حاجة هاجى جرى اكتبها

برافو عليكى شاطرة والبيبى جوى استعمليه انشاءالله تحطيها ساعه وتغيرله
او فى البيت مثلا

كتبت بواسطة ام حمودي وأيوتي

حلو كتير موضوعك ام توتة
انا حسيت اني تدبست بكتير اواعي ما لبسوها ولساها جديدة
حسيت انو الافرهولات اللي رجلها مسكرة مو عملية خاصة انو بنتي ما شاء الله بتطول بسرعه فحسيت انو صغر عليها بالطول مشان هيك صرت اجيب من اللي بتكون رجلهم مفتوحة

وبالنسبة للكار سيت بتعرفي يا ملوكة هون قانون اميركا لازم البيبي ينحط فيه وكتير بحزن على ولادي لانو ما بكون شايفتهم ومرات بيصيرو يبكو بدهم يرضعو وبضطر اوقف بمكان مشان ارضعهم بس لما ارجع بلدي رح احس اني تدبست فيه هههههههههه
يمكن استعمله ازا كنت بسيارتي بس
بس مع جوزي ما الو لازمة

بوسيلي توتة

فعلا اول شهور الطفل بيكبر بسرعه بس تعرفى انا حسيت العكس انا مكنتش جايبه لتوتة لبس كفايه لانى اعتمدت ع السالوبيتات القطيفة وقولت الددنيا هتبقى شتا بس الجو كان حر وركنت الشتوى واشتريت تانى حاجات قطنية وفعلا نفعتها فترة طويلة
المشكلة فى اللبس انك انتى مش هتقدرى تقاومى رغبتك فى الشرا خصوصا للبنوتة كل مرة هتلاقى لبس مغرى فمتجيبيش كتير لانك لازم لازم لازم هتجيبى تانى
هى فعلا قواعد السلامة انك تربطيه فى الكرسى بتاعه
بس قواعد الاطفال حاجة تانية
انا بيتهيالى الكرسى بتاع الكبار ممكن يبقى عملى فعلا
لكن البيبيى اللى بيرضع صعب تسيبيه ورا لوحده


وكمان انا لازم ارضعها واحنا فى العربية عشان لما نوصل المكان اللى راييحينه متفضحناش هههههههه

موضوووووووووووووع جميل بجد و فعلا اللى اتبدست فيه هو ان معظم سلوبيتات هنا و هى بيبي كانت بينك و مايصة قووووووووووووووووووى و دلوقتى مش هتنفع اللى جاى لانه ولد ان شاء الله و بشتريله حاجات ولاد بقى.... اما بودرة جونسون فعلا مالهاش لاززززززززززمة و مستعملتهاش خالص المشاية بقى مش تدبيسة بس ملهاش لازمة لان هنا مقعدتش فيها اكتر من شهرين و لما زحفت كرهتها عشان كده اى حد هيجيب مشاية ميحيبهاش غاليه خاااااااااالص هاتو حاجة تقضي الغرض و خلاص................. مروة ازيك اخبارك اييييييييييييييييييييييه طمنيني عليكي؟؟؟

اهلا ملوكة

موضوع جميل ومفيد زى اغلب موضوعاتك............

انا اتدبست فى حاجات كتييييييييييييييير اوىىىىىى..........

