LinkBack URL
About LinkBacks
بسم الله الرحمن الرحيم
احمد ابنى قرب يكمل سنة لكن مشكلتى معاه من ساعة ولادته انه خواف جدا جدا
طبعا هتستغربو انى بقول من ساعة ولادته وهو خواف انا هقولكم ازاى
ماكانش يرضى ينام وحده غير اول شهرين بس وبعد كدة لازم انيمه على ايدى وفى حضى والا ما ينامش ومش انا الى عودته على كدة بس انا مالقتش حل غير كدة -كان ينام واول ما احطه على السرير 5 دقايق ويصحى وطبعا على صرخة عالية جدا-كنت متضايقة وبعد كدة قلت عادى اكيد كل الاطفال كدة والحمد لله بطلالحكاية دى وهو 5 شهور كدة
ودخلنا على حاجة تانى وهى كل ما اخرج بيه يخرب الدنيا وخصوصالما نركب عربية ولا لما يشوف اى حد غريب وكان مطفشنى بجد وخد شهور كدة لحد ما بقى 8 شهور وبطل الحكاية دى الحمد لله
وخاليا بيخاف من الشارع جدا مش بيرضى انى اسيبه خالص او انزله من حضنى ولما بحاول احطه فى العربية بتاعة الشارع بيخرب الدنيا ويحصله هلع وخوف رهيب -وحتى فى البيت لما يسمع اى صوت عالى شوية بسيطة يخاف جدا-ولما يشوف حد جديد مايرضاش خالص يخليه يشيله ابدا ويلزق فيا ويخاف جدا جدا ولو حبيت اخرج بيه يبقى لازم ان اشيله على ايدى طول الخروجة -حتى اختى اللى عايشة معانا وبيحبها وجوة البيت بتشيله وتلعب معاه وبيسكت معاها عادى- برة البيت يرفض انها تشيله خالص ولازم انا بس اللى اشيله ودى حاجة مضايقانى خالص لانى ضهرى تاعبنى جدا وبموت منه فى الشارع وانا شايلاه ومش عارفة اعمل ايه
هل الخوف دا طبيعى؟
انا بشوف اطفال كتير بس مش بيعملو كدة ومش بيخافو للدرجة دى؟
طيب لو مش طبيعى اعمل ايه؟
رد مع الاستدلال
كتبت بواسطة semba155
الروابط المفضلة