1-جبت لبس كتييييييييييير اوى من عمر 0 الى 3 شهور وطبعا جسمهم كبر عليه وفيه منه كتير ما اتلبسش ............وكمان كله كان صيفى وانا ولدت فى شهر 10 يعنى شهرين والشتا دخل واللبس رغم انه كان لسه ممكن يلبسهم بس كان خفيف اوى واضطريت اجيب لبس تانى شتوى...........
2-اشتريت ايس كابس كل الالوان وبرضه ما اتلبسوش غير مرة او مرتين...........
3-اشتريت جهاز ميديلا الكهربى بتاع شفط الحليب ولم استفد منه اطلاقا و معرفتش ارضعهم طبيعى خالص........
4-اشتريت براهات رضاعة وطبعا ما استعملتهاش لانى اصلا ما رضعتش وكمان القطع القطن المدورة الصغيرة اللى بتحطيها فى البرا حتى لا يتسخ من اللبن برضه ما استعملتهاش...........
5-اشتريت اندرز من مذركير لفترة النفاس اللى هى بتتلبس مرة وتترمى وطلعت ضيقة عليا وما استعملتهاش..........
6-اشتريت مجموعة ببرونات افينت باحجام مختلفة وللاسف محبوش الحلمة بتاعتها ومعرفوش يرضعوا منها وسايباهم فى مصر بعلبتهم..........
7-اشتريت لهايات كتير اوى (تيتينات) كل الالوان وكمان التعليقات بتاعتهم كل الالوان وفى الاخر ما استعملتش غير 2 بس لان اسماعيل رفضها وماحبهاش ولمار ومصطفى كل واحد حب واحدة معينة ومغيرهاش
8-بودرة جونسون مالهاش لازمة فعلا............
9- 3 كوفرتات خفيفة وشيك للخروج وطبعا اصلا الخروج بيهم مع بعض مستحيل وبالتالى ما استعملتهمش
10-عربية التوينز اللى ورا بعض ........جوزى جابها نوع مش حلو وعجلها تقيل اوى فى الحركة ومش مريحة خالص لضهرهم واضطريت اجيب واحدة تانية اللى جنب بعض وطلعت الذ بكتير انهم يبقوا قاعدين جنب بعض............

ههههههههههههه بيتهيالى محدش ادبس قدى..............


اما كرسى السيارة فبالعكس انا استفدت منه جدا........طبعا هو اامن حاجة لما تخرجى بالبيبى,,,,,,,,,,,,,, وكمان جوزى ساعات بياخد حد من البيبيز معاه ويروح اى هايبر ماركت ويحط البيبى بالكرسى فى العربية بتاعة الماركت ويقعد يلف به ويشترى فى الحاجات.............وساعات بيرجع والبيبى نايم وطبعا دى بتبقى خدمة العمر...........

السلام عليكم
الموضوع جميل اوى اسمحولى اشارك معاكوا
اولا ادبست فيهاالسلوبيتات المقفوله من الرجل والى مقسها زيرو والله قطعت رجليهم علشان كنا فى المستشفى ومكنتش جايبه غيرهم بس البيجامات الزيرو عمليه جدا لانها بتقضى لغايه سن سنه
ثانيا كوفرتات الخروج لانى كنت ولده فى الشتا فكنت بلبس بطنيات
ثالثا البطاطين الى بتتقفل على البيبى بلزقة دى والله منا فاكره اسمها ايه
رابعا البودرة زى ما الكل قال واضيف الجل بتاع جنسون انا مستعملتش غير الشامبو والبلسم والبيبي اويل
خامسا اللبس الغالى والكتير جبت لبس كتير غالى وهما مقسهم بيتغير فحسيت انه حرام كمان الصنادل جبت صنادل غاليه اوى وبنتى اصلا لسه مش بتمشى
سادسا التتينه الغاليه بنتى محبتش غير واحده رخيصه ب2جنيه وسابت التتينه الشيكو
سابعا الكرى كوت ياااااااه تقيل ورخم دنا احسنلى اشيلها منغيرة
ثامنا الشيالة مستعملتهاش لانى بلبس اسدال وكمان جيباها لونها فاقع اوى فجوزى مش بيرضا يلبسها

ده الى فكراه دلوقتى وواضح من الى فات انى كنت عبيطه يلا مش مشكله منا اول مره اكون ام حعرف منين يعنى

ايوة يا محبة فكرتينى
الكرى كوت تقيل بس بينفع فى اول شهور والطفل صغنن وخصوصا فى الشتا وبيحمى كمان وانتى مسافرة من هز العربية
وكمان الشيالة جبتها وما لبستهاش الا مرتين واسيل بتتخنق منها موت عاوزة تبقى منطلقة وتتحرك براحتها
اهه يا ملوكة ما طلعتش شاطرة ولا حاجة
اه كمان جبت بيجامات شتوى على قدها بالظبط لحد ما فى اخر الشتا البيجامات قصرت بلوزاتها سنة وبقت بتترفع من عليها

وبالنسبى للبيبى جوى انا كدة كدة بغير لها على طول بس المشكلة عندى وهى نايمة بالذات البراز-سورى يا جماعة يعنى - هو اللى بيتسرب

راجعة لكم طيب !!

انا اغلب اليي اتدبست فيه جاني هدايا والحمد لله ..

كمان فيه نقطة مرة مهمة هو أنه كل أم واحتياجاتها وحياتها الخاصة .. يعني فيه اشياء أنا حللتها غيري اتدبس فيها !!..

زي مروة تستعمل البودرة وأنا من الناس اليي تورطوا فيها اصلاً ما تعمدت اشتريها اشتريتها على انه لوشن ولما وصلت البيت تفاجأت انه شكل العبوة زي اللوشن .

كرسي السيارة من أهم الأشياء اليي احرص عليها ..

الأوفرولز الكاملة من أضر الضروريات بالنسبة لي !!

فيه الشيالة اليي تعلقيها وتشيلي فها الطفل دي تدبست فيها زمااااااااااااان ايام اكبر اولادي ولا استخدمت الا كم مرة عشان اجبر خاطر نفسي بس .

انا الشياله والكارى كوت طلعت ناصحة ومرضتش اتدبس فيهم
ههههههههههه
فعلا بحس الكاررى كوت اتقل من البيبيى او عايز حد بيتحرك بعربية باستمرار
انما تمشى بيه فى الشارع كدة لاااااااااااااااااا
الشياله بيقولو قبل الست شهور غلط على رجل البيبى
وبعد الست شهور هو اللى مش هيرضى اصلا يستعملها

اكتر حاجة عمليه بجد ومفيدة وتعتبر استثمار جيد العربية " البوسيت"
توتة جتلها واحدة هدية بس حسيتها صغيرة وخفيفة واشتريتلها واحدة تانية وبقول برضه ياريتنى جبتها اكبر ونوع اغلى لانها بجد نافعانى سواء فى البيت او فى الخروج طبعا

سوسو ممكن تلبسيها اتنين فوق بعض بقى هههههههه
حمرة الورد الهدايا فعلا بيبقى فيها كتير تدبيس مش عارفة ليه مش يعملو زى الاجانب ويسالو الشخص انت محتاج ايه عندنا عادات غريبة كدة يعنى توتة مثلا جالها فستان تحففففففففففة عاجبنى جدا بس اللى جابتهولى استنصحت وجابته مقاس كبير يلبس طفل سنة ونص وساعتها هنكون فى الشتا وهيترمى من غير ما تلبسه لانه حمالات وصيفى

ميرو ربنا يعوض عليكى ههههههه انا كنت بعمل كدة بالكار سيت عشان احلل تمنه بس ههههه
كنت بخطة فى عربية المول واحط حواليها الحاجات علب الشاى والبسكوت مثلا تلعب بيها وبعدين لقيت الناس كلها بتتخض وتبص فى العربية تشوف الصوت طالع منين هههههه حسيت انا احنا عاملين زى الكاميرا الخفية ههههههه بقيت اخد البوسيت احسن
محبة فعلا البطاطين ام لزق دى رخمة اصلا اللزق بيقعد يفك كل شوية والحزام بيطلع لفوق مش بيثبت مكانه
دى من الحاجات اللى اتدبست فيها برضه وبعدين جبت لتوتة افرول من التقيل المبطن ده اشيك واسهل فى الحمل ومريح للبيبيى اكتر من البطاطين

ترو لاف انا برضه لبس توتة كله بجيبه بناتى ع الاخر ولو ربنا ادانى ولد بعدها هبقى اتدبست بس انا عموما بشترى بالمعقول صراحة يعنى كل مرة انزل بجيب حاجة واحدة بس لانى عارفة المرة اللى بعدها مش هقدر ولازم اجيب حاجة كمان ومش كله غالى فى حاجات كتير من ام دينار بتلبسها فى البيت فساتين الخروج بس هى اللى غاليه وماركات
بس اتدبست برضه فى كام حاجة يعنى الحاجات اللى بزراير من تحت او بلزق كلها فاشلة بتفك اللى بكباسين بس هى اللى حلوة